Morgunblaðið - 27.05.1999, Blaðsíða 14

14 FIMMTUDAGUR 27. MAÍ 1999
MORGUNBLAÐIÐ
AKUREYRI
Skólameistari VMA gerði húsnæðismál að umræðuefni í síðustu skólaslitaræðu sinni
Morgunblaðið/Páll A. Pálsson
ÚTSKRIFTARNEMAR frá Verkmenntaskólanum á Akureyri með Bernharð Haraldssyni skólameistara.
Krafa samfélagsins
Umræða um nemendafjölda var
fyrirferðarmikil í upphafí, að sögn
Bernharðs og rætt um hvort stöðva
hafi átt inntöku nemenda við ein-
hverja ákveðna tölu, t.d. 750, eða
reyna að veita öllum nemendum
skólavist. „Æ fleiri nemendur sótt-
ust eftir framhaldsnámi að loknu
námi í grunnskóla. Sú þjóðfélagslega
breyting, sem og sú ákvörðun okkar
að veita öllum viðtöku, leiddu til þess
að dagskólanemendur urðu áður en
langt um leið yfír 900 og hafa síðustu
árin verið vel á ellefta hundraðið.
Eg er þess fullviss að þarna kom
skólinn til móts við kröfu samfélags-
ins og það er auðvitað eitt af hlut-
verkum hans, en jafnframt leiddi það
til langs vinnudags bæði nemenda og
alls starfsfólks, því dagskólakennsla
stóð yfírleitt til kl. 6 síðdegis og
stundum lengur.“
Enginn framhaldsskóli ver-
ið svona lengi í byggingu
BERNHARÐ Haraldsson, skóla-
meistari Verkmenntaskólans á
Akureyri, leit um öxl í ræðu sinni við
skólaslit í Iþróttahöllinni sl. laugar-
dag. Bernharð er nú að láta af starfi
skólameistara VMA en hann hefur
starfað við skólann frá upphafi. Að
þessu sinni voru 116 nemendur
brautskráðir frá VMA, 87 stúdentar,
8 vélstjórar, 16 iðnnemar, 2 matar-
tæknar og 3 starfsdeildarnemar.
Priðjudaginn 1. júní nk. eru liðin
15 ár frá því að Verkmenntaskólinn á
Akureyri var formlega stofnaður en
hann var settur í fyrsta skipti haustið
1984. Bemharð kom inn á húsnæðis-
mál í ræðu sinni og sagði að bygg-
ingatími skólans væri orðinn langur,
eða allt frá árinu 1981 og að enn væri
allmikið óbyggt. Hann sagði að með
sömu fjárveitingum lyki byggingu
ekki fyrr en komið væri inn í nýja öld
og sé það nær 20 árum lengri tími en
áætlað var í fyrstu.
Skólinn var í upphafi með aðsetur
víða í bænum og aðstaðan vægast
sagt erfið. „Mönnum var mjög í mun
að sanna tilverurétt sinn og það
tókst með samstilltu átaki sem var til
mikils sóma. Eg þekki ekki til í nein-
um íslenskum framhaldsskóla þar
sem önnur eins hlaup, hvernig sem
viðrapi, áttu sér stað eins og hjá okk-
ur. Ég þekki heldur engan fram-
haldsskóla sem hefur verið svona
lengi í byggingu.“
BERNHARÐ Haraldsson lætur nú af starfi skólameistara VMA og við
skólaslit á laugardag var honum og konu hans, Ragnheiði Hansdóttur,
færð gjöf frá skóianefnd.
Öilum veitt skólavist
Bernharð sagðist oft hafa velt því
fyrir sér hvort skólinn ætti ekki að
vera fámennari, m.a. til að betri yfir-
sýn fengist og auðveldara yrði að
kynnast hverjum nemanda betur.
„Eg sit þó fastur, því ég var frá upp-
hafi talsmaður þess að veita þeim
sem til okkar sóttu skólavist. Það má
halda langar tölur um heppilega
stærð skóla og gefa sér margs konar
forsendur. Skoðun mín er einföld:
skólar eiga helst ekki að vera fjöl-
mennari en 7-800 nemendur og í
hverjum einstaklingi búa hæfileikar.
Ef við virkjum þá ekki þegar til okk-
ar er leitað, kunnum við að missa af
þeim, þjóðfélaginu og þó öllu fremur
viðkomandi einstaklingi til tjóns. Því
áttum við aðeins einn kost: að veita
öllum sem til okkar leituðu einhverja
lausn.“
Umsóknir um nám í dagskóla á
þessu skólaári voru 1.146 en af þeim
skiluðu 1.056 sér til náms á Akureyri
og Dalvík. Tæplega 100 nemendur
sóttu nám í öldungadeild á haustönn
og 270 í fjarkennslu.
Vorferð aldraðra farin
frá Akureyrarkirkju
VORFERÐ aldraðra verður farin
frá Akureyrarkirkju í dag,
fimmtudaginn 27. maí, og verður
lagt af stað kl. 15.
Farið verður út í Sveinbjamar-
gerði og þar verður lokahóf. Séra
Pétur Þórarinsson, sóknarprestur
í Laufási, talar og Hannes Arason
sér um tónlist. Að venju verður
bænastund. Starfið íyrir aldraða
hefur verið ánægjulegt í vetur og
ætíð fullt hús á samverustundum.
Ráðstefna um lausnamiðað
breytingastarf í
Menntaskólanum á Akureyri
(Hólum) 13. -14. ágúst 1999
Um er að ræða þriðju norrænu ráðstefnuna um lausnamiðað
breytingastarf. Efni hennar á erindi við alla, sem vinna með
vandamál og lausnir á þeim, I meðferð, félagsþjónustu,
heilsugæslu og ráðgjöf í atvinnulífinu. Ráðstefnan er haldin af
Háskólanum á Akureyri í samvinnu við fræðslunefnd Sál-
fræðingafélags íslands og fræðslustofnanir á hinum Norðurlönd-
unum.
Ráðstefnugjald er 12.000 kr. fram til 7. júní, en hækkar þá
upp í 16.000 kr. Skráningu Iýkur 25. júní.
Nánari upplýsingar gefa Áskell Örn Kárason, sími 552 1713 eða
897 8055, og Arna Ýrr Sigurðardóttir, sími 463 0560 eða 891 7985
Skráning: Ferðaskrifstofan Nonni, sími 461 1841, fax 461 1843,
netfang nonnitra@est.is
Sáttatillaga rædd í
bæjarráði í dag
Morgunblaðið/Kristján
SIGRÍÐUR Stefánsdóttir sviðsstjóri tekur við uppsögnum tónlistar-
skólakennara á skrifstofu bæjarstjóra í gær.
FJÓRTÁN kennarar við Tónlistar-
skólann á Akureyri sögðu í gær upp
störfum vegna óánægju með launa-
kjör sín. Leggja á sáttatillögu kjara-
nefndar fyrir bæjarráð í dag, en
kennarar höfðu áður hafnað tilboði
nefndarinnar um kjarabætur. Áður
hafa á bilinu 10 til 15 kennarar sagt
upp störfum.
Ivar Aðalsteinsson talsmaður tón-
listarskólakennara sagði að krafa
þeirra væri sú að fá greidda 10 yfir-
vinnutíma á mánuði. „Við höfðum
heyrt af því að ekki ætti að koma til
móts við þessar kröfur okkar,“ sagði
ívar og að það væri ástæða uppsagn-
anna nú. Hann sagði um réttlætis-
mál að ræða, tónlistarskólakennarar
hefðu að meðaltali lægri laun en
grunnskólakennarar bæjarins en
hefðu þó flestir að baki meiri mennt-
un.
Sigríður Stefánsdóttir sviðsstjóri
hjá Akureyrarbæ tók við uppsögnum
kennara í fjarveru Kristjáns Þórs
Júlíussonar bæjarstjóra. Hún sagði
að fjallað yrði um málefni tónlistar-
skólakennara á fundi bæjarráðs en
hann er í dag, fimmtudag. Sigríður
sagði að sér væri kunnugt um að viljí
væri til að leggja fram tillögur sem
gætu orðið til að leysa málið og von-
aði hún að svo færi, enda væri það
öllum fyrir bestu.
Þórarinn B. Jónsson formaður
kjaranefndar Akureyrarbæjar
kvaðst verulega hissa á því að tón-
listarskólakennararnir skyldu velja
gærdaginn til að segja upp störfum
sínum, því þeim hafi verið fullkunn-
ugt um að leggja ætti fram sáttatil-
lögu í bæjarráði í dag. í þeim felist
að aukið fé sé lagt í skólastarfið.
„Þetta er í raun argasti dónaskapur,
að rjúka til og segja upp áður en bú-
ið er að leggja sáttatillöguna fram,“
sagði formaður kjaranefndar. Hann
sagði viðræður hafa staðið yfir við
talsmenn kennara síðustu daga og að
sínu mati hefði kröfum þeirri verið
mætt með skilningi.
Þá sagði hann að Atli Guðlaugsson
fráfarandi skólastjóri hefði í skóla-
slitaræðu um helgina farið með
rangfærslur um ýmislegt það er
varðar samskipti við Akureyrarbæ.
Flutningur tónlistai-kennslu út í
grunnskólana tæki tíma, öllum væri
kunnugt um húsnæðisleysi í grunn-
skólum og víðast væri verið að
byggja við. „Það er ekki hægt að
gera allt í einu. Mér finnst fráfarandi
skólastjóri einungis kasta rýrð á
starfsemi skólans og þessi framkoma
er honum til lítils sóma efth- annars
ágætt starf hans við skólann," sagði
Þórarinn.
JOHAN
RÖNNING HF
SUNDABORG 15
104 REYKJAVÍK
SÍMI: 5 200 800
FAX: 5 200 888
Vöru- og þjónustusýning
í íþróttahöllinni á
Akureyri 28.-29. maí