Morgunblaðið - 13.11.1999, Page 70

70 LAUGARDAGUR 13. NÓVEMBER 1999
MORGUNBLAÐIÐ
>
Dýraglens
Grettir
!
Hundalíf
Smáfólk
Þarna, mér tókst það.
I ANSlOERED EVERV
aUESTION.'
Ég svaraði hverri
einustu spurningu.
Gerðu svo vel, ungfrú.
Beint úr verksmiðjunni.

BREF
TIL BLAÐSINS
Kringlunni 1103 Reykjavík • Sími 569 1100 • Símbréf 569 1329
Aldamótin
2000-2001
Frá Kristjáni Hall:
í JANÚAR árið 1901 var mikið um
dýrðir í Reykjavík. Það var verið
að fagna nýrri öld.
Raunar fögnuðu Islendingar all-
ir en sums staðar var hátíðahöld-
unum frestað, eins og til dæmis á
Möðruvöllum í Hörgárdal, þar sem
fyrsta ári og fyrsta sumri nýrrar
aldar var fagnað á sumardaginn
fyrsta árið 1901. Þar var klukkum
hringt klukkan 12 og safnast sam-
an norðan við skólahúsið.
Skólapiltar í Reykjavík héldu
hins vegar sína aldamótaminningu
hinn 2. janúar árið 1901 með hátíð-
arsamkomu. Aldar prentsmiðja
hafði prentað og dreift Aldamóta-
sálmi, sem prentaður var með nót-
um til að syngja á gamlárskvöld
1900. Glasgow prentsmiðja gaf út
árið 1901 _ aldamótakvæði eftir
Benedikt Ásgrímsson og Félags-
prentsmiðjan Aldamóta-óð 1900-
1901, eftir Jón Ólafsson. Mikið
óskaplega hefði verið hlegið að
þeim sem haldið hefði því fram að
aldamótin hefðu verið um áramót-
in 1899-1900. Það vissu jú allir að
árið 1900 var nítjánhundraðasta
árið og þegar það væri liðið þá
væri jafnframt öldin liðin og alda-
mót haldin hátíðleg.
En þeir höfðu ekki í þá daga
fréttamenn, sem lugu að fólki,
jafnvel gegn betri vitund, í gegn-
um öfluga fjölmiðla, að aldamót
yrðu við upphaf tvöþúsundasta ár-
sins.
Tímatal er dauðans alvara. Allt
okkar líf stjórnast, meðvitað og
ómeðvitað, af tímatalinu. Við mæt-
um til vinnu á vissri stundu vissa
daga en aðra daga skiptir sú stund
okkur engu. Við teljum stundirnar
og dagana, gefum þeim nöfn eftir
föstum tölulegum reglum.
Ef við breytum þessum reglum
verðum við að breyta öllu kerfinu.
Ef við rýmkum reglurnar og segj-
um til dæmis að tvöþúsundasta ár-
ið sé fyrsta ár nýrrar aldar þá fær-
ist allt niður um einn. Þá verður
maður á tíræðisaldri 100 ára og
unglingar á sautjánda ári (16 ára)
eiga rétt á ökuréttindum o.s.frv.
Já, tímatal er dauðans alvara og
þar sem við íslendingar virðumst
ekki fá tölfræðina með móður-
mjólkinni, eða í uppvextinum,
verður útkoman hjá okkur oft und-
arleg. Þannig hlýtur það að hafa
valdið mörgum fyrirtækum veru-
legum erfiðleikum að mörg þau
dagatöl íslensk, sem fyrirtæki hér
gefa út í tugþúsundatali, stemma
ekki við dagatöl erlend, þannig að
vöruafhendingar og pantanir rugl-
ast og koma ýmist of snemma eða
seint. Arið 1582 fóru þúsundir
Evrópubúa í mótmælagöngur
vegna þess að þeir töldu að Greg-
oríus páfi 13. hefði stolið tíu dög-
um af lífi þeirra þegar hann leið-
rétti tímatalið. I dag brosum við
bara og spyrjum; hvað er ein vika
eða ár á milli vina?
KRISTJÁN HALL
iðnrekandi, Langholtsvegi 160,
Reykjavík.
Flugvallarmál
Frá Guðmundi Bergssyni:
ÞAÐ er sjálfsagt að bera í bakka-
fullan lækinn að fara að skrifa um
Reykjavíkurflugvöll. Það eru allar
líkur á þvi að milljörðum verði eytt í
hann og það til nokkurra ára eins
og leyfið hljóðar uppá. Peningum
landsmanna væri betur varið í völl
sem væri til frambúðar, líklega alla
næstu öld. Þó að margt hafi verið
rætt og ritað um að færa hann út í
Skerjafjörð og Engey og víðar þá
hefur enginn minnst á þann stað
sem mest var í umræðunni hér á ár-
um áður, á meðan allt flug bæði til
útlanda og innanlands var um
Reykjavíkurflugvöll. Það datt alveg
niður um leið og flugið til útlanda
var flutt til Keflavíkur. Það er fyrst
nú þegar Reykjavíkurflugvöllur er
nær ónýtur að málið ber á góma og
þá með þeim hætti að það eigi að
byggja hann upp fyrir milljónir og
allir forðast að nefna slysahættuna
af því að hafa völl inni í borginni.
Tilefni þessara lína er það að
þriðjudaginn 5. okt. skrifar maður
að nafni Jón Kr. Gunnarsson grein í
Dagblaðið og minnir á stað sem er
Kapelluhraun.
Kapelluhraun
Þeir sem hafa talað um að það sé
svo langt að fara til Keflavíkur, þeir
ættu að geta sætt sig við að fara
rétt suður fyrir Hafnarfjörð að
Krísuvíkurafleggjara og þá þarf
ekki að ræða meir um vegalengdir.
Það þarf ekki að finna stað fyrir æf-
ingarflug. Það getur sem best verið
þama líka. Þarna er engin byggð
sem stafar hætta af flugi eins og í
Reykjavík og þar voru taldar hinar
ákjósanlegustu aðstæður á sínum
tíma þó það hafi fallið í gleymsku og
þeir allra þröngsýnustu sjái ekkert
annað en Reykjavíkurflugvöll.
Það hlýtur að vera ódýrara að
jafna út hraunið heldur en moka
upp Vatnsmýrina og keyra burtu
og koma með annað efni í staðinn.
Það ætti því að gera bráðabirgðav-
iðgerð á Reykjavíkurflugvelli sem
dygði í nokkur ár, á meðan Kapellu-
flugvöllur væri byggður og komið í
viðunandi horf svo hægt væri að
taka hann í notkun. Það væri ólíkt
betri nýting á fjármunum almenn-
ings en völlur til nokkurra ára sem
ausið yrði í ómældum upphæðum.
Þegar verið er að tala um að flug-
völlurinn í Reykjavík þurfi að vera
þar út af landsbyggðarfólki sem
þurfi að sækja allt til Reykjavíkur
þá er það hlálegt þegar hægt er að
hafa samband gegnum tölvur landa
á milli. Það væri ekki of mikið gert
fyrir landsbyggðina þó að það opin-
bera setti upp skrifstofur á nokkr-
um stöðum á landinu þar sem fólkið
gæti fengið einhverja þjónustu til
að fækka ferðum þess með ærnum
kostnaði tO Reykjavíkur og gæti
skapað nokkur ný störf úti á landi.
GUÐMUNDUR BERGSSON,
Sogavegi 178, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunbiaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.