Morgunblaðið - 27.07.1999, Qupperneq 31

MORGUNBLAÐIÐ
ÞRIÐJUDAGUR 27. JÚLÍ 1999 31
KVIKMYMHR
lláskólabíó
FUCKING ÁMÁL
Leikstjórn og handrit: Lukas
Moodysson. Aðalhlutverk: Rebecca
Liljeberg og Alexandra Dahlström.
Memfis 1998.
„UNGLINGAMYNDIR eru svo
uppörvandi. Þótt þær séu vitlaus-
ar, er gaman að horfa á þær og
maður er í góðu skapi eftir mynd-
ina,“ segja ungmeyjarnar sem
vinna með mér. Það er eflaust satt.
En það var líka löngu kominn tími
til að gera góðar unglingamyndir,
þar sem vandamál þeirra eru tekin
alvarlega og þeim gerð skil á raun-
Sumartón-
leikar í
Isaqarðar-
kirkju
SUMARTÓNLEIKAR verða í ísa-
fjarðarkirkju miðvikudagskvöldið
28. júlí kl. 20.30. Það er gítarleikar-
inn Arnaldur Arnarson, sem flytur
þar forvitnilega efnisskrá, íslensk
þjóðlög í útsetningu Jóns Ásgeirs-
sonar, svítu eftir J.S. Bach og
þekkt gítarverk eftir spænsk tón-
skáld.
Arnaldur Arnarson fæddist í
Reykjavík árið 1959. Hann stund-
aði gítarnám í Svíþjóð og Reykja-
vík, en framhaldsnám í Manchester
og á Spáni. Amaldur hefur unnið
til fjölda viðurkenninga, m.a.
fyrstu verðlaun í „Fernando Sor“
gítarkeppninni í Róm árið 1992.
Hann hefur haldið fjölda tónleika í
Bandaríkjunum, Suður-Ameríku
og víða í Evrópu, auk þess sem
hann hefur margoft komið fram á
íslandi, m.a. með Kammersveit
Reykjavíkur og Sinfóníuhljómsveit
íslands. Arnaldur hefur búið í
Barcelona frá árinu 1984 og kennir
þar gítarleik við Luthier-tónlistar-
skólann. Hann hefur haldið nám-
skeið víða um heim.
Tónleikarnir á miðvikudaginn
eru haldnir í samvinnu Tónlistarfé-
lags Isafjarðar og ísafjarðarkirkju
og njóta stuðnings Félags ís-
lenskra tónlistarmanna. Aðgangs-
eyrir er 1.000 kr.
----------------
Lesið úr ljóðum
V-Islendinga
SR. Bjöm Jónsson les úr ljóðum
Vestur-íslendingsins Sigurðar Júl-
íusar Jóhannessonar, læknis í
Kanada, úr nýlegu safnriti sínu.
Síðan mun Tryggvi V. Líndal
mannfræðingur greina frá rann-
sóknum sínum á skáldskaparferli
Amalíu Líndal, sem var rithöfund-
ur fyrst í Bandaríkjunum, síðan á
íslandi og loks í Kanada.
Dagskráin er á vegum Vináttufé-
lags Islands og Kanada og verður
flutt í stofu 102 í Lögbergi, Há-
skóla íslands, miðvikudaginn 28.
júlí, kl. 20. Öllum er frjáls aðgang-
ur.
slim-line"
dömubuxur frá
gardeur
Uðuttrv
tískuverslun
v/Nesveg, Seltj., s. 5611680
LISTIR
Bannað að vera öðruvísi
sæjan hátt, líkt og gert er í mynd-
um fyrir alveg fullvaxið fólk.
Lukas Moodysson, sem hér tekur
af skarið í þeim efnum, er greini-
lega í sambandi við raunveruleik-
ann.
í myndinni segir frá Agnesi
vandaðri og skapandi stelpu sem
er að tryllast á því að eiga enga
vini í smábænum Ámál þar sem
hún hefur búið í tvö ár. Elin er
hins vegar svakagella og margir
skotnir í henni. Hún er alltaf að
skemmta sér en þolir samt ekki til-
breytingarleysi bæjarins og félag-
anna og óttast tilgangslaust lífið
þar. Þegar Agnes og Elin kynnast,
tekur líf þeirra beggja óvænta
stefnu.
í flestum bandarískum bíó-
myndum um unglinga er það aOtaf
sama yfirborðskennda sagan; ann-
aðhvort ertu töffari eða lúði. Flott-
ur eða hallærislegur. Og ef maður
er lúði eru allir vondir við mann og
helst af öOu langar mann til að
vera flottur, og yfirleitt tekst að
lokum að láta þá flottu taka sig í
sátt. En hvers vegna að láta fólk
með afskræmd persónugOdi segja
sér hvernig maður á að vera?
Moodysson vísar öllu slíku á bug í
þessari faOegu og raunsæju kvik-
mynd sem lýsir því hvernig tvær
ólíkar stelpur, ein flott og hin haO-
ærisleg í augum félaganna, berjast
fyrir því að fá að vera þær sjálfar.
Einnig fjallar hann um samkyn-
hneigð á mjög eðlilegan hátt. Sam-
kynhneigðar persónur eru býsna
oft í bíómyndum annaðhvort sem
skemmtatriði eða vandamálapakki.
í „Fucking Ámál“ er samkyn-
hneigt fólk eins og það er í alvör-
unni.
00 efnistök eru mjög raunsæ.
Leikstjórinn skefur ekki utan af
hlutunum, myndin er á köflum
mjög átakanleg, fuO af mannlegum
breyskleikum; grimmd og niður-
lægingu. Drykkjasamkvæmum
unga fólksins er lýst nákvæmlega
eins og þau eru; frekar ósmekkleg
og ekki eitthvað sem foreldra lang-
ar að vita af.
í samræmi við efnistök er kvik-
myndatakan hrá og allir aukaleik-
ararnir eru gjörsamlega óreyndir,
en standa sig samt ótrúlega vel,
eða eru kannski bara þau sjálf. Að-
alleikkonurnar Rebecca Liljeberg
og Alexandra Dahlström hafa þeg-
ar reynslu af leik og þær eru ein-
staklega heOlandi. Sérstaklega er
Dahlström, sem leikur Elinu, alveg
framúrskarandi í hlutverki sínu,
hreint geislandi.
Lukasi Moodyssyni tekst að
gera hráan raunveruleikann helm-
ingi fallegri og meira hrífandi en
aðrar yfirborðskenndar unglinga-
myndir í rósrauðum umbúðum.
„Fucking Ámál“ er svo sannarlega
góð kvikmynd og tímamótamynd á
marga vegu. Og af innlifunarópum
vinnuskólakrakkana sem sáu
myndina með mér að dæma, kunna
unglingar svo sannarlega að meta
hana líka.
Hildur Loftsdóttir
Tjaldaðu því
um helgina!
besta
Regn- og öndunarfatnaður, stuttbuxur, stuttermaskyrtur, bolir,
buxur, tæknilegur fatnaður, gönguskór, sandalar, bakpokar o.íl
20% afsláttur af
regnfatnaði og anorökkum
4^Columbia
v Sportswear Company®
- fötin ífríið
HREYSTI
ÆFINGAR - ÚTIVIST - BÓMULL
— Skeifunni 19 - S. 568 1717-
Opið mánud,- föstud. ki. 9 18, laugard. kl. 10 - 16