Morgunblaðið - 05.08.1999, Blaðsíða 2

2 FIMMTUDAGUR 5. ÁGÚST 1999
MORGUNBLAÐIÐ
FRÉTTIR
Mikil eignaaukning hjá lífeyrissjóðunum á fyrsta ársfjórðungi
Eignirnar hækkuðu
um 25 milliarða
AUKNING á heildareignum lífeyr-
issjóðanna er rúmlega 11 milljörðum
meiri á fyrsta ársfjórðungi ársins
1999 en á sama tíma í fyrra. Aukn-
ingin var 14,218 milljarðar 1998 en
er 25,420 milljarðar 1999 og er
aukningin því 78,8% meiri í ár en í
fyrra. Þetta kemur fram í Hagtölum
júlímánaðar sem Seðlabankinn gef-
ur út.
Samkvæmt upplýsingum frá Við-
skiptastofu Landsbanka íslands hf.
er langstærsti hluti eignanna ríkis-
tryggð verðbréf eða 39% og næst-
stærsti hluti eignanna, eða 14%, er í
erlendum verðbréfum. Eign lífeyris-
sjóðanna í ríkistryggðum bréfum
hefur lækkað um 2% og í sjóðsfé-
lagalánum um 1%. Lækkunina má
rekja til aukinna erlendra fjárfest-
inga að mati sérfræðinga Lands-
bankans en eignaaukningin á fyrsta
ársfjórðungi þessa árs er mest í er-
lendum verðbréfum eða 15 milljarð-
ar. Til samanburðar má geta að allt
hið fyrra ár fjárfestu lífeyrissjóðirn-
ir fyrir 20 milljarða erlendis. Næst-
mesta eignaaukningin er í hlutdeild-
arskírteinum verðbréfasjóða og
hlutabréfum en eign lífeyrissjóð-
anna í hvoru fyrir sig jókst um þrjá
milljarða.
Að mati sérfræðinga Landsbank-
ans má að töluverðu leyti rekja
aukningu heildareigna lífeyrissjóð-
anna til tveggja prósentna viðbótar-
lífeyrisgreiðslna sem mátti byrja að
greiða um síðustu áramót en einnig
vegna þess að lífeyrir er nú greiddur
af hærri launum vegna launahækk-
ana og að stærri hluti heildarlauna
er notaður sem stofn til útreiknings
lífeyrisgreiðslna.
Áðspurður kvaðst Már Guð-
mundsson, aðalhagfræðingur Seðla-
bankans, aftur á móti ekki álíta að
aukninguna mætti sérstaklega rekja
til viðbótarlífeyrisgreiðslnanna.
Sagðist hann halda að þetta hefði
verið fyrirséð, eignir lífeyrissjóðanna
hefðu verið að aukast mikið undan-
farin ár. Launastigið hefði hækkað
töluvert og stofneign lífeyrissjóð-
anna yxi samhliða því að réttindi til
lífeyris byggðust upp, ávöxtun væri
góð og fjárfestingar gæfu vel af sér.
Már vildi auðvitað ekki útiloka að
viðbótarlífeyrisgreiðslurnar hefðu
eitthvað að segja í þessu sambandi
en benti jafnframt á að þær fara ekki
allar í gegnum eiginlega lífeyrissjóði.
Tölfræðisvið Seðlabankans hafði
ekki tiltækar upplýsingar um fjölda
þeiiTa sem hafa nýtt sér heimild til
viðbótargreiðslu lífeyris né um
hversu háar upphæðir væri að ræða
þar sem bankinn er hættur að safna
saman ársfjórðungslegu greiðsluyf-
irliti. Nú er greiðsluyfirlit einungis
tekið saman árlega. Upplýsingar
fengust ekki hjá Landssamtökum líf-
eyrissjóða sakir sumarleyfa.
Morgunblaðið/Matthías Gislason
EINMUNA bliða hefur verið á
Iandinu undanfarna daga og ekk-
ert lát verður á henni á næstunni
ef marka má veðurspár. Þannig
hefur viðrað sérlega vel til fall-
Stiarna yfir
Hellu
hlifarstökks, eins og sjá má á
myndinni sem tekin er yfir Hellu
á RangárvöIIum, þar sem æfð
verða stökk á vegum Félags fall-
hlífastökkvara þessa vikuna.
Reisa minnisvarða um breska
flug'sveit á Selfossflugvelli
ATLANTA býður nokkrum fyrr-
verandi hermönnum frá Bretlandi
til íslands í næstu viku og verða
þeir viðstaddir afhjúpun minnis-
merkis á Selfossflugvelli um veru
flugsveitar úr konunglega breska
flughernum þar á stríðsárunum.
Fjórtán hermenn hafa þekkst
boðið.
Arngrímur Jóhannsson, stjórn-
arformaður Atlanta, tjáði Morg-
unblaðinu að umrædd sveit, 269.
flugsveit RAF, hefði verið merki-
leg fyrir margra hluta sakir. Hún
hefði m.a. náð þýskum kafbáti og
dulmáli hans sem talið væri að
hefði verið lykill að velgengni í
baráttu bandamanna við Þjóð-
verja á þessu svæði. Hann kvaðst
hafa fengið þá hugmynd að reist
yrði minnismerki um veru sveitar-
innar í Kaldaðarnesi og var
ákveðið að það yrði á Selfossflug-
velli.
Fjórtán hermenn sveitarinnar
eru enn á lífi og hafa þegið boð
Arngríms um að koma hingað til
lands og tveir þeirra taka konur
sínar með. Arngrímur sagði þá
vera kringum áttrætt og væri ætl-
unin að fá inni fyrir hópinn á
heimilum. Hópurinn kemur hing-
að til lands næstkomandi mánu-
dag og verður Arngrímur sjálfur
við stjórnvölinn á Boeing 747-þotu
Atlanta sem sækir hermennina.
Morgunblaðið/Ásdís
ÞYRLA Landhelgisgæslunnar svífur yfir Mógilsá með nýja og veglega
brú. Við hægri enda brúarinnar gnæfir Þverfellshorn en þangað
leggja flestir Esjufarar Ieið sína, eða um 6.000 á hverju ári.
Mógilsá brúuð
ÞYRLA Landhelgisgæslunnar flutti
rammgerða brú upp í miðjar Esju-
hlíðar í gærdag. Brúin gerir göngu-
fólki kleift að ganga þurrum fótum
yfir Mógilsá miðja vegu milli Kögun-
ar- og Rauðhóls, u.þ.b. þriðjung leið-
arinnar upp fjallshlíðina.
Umsjónaraðili þessarar vinsælu
gönguleiðar, sem um 6.000 manns
ganga á ári hverju, er Rannsóknar-
stöð Skógræktar ríkisins á Mógilsá
en frumkvæði að smíði brúarinnar
hafði Ferðafélag íslands. ÍSAL var
fengið til að smíða brúna og gaf fyr-
irtækið bæði efnið og vinnuna við
smíði hennar. Byggingafyrirtækið
Eykt stjórnaði uppsetningu brúar-
innar og gáfu starfsmenn þess vinnu
sína.
Auk Rannsóknarstöðvarinnar og
Ferðafélagsins standa Sparisjóður
Reykjavíkiu- og nágrennis og vinnu-
hópar frá Vinnuskóla Reykjavíkur,
Vegagerðin og Landsvirkjun að
„endurbótum og framþróun stígs-
ins“, eins og fram kemur í fréttatil-
kynningu Rannsóknarstöðvarinnar.
Um þessar mundir vinna 45 ung-
menni að gróðursetningu trjáplantna
og lagfæringu neðsta hluta göngu-
leiðarinnar.
Brúin, sem er 11 metra löng og
vegur um 1.000 kg, beið þyrlunnar
rétt ofan við Rannsóknarstöðina á
Mógilsá. Að sögn þyrlumanna var
það létt verk fyrir þyrluna að flytja
brúna upp fjallið á tilbúna stöpla.
Flugmaður var Jakob Ólafsson en
honum til aðstoðar frá Landhelgis-
gæslunni voru Magnús Óskarsson,
Sigurður Ásgeirsson, Páll Geirdal
stýrimaður og Hilmar Þórarinsson
flugvirki.
Brúin auðveldar göngufólki enn
„nýju leiðina“ sem greinist frá þeirri
gömlu bröttu rétt neðan við nýju
brúna og liggur upp fjallshlíðina
austan við Mógilsá og sprænur
hennar, en skáskerst síðan upp og
vestur í áttina að Þverfellshorni, al-
gengasta áfangastaðnum.
Banaslysið
á Vestur-
landsvegi
KONAN sem lést á þriðjudag-
inn var, er fólksbfll og vörubíll
lentu í árekstri á mótum Vestur-
landsvegar og Akranesvegar,
hét Sigurlína E. Kristinsdóttir,
til heimilis að Vallarbraut 13,
Akranesi. Sigurlína var á 65.
aldursári og lætur eftir sig fjög-
ur uppkomin börn.
; Herbert Arnarson í at-
; vinnumennsku á ný/ C1
KR-ingar komnir í úrslit
bikarkeppninnar / C4
Sérblöð í dag

Morgunblaðsins
Sérblað um viðskipti/atvinnulíf
Fylgstu
með
nýjustu
fréttum
www.mbl.is