Morgunblaðið - 07.07.1999, Blaðsíða 46

46 MIÐVIKUDAGUR 7. JÚLÍ 1999
I DAG
MORGUNBLAÐIÐ
Matur og matargerð
Islenskar
sumartertur
Hér eru tvær uppskriftir af sumartert-
um sem Kristín Gestsdóttir bakaði í 15
ára afmæli nöfnu sinnar 5. júlí sl.
VIÐ viljum léttar tertur í sum-
arhitanum og loksins er hann
kominn. Með léttum tertum á ég
við að notað sé lítið smjör,
súkkulaði og rjómi, og að botn-
amir séu smjörlausir og léttir og
með ávöxtum eða berjum. Að
visu útiloka ég ekki rjómann en
set oft fituminni mjólkurvörur
saman við. Ávextir og ber eru
girnileg og mikið skraut á tert-
um. Svo má líka tína sum þeirra
blóma sem vaxa allt um kring og
skreyta terturnar með; mörg
þeirra eru æt, svo sem lamba-
gras og fjólur. Eg gekk hér út á
holtið kl. 8 að morgni sunnu-
dagsins 4. júlí. Enginn bíll var í
sjónmáli og ekkert heyrðist
nema söngur fuglanna. Eg sá
þar mjög fagra, háa, kúpta og
fagurbleika lambagrasþúfu, hví-
líkt listaverk. Ég ætla mér ekki
að skapa það listaverk í köku,
enda ekki í mannlegu valdi að
skapa listaverk náttúrunnar. Ég
réðist á lambagrasþúfu sem ekki
var jafn falleg og tíndi nokkur
blóm aff henni. Ég hafði bakað
tvo svampbotna og keypt bæði
íslensk jarðarber og útlend stór
bláber. I hrifningarvímu skreytti
ég kökurnar; aðra með þrílitum
fjólum og kallaði hana Fjóluna
fríðu. Á henni voru bláberin.
Hina nefndi ég Lambagrasið
ljúfa. Á hana fóru hin íslensku
fagurrauðu jarðarber og smá og
fíngerð dísæt lambagrasblóm. I
báðar þessar kökur var notað
skyr - og hvað er íslenskara en
skyr?
Botnarnir, 2 stk.
____________8 egg____________
__________320 g sykur________
220 g hveiti
1. Hitið bakaraofn í 190iC, blást-
ursofn í 175iC.
1. Þeytið eggin með sykri þar
til þau eru Ijós og létt.
2. Sigtið hveitið út í og blandið
varlega saman við.
3. Smyrjið tvö springform,
23-25 sm í þvermál.
Skiptið deiginu í formin og bakið
í miðjum ofni í 15-20 mínútur.
Takið úr ofninum, hvolfið
formunum á grind en losið botn-
ana ekki úr, þeir detta ekki úr
formunum. Kælið og losið úr.
Fylling í kökurnar
2 pk. Toro-hlaup (einn sítrónuhlaup
og annar jarðarberjahlaup)
Heldur minna en ein stór dós bló-
berja- og önnur af jarðarberjaskyri.
2 egg (eitt í hvora tegund skyrs)
3 Vidl rjómi
'/2 askja blóber
og ’/2 askja jarðarber
1 msk. flórsykur
1. I pakkanum með hlaupduftinu
eru 10 msk. af dufti. Takið frá 3
msk. úr hvorum pakka og setjið í
tvær skálar. Setjið það sem eftir
er af duftinu í aðrar tvær skálar
og hellið 2 dl af sjóðandi í vatni í
hvora skál. Látið leysast vel upp
en kælið síðan þar til þetta er við
að stífha en má ekki vera orðið
stíft.
2. Skerið um helming jarðar-
berjanna í litla bita og bláberin í
tvennt. Blandið berjunum ekki
saman. Sigtið 1 msk. af ílórsykri
yfir og látið standa í 15 mín.
3. Þeytið rjómann. Takið frá 1
dl af skyri úr hvorri dós, en
hrærið hitt sitt í hvoru lagi með
eggi. Setjið 2/3 rjómans út í blá-
berjaskyrið en 1/3 í jarðarberja-
skyrið. Bláberjaskyr er búið til
úr undanrennu en jarðarberja-
skyr er rjómaskyr. Lesið á um-
búðir. Setjið síðan hálfstíft
hlaupið sína tegundina í hvora
skál og loks jarðarberjabitana og
sundurskorin bláberin hvort í
sína skál. Blandið vel saman og
kælið þar til allt er orðið nokkuð
stíft.
4. Kljúfið tertubotnana og setj-
ið skyrfyllinguna í hvora tertu.
Setjið í kæliskáp þar til allt er
orðið vel stíft.
í . K J '
Skreytingin:
’/2 askja blóber
_______og ’/2 askjo jarðarber___
hlaupduftið sem tekið var fró
1 'Adl sjóðandi vatn
í hvora skól með hlaupdufti
1 -2 pelar rjómi
nokkrar fjólur
og lambagrasblóm (mó sleppg)
1. K^júfið jarðarberin en hafið
bláberin heil. Raðið þétt ofan á
hvora tertu.
2. Leysið hlaupduftið upp,
kælið að mestu en ausið síðan
varlega yfir berin með skeið. Lát-
ið stífna í kæliskáp.
3. Þeytið rjómann og sprautið
utan á terturnar. Skreytið síðan
með fjólum eða lambagrasblóm-
um ef ykkur hentar. Það þarf að
gera skömmu áður en kökurnar
eru bomar fram.
VELVAKANÐl
Svarað í síma 569 1100 frá 10-13
frá mánudegi til föstudags
Hættuakstur
HVERJUM manni sem yf-
irleitt ekur bifreið hér á
landi hlýtui' að vera ljóst að
um leið og hann ekur af
stað er hann í raun að
stefna lffi sínu í vissa hættu.
I umferðinni hér á landi
ríkir algjört agaleysi. Það
virðist t.d. reynast erfitt
fyrir allan þorra manna að
framkvæma eins auðveld-
an hlut og að nota stefnu-
ljós, í bæjarakstri sérstak-
lega. Notkunin verður að
vera almenn til öryggis
fyrir ökumenn og þá þarf
að hafa í huga að gefa
stefnuljós í tæka tíð.
Um akstur á þjóðvegum
landsins væri hægt að
skrifa heila bók. Vegir
okkar eru mjög mjóir mið-
að við slíka vegi í flestum
öðrum löndum, oftast að-
eins ein akrein í hvora átt.
Vegna þessa má ekki
miklu muna til að árekstr-
ar eigi sér stað, enda eru
dæmin mýmörg og nánast
lýst af einhverjum toga á
hverjum degi.
Maður les í blöðunum
um aðgerðir lögreglu við
og við, einhvers konar
„rassía" gerð og þá teknir
nokkrir einstaklingar fyrir
hraðakstur og er það gott
og blessað. í því sambandi
verður maður eiginiega að
kasta fram spurningu um
hver séu eiginlega hraða-
takmörk á vegum landsins.
Hver eru þau? Ekki eru
margar merkingar um
hraða á vegunum til þess
að minna fólk á, nokkur
skilti eins og t.d. „Hraðann
eða lífið“.
Ég hygg að reynsla
flestra sé að engin hraða-
takmörk séu virt. Ef keyrt
er t.d. á 100 km hraða
myndast strax bílalest á
eftir þeim bíl og framúr-
akstur hefst.
Sá sem þetta ritar hefur
ekið bíl í nokkrum löndum,
þ.ám. Bandaríkjunum. Ef
maður þar í landi dirfist að
fara örlítið yfir löglegan
hraða sprettur fram lög-
regla með sekt sem greið-
ast verður á staðnum, hinn
kosturinn er að verða
kyrrsettur.
Nú veit ég auðvitað að
hér er ekki nægt lögreglu-
lið til þess að framkvæma
sh'kar aðgerðir að stað-
aldri, en einhvern milliveg
mætti ef til vill finna. Það
hlýtur að vera ósk, ef ekki
krafa, allra landsmanna,
þegar litið er til of hárrar
tíðni alvarlegra slysa, að
þessi mál verði tekin til al-
varlegrar athugunar.
Óánægður ökumaður.
Góð þjónusta á Véla-
verkstæði Hjartar
MIG langar til að koma á
framfæri þakklæti til
þeirra á Vélaverkstæði
Hjartar Eiríkssonar sf. á
Hvammstanga. Við hjónin
vorum á leið inn á Siglu-
fjörð fimmtudaginn 1. júlí.
Þá fór í sundur púströrið á
bílnum. Þegar við komum
á verkstæðið var tekið
mjög vel á móti okkur og
gert við bílinn á stundinni.
Þar að auki tóku þeir ekki
mikið fyrir þjónustuna.
G.B.
Þjóðaratkvæða-
greiðslu um
allar ríkiseignir
KONA hringdi og segir að
hún vilji þjóðaratkvæða-
gi-eiðslu um allar ríkiseign-
ir sem verið er að selja.
Einnig vill hún þjóðarat-
kvæðagreiðslu um allar
virkjanir á Islandi.
Og svona í lokin bendir
hún á að þjóðin á fiskikvót-
ann og að það mál sé allt í
ólestri.
Ein sem þykir vænt
um landið sitt.
Tapað/fundið
Gullhringur tapaðist
GULLHRINGUR tapað-
ist 25.6. sl. við Sjúkrahús
Reykjavíkur eða í Kefla-
vík. Hann er steinalaus og
einn sinnar tegundar.
Upplýsingar í síma
4212617. Fundarlaun.
Svartur poki tapaðist
SVARTUR poki með
svefnpokum, dýnu og
teppum, tapaðist af þaki
bíls á leiðinni úr Þórsmörk
þann 4. júlí. Pinnandi vin-
samlega hafi samband í
síma 6976837.
Hvít skyrta tapaðist
HVÍT skyrta týndist á
Planet Pulse laugardaginn
12. júní. Finnandi hringi í
síma 565 2057 eða
698 6235.
Medalía fannst
SPILAMEDALÍA fannst
á rólóvelli nálægt Rauða-
gerði. Upplýsingar í síma
5531357 frá kl. 10 á
morgnana.
Dýrahald
Týndur köttur
SVARTUR köttur með
hvítan blett á hálsinum og
í náranum, týndist frá
Vatnsenda 30. júní sl.
Hann er eyrnamerktur og
með rauða ól.
Kisa á heima í Selja-
hverfi og ratar því senni-
lega ekki heim til sín. Ef
einhver hefur séð hana er
sá hinn sami vinsamlegast
beðin að hringja í síma
567 1985.
Tveir fresskett-
lingar gefíns
TVEIR tveggja mánaða
kettlingar, fress, fást gef-
ins. Sími 555 0061.
SKAK
Umsjón Margeir
Pótursson
STAÐAN kom upp á opna
Jantar Baltyku mótinu i
pólska bænum Rowy í
sumar. Leonid Gofstein
(2.500), ísrael, hafði
hvítt og átti leik gegn
Eduard Kolesnik
(2.325), Hvíta-Rúss-
landi.
24. Rxg6! - fxg6 25.
Dxg6+ - Hg7 26. De6+
- Hf7 27. Ba2 - De7 28.
Dg6+ - Bg7 29. Hfel -
Dg5 30. Dxf7+ - Kh8
31. He8+ og svartur
gafst upp, því hann er
mát í nokkrum leilgum.
Úrslit á mótinu urðu: 1.
Kovalev; Hvíta-Rússlandi,
7’/2 v. af 9 mögulegum, 2.
Tregubov, Rússlandi, 7 v., 3,-
5. Brodski, Úkraínu, Sergei
Kasparov, Úkraínu (ekkert
skyldur stigahæsta skák-
manni heims) og Kastanieda,
Rússlandi 6V4 v.
HVÍTUR leikur og vinnur.
Víkverji skrifar...
FERÐIR íslendinga um eigið
land eru nauðsynlegar. Gott og
blessað er að ferðast tU útlanda og
sækjast eftir sól og sumri og til-
breytingu. Það ætti hins vegar ekki
að útiloka að við kynnumst eigin
landi. Við eigum að gera okkur far
um að kynnast landinu af eigin
raun og frá sem flestum hliðum,
með margs konar ferðamáta eftir
því sem okkur hentar hverju sinni.
Æ meira er nú fjallað um ferðir um
Island í fjölmiðlum og umræða er
mikil um umhverfismál og náttúru
landsins. Þetta ætti að verða tU
þess að hvetja okkur tU að kynnast
eigin landi. Sumum þykja ýmsar
hindranir standa í vegi, svo sem
hátt verðlag og erfitt tíðarfar. Það
á hins vegar ekki að vera nein af-
sökun. Látum ekki smáatriði, sem
Víkverji vill kaUa svo, trufla okkur í
að fara um landið. Við myndum
aldrei hreyfa okkur spönn frá rassi
ef við hlustuðum alltaf á veðurspá
og það er alveg hægt að sneiða hjá
þeim sem selja ferðaþjónustu sína
dýrt.
xxx
LISTASAFN íslands er ekki
venjulegur vettvangur tU kynn-
ingar á nýjum bfi en það átti sér
engu að síður stað í liðinni viku er
Porsche-bUaframleiðandinn kynnti
bUa sína og nýtt umboð á Islandi,
BUabúð Benna. Þetta var að mörgu
leyti ákjósanlegur staður og
skemmtUegur til þess ama og ekki
sakaði fyrir listunnendur að sýning-
arsalir voru opnir og hægt að líta á
aðra gripi um leið og menn virtu
fyrir sér bUana.
Það liggur ekki endilega í aug-
um uppi að bílar og list fari vel
saman en laglegir bílar eru lista-
smíð og ekki síst á það einna helst
við um gamla sérstaka gripi og
handsmíðaða og kannski fágæta
bíla eins og Porsche. Trúlega verð-
ur Listasafnið ekki daglegur vett-
vangur bílakynninga þrátt fyrir
þetta fordæmi en minna má á að til
er fyrirtæki í Reykjavík sem heitir
BUar og list og annast sölu á lista-
verkum og bílum. List og bílar
geta líklega farið nokkuð vel sam-
an.
Ur því farið er að fjalla um bUa
má minnast á framtak annars bUa-
umboðs, Ingvars Helgasonar, sem
sendi nýverið landsmönnum frétta-
bréf sitt. Þar er fyrirtækið kynnt
svo og bfiaframleiðendur sem það
hefur umboð fyrir. Fréttabréf sem
þetta hafa rutt sér nokkuð tfi rúms
og þótt þau komi ekki í stað annarra
auglýsinga og hefðbundinna eru
þau ágæt tUbreyting og gefa mögu-
leika á að kynna starfsmennina, þá
sem sjá um aUa þjónustu fyrirtækj-
anna.
xxx
EFTIR umfjöllun um virkjanir
og álver á Austurlandi á dögun-
um hefur kunningi Víkverja bent á
að lítið hafi verið fjallað um arðsemi
Fljótsdalsvirkjunar. Fram hefur
komið að hagkvæmast sé að virkja
stórt og á ákveðinn hátt á þessu
svæði en litlar tölur hafa verið lagð-
ar fram til að sýna arðsemina og í
hverju munurinn á hagkvæmni
hinna ýmsu virkjanakosta getur
legið.
Víkverji getur tekið undir það
með kunningjanum að þetta atriði
virðist lítið hafa verið uppi á yfir-
borðinu. Hver er arðsemin? Er hún
eingöngu miðuð við sölu til stóriðju
og þá á stóriðjuafslætti? Hversu
mikUl er munur á hagkvæmni eða
arðsemi helstu kostanna? Væri ekki
mögulegt að fá fram slíka umfjöll-
un?