Morgunblaðið - 07.07.1999, Blaðsíða 49
MORGUNBLAÐIÐ
MIÐVIKUDAGUR 7. JÚLÍ 1999 49
FÓLK í FRETTUM
ERLENDAR
Þóroddur Bjarnason
myndlistarmaður
fjallar um nýjustu plötu
Jamiroquai, Synkronized.
Æsir upp
dansgenin
Hljómsveitin Jamiroquai flytur lög
og texta Jay Kays, Toby Smiths og
Derrick Mckenzies. Hljómsveitin er
skipuð söngvaranum Jay Kay, hljóm-
borðsleikaranum Toby Smith,
trommuleikaranum Derrick
McKenzie, bassaleikaranum Nick
Fyffe og gítarleikaranum Simon
Katz. Slagverk var í höndum Sola
Akingbola og Wallis Buchanan lék á
Didgeridoo.
HLJÓMSVEITIN Jamiroquai, með
söngvarann og aðal laga- og texta-
smið sinn, Jay Kay, í broddi fylking-
ar, er á þessari nýjustu afurð sinni á
hefðbundnum slóðum. Tónlistin hef-
ur sterk höfundareinkenni skapara
sinna, er gleðirík diskó-fönktónlist
sem æsir upp dansgenin í hverjum
manni.
Þeir sem höfðu gaman af fyrri
tveimur plötum þessarar vinsælu
hljómsveitar verða ekki fyrir von-
brigðum með þessa. Hér er haldið
áfram á sömu braut og hvergi slegið
af. Jay Kay og félögum ferst það vel
úr hendi að búa til góða smelli sem
maður getur hlustað á aftur og aft-
ur og tónlistin endist lengi og eldist
vel. Hún er aldrei beinlínis í tísku
heldur verður hún sígild um leið og
hún kemur út.
Fyrri tvær plötur hljómsveitar-
innar, Emergeney on Planet Earth
og Travelling Without Moving, inni-
héldu smelli eins og Cosmic Girl,
Virtual Insanity, When You Gonna
Leam og Too Young To Die og
þessi plata hefur sinn skammt af
slíkum smellum. Þegar hefur fyrsta
lag plötunnar, „Canned Heat“, ýtt
við fótafimum og notið almennra
vinsælda, en þar er sungið um dans-
inn sjálfan. Annar smellurinn sem
er að finna á disknum er felulagið
„Deeper Underground", úr „flopp-
inu“ ægilega, skrímslakvikmynd-
inni, „Godzilla". Felulag segi ég, því
þess er ekki getið á plötuumslagi og
kemur manni því þægilega á óvart
að heyra það í lok disksins.
Af öðrum góðum lögum á diskn-
um má nefna hið fönkaða Black Ca-
pricom Day, Supersonic, Butterfly
og King For A Day. I síðastnefnda
laginu er aðeins föndrað við
dramatískar stemmningar og er það
góður opinber endir á disknum.
Það er sem sagt einkenni þessa
disks, eins og annarra diska hljóm-
sveitarinnar, að hann venst vel og
fær að dvelja á spilaranum í drjúga
stund eftir að hann er keyptur.
Hljóðið á disknum er óaðfinnan-
legt og umslagið er vel heppnað.
Helst saknaði ég þó að hafa ekki
textana þar á prenti en boðskapur-
inn í þeim markar svo sem engin
tímamót hvort eð er.
Dagskráin í hálfan mánuð
Meðal efnis í blaðinu er viðtal við Jón Gnarr og Sigurjón Kjartansson
úr Tvíhöfða en þeir eru að fara að gefa út geislaplötu sem ber heitið
„Komdí fílíng“, viðtal við Arnar Eggert Thoroddsen félagsfræðing sem
skrifaði lokaritgerð um hina góókunnu Simpson-fjölskyldu, yfirlit yfir
beinar útsendingar frá íþróttaviðburöum, kvikmyndadómar, fræga
fólkið og stjörnurnar, krossgáta og fjölmargt annað skemmtilegt efni.
Hafóu Dagskrárblað Morgunblaósins alltaf til taks
nálægt sjónvarpinu!
Þú sérð dagskrá sjónvarps- og útvarpsstöðva næsta hálfa mánuðinn í
Dagskrárblaði Morgunblaósins sem kemur út með Morgunblaðinu
í dag.
Djassað í Montreal
NÚ STENDUR yfir árleg djasshátíð í
kanadisku borginni Montreal, en hátiðin
sem stendur til 17. júlí dregur árlega að
sér þúsundir gesta og er búist við að meira
en 200 þúsund manns muni verða á hátíð-
inni í Montreal í ár. Bandaríska söngkonan
Rickie Lee Jones hélt tónleika fyrsta kvöld
hátíðarinnar, 2. júlí sl., og þar hefur hún
kannski sungið um ástfanginn Chuck E., en
það lag var samið um tónlistarmanninn
Chuck E. Weiss, vin Tom Waits, en þau þrjú
voru miklir vinir og sagt að Waits hefði
verið sá sem hefði komið stúlkunni á fram-
færi á sinum tfma.
Svcfhsóftir
í sveitina
Action Lane svefhsófamir eru
tilvaldir í sumarhústaðinn.
Dýnustterðir: Full = 135 x 180 cm. Queen = 150 x 180 cm.
Litir:
Ljós
Rauður
Blár
Renegate
^73.150r
Queen 78.850,-
Litir:
Ljós
Rauður
Blár
Brúnn
Renegate
^78.850,-
Full 73.150,-
A1exander
stSL94.050,-
Full 89.300,-
Litir:
Köflóttur
Hartford
'80.750,-
Queen 86.450,-
Mörkiniii 4 • 108 Reykjavík
Sími: 533 3500 • l:ax: 533 3510 • www.marco.i
Við styÖjum við bakið á þér!