Morgunblaðið - 05.08.1999, Blaðsíða 46

* 46 FIMMTUDAGUR 5. ÁGÚST 1999
MINNINGAR
MORGUNBLAÐIÐ
SIGRÚN
BJÖRGVINSDÓTTIR
+ Sigrún Björg-
vinsdóttir fædd-
ist í Reykjavík 29.
nóvember 1950.
Hún lést á Sjúkra-
húsi Reykjavíkur
27. júlí síðastliðinn.
Foreldrar Sigrúnar
eru Hulda G. Sig-
urðardóttir frá
Hvassahrauni, f. 6.
apríl 1918, og
Björgvin P. Jóns-
son, kaupmaður í
Vaðnesi, f. 11. júlí
1912, d. 18. septem-
ber 1984. Systkini
Sigrúnar eru: 1) Oddný I.
Björgvinsdóttir, f. 8. júní 1942.
Hennar börn eru Björgvin P.
Hallgrímsson, f. 1. ágúst 1966,
og Sigríður Hallgrímsdóttir, f.
15. janúar 1971. 2) Ársæll
Björgvinsson, f. 22. nóvember
1943. Börn hans eru Hulda Rut
Ársælsdóttir, f.10. apríl 1963,
og Kristján Þ. Ársælsson, f. 29.
ágúst 1965. Unnusta Ársæls er
Helga Kristjánsdóttir, f. 12.
aprfl 1943. 3) Björk Björgvins-
dóttir, f. 24. júlí 1949. Eigin-
maður Bjarkar er Steinar Már
Clausen, f. 7. ágúst 1947 og
börn þeirra eru Alfreð Már
Clausen, f. 18. júlí 1972, Björg-
vin Clausen, f. 28. janúar 1974,
og Kristín Jóhanna Clausen, f.
20. maí 1983. 4) Már Björgvins-
son, f. 22. septem-
ber 1960. Eiginkona
Más er Elísabet
Dolinda Ólafsdóttir,
f. 9. mars 1965.
Börn þeirra eru
Linda Björg Arnar-
dóttir, f. 21. mars
1989, Kjartan Más-
son, f. 3. janúar
1995 og óskírður
drengur, f. 22. aprfl
1999. Sigrún giftist
Benjamin Joseph
DeCesare árið 1978
en þau skildu árið
1983. Sigrún var
barnlaus.
Sigrún ólst upp í Reykjavík
og vann þar og á Norðurlönd-
um fram á þrítugsaldur. Þá
fluttist hún til Bandaríkjanna
og bjó þar og starfaði til ævi-
loka. Hún bjó lengstum í San
Antonio, Texas, en fluttist til
Orlando, Flórída, árið 1989.
Fyrir nokkrum árum lauk Sig-
rún námi í hótelrekstri frá Va-
lencia Community Collage í
Flórída og vann eftir það aðal-
lega á hótelum Walt Disney fyr-
irtækisins. Samhliða starfí sínu
stundaði Sigrún áframhaldandi
nám í hótelrekstri þar til hún
lést.
títför Sigrúnar fer fram frá
Grafarvogskirkju í dag og hefst
athöfnin klukkan 13.30.
Sigrún mágkona mín er nú fallin
frá, Iangt fyrir aldur fram.
Fyrstu kynni okkar Sigrúnar
voru jólin 1995 þegar hún kom í
' ■ heimsókn til íslands. Sigrún talaði
mikið um alla heima og geima svo
það var alltaf líf og fjör þegar hún
var nálægt. Sigrún var einnig mjög
opinská og hreinskilin og þægileg í
samskiptum. Hún var afar barnelsk
og reyndi að eyða sem mestum
tíma með bömunum sem voru
henni greinilega afar kær.
Um þetta leyti má segja að viss
kaflaskipti hafi verið í lífi Sigrúnar.
Hún hafði alla tíð verið vinnusöm
og sparsöm og var þessi vinna nú
að skila árangri. Hún lauk prófi í
hótelstjórnun í Bandaríkjunum og
starfaði við hótel Walt Disney-fyr-
irtækisins. Seinna festi hún kaup á
Persónuleg,
alhliða útfararþjónusta.
Sverrir Olsen, Sverrir Einarsson,
útfararstjóri útfararstjóri
Útfararstofa íslands
Suðurhlið 35 ♦ Simi 581 3300
Allan sólarhringinn. www.utfararstofa.ehf.is/
snotru einbýlishúsi á góðum stað og
var farin að festa þar rætur. Þetta
hús stóð okkur fjölskyldunni alltaf
opið og fleiri nutu góðs af.
Sigrún hvatti okkur oft til að
heimsækja sig með bömin okkar,
en af því varð ekki fyrr en í desem-
ber síðastliðnum. Þessi heimsókn
okkar verður alltaf eftirminnileg.
Sigrún var einstaklega gestrisin og
gerði allt til að vera sem mest með
okkur og bömunum. Hún sá til
þess að þau skemmtu sér sem best
og misstu ekki af neinu sem hún
vissi að þau hefðu gaman af. Sigrún
fylgdi okkur milli hinna fjölmörgu
skemmtigarða sem em í Flórída og
skipulagði ferðina til að tíminn
mætti nýtast sem best. Þetta gerði
Sigrún þrátt fyrir að hún væri enn
að jafna sig af bakmeiðslum sem
hún hlaut um haustið. Engan gmn-
aði þó að hún ætti við svo illvígan
sjúkdóm að etja sem raun var á.
Samhliða vinnu lagði Sigrún
stund á frekara nám í hótelrekstri.
Það var einstakt að heyra hana
Jiixiixxjxmiii
H
H
H
H
H
H
H
H
H
H
H
H
H
H
H
H
Erfisdrykkjur
*■-
P E R L A N
Sími 562 0200
ÍÍriTiixxxiiiixxxx
LEGSTEINAR
í rúmgóðum sýningarsölum okkar
eigum við ávallt fyrirliggjandi margar
gerðir legsteina og minnisvarða úr
íslenskum og erlendum steintegundum
Verið velkomin til okkar eða
hafið samband og fáið myndalist;
S.HELGASON HF
STEINSMIÐJAl
SKEMMUVEGI 48, 200 KÓP. SÍMI 557 6677 / FAX 557 8410.
segja frá þeim fögum sem hún hafði
numið. Hún talaði af brennandi
áhuga um það sem hún las og virt-
ist ekki gera upp á milli faggreina,
hvort sem um var að ræða listasögu
eða tölfræði. Hún lagði mikinn
metnað í þau verkefni sem fyrir
hana voru lögð, enda hafði hún
alltaf átt auðvelt með nám og lagt
hart að sér til að ná þeim markmið-
um sem hún setti sér.
í apríllok kom Sigrún í þriggja
vikna heimsókn til íslands, en
hrakaði mikið á þeim stutta tíma og
var þá greind með illkynja sjúk-
dóm. Eftir það tók við erfíður tími
veikinda og vonbrigða, þótt allt hafi
verið reynt til að stöðva veikindin.
Það var okkur þó huggun harmi
gegn að hún var hjá okkur þennan
erfiða tíma. Þá sáum við líka hversu
góða og trausta vini hún átti, bæði
hér heima og í Bandaríkjunum. All-
ir reyndu að hjálpa til á sinn hátt.
Það var ómetanlegt fyrir Sigrúnu
og fjölskylduna að æskuvinkona
hennar, Regína, hafði nýlokið prófi
sem sjúkraliði og starfaði á þeirri
deild sem hún dvaldi, hjúkraði
henni og hughreysti.
Það er sárt að sjá á eftir svo
ungri og kraftmikilli manneskju
verða að lúta í lægra haldi fyrir
ólæknanlegum sjúkdómi.
Elsku Sigrún mín, ég á alltaf eft-
ir að vera þakklát fyrir þær stundir
sem við áttum með þér, þótt sárt sé
að hugsa til þess að þær verði ekki
fleiri. Ég veit að sá tími sem börnin
mín áttu með þér munu alltaf
standa uppúr í þeirra huga. Við eig-
um myndirnar frá heimsókninni til
þín og ég veit að minningarnar sem
börnin mín eiga um þig verða ein-
stakur hluti þeirra bernskuminn-
inga alla tíð.
Elisabet Dolinda.
Elsku Sigrún okkar. Það er erfitt
fyrir okkur svona ung að skilja af
hverju þú ert ekki lengur hjá okk-
ur. Okkur langar til að þakka þér
fyrir allt sem þú gerðir fyrir okkur,
öll fallegu leikföngin sem þú færðir
okkur og hvað þú varst góð við okk-
ur þegar við komum í heimsókn til
Flórída.
Margs er að minnast,
margterhér.aðþakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
(V. Briem)
Linda og Kjartan.
Elsku Sigrún vinkona.
Nú ertu loksins laus við allar
þínar kvalir. Mig langaði aðeins til
að þakka þér fyrir allar ánægju-
stundirnar sem við áttum saman
hérna í Orlando. Þær eru mér
ógleymanlegar og ekki má gleyma
öllum þeim stundum sem við töluð-
um saman í símann. Já, þér þótti
mjög gaman að tala. Alltaf varstu
samt skemmtileg og mjög fróð um
alla hluti, talaðir aldrei illa um
neinn og fannst alltaf það góða í
öllum. Þú varst samt mjög sett í
þínum skoðunum og stundum var
alveg sama hvað ég sagði, þú hafðir
alltaf rétt fyrir þér en svo hringdir
þú í mig til að fá aðstoð eða skoðun
á einhverju málefni og var ég alltaf
svo hissa að þú fórst yfirleitt eftir
mínum ráðum.
Sigrún mín, þú varst mjög sterk
og ofboðslega dugleg, vannst og
fórst í skóla. Ég man svo vel eftir
því þegar við vorum að rölta eftir
„Park Avenue“ sem við kölluðum
„Laugaveginn okkar“. Við borðuð-
um hádegisverð á ítölskum útiveit-
ingastað. Þetta var okkar uppá-
haldsstaður, fórum síðan inn í
flestar verslanimar, mátuðum föt,
gerðum grín að hvor annarri og
hlógum því að stundum voru fötin
ósköp asnaleg og fóru okkur ekki
vel. Þið Alda komuð í heimsókn til
okkar og átti ég lítið handa ykkur
nema auðvitað kaffi. Ég fór nú
samt að tína saman úr ísskápnum,
fann seytt rúgbrauð, skinku og bjó
svo til „ítalskt salat". Þóra dóttir
mín hafði bakað „ömmusnúða" vik-
una áður, en þeir voru orðnir mjög
harðir. Þér og Öldu var alveg
sama, bleyttuð snúðana í kaffinu og
smjöttuðuð á þeim. Þetta var orðin
veisla hjá okkur. Oft komstu líka í
vinnuna til mín á Grand Floridian.
Eyddum við mínum kaffi- eða
kvöldmatartíma saman. Ég hringdi
alltaf til þín þegar það voru útsölur
í kvenfataversluninni og þú komst
og mátaðir fötin. Við höfðum mjög
gaman af þessu. Sigrún mín, þú
vildir alltaf líta sem best út og
klæddir þig mjög vel. Loksins
fannstu hús. Bróðir þinn, Ársæll,
kom og setti „tile“. Ég man hvað
þú varst hreykin af þessu húsi. Hr-
ingdir í mig annan hvern dag til að
láta mig vita hvernig gengi, varst
að kaupa mottur o.fl. Þér leið svo
vel í nýja húsinu þínu. Ég hitti þig
rétt fyrir jólin og var það mín
ánægja að koma þér, Elísabetu,
Má og börnum þeirra inn í Epcot.
Það var mín jólagjöf til þín. Þú
keyrðir í bílnum með mér, og töl-
uðum við mikið saman, aðallega um
veikindi þín því að.ég vissi að þú
varst orðin ansi kvalin. Þessi bíl-
ferð verður mér alltaf minnisstæð,
því það var í síðasta skipti sem við
hittumst. Ég fór heim í lok janúar
og kom ekki til baka fyrr en í mars.
Talaði aðeins þrisvar við þig, svo
fórst þú heim í apríl. Mig langaði
aðeins til að láta þig vita hvað þú
hefur gert mig þroskaðri, gefið
mér styrk og auðvitað ógleyman-
legar minningar.
Elsku Sigrún mín, mig langaði
aðeins til að þakka þér fyrir okkar
kynni, skilning, þroska og vináttu.
Við sendum Huldu, móður þinni,
og öllum ættingjum ykkar innileg-
ustu samúðarkveðjur.
Þín vinkona,
Ágfista.
Hún Sigrún er dáin. Þegar ég
segi þessi orð finnst mér ég vera að
tala um einhverja aðra konu en
ekki hana Sigrúnu vinkonu mína.
Hún sem var svo ung og ætlaði að
gera svo margt og mikið.
Sigrún var sterkur persónuleiki,
laus við allt fals og sannur vinur í
raun. Þeir sem voru henni nánir
fengu að kynnast því. Hún var fljót
að bregðast óumbeðin við þegar á
þurfti að halda.
Minningamar streyma um hug-
ann, allt frá þeim tíma þegar við
vorum ungar og áhyggjulausar og
nutum þess að vera til og lifa lífinu.
Þá minnist ég líka góðra stunda frá
þeim tíma þegar við báðar bjuggum
í Flórída. Þá var gott að eiga hvor
aðra að jafnt í gleði sem sorg.
Það er svo stutt síðan að við sát-
um saman og lásum minningar-
grein um gamlan vin okkar sem þá
var nýlátinn. Við vissum reyndar
þá að þú, Sigrún mín, værir komin
með banvænan sjúkdóm en mig
grunaði samt ekki að ég þyrfti að
kveðja þig svona fljótt.
Elsku Sigrún mín. Mig langar til
að þakka þér fyrir allar góðu stund-
irnar sem við áttum saman og sér-
staklega þakka þér fyrir hvað þú
varst alltaf góð við börnin mín. Ég
minnist þess sérstaklega hversu vel
þú reyndist henni Esther, dóttur
minni, þegar hún var við nám í
Flórída. Þá er ég þakklát fyrir þær
stundir sem ég fékk að annast þig
meðan þú lást á Sjúkrahúsi Reykja-
víkur. Þó að þær stundir hafi verið
okkur báðum oft mjög erfiðar hefði
ég ekki viljað missa af þeim.
Ég gæti skrifað miklu meira um
allt sem við höfum upplifað og
brallað saman en þær minningar
geymi ég í hjarta mínu.
Ég votta Huldu, systkinum henn-
ar og tengdafólki mína dýpstu sam-
úð.
Vertu sæl, elsku vinkona, hvíl þú
í friði.
Þín vinkona,
Regína.
í dag verður til moldar borin vin-
kona mín, Sigrún Björgvinsdóttir.
Við slitum ekki barnsskónum og
ekki heldur unglingaskónum sam-
an, heldur lágu leiðir okkar saman
sem fullorðnar.
í Flórída slitum við mörgum
skóm, spariskónum, söndulunum,
málningarskónum og garðyrkju-
skónum, þeim var öllum slitið í Ör-
lando, inniskónum slitum við bæði í
Panama City og Orlando, en
strandskónum eingöngu í Panama
City.
Það eru margar minningar sem
tekur að slíta hverju skópari, þakka
ég þær allar, sakna þess að þau
verða ekki fleiri.
Glaðværðin, greiðviknin og
manngæðin öfluðu henni vinahóps,
bæði meðal félaga og vinnufélaga.
Ég hef verið beðin fyrir kveðjur frá
vinnufélögunum Lindu, Kalla og
Irén og nágrönnunum öllum heima
í botnlangagötunni þinni í Orlando.
Þau þakka öll samfylgdina.
Það huggar mig að vita að sárs-
auki og kvalir hafa verið kvödd og
nú ert þú hjá ljósinu og hinum
æðsta krafti.
Ég mun ævinlega blessa og
þakka allar okkar samverustundir
og vinskap.
Með söknuði kveð ég.
Hvíldu í friði.
Alda Óladóttir Bredehorst.
Þegar við erum ung finnst okkur
vinir sjálfsagðir, þegar við eldumst
vitum við hvað það er að eiga vini.
I dag kveðjum við vinkonu okkar,
Sigrúnu Björgvinsdóttur. Hún lést
á Borgarspítalanum eftir erfiða en
stutta baráttu við illkynja sjúkdóm.
Nú er komið skarð í vinkvennahóp-
inn. Við kynntumst allar á ung-
lingsaldri og vorum í stórum vina-
hóp eins og tíðkast á þeim árum í
skóla og utan. Þau urðu sterk vin-
áttuböndin, þó svo að Sigrún hafi
búið helming ævi sinnar í Banda-
ríkjunum. Tengslin rofnuðu að ein-
hverju leyti við þessa miklu fjar-
lægð í svo langan tíma, en ekki
meira en það að þegar hún kom í
heimsókn til Islands var eins og við
hefðum hist í gær. Hún kom reglu-
lega til Islands að hitta fjölskyldu
og vini og við vinkonumar sóttum
hana heim. Kærar minningar rifj-
ast upp þegar sest er niður og litið
til baka. Fyrir rúmu ári kom hún í
heimsókn og það var í síðasta skipti
sem við sátum allar eina kvöld-
stund og þá var hún hrókur alls
fagnaðar. Hún hafði góða frásagn-
argáfu og við hlógum og hlustuðum
á allar sögumar og ævintýrin sem
hún hafði frá að segja. Við ákváðum
það kvöld að næsta heimsókn yrði
til hennar á Flórída þegar við yrð-
um allar fimmtugar, sem því miður
verður ekki af. Á ferðalögum sínum
til íslands bjó hún hjá Huldu,
mömmu sinni. Þá var öllum vinkon-
um boðið til veislu, sem þær mæðg-
ur stóðu fyrir sem vom miklar mat-
ar- og kaffiveislur og var oft glatt á
hjalla. Sigrún starfaði við þjónustu-
störf í Bandaríkjunum og undi hún
því vel því síðustu árin settist hún á
skólabekk og nam hótelrekstur sem
hún lauk á þessu ári. Þegar við
hugsum til Sigrúnar þá stendur
upp úr að hún var sterkur persónu-
leiki og með mikla réttlætiskennd
og við munum minnast hennar sem
slíkrar. Elsku Hulda og systkini.
Guð styrki ykkur í sorg ykkar.
Guðrún, Bára og Bryndís.
Elsku Sigrún mín!
Þar sem ég sit hér og set fáeinar
línur á blað, finnst mér óskiljanlegt
að þú skulir vera farin og ég eigi
þess ekki lengur kost að hitta þig
eða hringja til þín og spjalla eins og
við gerðum svo oft. Þín mun verða
sárt saknað af okkur vinkonunum,
en við trúum því og vitum að þér
líður nú vel í umvefjandi kærleika
drottins. Hafðu þökk fyrir allt og
allt.
Allar stundir okkar hér
er okkur ljúft að muna.
Fyllstu þakkir flytjum þér
fyrir samveruna.
Hvíl þú í friði.
Guð styrki móður þína og fjöl-
skyldu í þessari miklu sorg.
Heiða, Guðfríður (Guffa),
Sigrún og Nanna,
Orlando Flórída.