Morgunblaðið - 05.04.2000, Blaðsíða 47
MORGUNBLAÐIÐ
MIÐVIKUDAGUR 5. APRÍL 2000 47
MINNINGAR
KIRKJUSTARF
MAGNÚS
INGIMARSSON
+ Magnús Ingi-
marsson, hljóin-
listarmaður og
prentsmiður, fæddist
á Akureyri 1. maí
1933. Hann lést á
heimili sínu 21. mars
síðastliðinn og fór
útför hans fram frá
Langholtskirkju 31.
mars.
Farinn er í ferðina
löngu, vinur minn, kol-
legi og bróðir, Magnús
Ingimarsson. Ég vissi
vel að hverju stefndi
og ætti sjálfsagt að vera feginn að
stríðinu er lokið, en það er alltaf
jafn sárt þegar að kveðjustundinni
kemur.
Leiðir okkar Magnúsar lágu
fyrst saman þegar mér bauðst starf
í hljómsveit Svavars Gests árið
1963. Svavar var hljómsveitarstjór-
inn en það kom fljótt í ljós að
Magnús var heilinn á bak við allt
sem laut að tónlistinni. Hjá honum
lærði ég það litla sem ég kann í
nótnalestri og bý að því enn og hjá
honum lærði ég að meta rétta
blöndun mannlegra radda og hljóð-
færa, en Magnús var snillingur í að
útsetja, bæði fyrir hljóðfæri og
fólk.
Síðast en ekki síst fann ég hjá
Magnúsi mannlega þáttinn í sam-
starfinu en Svavar leit gjarnan á
hljómsveit sína sem atvinnutæki.
Þetta samstarf okkar Magnúsar í
hljómsveit Svavars hélst til seinni-
hluta ársins 1964, en hófst svo aftur
þegar Magnús tók að sér stjórn
Lögreglukórsins í Reykjavík. Þar
áttum við gifturíkt samstarf í nokk-
ur ár.
Og síðan í þriðja sinn áttum við
Magnús samstarf eftir að við hitt-
umst sem bræður í Frímúrararegl-
unni. Samstarf sem hélst, þar til yf-
ir lauk.
A þessum tíma giftist Magnús
eftirlifandi konu sinni, Ingibjörgu
Björnsdóttur, og varð okkur hjón-
unum það ógleymanlegt að fá að
samgleðjast með þeim í tilefni
dagsins. Var þá tekið lagið eins og
svo oft áður.
Magnús Ingimarsson hefur sett
óafmáanlegt mark sitt á íslenska
tónlist með útsetningum sínum og
tónlistarflutningi, samanber út-
setningar á plötum Fjórtán fóst-
bræðra, útsetningar og hljóðfæra-
leik á plðtum hljómsveitar Svavars
Gests, útsetningar og hljóðfæraleik
með sinni eigin hljómsveit, hljóm-
listarflutning í útvarpi og sjónvarpi
og svo mætti lengi telja.
Þar sem við hjónin erum erlend-
is, viljum með þessum fáu orðum
minnast Magnúsar, fyrst og fremst
sem tónlistarmanns og góðs vinar
sem við söknum sárt.
Elsku Inga mín, börn og tengda-
börn. Ykkur sendum við innilegar
samúðarkveðjur og biðjum hinn
hæsta höfuðsmið himins og jarðar
að gæta ykkar og vernda.
Erla og Bertram Möller.
Kveðja frá Söngskólanum
í Reykjavík.
Magnús Ingimarsson píanóleik-
ari réðst til starfa við Söngskólann
í Reykjavík fyrir sex árum síðan.
Hann var þá þegar þjóðkunnur
tónlistarmaður, píanóleikari, hljóm-
sveitarstjóri og útsetjari „par
excellance," Magnús hafði ekki
starfað sem kennari fyrr, þótt hann
hafi í starfi sínu með kórum og
hljómsveitum til margra ára kennt
og miðlað af tónlistarþekkingu og
kunnáttu sem var einstök. Hann
féll strax inn í starfsumhverfið og
starfsandann í Söngskólanum.
Kraftar hans nýttust til fulls, allt
frá yngstu nemendunum í ungl-
ingadeildinni upp í óperudeild skól-
ans, þar sem hann vann með þeim
sem lengst eru á veg komnir í söng-
og tónlistarnámi sínu. Það vafðist
aldrei fyrir honum að aðlaga hvert
sönglag rödd flytj-
andans, færa það milli
tóntegunda, eða út-
setja svo betur færi.
Osérhlífni hans og
örlæti á kennslutíma
var einstök. Undanfar-
ið ár innti hann starf
sitt af hendi meira af
vilja en mætti, og hel-
sjúkur lék hann að
lokum á hljóðfærið á
jólatónleikum skólans,
við söng nemenda
sinna í unglingadeild.
Slíkur var viljinn og
þrautseigjan að bregð-
ast þeim ekki.
Það voru síðustu hljómar hans
hér innan skólans. Fáum dögum
síðar greindist hann með ólækn-
andi sjúkdóm sem dró hann til
dauða á örskömmum tíma.
Við í Söngskólanum minnumst
Magnúsar og þökkum sérgáfu
hans, störf og vináttu. Eftir lifa
minningar um góðan félaga, og
tónlistarmann sem skilur eftir sig
merk spor. Tónsmíðar hans,
hljómplötur með óteljandi flytjend-
um og útsetningar, hvort heldur
fyrir kóra, einsöngvara, sveiflu eig-
in hljómsveita eða Sinfóníuhljóm-
sveitar íslands, eiga eftir að lifa og
halda nafni hans á lofti löngu eftir
að við erum öll.
Ingibjörgu og börnunum sendum
við okkar innilegustu samúðar-
kveðjur.
F.h. samstarfsmanna í Söngskól-
anum,
Garðar Cortes, skólastjóri.
Kynni okkar Magnúsar hófust
fyrir tæpum fimmtíu árum. Á þeim
árum var framtíðin óráðin eins og
gengur.
Bjartsýni ungra manna var óheft
og í frístundum tókum við fjórir fé-
lagar okkur til og æfðum söng
heima hjá hver öðrum við gítarund-
irleik Magnúsar eða Ásgeirs Sig-
urðssonar en auk hans var Sigurð-
ur Sívertsen einn fjórmenninganna.
í sjálfu sér var þetta ekkert stór-
virki sem við fjórmenningar áork-
uðu, en á unglingsárum okkar voru
tveir leiðtogar, annars vegar Ás-
geir og hins vegar Magnús.
Þetta kom m.a. fram í þeirri
vinnu sem þeir félagar lögðu af
mörkum við raddsetningar. Ásgeir
var á þessum tíma í tónlistarskóla
en Magnús var enn við nám í prent-
iðn. Þó tel ég að þær raddsetningar
sem urðu til á þessum tíma hafi
verið fyrstu verk Magnúsar á tón-
listarsviðinu. Það sem gerði þessi
ár svo skemmtileg var hugmynda-
auðgin og hiklaus viðleitni til að
prófa hvort hugmyndir gætu geng-
ið, hvort þær væru í raun sönghæf-
ar eða ekki. Ég held að þarna hafi
Magnús mótað sína framtíð að því
leyti að tónlistinni yrði hann að
þjóna í framtíðinni. Sú varð og
raunin sem landsmenn vita. Þó
samskipti okkar Magnúsar hafa
verið heldur stopul voru vináttu-
böndin sem urðu til á okkar yngri
árum þess valdandi að í hvert skipti
sem við hittumst vorum við alltaf í
mjög góðu sambandi. Mér þótti því
vænt um að fá skilaboð um að hafa
samband við hann, sem ég og gerði.
Ljóst var að Magnús var fárveikur
orðinn og óvinnufær. Samt sem áð-
ur hafði hann ánægju af að rifja
upp atriði frá liðnum árum.
Honum þótti vænt um að heyra
sögu sem móðir hans sagði undir-
rituðum, Magnús lá lítill drengur í
vöggu og var sungið í stofunni, einn
falskur tónn truflaði greinilega
drenginn í vöggunni og hafði þá
viðstaddur prestur þau ummæli að
þarna færi tónlistarmaður.
Af miklu æðruleysi tók Magnús
örlögum sínum og naut hann aðdá-
unarlegrar umönnunar eiginkonu
sinnar, Ingibjargar Björnsdóttur.
Við hjónin þökkum Magnúsi sam-
fylgdina og og sendum aðstandend-
um innilegar samúðarkveðjur.
Vilhjálmur B. Vilhjálmsson.
Safnadarstarf
Fundur
um fíkniefna-
vandann í Ytri-
Njarðvíkur-
kirkju
Á MORGUN, fimmtudaginn 6. apr-
íl, kl. 20 verður opinn fundur í Ytri-
Njarðvíkurkirkju um fíkniefna-
vandann og þær afleiðingar sem
neysla fíkiefna kann að valda. Jón
Indriði Þórhallsson frá Maritas-
samtökunum flytur ræðu og svarar
fyrirspurnum, en Marita-samtökin
eru norsk samtök sem stofnuð voru
eftir að stúlka að nafni Marita dó
eftir ofneyslu fíkniefna. Lofgjörðar-
hópur frá Islensku kristskirkjunni
kemur fram og leiðir lofgjörð. Einn-
ig verður fluttur dramadans af aðila
er upplifað hefur hörmungar fíkni-
efnaneyslu. Fulltrúar frá lögreglu
og tollayfirvöldum verða einnig við-
staddir og svara fyrirspurnum.
Fundur þessi er framlag Njarð-
víkursókna vegna 1000 ára afmælis
kristni á Islandi.
Athugið að fundurinn er opinn
öllum íbúum á Suðurnesjum er
áhuga hafa á þessu alvarlega mál-
efni.
Sóknarnefndir.
Kristin íhugun
o g fræðslu-
erindi
KRISTIN íhugun og fræðsluerindi
eru alla miðvikudaga kl. 18 frá
öskudegi og fram að páskum í
Langholtskirkju.
Fastan hófst með öskudegi. Fast-
an er tími sjálfsprófunar, tími íhug-
unar og bænar og til að þroska
trúarlífið. Alla miðvikudaga á föstu
eru kl. 18 í Langholtskirkju stundir
fræðslu og íhugunar, bænagjörðar
og lesturs úr passíusálmum. Lestur
passíusálma er mánudaga til föstu-
daga kl. 18.
Miðvikudaginn 5. apríl flytur
Svala Sigríður Thomsen djákni er-
indi um heimilisguðrækni í sögu og
samtíð. Miðvikudaginn 12. apríl
mun Hjalti Hugason prófessor
flytja erindi um kristnitökuna og
túlkun á henni. Allir eru hjartan-
lega velkomnir á þessar stundir.
Signý Sæ-
mundsdóttir
syngur í föstu-
guðsþjónustu
í KVÖLD, miðvikudaginn 5. apríl,
verður föstuguðsþjónusta í Hall-
grímskirkju kl. 20:00. Signý Sæ-
mundsdóttir sópran mun þar flytja
einsöngsverk við undirleik Kára
Þormars. Sr. Jón Dalbú Hró-
bjartsson prédikar og þjónar fyrir
altari.
Áskirkja. Föstumessa kl. 20.30.
Passíusálmar Hallgríms Pétursson-
ar sungnir. Píslarsaga guðspjall-
anna lesin og sóknarprestur flytur
hugleiðingu. Sr. Árni Bergur Sigur-
björnsson.
Bókhaldskerfi
KERFISÞROUN HF.
http://www.kerfisthroun.is/
Ytri-Njarðvíkurkirkja.
Bústaðakirkja. Félagsstarf aldr-
aðra í dag kl. 13.30.
Dómkirkjan. Samvera fyrir
mæður með ung börn kl. 10.30-12 í
safnaðarheimilinu. Hádegisbænir
kl. 12.10. Orgelleikur á undan. Létt-
ur málsverður á eftir.
Grensáskirkja. Foreldramorg-
unn kl. 10-12. Allar mæður vel-
komnar með lítil börn sín. Samveru-
stund eldri borgara kl. 14-16.
Biblíulestur, samverustund, kaffi-
veitingar. TTT-starf fyrir 10-12 ára
börn kl. 17.
Hallgrímskirkja. Opið hús fyrir
foreldra ungra barna kl. 10-12.
Föstuguðsþjónusta kl. 20. Signý
Sæmundsdóttir syngur einsöng við
undirleik Kára Þormar. Sr. Jón
Dalbú Hróbjartsson.
Háteigskirlga. Kvöldbænir og
fyrirbænir kl. 18.
Langholtskirkja. Samvera eldri
borgara í dag kl. 13-17. Spil, lestur,
handavinna. Kaffi og meðlæti kl. 15.
Upplestur og söngstund. Eldri
borgarar í Langholtssöfnuði eru
hvattir til að koma. Fræðsluerindi
og aftansöngur kl. 18. Svala Sigríð-
ur Thomsen djákni flytur fræðslu-
erindi um heimilisguðrækni í sögu
og samtíð. Allir velkomnir.
Laugarneskirkja. Kirkjuprakk-
arar kl. 14.30. Starf fyrir 6-9 ára
börn. TTT kl. 16. Starf fyrir 10-12
ára börn. Munnleg próf í fermingar-
fræðum hefjast kl. 17 og standa
fram til kvölds. Unglingakvöld kl.
20 í samvinnu við Laugarneskirkju,
Þróttheima og Blómaval.
Neskirkja. Foreldramorgunn kl.
10-12. Fræðsla: Svefn og svefnvenj-
ur barna. Þorgerður L. Diðriksdótt-
ir. Föstuguðsþjónusta kl. 20. Að
lokinni guðsþjónusta verða sýndar
myndir frá sumarferðum. Kaffiveit-
ingar. Sr. Frank M. Halldórsson.
Seltjarnarneskirkja. Kyrrðar-
stund kl. 12. Söngur, altarisganga,
fyrirbænir. Léttur hádegisverður í
safnaðarheimilinu. Starf fyrir 11-12
ára börn kl. 17-18.15.
Fríkirkjan í Reykjavík. Kyrrðar-
stund í hádeginu kl. 12-13 í kapell-
unni. Súpa og brauð á eftir.
Árbæjarkirkja. Félagsstarf aldr-
aðra. Opið hús í dag kl. 13.30-16.
Handavinna og spil. Fyrirbæna-
guðsþjónusta kl. 16. Bænarefnum
er hægt að koma til prestasafnaðar-
ins.
Breiðholtskirkja. Kyrrðarstund
kl. 12.10. Tónlist, altarisganga, fyr-
irbænir. Léttur málsverður í safn-
aðarheimilinu á eftir. Kirkjuprakk-
arar, starf fyrir 7-9 ára böm kl. 16.
TTT starf 10-12 ára kl. 17.15.
Digraneskirkja. Unglingastarf á
vegum KFUM & K og Digranes-
kirkju kl. 20. Æfingar vegna ferm-
ingar á pálmasunnudag.
Fella- og Hólakirkja. Helgistund
í Gerðubergi á fimmtudögum kl.
10.30.
Grafarvogskirkja. Kyrrðarstund
í hádegi kl. 12. Altarisganga og fyr-
irbænir. Léttur hádegisverður.
Kirkjukrakkar 7-9 ára í Engjaskóla
kl. 17-18. Æskulýðsstarf fyrir ungl-
inga kl. 20-22 í Engjaskóla.
Hjallakirkja. Fjölskyldumorgnar
kl. 10-12. Starf fyrir 10-12 ára kl. 17.
Kópavogskirkja. Starf með 8-9
ára börnum í dag kl. 16.45-17.45 í
safnaðarheimilinu Borgum. Starf á
sama stað með 10-12 ára (TTT) kl.
17.45-18.45.
Seljakirkja. Kyrrðar- og bæna-
stund í dag kl. 18. Beðið fyrir sjúk-
um, allir velkomnir. Léttur kvöld-
verður í kirkjumiðstöðinni að stund
lokinni. Tekið á móti fyrirbænaefn-
um í kirkjunni og í síma 567-0110.
Víðistaðakirkja. Opið hús fyrir
eldriborgara kl. 14-16.30. Helgi-
stund, spil og kaffi. Vídalínskirkja.
Foreldramorgunn kl. 10-12.
Hafnarfjarðarkirkja. Kyrrðar-
stund kl. 12. Hugleiðing, altaris-
ganga, fyrirbænir, léttur málsverð-
ur á eftir í Ljósbroti, Strandbergi,
kl. 13.
Keflavíkurkirkja. Kirkjan opnuð
kl. 12. Kyrrðar- og fyrirbænastund í'
kirkjunni kl. 12.10. Samverustund í
Kirkjulundi kl. 12.25. Súpa, salat og
brauð á vægu verði. Allir aldurs-
hópar. Alfa-námskeið í Kirkjulundi
kl. 19 í síðasta skipti á þessu vori.
Njarðvíkurkirkja. Fyrirbæna-
samkoma fimmtudag kl. 8.30-19.30.
Fyrirbænaefnum má koma á fram-
færi á sérstökum miðum sem til eru
í kirkjunni eða hafa samband í síma
421-5013 milli kl. 10 og 12. For-
eldramorgunn í dag kl. 10.
Landakirkja, Vestmannaeyjum.
Kl. 20 opið hús unglinga í KFUM &
K húsinu. Nýir unglingar velkomn-
ir.
Akraneskirkja. Unglingakórinn.
Söngæfing í Safnaðarheimilinu
Vinaminni kl. 17.30.
Kletturinn, kristið samfélag.
Bænastund kl. 20. Allir velkomnir.
Hólaneskirkja, Skagaströnd.
Bæna- og kyrrðarstund kl. 18.
Fíladelfía. Súpa og brauð kl.
18.30. Kennsla kl. 19.30. Krakka-
klúbbur, unglingafræðsla. Kennsla
fyrir enskumælandi og biblíulestur.
Allir hjartanlega velkomnir.
Boðunarkirkjan. í kvöld kl. 20
verður 12. hluti námskeiðs um Op-
inberunarbók Jóhannesar á sjón-
varpsstöðinni Omega í beinni út-
sendingu. Leiðbeinandi er dr.
Steinþór Þórðarson. Efni: Hvfldar-
dagur drottins. Allir velkomnir í
Omega. Ath. þátturinn er endur-1
sýndur utan auglýstrar dagskrár.
EXEM EXEM EXEM
Er laus við 33 ára exem ( andliti
Upplýsingar (slma 698-3600
BI0DROGA
Snyrtivörur
Q-10 húðkremið