Morgunblaðið - 01.03.2000, Blaðsíða 2

2 MIÐVIKUDAGUR 1. MARS 2000
MORGUNBLAÐIÐ
FRÉTTIR
Bensínverð
hækkar
BENSÍNVERÐ hækkar í dag, víð-
ast um tvær til þrjár krónur á hvern
lítra, og hefur verðið líklega aldrei
verið jafn hátt og nú.
Kristinn Bjömsson, forstjóri
Skeljungs, segir að vegna þeirra
miklu hækkana sem orðið hafa á
heimsmarkaðsverði sé óumílýjan-
legt að hækka bensínverð um tvær
til þrjár krónur á hvern lítra og seg-
ist hann ekki muna eftir því að verðið
hafí áður orðið þetta hátt. Hann seg-
ir nýlegar hækkanir á heimsmark-
aðsverði merkilegar að því leyti að
ekki sjást neinar utanaðkomandi or-
sakir fyrir þeim. Því hljóti þetta að
vera „heimatilbúnar" hækkanir hjá
viðkomandi framleiðsluríkjum.
Hjá Olíufélaginu Esso hækkar
bensínverð einnig, vegna þess hve
hátt verð er á alþjóðaolíumörkuðum
um þessar mundir og nemur hækk-
unin 2,40 krónum á hvern lítra.
Frá áramótum hefur olíuverð
hækkað um 34% á alþjóðlegum
markaði.
--------------
A
Ovenju mörg
börn fæddust á
hlaupársdegi
ÓVENJU mörg börn fæddust á fæð-
ingadeild Landspítalans í gær,
hlaupársdag, níu drengir og þrjár
stúlkur. Sérstaklega var mikið um að
vera seinni partinn en sex börn
fæddust milli klukkan 17 og 22. Að
sögn Ijósmóður á fæðingadeildinni
fæðast að meðaltali um átta börn á
dag og segir hún þetta því með meira
móti. Einnig voru óvenju margar
fæðingar á Fjórðungssjúkrahúsinu á
Akureyri í gær. Par fæddust fimm
böm, þrjár stúlkur og tveir drengir.
Að sögn ljósmóður á Fjórðung-
ssjúkrahúsinu fæddust síðast börn á
hlaupársdegi þar árið 1988.
4-+-*
Lést í vél-
sleðaslysi
MAÐURINN, sem lést í vélsleða-
slysi í Súðavík sl. mánudag, hét Val-
steinn Heiðar Guðbrandsson til
heimilis í Árnesi í Súðavík.
Hann var fæddur 12. apríl árið
1947 og lætur eftir sig eiginkonu og
fjóra uppkomna syni.
Valsteinn átti áralangan feril að
baki í sveitarstjómarmálum og sat í
hreppsnefnd Súðavíkurhrepps fyrir
F-lista Umbótasinna og gegndi einn-
ig trúnaðarstörfum í ýmsum nefnd-
um fyrir sveitarfélagið.
Morgunblaðið/Ejöm Blöndal
Flugvirkjar unnu í gær við að taka hreyfilinn af væng Svandísar. Hann verður sendur til framleiðandans, Rolls
Royce, þar sem hann verður tekinn til nákvæmrar skoðunar.
Þotuhreyfill hjá Flug-
leiðum setur heimsmet
Keflavfk - „Hreyfillinn hefur ver-
ið lengst allra hreyfla samfleytt á
flugvélavæng og þetta er heims-
met. Hann var enn í fullkomnu
lagi en af öryggisástæðum var
ákveðið að skipta honum út.
Hreyfíllinn er búinn að vera á vél-
inni siðan hún kom ný til lands-
ins, 29. maí 1991, og hefur skilað
40.530 tímum og 47 mínútuin,"
sagði Theodór Brynjólfsson verk-
stjóri í viðhaldsdeild Flugleiða um
einstæða endingu á flugvéla-
hreyfli, sem var tekinn úr notkun
í gær. Hreyfillinn, sem var
þriggja hreyfla maki, verður nú
sendur til framleiðandans, sem er
Rolls Royce, og að sögn Theodórs
bíða menn þar á bæ spenntir eftir
að fá hann til skoðunar.
Hreyfillinn góði hefur verið á
væng Svandísar, Boeing 757 200-
vél Flugleiða, sem nú er í svokall-
aðri C-skoðun, sem tekur 9 daga.
Fyrra metið átti hreyfíll af teg-
undinni CFM, sem er framleiddur
af frönskum og bandariskum
verksmiðjum og var á Boeing
737-400-vél. Hann skilaði um
30.000 tímum en meðalendingar-
tími þotuhreyfla er um 15.000 til
25.000 flugtímar. Theodór sagði
að í hverjum hreyfli væri fjöldi
skynjara sem segðu til um ástand
hans, sem gerði mönnum kleift að
Iagfæra áður en bilun yrði á bún-
aði. Þotuhreyflar eru ekki gefnir
og er verðið á einum slíkum um
hálfur milljarður fslenskra króna.
Kona sýknuð af ákæru um að hafa ekið gegn rauðu ljósi
Ekki tekið mark á
framburði lögreglu
HÉRAÐSDÓMUR Reykjavíkur
sýknaði í gær ökumann bifreiðar
sem gefið var að sök að hafa ekið
gegn rauðu ljósi á gatnamótum í
Reykjavík. Umrætt atvik gerðist
um miðnætti laugardaginn 18.
september við gatnamót Miklu-
brautar og tengibrautar við Suður-
landsbraut skammt austan við
Skeiðarvog.
Konan sem ók bílnum vestur
Miklubraut hefur haldið því fram
frá upphafi að skipt hafi úr grænu
ljósi í gult þegar hún átti nokkra
metra eftir að gatnamótunum og
hafi hún ákveðið að fara yfir í stað
þess að nauðhemla þrátt fyrir að
hún hafí séð lögreglubíl sér á
hægri hönd bíða eftir að komast
inn á Miklubrautina.
Lögreglumennirnir tveir sem í
lögreglubílnum voru héldu því
fram að hún hefði ekið gegn rauðu
ljósi og stöðvuðu bílinn. Hún neit-
aði þá og hefur gert alla tíð síðan
og sinnti því ekki sektarboði um að
greiða 10.000 krónur og láta málið
niður falla.
Eiginmaður konunnar og vinur
þeirra voru með henni í bílnum og
báru vitni í málinu og bar þeim
saman við framburð konunnar.
Dómarinn komst að þeirri niður-
stöðu að ekki væri komin nægileg
sönnun, sem ekki verði vefengd
með skynsamlegum rökum, um
sekt ákærðu og því bæri að sýkna
hana af ákærunni.
Falsanir á verk-
um íslenskra
listamanna
Fölsuð
listaverk
um níu
hundruð
ÓLAFUR Ingi Jónsson for-
vörður telur að um níu hund-
ruð listaverk hafi verið fölsuð
í nafni látinna íslenskra list-
málai-a og þeim dreift kerfis-
bundið á íslenskan og dansk-
an uppboðsmarkað á árunum
1989 til 1997.
Þetta kemur fram í grein
Halldórs Björns Runólfssonar
listfræðings, „Þankar um
málverkafalsanir", í nýjasta
hefti Tímarits Máls og menn-
ingar. Hafa svo háar tölur
ekki verið nefndar áður í
þessu sambandi.
Enn verið að bjóða
upp fölsuð verk
Verðmæti einstakra verka
hlaupa á tveimur til fimm
hundruð þúsundum króna, að
því er segir í greininni. Þá
kemur fram að Ólafur Ingi
hefur undir höndum sýning-
arskrár frá dönskum lista-
verkasölum og uppboðshöld-
urum sem sýna ótvírætt að
falsanir á íslenskum lista-
verkum eru enn á boðstólum
hjá dönskum uppboðshöldur-
um.
■ Níu hundruð/30
Formálar
minningar-
greina á
mbl.is
LESENDUR mbl.is geta framveg-
is lesið formála sem fylgja minn-
ingargreinum í blaðinu sjálfu.
Myndir fylgja yfirleitt þeim for-
málum sem birtast í fyrsta sinn,
en berist fleiri minningargreinar
um sama aðila birtast þeir styttir
og myndlausir.
Þessi þjónusta er einkum ætluð
lesendum vefjarins í útlöndum, en
er öllum opin og án endurgjalds.
Minningargreinar sem fylgt hafa
formálum er hægt að finna í
gagnasafni blaðins. Allir geta leit-
að í því en til að lesa greinar þarf
að kaupa aðgang. Tengingu við
gagnasafn má finna til hægri á
upphafssíðu vefjarins. Til vinstri
er tenging þar sem fá má upp-
lýsingar um frágang og birtingu
minningargreina. Þar má einnig
senda minningargreinar til blaðs-
ins ásamt mynd sé þess óskað. Þá
eru upplýsingar um myndafrágang
til staðar á síðunni.
Sérblöð í dag

www.mbl.is

jHovannMníub
WúrVERINU
ALLTAF A MIÐVIKUDOGUM
•••••••••••••••••••••••••••••••••••••••
Víkingsstúlkur deildar-
meistarar í handbolta/B2
Nýir ieikmenn til Kefla-
víkur og Njarðvíkur/Bl/B3
MEÐ Morg-
unblaðinu i
dagfylgir
átta síðna
blaðauki.
Reykjavík
menningar-
borg Evrópu
árið 2000.
► Teiknimy ndasógur
► Pennavinir
► Teikningar
► Myndir
► Þrautír
► Sögur