Morgunblaðið - 17.03.2000, Qupperneq 12

12 FÖSTUDAGUR 17. MARS 2000
MORGUNB LAÐIÐ
FRÉTTIR
Norrænir þingmenn álykta gegn uppgangi öfgaflokka
Vilja stöðva merkis-
bera kynþáttahaturs
/
Landslið Islands
í brids valið
FIMMTÁN norrænir þingmenn á
aldrinum 25-35 ára ályktuðu gegn
uppgangi öfgaflokka í Evrópu á
fundi í Kaupmannahöfn fyrr í þess-
um mánuði.
Undir ályktunina rituðu þing-
menn jafnaðarmannaflokkanna í
Danmörku, Noregi og Svíþjóð,
Verkamannaflokksins_ í Noregi og
Samfylkingarinnar á Islandi.
Þórunn Sveinbjarnardóttir var
einn þingmannanna fimmtán og sá
eini frá Islandi.
í ályktuninni, sem ber yfírskrift-
ina „Stöðvum merkisbera kynþátta-
haturs strax!“ er í upphafi þess
minnst að nýnasistar hafí í október
í fyrra myrt Björn Söderberg,
verkalýðsleiðtoga í bænum Satra í
Svíþjóð. Björn hafí tekið virkan
þátt í baráttunni gegn fasisma og
andlýðræðislegum öflum þar í landi.
„Það er skylda okkar allra að sjá
til þess að öfgaflokkar, sem hafa út-
lendingaandúð og kynþáttahatur að
leiðarljósi, nái ekki fótfestu í
Evrópu, hvorki á Norðurlöndunum
né annars staðar í álfunni. Stjórn-
málaflokkar verða að taka höndum
saman í baráttunni gegn öfgahægri-
öflum, á landsvísu og í fjölþjóðlegu
samstarfi,“ segir í ályktuninni og
ennfremur að þingmennirnir fimm-
tán lýsi áhyggjum sínum vegna
þeirrar linkindar og áhugaleysis
sem ýmsir hægriflokkar á Norður-
löndunum hafí sýnt uppgangi öfga-
flokkanna og endurspeglist m.a. í
viðbrögðum ýmissa ráðamanna við
stjórnarþátttöku Frelsisflokksins í
Austurríki.
Norðurlandabúar mega
ekki sofna á verðinum
„Norðurlandabúar mega hvorki
sofna á verðinum né vanmeta hin
myrku öfl, drifkraft öfgaflokkanna,
sem nærast á útlendingaandúð og
fáfræði. Við megum ekki láta
blekkjast af fagurgala sem felur í
sér ólýðræðislegar hugmyndir. Við
verðum að draga réttan lærdóm af
sögunni og gera allt sem í okkar
valdi stendur til að koma í veg fyrir
að hún geti endurtekið sig.
Aðskilnaður kynþátta og atvinnu-
leysi er frjór jarðvegur fyrir ólýð-
ræðislegar hugmyndir. Þess vegna
er baráttan fyrir öflugu velferðar-
kerfi og jöfnum tækifærum öllum
til handa einnig barátta fyrir lýð-
ræði,“ segir ennfremur í ályktun
þingmannanna.
Þar er jafnframt bent á að fyrir-
huguð sé heimsráðstefna Samein-
uðu þjóðanna árið 2001. Brýnt sé að
ríkisstjórnir Norðurlanda skipi sér
þar í forystusveit lýðræðisaflanna
en efni ráðstefnunnar verður bar-
áttan gegn kynþáttahatri, -aðskiln-
aði og útlendingaandúð.
Þetta var í fyrsta sinn sem sem
yngstu menn þessara flokka koma
saman til sérstaks fundar í tengsl-
um við þing Norðurlandaráðs.
BIJIÐ er að velja landslið íslands í
brids fyrir Norðurlandamót, sem
haldið verður á Hótel Örk í Hvera-
gerði í sumar, og Ólympíumót sem
haldið verður í Maastricht í Hol-
landi í haust.
Valin voru fjögur bridspör sem
taka þátt í þessum mótum: Aðal-
steinn Jörgensen og Sverrir Ar-
mannsson, Þorlákur Jónsson og
Matthías Þorvaldsson, Magnús
Magnússon og Þröstur Ingimarsson
og bræðurnir Anton og Sigurbjörn
Haraldssynir. Guðmundur Páll
Arnarson er þjálfari og liðsstjóri.
10 ára afmæli
Bermúdaskálar
Á næsta ári eru 10 ár liðin frá því
að Islendingar urðu heimsmeistar-
ar í brids. Fram kemur í tilkynn-
ingu frá Bridgesambandi Islands að
stjórn sambandsins ætli að minnast
þess sérstaklega, jafnframt því sem
stjórnin muni á næsta ári leggja
mikið undir til að Island komist í
hóp þeirra allra bestu á ný og
ávinni sér rétt til að keppa um
heimsmeistaratitilinn í brids,
Bermúdaskálina, í byrjun árs 2002.
Þegar hefur verið ráðinn lands-
liðsþjálfari, Guðmundur Páll Arn-
arson, einn af fyrrverandi heims-
meisturum og þessa dagana er BSI
að leita til fyrirtækja um samstarf
til að styrkja landsliðið svo því
verði gert kleift að haga undirbún-
ingi og keppni á þeim mótum sem
framundan eru með sama hætti og
þær þjóðir sem standa fremst í
íþróttinni.
Lykillinn að því að komast í hóp
þeirra þjóða sem keppa um
Bermúdaskálina á tveggja ára
fresti er að ná góðum árangri á
Evrópumóti. Þegar íslendingar
urðu heimsmeistarar árið 1991 í
Yokohama í Japan vann liðið sér
rétt til þátttöku með því að ná
fjórða sæti á Evrópumóti það sama
ár en þá var kvóti Evrópu fjórar
sveitir. Síðan hefur Island ekki náð
að vinna sér rétt til keppni á HM
þótt oft hafi litlu munað. Síðan 1991
hefur kvóti Evrópu vaxið í sex
sveitir og verður það eitt megin-
verkefni landsliðsins að komast í
þann útvalda hóp á Spáni vorið
2001 þar sem næsta Evrópumót fer
fram. Skipan landsliðsins sem
keppir á Spáni er ekki endanlega
ákveðin.
Framkvæmda-
sjóður Reykjavík-
ur lagður niður
BORGARRÁÐ samþykkti á fundi
sínum á þriðjudaginn tillögu Reyn-
is Jóhannssonar, fjárhagsáætlun-
arfulltrúa Reykjavíkurborgar, um
að leggja formlega niður Fram-
kvæmdasjóð Reykjavíkur, til ein-
földunar á reikningshaldi borgar-
sjóðs.
Sjóðurinn var stofnaður árið
1943 með framlagi úr bæjarsjóði
og hefur hann í gegnum tíðina ver-
ið notaður til að fjármagna ýmis
verkefni í atvinnumálum. I ályktun
bæjarstjórnar frá árinu 1943 segir:
„Bæjarstjórnin samþykkir að
stofna sérstakan framkvæmdasjóð
í því skyni að mæta örðugleikum
komandi ára. Skal sjóðnum varið
til öflunar eða stuðnings nýrra
framleiðslutækja sjávarútvegsins,
iðnaðar, garðræktar, til þess að
tryggja framtíðaratvinnu bæjar-
búa. í framkvæmdasjóð skal
leggja allan stríðsgróðaskatt
álagðan 1943, er í hlut bæjarins
kemur, umfram 1 milljón króna,
auk þeirra framlaga, sem bæjar-
stjórn sérstaklega samþykkir.
Sjóðinn má eigi skerða nema
samkvæmt sérstökum samþykkt-
um bæjarstjórnar."
Síðustu ár hefur sjóðurinn ekki
gegnt neinu hlutverki og árið 1971
lagði endurskoðunardeild Reykja-
víkurborgar það til að hann yrði
lagður niður. Það var ekki sam-
þykkt. Nú hefur borgarráð hins-
vegar samþykkt að leggja sjóðinn
niður. Eina eign hans er 17 millj-
óna króna inneign í borgarsjóði,
sem er afgangur af framlagi borg-
arsjóðs til atvinnumála.
Ljósmynd/Arnór Ragnarsson
Landliðshópur íslands í brids. Frá vinstri eru Aðalsteinn Jörgensen, Þorlákur Jónsson, Sverrir Ár-
mannsson, Þröstur Ingimarsson, Sigurbjörn Haraldsson, Guðmundur Páll Arnarson og Anton Haralds-
son. Magnús Magnússon er erlendis.
Islenskur flugnemi nemur
við flugskóla í Oxford
Stundar
atvinnuflug-
nám í fjarnámi
Morgunblaðið/Ami Sæberg
Aðalsteinn Marteinsson flugnemi er hér með efni frá skólanum í Oxford
þar sem hann stundar flugnám í fjarnámi.
ÍSLENSKUR flugnemi stundar um
þessar mundir atvinnuflugnám við
breska flugskólann Oxford Aviation
Training School í fjamámi.
„Helsti kosturinn við þetta er að
ég þarf ekki að sitja í tímum og get
því stundað fulla vinnu með náminu,“
segir Aðalsteinn Marteinsson sem
hóf námið fyrir nokkru.
Aðeins teknir inn þeir sem
lokið hafa einkaflugprófi
gprófi. Námið er í tveimur önnum
og tekur ekki styttri tíma en 18 mán-
uði. Aðalsteinn er á fyrri önn.
„Ég þarf að ljúka 20 verkefnum á
fyrri önn og er búinn með fjögur.
Eftir hvert verkefni sendi ég það út
til yfirferðar og nemendur fá þau aft-
ur í hausinn ef árangur er ekki við-
unandi en hann verður að vera 80%,“
segir Aðalsteinn.
Á fyrrí önn snýst námið mikið til
um flugeðlisfræði en á þeirri seinni
m.a. um veðurfræði, siglingafræði og
fleira. Eftir hvora önn verða nem-
endur að fara til Oxford í hálfan
mánuð og sitja þar á skólabekk.
Losnar við skólasetu hálfan
daginn í 10 mánuði
„Námið kostar um 350 þúsund
krónur en hér kostar bóklega at-
vinnuflugnámið um 430 þúsund og
ef ég bæti ferðunum til Oxford við
og tek vinnutap líka inní dæmið
sýnist mér kostnaður vera svipað-
ur,“ segir Aðalsteinn og segir hann
það aðalkostinn að þurfa ekki að
sitja 10 mánuði í skóla hálfan dag-
inn eins og námið er skipulagt hér-
lendis.
Hann segir skólann í Oxford
starfa eftir reglum JAR, sem eru
reglur Flugöryggissamtaka Evrópu
um flugnám og flugrekstur.
Aðalsteinn lauk einkaflugprófi
fyrir nokkrum árum og hefur tekið
nærri 200 flugtíma.
Með flugnáminu starfar hann sem
tæknimaður hjá Vara og hann er fé-
lagi í flugfélaginu Geirfugl sem á
fjórar flugvélar.
Hann segir ekki ákveðin tímatak-
mörk á náminu í Oxford en gerir ráð
fyrir að ljúka því eftir um það bil ár.
V etraríþróttahá-
tfðÍBR og M2000
Gengið
í hádeg-
inu
VETRARÍÞRÓTTAHÁTÍÐ
hefst í dag í Reykjavík og
stendur til 24. mars nk.
Hátíðin er haldin á vegum
íþróttabandalags Reykjavíkur
(IBR) í samvinnu við Reykjavík
- menningarborg árið 2000.
Hvetja almenning
til þátttöku
Til að hefja hátíðina hvetur
ÍBR almenning til að nota há-
degið í dag, föstudag, til að
hreyfa sig, gjarnan í næsta ná-
grenni við heimili eða vinnu-
stað.
Borgarstjórinn í Reykjavík,
Ingibjörg Sólrún Gísladóttir,
ætlar að sýna gott fordæmi og
fara í gönguferð í miðbænum.
Er áætlað að leggja af stað
frá Ráðhúsinu kl. 12.10 og
borgarbúar eru hvattir til að
ganga með.