Morgunblaðið - 07.07.1999, Blaðsíða 12
12 MIÐVIKUDAGUR 7. JÚLÍ 1999
MORGUNBLAÐIÐ
FRÉTTIR
Forstjóri Landssímans á fundi hjá ungum framsóknarmönnum
Eðlilegft að
verð á farsíma-
þjónustu lækki
Morgunblaðið/Jóra
FJÖLMENNI var á fundi hjá ungum framsóknarmönnum. Þórólfur
Árnason (í ræðustól) gagnrýndi Þórarin V. Þórarinsson (lengst t.h) fyrir
það hvernig Landssíminn hefði staðið að samkeppni í farsímaþjónustu.
Rúna og
Snerpa í
landsliðið
RUNA Einarsdóttir tryggði stöðu
sína í baráttunni um sæti í íslenska
landsliðinu sem keppir á heims-
meistaramótinu í sumar á þýska
meistaramótinu sem haldið var um
helgina. Að sögn Sigurðar Sæ-
mundssonar landsliðseinvalds sem
fylgdist með mótinu var Rúna efst
á Snerpu frá Dalsmynni í töltinu
eftir forkeppni en missti undan
skeifu á yfírferðinni. Að sögn Sig-
urðar var hún efst bæði í hæga-
töltinu og eins hraðabreytingum
og telur hann að sigurinn hefði
getað Ient á hvorn veginn sem var.
Eftir að hafa misst skeifuna hætti
Rúna keppni og hafnaði því í 6.
sæti en Jolly Schrenk á Ofeigi
sigraði.
Að loknu mótinu var þýska
landsliðið endanlega valið og er
það skipað eftirtöldum knöpum og
hestum: Tölt og fjórgangur, Irene
Reber á Kappa frá Alftagerði,
Jolly Schrenk og Ófeigur, Walter
Feldmann og Bjarki frá Aldeng-
hoor. I fimmgangi, Tanja Gund-
lach og Geysir frá Hvolsvelli, Kar-
ly Zingsheim með annaðhvort
Feyki frá Rinkscheid eða Fána frá
Hafsteinsstöðum og Jens
Fuchtenschnieder með Reyk frá
Kringlu en hann varð Þýskalands-
meistari í fimmgangi eftir að hafa
lent í B- úrslitum og unnið sig upp
í A-úrslit þar sem hann vann
einnig.
„ÞAÐ er ekkert dularfullt við það að
Landssíminn er ekki að og mun ekki
lækka verð á almennri talsímaþjón-
ustu, verð sem í dag er 1,57 kr. á
mínútu. Ástæðan er sú að það ber
öllum sérfræðingum á þessu sviði
saman um að verð á farsímaþjón-
ustu, sem í dag er 12-20 kr. hver
mínúta, mun lækka og verða svipað,
jafnvel lægra, en verð í fastlínukerf-
unum,“ sagði Þórarinn V. Þórarins-
son, forstjóri Landssímans hf., á
fundi sem ungir framsóknarmenn
efndu til í gær um samkeppni á fjar-
skiptamarkaði.
Þórarinn sagði að ástæðan fyrir
verðlækkun á farsímaþjónustu væri
sú að notkun á þjónustunni væri
mjög mikil og nýtingin afar góð.
Farsímavæðingin hefði gengið miklu
hraðar fyrir sig en nokkurn hefði
órað fyrir. Á sínum tíma hefðu marg-
ir fjárfestar skoðað þann möguleika
að hefja rekstur farsímakerfis hér á
landi. Allir nema Tal hf. hefðu horfið
frá því vegna þess að menn hefðu
ekki talið það arðbært. Þetta hefði
falið í sér mikið vanmat á þróuninni.
Skráðir farsímanotendur hjá Lands-
símanum væru um 100 þúsund í dag.
I síðasta mánuði einum hefðu um
fimm þúsund nýir farsímaeigendur
bæst við.
Þórólfur Árnason, forstjóri Tals
hf., sagði að rúmlega 20 þúsund far-
símaeigendur nýttu sér þjónustu
Tals. Markaðsstarf fyrirtækisins
hefði gengið vel og betur en reiknað
hefði verið með í rekstraráætlunum.
Farsímakerfi Tals næði nú til 80%
landsins en í rekstrarleyfi hefði þess
verið krafist að slíkri útbreiðslu yrði
náð í síðasta lagi árið 2002.
Tal krefur samgöngu-
ráðherra um svör
Þórólfur gagnrýndi Landssímann
harðlega fyrir verðlagningu á far-
símaþjónustu. Þessi þjónusta hefði
ekki farið að lækka fyrr en Tal hóf
starfsemi og síðan hefði verðið lækk-
að um 20-75%. Það væri ekki tilvilj-
un að Landssíminn kysi að lækka
eingöngu verð á farsímaþjónustu en
héldi óbreyttu verði á allri annarri
þjónustu. Veruleg aukning hefði orð-
ið í annarri starfsemi Landssímans
og þar ætti einnig að vera svigrúm
til verðlækkana. Hann sagði brýnt
að efla Samkeppnisstofnun og Póst-
og fjarskiptastofnun til að tryggja
eðlilega samkeppni á fjarskipta-
markaði.
Skýrsla Samkeppnisstofnunar um
samkeppni á fjarskiptamarkaði kom
til umræðu á fundinum.
„Samgönguráðherra viðhafði mjög
óljós ummæli á Alþingi um hvort
hann ætlaði yfirleitt að fara að til-
mælum samkeppnisráðs. Af því til-
efni sendi Tal bréf í síðustu viku til
samgönguráðherra þar sem krafist
er skýrra svara um eftir hvaða áætl-
un og með hvaða hætti samgöngu-
ráðherra ætli að fara að tilmælum
Samkeppnisstofnunar. Ef ekki verð-
ur farið að tilmælunum er Tali nauð-
ugur einn kostur að leita til Eftirlits-
stofnunar EFTA,“ sagði Þórólfur.
Þórólfur gagnrýndi harðlega að
ekki lægju fyrir kostnaðar- og aðr-
semisútreikningar á einstökum þátt-
um í starfsemi Landssímans. Þessu
hefði Landssíminn ekki sinnt og það
væri stórhættulegt fyrir fyrirtækið.
„Landssímanum er ekki stýrt eins
og hlutafélagi með arðsemissjónar-
mið heldur eins og pólitískt stýrðri
ríkisstofnun. Nýleg dæmi, sem allir
þekkja, sanna það.“
Landssíminn gerir
kostnaðarútreikninga
Þórarinn V. sagði að unnið væri að
gerð kostnaðar- og arðsemisútreikn-
inga á einstökum þáttum í rekstri
Landssímans. Hann sagði að stefnt
væri að því að þessari vinnu yrði lok-
ið um næstu áramót.
Þórarinn sagði að Tal hf. hefði náð
miklum árangri á fjarskiptamarkaði
og reyndar meiri ái'angri en eigendur
þess hefðu vænst í upphafi. Þetta
benti ekki til þess að Landssíminn
hefði lagt stein í götu fyrirtækisins.
Velgengni fyrirtækisins væri fagnað-
arefni, einnig fyrir Landssímann, því
hann vildi búa við aga samkeppninnar.
Þórólfur sagði að Tal hefði náð ár-
angri þrátt fyrir aðgerðir Landssím-
ans og þrátt fyrir hvemig samkeppni
hefði verið á farsímamarkaði. Lands-
síminn ætti engan þátt í velgengni
Tals.
Nokkur umræða varð á fundinum
um verðlagningu á símaþjónustu á
landsbyggðinni. Eyþór Arnalds, for-
stjóri Islandssíma, sagði að sú
ákvörðun stjórnvalda að gera landið
að einu gjaldsvæði hefði hamlað
samkeppni á símamai'kaði.
Þórarinn sagði að vöxtur í gagna-
flutningum væri mjög mikill hér á
landi sem og erlendis. I september á
síðasta ári hefðu fjarskipti í heimin-
um náð því marki að umsvif gagna-
flutninga hefðu orðið meiri en umsvif
símtala. Verð á gagnaflutningum hér
á landi væri hærra á landsbyggðinni
en höfuðborgarsvæðinu og það lægi
fyrir að Landssíminn gæti ekki jafn-
að þennan mun ef fyrirtækið ætti að
geta staðist samkeppni á þessu sviði
frá öðrum fyrirtækjum sem ein-
göngu sæju sér hag í að starfa á SV-
horni landsins. Þetta væri stórt
byggðapólitískt mál sem stjórnvöld
hlytu að þurfa að fjalla um.
Eyþór Arnalds tók undir það
sjónarmið að efla þyrfti Fjarskipta-
stofnun og Samkeppnisstofnun.
Hann sagðist telja það vafasama
ákvörðun að láta samgönguráðherra
fara með hlutafé ríkisins í Lands-
símanum þar sem hann færi einnig
með fjarskiptamál og ætti að
Lyg&ja að öll fjarskiptafyrirtæki
færu að lögum og reglum. Eðlilegra
hefði verið að fjármálaráðherra færi
með hlutafjárbréfið í Landssíman-
um. Eyþór sagði að Islandssími ætti
nú í viðræðum við Landssímann um
aðgang að grunnkerfi Landssímans.
Þessar viðræður væru flóknar og
hefðu tekið langan tíma. Hann
kvaðst vonast eftir breyttum við-
horfum hjá fyrirtækinu með til-
komu nýs forstjóra.
Morgunblaðið/Valdimar Kristinsson
RÚNA Einarsdóttir og Snerpa frá Dalsmynni virðast búnar að gulltryggja sér sæti í íslenska landsliðinu með
góðum árangri í tölti og fjórgangi á þýska meistaramótinu.
Breytingar og endurbætur á húsnæði lögreglunnar í Reykjavík við Hverfísgötu
Starfsaðstaða lög-
reglumanna stórbætt
STÓRFELLDAR endurbætur hafa
verið gerðar á húsnæði lögreglu-
stjórans í Reykjavík við Hverfis-
götu. Markmið breytinganna er tví-
þætt: annars vegar að bæta veru-
lega starfsaðstöðu og starfsum-
hverfi lögreglunnar og hins vegar
að bæta aðgengi almennings að af-
greiðslu í sektadeild og almennri
deild embættisins, en þessar deildir
sinna helst samskiptum við borgar-
ana.
Unnið hefur verið að undirbúningi
húsnæðisbreytinganna allt frá
haustinu 1997 og var ákveðið að hefj-
ast fyrst handa við lagfæringar og
endurbætur á aðstöðu í sektadeild. Á
sama tíma voru gerðar skipulags-
breytingar á öllu verkferli varðandi
innheimtu sekta og fullnustu dóma
sem hefur skilað sér í stórbættum
innheimtuárangri embættisins, að
þvf er fram kemur í fréttatilkynn-
ingu frá dóms- og kirkjumálaráðu-
neytinu.
Kostnaður við framkvæmdimar
nemur 27 milljónum króna og þar við
bætast 5 milljónir króna í kostnað
vegna húsbúnaðarkaupa.
Af hálfu embættis Lögreglustjór-
ans í Reykjavík annaðist Geir Jón
Þórisson aðstoðaryfirlögregluþjónn
eftirlit með framkvæmdum. Þær fólu
m.a. í sér að teknir voru niður vegg-
ir, herbergi stækkuð og einnig var
byggt yfir skyggni yfir innganginum
á fangelsi stöðvarinnar.
Geir Jón sagði í samtali við Morg-
unblaðið í gær, þegar nýja aðstaðan
var kynnt fréttamönnum, að hún
væri til komin vegna þess að þrengja
hefði þurft lítið eitt að almennu deild
lögreglunnar, sem hefði verið dreifð-
ari í húsnæði lögreglunnar en nú.
Hvfldar- og vinnuaðstaða lög-
reglumanna rýmkuð
„Þá hugsuðum við til þess að um-
hverfið þar sem lögreglumenn þurfa
bæði betri hvíldar- og vinnuaðstöðu
yrði rýmra vegna þess að við leggj-
um höfuðáherslu á að lögreglumenn
séu sem mest útivinnandi, en geti
fengið hér góða aðstöðu þegar þeir
koma inn,“ sagði Geir Jón. „Við höfð-
um ekki almennilega setustofu og
því var tekin sú ákvörðun að gera
stóra setustofu, fá ný húsgögn og
góðar aðstæður þannig að umhverfið
verði afslappað. Lögreglumenn
koma oft mjög þreyttir inn á stöð
eftir erfið átök og þurfa að geta
slappað af.“ Geir Jón sagði ennfrem-
ur að lögreglumenn fengju nú einnig
góða aðstöðu til skýrslugerðar, þar
sem þeir gætu unnið skýrslur í ró-
legu umhverfi, sem fyrir bragðið
yrðu vandaðri í bættu starfsum-
hverfi.
„Með þessum breytingum höfum
við sameinað almennu deildina og
umferðardeildina á gangi almennu
deildarinnar sem er til þess að gera
okkur tengdari í sambandi við úr-
vinnslu verkefna. Með þessum
breytingum fær hinn almenni lög-
reglumaður, hvort sem hann er í al-
mennu deildinni eða umferðardeild-
inni, betri aðstöðu til að vinna þá
vinnu sem ætlast er til af honum.“
Lögreglustjórinn í Reykjavík,
Morgunblaðið/Árni Sæberg
GERÐ var stór setustofa í húsnæði lögreglunnar og keypt ný húsgögn
til að skapa afslappað umhverfí fyrir lögreglumenn. Frá vinstri: Harald-
ur Johannessen ríkislögreglustjóri, Sólveig Pétursdóttir dómsmálaráð-
herra og Böðvar Bragason lögreglustjóri.
Böðvar Bragason, sagði að sú breyt-
ing sem blasti við augum á fyrstu
hæð lögreglustöðvarinnar við Hverf-
isgötu væri hluti af mun stærra
verkefni, sem væribreyting á starf-
semi lögreglunnar sem átti sér stað
fyrir tveimur árum.
„Við tókum yfir meirihlutann af
rannsóknarlögreglu ríkisins. Bara
þær breytingar kölluðu á umfangs-
miklar skipulagsbreytingar og
breytingar innanhúss," sagði Böðvar
í samtali við Morgunblaðið. „Annarri
hæðinni var breytt og hluta af þriðju
hæðinni sömuleiðis þannig að það
gefur mjmd af því hvað það hafa ver-
ið viðamiklar breytingar."
Böðvar sagðist vera þeirrar skoð-
unar að því betra sem umhverfið
væri á vinnustað, því eðlilegra væri
að vænta góðs vinnuframlags frá
starfsmönnum. „En í þessu tilfelli er
ég viss um að nýtt húsnæði lögregl-
unnar mun líka hafa jákvæð áhrif á
viðskiptavini lögreglunnar,“ sagði
hann.