Morgunblaðið - 23.07.1999, Side 26
26 FÖSTUDAGUR 23. JÚLÍ 1999
ERLENT
LISTIR
MORGUNBLAÐIÐ
Reyna að „alþjóða-
væða“ Kasmír-deiluna
Islamabad, Jamniu. Reuters.
SARTAJ Aziz, utanríkisráðherra
Pakistans, hélt í gær til Evrópu í
því augnamiði að auka þrýsting á
Indverja um að samþykkja að hefja
viðræður um yfirráð yfir Kasmír,
en nágrannaríkin tvö hafa lengi
eldað grátt silfur saman vegna hér-
aðsins. Indverjar létu sér hins veg-
ar fátt um finnast og tilkynntu að
þeir myndu auka viðbúnað sinn til
að bregðast við árásum pakist-
anskra skæruliða sem neita að
virða samkomulag Indverja og
Pakistana um að þeir hverfi frá
vígstöðvum þeim, sem þeir höfðu
náð tangarhaldi á innan indversku
markalínunnar í Kasmír.
Aziz hélt til Helsinki í Finnlandi
til viðræðna við þarlenda ráða-
menn en Finnar sitja nú í forsæti
Evrópusambandsins. Þaðan hyggst
Aziz fljúga til London og eiga við-
ræður við Robin Cook, utanríkis-
ráðherra Bretlands.
Pakistanar létu nýverið undan
þrýstingi erlendra ríkja er þeir
skipuðu pakistönskum skæruliðum
að hætta tveggja mánaða gömlum
hernaði í Kasmír og segja frétta-
skýrendur að nú vilji stjórnvöld í
Islamabad sjálf tryggja sér stuðn-
ing umheimsins, og þannig „al-
þjóðavæða" deiluna, í því skyni að
auka líkurnar á því að Indverjar
samþykki að setjast niður við
samningaborðið. Markmið Aziz sé
því að styrkja stöðu Pakistans
gagnvart Indlandi á alþjóðlegum
vettvangi.
Reuters
PAKISTANSKIR harðlinumenn brenna eftirmynd Bills Clintons Bandaríkjaforseta í Karachi í gær en með
því vildu þeir mótmæla þeirri ákvörðun Nawaz Sharifs, forsætisráðherra Pakistans, að verða við kröfum
Clintons og annarra erlendra þjóðhöfðingja um að kalla pakistanska skæruliða heim frá Kasmír.
Reutera
JOSE Ramos Horta, friðarverðlaunahafi Nóbels vandaði Suharto,
fyrrverandi Indónesíuforseta, ekki kveðjurnar í gær, er hann óskaði
þess að hann myndi deyja og fara beina leið til helvítis.
Horta óskar
Suharto til heljar
Brisbane f Ástralíu. AP.
LEIÐTOGI sjálfstæðissinna á
Austur-Tímor, og friðarverðlauna-
hafi Nóbels, Jose Ramos Horta,
sagði í gær að hann óskaði þess að
Suharto, fyrrverandi Indónesíufor-
seti, sem nú er veikur, myndi deyja
og fara beina leið til helvítis.
Suharto er á sjúkrahúsi að jafna
sig eftir vægt hjartaáfall. I gær
sögðu læknar hann á góðum bata-
vegi. Horta sagði það óskandi að
forsetinn fyrrverandi gæti farið til
sinnar „illu konu“, en eiginkona Su-
hartos lést fyrir tveim árum. „Sem
kristinn maður vorkenni ég konunni
hans. Hún hlýtur að vera einmana í
helvíti eftir að hafa lifað í græðgi og
rænt indónesísku þjóðina," sagði
Horta.
Hann kvaðst ekki í vafa um að
fyrrverandi eiginkona forsetans
fyrrverandi brynni í víti, „og Su-
harto ætti að veita henni félags-
skap.“ Suharto gaf fyrirmæli um
innrás á A-Tímor 1974 og hafa yfir-
ráð Indónesa í héraðinu oft markast
af ofbeldi. Suharto sagði af sér í
fyrra eftir miklar óeirðir.
„Mann-
gera“
húsdýr
London. The Daily Telegraph.
VÍSINDAMENNIRNIR
sem einræktuðu kindina
Dollý tilkynntu í fyrradag
um fæðingu tveggja ein-
ræktaðra lamba sem eru
af fyrstu kynslóð nýrra
húsdýra sem hafa verið
„manngerð“. Með nýrri
miðunartækni hefur ein-
ræktuðu dýrunum verið
breytt þannig að auðveld-
ara er að skipta á erfða-
efnum dýrs og samsvar-
andi erfðaefni úr manni.
Vísindamennirnir telja
að nýta megi þessa aðferð
til að einrækta dýr sem fá
megi úr mannprótein sem
hægt sé að nota í lyf, eða
nota úr líffæri t.il að flytja
ímcnn.
I hvoru lambi er nýtt
erfðaefni, en vísinda-
mennirnir vilja ekki segja
hvaða efni það er. Þegar
hefur þessi tækni nýst til
að „slökkva á“ erfðaefni í
svínafrumum í því augna-
miði að erfðabreyta svín-
unum þannig að hægt sé
að flytja líffæri úr þeim í
menn án þess að líkamar
sjúklinganna hafni líffær-
unum.
Lítill en vel
syngjandi
óperukór
TðlVLEIKAR
Hafnarborg
Litli óperukórinn frá Kaupmanna-
höfn flutti danska kórtónlist, kór-
þætti úr óperum og negrasálma.
Stjórnandi: Adam Faber. Miðviku-
dagurinn 21. júlí, 1999.
ÞAÐ hefur lengi vantað á hér á
landi að tiltækur væri atvinnu-
mannakór, enda enn fyrir hendi
sú skilgreining að menntuðum
einsöngvara væri minnkun að
því að vera kórsöngvari, og
einnig að ekki er til staðar sú
stofnun er bolmagn hefði til að
reka eða þörf hefði fyrir slíkan
kór. I atvinnumannakór þarf
hver einstaklingur að vera svo
vel menntaður á sviði tónlistar
að geta með prýði komið fram
sem einsöngvari, auk þess að
skila sínu innan síns raddhóps á
óaðfinnanlegan máta.
Det lille Operakor frá Kon-
unglega í Kaupmannahöfn er á
ferð hér á landi og söng í Hafn-
arborg s.l. miðvikudag. Á efnis-
skránni voru kórkaflar úr safni
alþjóðlegra óperuverka sem
auðvitað eru öllum tónlistará-
heyrendum vel kunnir. Eftir-
tektarverðastur var þó flutning-
ur kórsins á danskri kór-róman-
tík, á verkum eftir Heise, Gade,
Lange-Múller og Nielsen. Tón-
leikarnir hófust á tveimur kór-
þáttum eftir Verdi, Sígauna-
kórnum úr II Trovadore og Va,
pensiero úr Nabucco, sem báðir
voru ágætlega fluttir.
Fyrstu fjögur dönsku við-
fangsefnin, eftir Peter Arnold
Heise (1830-79), sem lærði hjá
Berggreen og síðar hjá Haupt-
mann í Leipzig, eru sérlega góð-
ar tónsmíðar, hrein rómantísk
tónlist sem einnig stendur nær
hinu danska alþýðulagi en hjá
mörgum öðrum dönskum róm-
antíkerum. Lögin heita; I
foráret, Den vilde rosenbusk,
Sommervise og Sommerlyst, allt
falleg söngverk er voru mjög vel
sungin. Sama má segja um
Morgunsöng eftir Niels Wilhelm
Gade (1817-90) er eftir nám í
Kaupmannhöfn starfaði með
Mendelssohn, sem aðstoðar
hljómsveitarstjóri við Gewand-
haus hljómsveitina. Mendels-
sohn stjórnaði uppfærslu á 1.
sinfóníu Gades en eftir hann
liggja m.a. 8 sinfóníur. Peter
Erasmus Lange-Múller (1850-
1926) átti Serenöðu, sungna af
karlaröddunum, og eftir
Christoph Ernst Friederich
Weyse (1774- 1842), þýsk-dansk-
an píanista og tónskáld, sungu
kvenraddimar Bátssöng og
gerðu það af miklum þokka. I
söng Ranesar úr óperunni Drot
og Marsk, eftir Heise, söng einn
af kórfélögunum einsöng en eins
og í sönnum atvinnumannakór
er hans að engu getið sérstak-
lega í efnisskrá en um það er
konsertinum lauk höfðu allir
tenórsöngvararnir látið til sín
heyra og verður ekki annað sagt
en að þeir fjórir, sem þar áttu
hlut að, væru góðir söngmenn.
Sama má segja um aðra raddfé-
laga er flestir átti smá sólóstróf-
ur. Það lag, sem bæði var best
flutt og reyndar skemmtilegasta
tónsmíðin af dönsku lögunum,
var Kehraus, gleðisöngur úr óp-
erunni Maskerade, eftir Carl Ni-
elsen, glæsilegt söngverk er var
afburðavel flutt.
Eftir hlé voru óperuatriði úr
Lohengrin eftir Wagner, Butt-
erfly eftir Puccini, Cavalleria
Rusticana eftir Mascagni, Car-
men, eftir Bizet og Ævintýrum
Hoffmans eftir Offenbach, sem
öll voru flutt af glæsibrag, bæði
af kór og einsöngvurum, og á
engan hallað þótt sérstaldega
séu nefnd nokkur atriði, nefni-
lega Innkoma Butterfly, Nauta-
bansöngurinn, sem var hressi-
lega sunginn, og septettinn eftir
Offenbach.
Síðustu viðfangsefnin voru
negrasálmar, sem voru hressi-
lega sungnir, einkum Ride the
Chariot. I raun eru slíkar radd-
setningar, sem hér voru sungn-
ar, eftir Fleming, Luboff og
Wesslén, ekki negrasöngvar
heldur evrópskar tónsmíðar sem
eiga í raun sárlítið skylt við eig-
inlegar frumgerðir þessara
söngva. Sagt hefur verið að þá
fyrst hafi Evrópubúar sæst við
þessi lög að búið var að klæða
þau í ervópskan búning, enda
þætti hinum evrópska kór það
trúlega ekki spennandi verkefni
að syngja upprunalegu radd-
setningarnar. Hvað um það, þá
var söngur Det lille Operakor í
alla staði glæsilegur, er lék sér
að því að syngja á öllu styrkleik-
aregistrinu og var söngur kórs-
ins hvað glæsilegastur í vor- og
sumarlögunum eftir Heise, í
gleðisöng Nielsens og Ride the
Chariot en önnur verkefni, t.d.
óperuatriðin, voru sannarlega
fram sett af fagmennsku og þar
best söngurinn úr Butterfly eftir
Puccini, Nautabanasöngurinn
eftir Bizet og Septettinn eftir
Offenbach.
Jón Ásgeirsson
Sumartónleikar
við Mývatn
ÞRIÐJU sumartónleikarnir í
Reykjahlíðarkirkju verða laugar-
daginn 24. júlí. Guðmundur Haf-
steinsson, trompetleikari og Eyþór
Ingi Jónsson orgelleikari flytja tón-
list eftir J.S. Bach, Telemann,
Pachelbel, Boyce og Pál Isólfsson.
Tónleikarnir hefjast kl. 21 og að-
gangseyrir er 500 kr.
Guðmundur Hafsteinsson nam
trompetleik hjá Ásgeiri H. Stein-
grímssyni við Tónlistarskólann í
Reykjavík og stundaði síðan fram-
haldsnám í New York og Vínarborg.
Hann hefur leikið með Sinfóníu-
hljómsveit íslands, Kammersveit
Reykjavíkur og Stórsveit Reykja-
víkur og einnig haldið einleikstón-
leika. Guðmundur er trompetkenn-
ari við Tónskóla Sigursveins.
Eyþór Ingi Jónsson hóf orgelnám
hjá Fríðu Lárusdóttur á Akranesi
og lauk síðan kantorsprófi frá Tón-
skóla þjóðkirkjunnar árið 1998 þar
sem Hörður Áskelsson var orgel-
kennari hans. Eyþór Ingi starfaði
sem organisti Akureyrarkirkju síð-
asta vetur en heldur nú til fram-
haldsnáms við Tónlistarháskólann í
Piteá í Svíþjóð.