Morgunblaðið - 28.09.1999, Side 56

56 ÞRIÐJUDAGUR 28. SEPTEMBER 1999
MORGUNBLAÐIÐ
Hundalíf
Ljóska
Ferdinand
Smáfólk
Á svona stundum óska Ég skil hvað þú átt við. Heldurðu Nei, ég gleymdi sex kleinukringjum
óg mér þess að vera að þetta geti verið löngunin til í skrifborðinu mínu.
komin aftur í skólann. að læra sem öll börn hafa?
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Varðandi kynþáttafor-
dóma í knattspyrnu-
leik Fram og Víking’s
Frá Vali Úlfarssyni:
ÉG GET ekki annað en undrast
hvað hægt er áð gera stóran úlf-
alda úr lítilli mýflugu. I leik Fram
og Víkings á ég að hafa sagt ljót
orð sem lýsa kynþáttahatri. Málið
hefur verið blásið upp á sjónvarps-
stöðvunum, Stöð 2 sýnt myndir af
mér og Einar S. Hálfdánarson, lög-
fræðingur skrifaði í Morgunblaðið
og ásakaði mig um óíþróttamanns-
lega framkomu og lagði mér ljót
orð í munn. Formaður Knatt-
spyrnudeildar Fram, Sveinn Andri
Sveinsson, lögfræðingur, skrifaði í
DV og Morgunblaðið um málið og
talaði um kynþáttafordóma gagn-
vart Marcel, leikmanni Fram, og
spjótunum var beint að mér. Að-
eins stjórn Knattspyrnudeildar
Víkings hefur talað við mig og
spurt mig um mína hlið á þessu
máli. Þetta er eins og aftaka án
dóms og laga.
Málið er að í þessum leik þegar
boltinn var hvergi nærri sló Marcel
til mín og hafði uppi niðrandi um-
mæli. Hann skipaði mér að ég
mætti ekki snerta hann. Ég svaraði
honum að ég mætti alveg snerta
hann, það væri ekki brot. Þá kom
hár bolti og hann gaf mér olnboga-
skot í andlitið sem margir urðu
vitni að. Ég reiddist og gekk til
hans og lét falla ógætileg orð, en
sem alls ekkert eiga skylt við kyn-
þáttafordóma. Hann reiddist mjög
og hrækti beint í andlitið á mér að
dómaranum aðsjáandi. Mín mistök
voru að sjálfsögðu að svara honum
og ég harma það og bið Marcel af-
sökunar á orðunum. Ég hef enga
kynþáttafordóma, hvorki gagnvart
Marcel né öðrum. Margir þeir sem
ég hef að fyrirmynd í íþróttunum
eru einmitt litaðir.
Hafi einhver heyrt mig í um-
ræddum leik viðhafa slíkt orðbragð
eða annað það sem borið hefur ver-
ið á mig bið ég hann að koma fram í
eigin nafni og segja frá því. En ekki
láta óvönduð skrif lögfræðings eða
einhverja aðra „business“-menn
uppi í stúku, sem ekkert vit hafa á
hvað gerist inni á velli, leggja
mannorð 18 ára pilts í rúst. Það
sem Einar S. Hálfdánarson heldur
fram í Morgunblaðinu þ.22.9 að ég
hafi sagt og gert er rangt. Til að
mynda hafði ég ekki það hlutverk
að gæta Marcel í leiknum, þannig
að samskipti okkar voru engin fyrir
utan þetta umrædda atvik. Ég vona
að Einar sjái að sér og biðji mig af-
sökunar, því að í grein sinni er
hann ekki að segja satt. I von um
að hið sanna komi í ljós og að þeir
tveir lögfræðingar, sem fara fyrst í
fjölmiðla með málin og virða ekki
þau grundvallarmannréttindi að
hver maður teljist saklaus þangað
til sekt hans er sönnuð, hugsi um
hvað þeir eru búnir að gera mér,
ungum leikmanni, sem er að byrja
minn feril í meistaraflokki. 111 um-
mæli særa ekki síður en meintir
kynþáttafordómar. Vonandi að þið
sýnið heiðarlega framkomu fram-
vegis.
VALUR ÚLFARSSON,
leikmaður meistaraflokks Víkings í
knattspyrnu.
Athugasemd vegna tón-
listarumsagnar Ríkarðs
Arnar Pálssonar
Frá Jóni Stefánssyni:
ÞRÁTT fyrir þá grundvallarskoð-
un mína að gagnrýnendur hafi full-
an rétt á því að hafa aðrar skoðan-
ir á tónlistarflutningi en ég get ég
ekki stillt mig um að gera athuga-
semd við umsögn RÖP um kór- og
orgeltónleika í Langholtskirkju
þriðjudaginn 21. september.
RÖP fjallar þar m.a. um verk
Olivers Kentish sem hann segir
samið fyrir báða kóra Langholts-
kirkju og orgel (barnakór og
blandaðan kór). Skrifar hann um
hvernig verkið hafi laðað skemmti-
lega fram litaandstæður kóranna.
Ekki finnst mér undarlegt að RÖP
hafi tekið eftir ólíkum hljómi kór-
anna tveggja í þessu verki þar sem
það er samið eingöngu fyrir barna-
kórinn og blandaði kórinn sat
stilltur og prúður án þess að gefa
frá sér nokkurt hljóð og tók þar af
leiðandi ekki þátt í flutningnum.
Þetta finnst mér gera ýmislegt
annað í umfjölluninni tortryggi-
legt. Til dæmis að flutningurinn
hafi verið fagnaðarsnauður og á
köflum lafað í tóni. Frá mér séð
(með nýju gleraugunum mínum)
gneistaði af kórfélögum bæði af
krafti og sönggleði í þessum nýju
verkum Olivers og Tryggva Bald-
vinssonar og músíkölskum hlust-
endum vil ég benda á að hlusta vel
þegar tónleikunum verður útvarp-
að. Þeir munu þá komast að því að
kórinn söng tandurhreint. Það er
oft mjög gaman að lesa skrif RÖP
því hann skrifar mjög skemmtileg-
an stíl og málfarið er hugmynda-
ríkt og myndrænt. Hins vegar
finnst mér ærið oft að hann hafi
ekki verið á sömu tónleikum og ég
þegar ég les umsagnir hans.
Að lokum vil ég þakka Morgun-
blaðinu fyrir afar metnaðarfulla
og vandaða umfjöllun um menn-
ingu. Morgunblaðið og RÚV, rás
eitt, eru einu fjölmiðlar landsins
sem líta á menningu sem sjálf-
sagðan hlut sem beri að fjalla um
með sama hætti og annað, t.d.
íþróttir.
JÓN STEFÁNSSON,
organisti.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.