Morgunblaðið - 12.07.2000, Blaðsíða 44
44 MIÐVIKUDAGUR 12. JÚLÍ 2000
MORGUNBLAÐIÐ
Dýraglens
Grettir
Smáfólk
Líf þessa tónskálds
var sorglegt,
fínnst þér ekki ?
En það var Rómantískt?
rómantiskt
Sorglegt lff er rómantfskt
þegar það er líf
einhvers annars.
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Syndug
gagnrýni
Frá Borgari Þorsteinssyni:
ÉG HEF alltaf haft í mér flökkueðli.
Það skemmtilegasta sem ég geri er
að ferðast til annarra þjóða og kynn-
ast nýjum siðum og menningu, það
eykur víðsýni og opnar augu manns
fyrir þeim kjörum og lifnaðarháttum
sem fólk býr við. Maður verður rík-
ari fyrir vikið. Ég hef ferðast um
heiminn meira eða minna síðastliðin
tólf ár, stundum í félagi við aðra,
stundum aleinn og oftar en ekki að-
eins með bakpoka um öxl. Þau eru
mörg atvikin góð og slæm sem hafa
hent mig á þessu flakki en eitt langar
mig að minnast á sem dæmi fyrir
þessa grein. Ég var ásamt ferðafé-
lögum mínum djúpt inní frumskóg-
um Kongó (þá Zaire). Þarna eru veg-
ir engir, aðeins slóðar gegnum
regnskóginn og oftar en ekki var
hraðinn á fararskjóta okkar 20 km á
dag! Eitt kvöldið fengum við að
tjalda í ijóðri hjá trúboða sem var
hinn vingjamlegasti. Við ferðalangar
vorum ansi skítugir eftir nokkurra
daga hark í gegnum frumskóg og
benti trúboðinn okkur á læk rétt hjá í
skógarþykkninu þar sem við máttum
baðast en eitt skyldum við varast. Ég
sperrti eyrun og bjóst við æsilegum
sögum af kyrkislöngum eða górillum
en nei, við áttum að varast að af-
klæða okkur ekki um of (konur þó
sérstaklega) til þess að særa ekki
blygðunarkennd innfæddra! Ég man
hvað mér þótti þetta (og þykir enn)
sorglegt, hér var lýsandi dæmi um
andleg hryðjuverk kirkjunnar, skóg-
arfólkið sem í gegnum aldirnar hafði
búið hér í sátt við náttúruna og lifað
eins og náttúrubörn hafði verið heila-
þvegið til þess að trúa á synd! Þetta
atvik kom upp í huga mér þegar ég
sletti glyi'nu yfir ræður helstu „fyrir-
menna“ á kristnihátíðinni í fylgiriti
Morgunblaðsins. Hvað eftir annað er
talað um gæfu þá sem kristinni trú
fylgir og hvernig líf fólks hljóti að
vera snautt allri gleði ef það ekki ját-
ast kristi. Nú vil ég ekki gera lítið úr
trú/trúleysi fólks en mikið þykir mér
leiðinlegt að lesa hvað eftir annað
ræður forseta, biskups og ráðherra
og sjá að ekkert virðast þeir hafa
lært í gegnum árin þótt flestir séu
helmingi eldri en ég. Það var samt
nokkuð merkilegt að lesa ræður
sumra stjómmálamanna á kristnihá-
tíð, eftir því sem þeir eru valdameiri
eða hafa feitari embætti þeim mun
meira var um slepju og klisjukennda
kristnifrasa í ræðum þeirra og lítið
um gagnrýna hugsun. Aftur á móti
mátti lesa nokkrar frumlegri ræður
hjá fulltrúum hinna minni flokka sem
líkt og uppreisnargjamir unglingar
benda oft á sáran sannleik. Við kenn-
um bömum okkar umburðarlyndi og
víðsýni og að virða hvert annað á
sama tíma og ríkið + kirkjan ausa úr
sjóðum almennings til að stunda
trúboð innanlands sem utan og ala á
því leynt og ljóst að það sé aðeins ein
rétt trú, einn réttur siður. Það kall-
ast heimska þegar fólk hefur alið all-
an sinn aldur heima hjá sér og ekki
þorað að kíkja út íyrir bæjarlækinn,
heimskir þykja mér þeir sem segjast
hafa fundið hina réttu lífs leið öllum
til handa. Þjóðin sýndi það í verki nú
um kristnihátíðina að stór hluti
hennar kærir sig kollótta um ríkis-
kirkjuna og steingervingana þar. Þó
var þessi hátíð mjög táknræn að einu
leyti. Fyrir 1000 árum var kristinni
trú þröngvað upp á þjóðina án þess
að almenningur kærði sig um það.
Núna, 1000 árum seinna, gerðist það
sama, hátíðinni var þröngvað inná
heimili fólks, fæstum til neinnar sér-
stakrar gleði.
BORGAR ÞORSTEINSSON,
Austurgötu 34, Hafnarfirði.
Grunnur
markaður -
slæm ráðgjöf!
Frá Jens P. Jensen:
ÉG GET ekki orða bundist lengur
yfir ástandinu á íslenska fjármála-
markaðinum. Afföllin af húsbréfum
halda áfram að aukast þrátt fyrir
aðgerðir og nýjan samning um við-
skiptavakt. Greinilegt er að offram-
boði er um að kenna - en hvernig er
ráðgjöf á þessum markaði háttað?
Almenningur spyr bankann sinn
hvað það eigi að gera, bankinn svar-
ar því til að svona sé þetta bara,
þetta séu afföllin og fólk verði bara
að sætta sig við það! Þetta hef ég
sannreynt hjá tveimur bönkum,
reyndar ríkisbönkum. Þessir sömu
aðilar eru síðan kaupendur og stór-
græða á þessum ófullkomna mark-
aði. Það verður að leita leiða til að
gera þessi bréf að markaðsvöru í
útlöndum, hér eru alltof fáir kaup-
endur. Eigendur húsbréfa eiga að
halda að sér höndum þegar svona
árar og geyma bréfin undir koddan-
um geti þeir það með nokkru móti.
Jafnvel getur borgað sig að taka lán
frekar en að selja húsbréf með
14,55% afföllum eins og staðan er í
dag.
JENS P. JENSEN,
hagfræðingur,
Garðastræti 17, Reykjavík.
Allt efni sem birtist í Morgunblaðinu og Lesbók er varðveitt í uppiýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.