Morgunblaðið - 27.05.1999, Blaðsíða 33

MORGUNBLAÐIÐ
FIMMTUDAGUR 27. MAÍ 1999 33
LISTIR
Morgunblaðið/Árni Sæberg
GUNNAR Guðbjörnsson tekur lagið á æfingu í Háskólabíói. Ekki verður betur séð en hljómsveitarstjórinn,
Keri Lynn Wilson, taki undir.
FARFUGLINN
FESTIR RÆTUR
Eftir tíu ára hlé syngur Gunnar Guðbjörnsson nú öðru sinni með
---------------7------------------—---------------
Sinfóníuhljómsveit Islands á einum mánuði. Tónleikarnir verða í
Háskólabíói í kvöld undir stjórn Keri Lynn Wilson. Orri Páll
Ormarsson fór á fund tenórsöngvarans sem varpað hefur af sér
ham farfuglsins og gengið til liðs við Þýsku ríkisóperuna í Berlín,
þar sem sjálfur Daniel Barenboim ræður húsum.
TÓNLEIKARNIR leggj-
ast vel í mig. Ég verð með
óperuaríur fyiir hlé og
ítölsk lög eftir hlé og
hljómsveitin mun fylla upp í með
forleikjum og millispilum. Ég er
mjög ánægður með þessa efnis-
skrá, hún samanstendur af fallegu
og vinsælu efni. Raunar hef ég gert
meira af því að syngja efni sem fólk
kemur ekki alltaf upp með en það
er gaman að prófa þetta líka. Það á
vonandi engum eftir að leiðast á
þessum tónleikum," segir Gunnar
Guðbjörnsson þegar við höfum
komið okkur makindalega fyrir á
heimili tengdaforeldra hans í Hlíð-
unum. I þeim orðum bætist okkur
liðsauki, fimmtán mánaða gamall
sonur Gunnars og Ólafar Breið-
fjörð, Jökull Sindri, sem virkar
engu minna spenntur en pabbinn -
enda kominn með nýjan bíl í hend-
ur. Það er alltaf gott að koma heim
til íslands.
Gunnar syngur nú öðru sinni
með Sinfóníuhljómsveit fslands á
skömmum tíma - kom fram á minn-
ingartónleikum um Jón Leifs í
Hallgrímskirkju á dögunum - en
þar á undan hafði hann ekki lagt
henni lið í um áratug. „Það hefur
verið inni í myndinni í nokkur ár að
ég syngi á sinfóníutónleikum en
ekkert orðið úr fyrr en núna. Þetta
á eftir að verða skemmtilegt."
Það er skammt stórra högga á
milli hjá Gunnari en um síðustu
helgi þreytti hann frumraun sína
með Fflharmóníuhljómsveitinni í
Berlín, undir stjóm Daniels Baren-
boims. Segir hann það hafa verið
mikla upplifun. „Það var virkilega
gaman að taka þátt í þessum tón-
leikum. Þeir heppnuðust mjög vel
og okkur var vel fagnað. Það liggur
mikið í loftinu í Berlín en hljómsveit-
in er að fara að velja sér nýjan aðal-
stjómanda í næsta mánuði og er
Barenboim einn af þeim sem koma
til greina. Af viðtökum áhorfenda að
dæma ætti hann að eiga góða mögu-
leika, þótt fleiri séu um hituna, svo
sem Simon Rattle og Lauren Mazel.
Hljómsveitin velur stjómandann
sjálf í leynilegri kosningu.“
Kominn til Berh'nar
Gunnar stendur á tímamótum.
Er hættur í lausamennskunni, í
bili að minnsta kosti, og fluttur
með sitt hafurtask til Berlínar, þar
sem hann verður á mála hjá Þýsku
ríkisóperunni næstu þrjú árin - að
minnsta kosti. Listrænn stjórn-
andi þar á bær er einmitt fyrr-
nefndur Barenboim. „Vistaskiptin
leggjast vel í mig. Ég hef unnið í
húsinu áður og kann vel við mig
þar. Þá hefur samstarf okkar
Barenboims verið mjög gott. Ég er
líka orðinn svolítið þreyttur á
lausamennskunni. Það verður gott
að hvíla sig á þotulífmu, það er slít-
andi til lengdar. Síðan kem ég til
með að endurmeta stöðuna að
þremur áram liðnum. Kannski
langar mig til að gera eitthvað
annað þá. Svo hef ég auðvitað enga
tryggingu fyrir því að þeir vilji
mig áfram. Samningur Baren-
boims við Ríkisóperuna rennur út
um svipað leyti og minn og ef hann
fær Fílharmóníuna getur vel verið
að hann hætti þar.“
Gunnar bíður spenntur eftir
næsta starfsári. „Ég hlakka mikið
til vinnunnar sem er framundan.
Barenboim hefur verið mjög
ánægður með mig og fyrir vikið
valið mig í mörg spennandi verk-
efni, lykiluppfærslur. Fyrst syng
ég reyndar í Faust-sinfóníunni eft-
ir Liszt með Berlínarfílharmóní-
unni en fyrsta verkefnið í Ríkisóp-
eranni verður aðaltenórhlutverkið
í óperu eftir Busoni sem mér er
sagt að verði sjónvarpað um allt
Þýskaland. í janúar 2000 fer ég
með Barenboim til Chicago með
sömu efnisskrá og við fluttum í
Berlín um síðustu helgi. Strax á
eftir því fer ég í Tristan og Isold
eftir Wagner og svo kemur stóra
tækifærið í Ríkisóperunni, Don
Ottavio í Don Giovanni eftir Moz-
art, debúthlutverkið mitt hérna
heima fyrir tólf áram, þegar ég var
enn blautur á bak við eyrun. Það
verður stór sýning, valinn maður í
hverju rúmi. Framsýnd í byrjun
júní 2000.“
Raunar stóð alls ekki til að
Gunnar glímdi við Don Ottavio á
næsta leikári. „Það var búið að
velja annan söngvara í hlutverkið
en eftir að ég fór að syngja meira í
Ríkisóperanni ákvað Barenboim að
taka mig fram yfir hann. Taldi mig
betur í stakk búinn. Það er mjög
ánægjulegt að hann skuli sjá
ástæðu til að skarta mér.“
Gestur í Madríd
í júlí 2000 gerir Gunnar ráð fyr-
ir að fara í gestaferð með Ríkisóp-
eranni til Madríd en ferðir af því
tagi eru fastur liður í starfsemi
hússins. Býst hann við að bæði
Don Giovanni og Tristan og Isold
verði á fjölunum þar syðra og því
muni hann hafa ærinn starfa vik-
urnar tvær sem ferðin tekur. „Ef
að líkum lætur mun ég hafa lítinn
tíma til að skoða söfn í Madríd en
þó er hugsanlegt að ég sleppi við
Tristan og Isold, þar sem ég er í
svo stóra hlutverki í Don
Giovanni.“
Á þessu sést að Gunnar hefur í
mörg horn að líta. Hann gefur sér
þó tíma til að koma annað veifið
heim til Islands að syngja. „Ég
reyni að koma heim eins oft og ég
get - hef meira að segja komið
óvenju oft í vetur. Er að syngja á
öðram sinfóníutónleikunum og síð-
an söng ég með Mótettukór Hall-
grímskirkju um jólin og í Salnum
eftir áramót. Það er eiginlega dálít-
ið merkilegt að þetta skuli allt hafa
gengið upp en viðbúið er að ég
komist sjaldnar heim á næstu
misseram. Þó er ýmislegt hægt ef
vel er á málum haldið. Þannig kem
ég næst heim í ágúst til að syngja
með Mótettukórnum í h-moll-
messu Mozarts. Að vísu ætlaði ég
að taka mér sumarfrí á þessum
tíma en þar sem þetta hefur staðið
lengi til svík ég ekki Hörð [Áskels-
son kórstjóra]. Hann er einn af
þessum mönnum sem alltaf hafa
leitað til mín, treyst mér fyrir
verkefnum. Það kann ég að meta.
Sömu sögu má segja um Jónas
Ingimundarson. Með þessum
mönnum er ég alltaf tilbúinn að
vinna!“
Gunnar vonast einnig til að geta
unnið meira með Sinfóníuhljóm-
sveit Islands í nánustu framtíð.
Hún sé stórgóð. „Þannig gæti ég
talað um marga fleiri hér heima en
maður verður að takmarka sig. Ég
get ekki endalaust bætt á mig, það
væri ekki sanngjarnt, hvorki gagn-
vart mér sjálfum né öðrum. Þess
vegna reikna ég með að velja
meira og hafna í framtíðinni, taka
spennandi verkefni, sleppa hin-
um.“
Ópera á fslandi?
Og hvað skyldi freista hans mest
núna?
„Minn stóri draumur er að taka
þátt í óperauppfærslu hér heima
aftur, annaðhvort í íslensku óper-
unni eða Þjóðleikhúsinu. Það hef
ég ekki gert í fimm eða sex ár. Það
verður hins vegar að vera vel
skipulagt og þess virði að takast á
við. Ég væri jafnvel tilbúinn að
fara ótroðnar slóðir í þessu efni,
enda sannfærður um að hér sé
hægt að setja upp ótrúlegustu hluti
ef listrænn metnaður er fyrir
hendi.“
Og ekki skortir mannafla. „Það
ér liðin tíð að bara Kristján Jó-
hannsson og Kristinn Sigmunds-
son séu að gera það gott í erlend-
um óperahúsum. Islendingar eiga
orðið hóp söngvara, fimmtán til
tuttugu manns, sem er á alþjóða-
mælikvarða í listinni. Það er sama
hvar maður kemur, alls staðar
þekkja forsvarsmenn húsa til ís-
lenskra söngvara og bera þeim
undantekningarlaust vel söguna,
segja þá hæfileikaríka og þægilega
í samvinnu. Það er engin tilviljun
að maður skuli reglulega vera að
syngja í sömu húsum og aðrir ís-
lenskir söngvarar ef ekki á sviðinu
í sömu sýningunni. Handbolta- og
fótboltamennirnú- mega fara að
vara sig!“
Knattspyrnufélag Reykjavíkur
óskar eftir 2-3 herbergja íbúð til
leigu í Reykjavík eða Kópavogi.
Góðri umgengni heitið.
Lysthafendur hafi samband í síma
511 5516 milli kl. 9 og 17
boutique
Opnum í dag
LAUGAVEGI 24, SÍMI 562 4235
Viðskiptavinir dagsins
fá gula rós í kaupbæti og
börnin fá blöðrur
Glasilega verslun að Laugavegi 24.
Munið okkar þekktu vörumerki
N A T U R A L
IlOl
RUSH
JOE BOXER
PANOS