Morgunblaðið - 07.07.1999, Blaðsíða 15

MORGUNBLAÐIÐ
MIÐVIKUDAGUR 7. JÚLÍ 1999 15
AKUREYRI
jvLiAKA leitsaotnr og ísiensRi nunaurinn smaii leggja sig oii tram
við steinasöluna og láta góða veðrið ekkert trufla sig.
ISINN er góður þegar sólin skín. Það
fannst Haraldi Inga Hrannarssyni.
KRISTJÁN Loftur Helgason klappar kanínunni Stjörnu sem
lygnir aftur augunum og dreymir kam'nudrauma.
Samningur um veitingasölu
Veisluþjónust-
an leitar álits
lögfræðings
SIGURÐUR Líndal Arnfinnsson hjá
Veisluþjónustunni hefur leitað til
lögfræðings og bíður álits hans á
samningi þeim sem sóknárnefnd
Akureyrarkirkju hefur gert við
Bautann um yeitingaþjónustu í safn-
aðarheimili Akureyrarkirkju og tók
gildi um nýliðin mánaðamót. Þá er
fyrirhugað að safna undirskriftum
meðal þeiiTa sem standa fyrir veit-
ingaþjónustu í bænum og mótmæla
gjörningnum.
Sigurður og fleiri veitingamenn
eru ósáttir við það að samið var við
ákveðið veitingahús án þess að þeim
væri gefinn kostur á að bjóða í verk-
efnið. Markmið sóknarnefndar með
breytingum á fyrirkomulagi veit-
ingaþjónustu í safnaðarheimilinu er
að skera niður kostnað en nú þarf
sóknarnefnd ekki að hafa starfsfólk
á sínum vegum til að annast t.d. erfi-
drykkjur eða veislur sem haldnar
eru í salnum.
Fyrirtæki Sigurðar heíúr annast
um 70-80% allra erfidrykkja sem
fram fara í safnaðarheimilinu og hef-
ur hann lýst yfir óánægju sinni með
að hafa ekki fengið tækifæri til að
bjóða í verkefnið þegar ákveðið var
að breyta fyrirkomulaginu. „Eg veit
að þremur fulltrúum úr sóknamefnd
var falið að ræða við fyrirtæki á þessu
sviði um málið en það var aldrei talað
við nema fulltrúa eins, þ.e. Bautans.
Hæpið að kostnaður lækki
Þá segir Sigurður það hæpið að
með þessu sé verið að skera niður
kostnað. Fyrir 200 manna erfi-
drykkju hafi sóknin áður fengið um
74 þúsund krónur, þ.e. innheimtar
voru 370 krónur fyrh- manninn, en
eftir að breytingar voru gerðar fái
sóknin nú 15 þúsund krónur fyrir
leigu á sal og veitingaaðstöðu. Eftir
sem áður þurfi sóknin að hafa starfs-
fólk á sínum snærum til að sjá um
þrif á salnum.
„Þetta eru ákaflega undirleg
vinnubrögð og við munum ekki láta
staðar numið heldur knýja á um að
sanngjamar breytingar verði gerð-
ar. Þetta er reyndar ekki í fyrsta
skipti sem ég verð var við skrýtin
vinnubrögð þarna. Síðasta haust
vora upplýsingar um verð á minni
þjónustu strokuð út af auglýsingu
frá mínu fyrirtæki og mér tjáð að
það hefði verið gert af því að Bautinn
vildi ekki hafa verð í þessum auglýs-
ingum,“ sagði Sigurður.
Krakkar,
kanínur,
sól og ís
HRÍSEY er sumarleyfisparadís í
augum margra. Yíst er að á
sumrin flykkjast brottfluttir
Hríseyingar út í ey til að eyða
sumrinu á fornum slóðum.
Krakkarnir í Hrísey njóta þess
frelsis sem lítið þorpssamfélag
hefur upp á að bjóða.
Á leikskólanum Smábæ var
Hersteinn Bjarki Heimisson,
tveggja ára, að leika sér við ról-
urnar. Hann var fremur feiminn
og vildi helst að blaðamaður og
ljósmyndari héldu sig í öruggri
fjarlægð.
Haraldur Ingi Hrannarsson
var að sleikja ísinn sinn úti á
tröppum heima hjá afa sínum.
Haraldur er eitt af sumarbörnum
Hríseyjar, þegar sumarið kemur
á kreik er Haraldur mættur út í
ey til sumardvalar og að sögn afa
hans þá fínnst Haraldi gaman að
geta hjólað út um allt óhræddur
og laus við bflaumferð.
Krakkarnir í Hrísey fara
snemma að gera út á ferðamenn.
Við eitt húsið gaf á að líta skilti
sem sagði steinasala. Þar réði
ríkjum Klara Teitsdóttir. Hún
sagði að steinarnir seldust ágæt-
lega og sagði að systkini hennar
væru meðeigendur í fyrirtækinu.
Á steinana var búið að teikna
andlit og á suma þeirra var skrif-
Morgunblaðið/Ásdís
HERSTEINN Bjarki Heimisson virðir ljósmyndarann fyrir sér úr
öruggri fjarla-gð.
að Hrísey og voru þeir vafalaust
ætlaðir sem minjagripir eftir
stutta dvöl í eynni á Eyjafírðin-
um.
Við eitt húsið var dýralífíð
fjölbreyttara en oft gengur og
gerist. Þar mátti sjá kríuunga í
fóstri, kaninur, hænur og endur.
Kristján Loftur Helgason sýndi
ljósmyndara Morgunblaðsins
eina kanínuna sem heitir
Stjarna.
Pollamót Þórs og Flugfélags Islands
Helga hljóp
í skarðið
POLLAMÓT Þórs og Flugfélags
Islands fór fram á félagssvæði
Þórs við Skarðshh'ð um helgina
og hafa aldrei jafn mörg lið tek-
ið þátt í ellefu ára sögu þessa
móts, eða 65. Á mótinu um helg-
ina hljóp Helga Eiríksdóttir í
skarðið þegar fátt var orðið um
varamenn í liði Víðis í Garði, en
þetta er í annað sinn sem kona
kemur inn á Pollamóti. Áður
hefur Þórunn Sigurðardóttir
tekið sér stöðu í marki eins liðs-
ins. Helga er ekki ókunnug
íþróttinni, hefur lengi leikið
knattspyrnu og lét sitt ekki eftir
liggja þegar meiðsl fóru að hrjá
hennar menn. Hún sýndi fína
takta á vellinum og hafði gaman
af, en á myndinni má sjá hana
og mann hennar, Björgvin
Björgvinsson.
Léltur og nicðfærilcgiir
incð innbygg’ðuni prcntara
Les allar tegundir greiöslukorta
sem notuö eru á Islandi
Er með lesara fyrir
Hlíðasmára 10
Kópavogi
Sími 544 5060
Fax 544 5061
snjallkort og segulrandarkort
Hraðvirkur hljóðlátur prentari