Morgunblaðið - 07.07.1999, Blaðsíða 1

150. TBL. 87. ÁRG.
MIÐVIKUDAGUR 7. JÚLÍ 1999 PRENTSMIÐJA MORGUNBLAÐSINS
Mikil flóðíKína
240 farast
og mikið
eig’naljón
Peking. AFP.
240 manns hafa farist og hartnær
hálf milljón heimila hefur eyðilagst í
miklum flóðum í Yangtze-fljóti síð-
ustu vikur, að sögn kínversku
fréttastofunnar Xinhua í gær.
Flóðin hófust seint í júní og hafa
raskað lífi 60 milljóna Kínverja, að
því er fréttastofan hafði eftir kín-
verskum embættismönnum. Þeir
sögðu að flóðin hefðu valdið
skemmdum á um 3,5 milljónum
hektara lands og „algjörlega eyði-
lagt“ uppskeru á 660.000 hekturum.
Vatnsflaumurinn hefði hrifið með
sér 480.000 heimili og 1,67 milljónir
til viðbótar hefðu orðið fyiir miklum
skemmdum.
Um 1,84 milljónir manna hafa
verið fluttar af flóðasvæðunum og
björgunarsveitir hafa dreift 5.000
tjöldum meðal þeirra sem misstu
heimili sín. Efnahagslega tjónið af
völdum flóðanna er talið nema and-
virði 250 milljarða króna.
Flóðin hafa verið skæðust í hér-
uðunum Anhui, Zhejiang, Hubei og
Jiangxi. Xinhua hafði eftir tals-
mönnum stjórnarinnar að hún
myndi „fylgjast grannt með ástand-
inu til að tryggja félagslegan stöð-
ugleika". Fréttastofan varaði við því
að búast mætti við enn meira tjóni á
næstu vikum þar sem árlega flóða-
tímabilið í Kína væri rétt nýhafið.
Reuters
RÚSSNESKIR sérsveitarmenn standa vörð við komu Ejushin-her-
flutningavélar til Pristina í gær, með hermenn og hergögn um borð.
Sáttatónn í Trimble
DAVID Trimble, leiðtogi
stærsta fiokks sambands-
sinna á Norður-írlandi
(UUP), hét breska forsæt-
isráðherranum, Tony
Blair, því í gær að hann
myndi ekki án ítarlegrar
umhugsunar haíha tillög-
um sem bresk og írsk
stjómvöld lögðu fyrir á
föstudag um hvemig staðið
skuli að myndun heima-
stjómai- á N-írlandi og afvopnun
öfgahópa. Trimble varaði þó við því
að Blair færi fram á býsna mikið af
þeim sem hefðu mátt þola margt af
hendi Irska lýðveldishersins (IRA)
undanfarin þrjátíu ár.
í grein sem Trimble ritaði í
síðdegisblaðið The
Belfast Telegraph sagði
hann að sambandssinnar
hefðu verið bæði sam-
vinnuþýðir og þolinmóðir
og að Blair yrði að gera
sér Ijóst að þolinmæði
þeirra væri ekki óþrjót-
andi. Þótti samt sem áður
vera sáttatónn í grein
Trimbles og vakti hún
vonir um að ekki væri úti-
lokað að Blair tækist að sann-
færa sambandssinna um að
leggja blessun sína yfir áætlun
Blairs og Berties Aherns, forsæt-
isráðherra írlands.
■ Ahern lítt hrifinn/21
David
Trimble
Rússneskir hermenn fluttir til Kosovo
Segja hlutverk
sitt að gæta
öryggis allra
Pristina. Reuters, AP.
RÚSSAR sendu hermenn til friðar-
gæslu í Kosovo í gær eftir að deila
þeirra við NATO um hlutverk rúss-
neska herliðsins hafði verið leyst í
samningaviðræðum í Moskvu. Her-
mennirnir voru fluttir með nokkrum
herflutningaflugvélum til flugvallar-
ins í Pristina, höfuðstað Kosovo.
Yfirmaður rússneska friðargæslu-
liðsins, Anatolí Vojtsjkov, sagði við
komuna til Pristina að áhyggjur
Kosovo-Albana af því að rússnesku
hermennimir myndu draga taum
Serba í héraðinu væru ástæðulausar.
„Helsta verkefni okkar er að tryggja
öryggi allra, hvert sem þjóðerni
þeirra er,“ sagði hann.
í ráði er að 3.600 rússneskir her-
menn taki þátt í friðargæslunni en'
deilan varð til þess að liðsflutning-
arnir töfðust.
Áður höfðu Rússar komið NATO í
opna skjöldu með því að senda nokk-
ur hundruð hermanna, sem störfuðu
við friðargæslu í Bosníu, til flugvall-
arins í Pristina nokkrum klukku-
stundum áður en herlið NATO fór
inn í héraðið 12. júní. Yfir 29.000 her-
menn frá NATO-ríkjum eru komnir
til Kosovo, en áformað er að samtals
verði um 55.000 friðargæsluliðar í
héraðinu.
Ekki var greint frá því hvernig
deilan um hlutverk rússneska her-
liðsins var leyst og aðeins sagt að
friðargæslulið NATO gæti nú notað
flugvöllinn í Pristina og ekkert væri
því til fyrirstöðu að liðsflutningar
Rússa hæfust. Deilan benti til þess
að enn eimdi eftir af spennunni í
samskiptum Rússlands og Vestur-
landa vegna óánægju Rússa með
loftárásir NATO á Júgóslavíu.
Serbneskir stjórnarand-
stæðingar Iáta í sér heyra
Á sama tíma og rússnesku her-
mennimir komu sér fyrir í Pristina
komu mörg þúsund stjómarandstæð-
ingar saman á útifundi í bænum
Uzice til að krefjast afsagnar
Slobodans Milosevics forseta. Aðal-
ræðumaður var Zoran Djindjic, leið-
togi Lýðræðisflokksins, en hann er
nýkominn úr sex vikna útlegð frá
Serbíu. Sagði hann allsherjarverkfall
og látlaus mótmæli munu megna að
bola Milosevic frá völdum.

" wfl
Þ >j!j
fcWWBÍfe-.r.-..
Reuters
Hillary
Clinton lík-
lega fram
Albany í New York-ríki. AP.
LIKUR jukust á því í gær, að íbúar
New York-ríkis í Bandaríkjunum
megi vænta spennandi kosningabar-
áttu fyrir kosningar til öldungadeild-
ar Bandaríkjaþings sem fram fara
seint á næsta ári, með því að Hillary
Rodham Clinton forsetafrú sldlaði
inn gögnum til kjörstjómarinnar
sem gera henni lagalega kleift að
hefja fjáröflun fyrir framboð í kosn-
ingunum.
Verði af framboði hennar yrði það
í fyrsta sinn í sögu Bandaríkjanna
sem eiginkona forseta stigi með
þeim hætti skrefið til fulls til virkrai'
þátttöku í stjómmálum.
■ Stofnar nefnd/29
Hörð keppni
í Tour
de France
ÞRIÐJI áfangi Tour de France-
hjólreiðakeppninnar heimsku-
nnu fór fram í gær. Hér spyrna
allir þátttakendurnir 178 í fetla
keppnishjóla sinna á leiðinni frá
Nantes til Laval í vesturhluta
Frakklands. Belginn Tom Steels
reyndist hlutskarpastur í þess-
um áfanga, en fremstur í heild-
arkeppninni er Eistinn Jaan
Kirsipuu.
Bosníu-serbneskur stj ornmálamaður tekinn höndum vegna stríðsglæpaákæru
SFOR boðar fleiri handtökur
Sarajevo. Reuters.
BRESKIR friðargæsluliðai' úr sveitum SFOR í
Bosníu-Herzegovínu hnepptu í gær Radoslav
Brdjanin, fyrrverandi aðstoðarforsætisráðherra
bosníu-serbneska lýðveldisins, í varðhald og mun
hann senn verða færður fyrir Stríðsglæpadómstól
Sameinuðu þjóðanna í Haag þar sem hann sætir
ákæru.
George Robertson, varnarmálaráðherra Bret-
lands, sagði í gær að Brdjanin, sem var stuðn-
ingsmaður Radovans Karadzics, leiðtoga Bosníu-
Serba í Bosníu-stríðinu, væri einn þeirra sem
taldir eru hafa stjórnað fangabúðum Serba nærri
Radislav
Brdjanin
bænum Prijedor í norðvestur-
hluta Bosníu-Herzegovínu.
Handtaka Brdjanins var óvænt,
þar eð nafni hans hafði verið
haldið leyndu þar til nú. Stríðs-
glæpadómstóllinn hefur gefið út
lista er greinir frá nöfnum þeirra
er ákærðir hafa verið en embætt-
ismenn dómstólsins segja að kos-
ið hafi verið að leyna nokkmm
nöfnum til að koma í veg fyrir að
þeir einstaklingai' hlypu í felur.
Javier Solana, framkvæmdastjóri NATO, sagði
í gær að handtakan hefði farið fram í samræmi
við umboð SFOR og lýsti því yfir að fleiri menn í
Bosníu, sem ákærðir hefðu verið íyrir stríðs-
glæpi, kynnu að verða teknir höndum. Radovan
Karadzic og Ratko Mladic, herforingi Bosníu-
Serba, hafa báðir verið ákærðir fyrir stríðsglæpi
en fara enn huldu höfði.
Stjórnmálaleiðtogar úr röðum Bosníu-Serba
hafa brugðist ókvæða við handtöku Brdjanins og
sögðu hana „villimannlega" og líkjast mest
„mannaveiðum“.