Morgunblaðið - 16.07.2000, Qupperneq 27

MORGUNBLAÐIÐ
„Ánægður
viðskiptavinur
lætur spyrjast
hvernig tekið
var á móti
honum."
alltaf vel fyrir kallaður, léttur og
gefa viðskiptavininum tíma. Spjalla
við hann og laða að og þá sérstak-
lega börn og eldra fólk.“
Stefán segist leggja áherslu á að
veita persónulega þjónustu. Það
komi fyrir að bílstjórar hringja
undir lokun og segjast vera á leið-
inni. „Þá bíðum við eftir þeim,“
sagði hann. „Eg man eftir einum
sem hringdi og var þá staddur í
Hvalfirði á leið í bæinn og bað okk-
ur um að bíða. Hann var að flytja
stórt hús og komst hvergi inn á
bensínstöð í Reykjavík. Við biðum
eftir honum fram yfir miðnætti.
Öðru tilviki man ég eftir og það var
þegar formaður í starfsmannafé-
lagi kom hér við á hraðferð til að
taka bensín. Hann var með grillmat
og stórt sjónvarp í bílnum og var á
leið austur til að hitta samstarfs-
fólk sitt og var ætlunin að horfa þar
saman á heimsmeistarakeppnina í
fótbolta. Ekki vildi betur til en að
díselolía var sett á bílinn í flýtinum.
Við sáum svo á eftir svörtum strók
eins og úr kolatogara í átt að
Draugahlíð en hann komst ekki
langt. Nú voru góð ráð dýr en við
ákváðum að lána honum bílinn okk-
ar sem hann svo skilaði daginn eft-
ir. Þá vorum við búin að láta gera
við bílinn hans.“
Öll flóran
Litla kaffistofan á sér fjölmarga
fasta viðskiptavini og koma sumir
þeirra við á hverjum degi og oft
tvisvar á dag. Boðið er upp á kaffi
og heimabakað meðlæti og svo er
súpa í hádeginu. „Hingað kemur öll
flóran í þjóðfélaginu," sagði Stefán.
„Að öðrum ólöstuðum þá eru dygg-
ustu viðskiptavinirnir langferða- og
flutningabílstjórar og ef þeir eru
ánægðir með þjónustuna, meðlætið
og verð þá eru þeir fljótir að láta
það spyrjast út. Það má því segja
að þeir séu okkar sendiherrar.
Svo eru það þeir Indriði G. Þor-
steinsson sem alltaf kemur við hér
og setur svip á kaffistofuna. Eg
kalla hann síðasta farandskáldið.
Það sópar alltaf að honum. Eða
Garðar Cortes og hjónin Sveinn
Einarsson og Þóra Kristjánsdóttir
sem oft líta hér við. Ég er alveg
klár á því að þetta fólk kemur hing-
að vegna góðu vættanna sem hér
eru á sveimi."
En það eru ekki eingöngu at-
vinnubílstjórar sem hafa það fyrir
reglu að koma við í kaffistofunni.
Þangað koma sumarbústaðareig-
endur, hestamenn, veiðimenn og
aðrir útivistarmenn auk þess al-
þingismenn sem eiga leið hjá enda
er Hellisheiði fjölfarnasti fjallvegur
landsins.
„Margir halda því fram að hér sé
Alþingi götunnar við þjóðveg núm-
er eitt,“ sagði Stefán. „Hingað
koma menn með ýmsar skoðanir á
þjóðmálum og þá getur gustað um
salinn þegar rætt er um fiskveiði-
stjórnun og verðlag að ekki sé
minnst á veginn yfir heiðina sem
auðvitað er kolvitlaust lagður eða
staðsetning Litlu kaffistofunnar.
Hún ætti auðvitað að vera á allt
öðrum stað. Menn vita oft betur en
helstu ráðamenn þjóðarinnar
hvernig hlutimir eiga að vera.“
500 bollar á dag
Stefán segist ekki gera sér grein
fyrir hvað margir komi við hjá hon-
um á dag. Oft sé stanslaus traffík
langt fram á kvöld. „Ég er þó klár á
að hér fara um 500 kaffibollar á dag
og af þeim er helmingurinn seldur,"
sagði hann. „Hitt fer í föstu kúnn-
ana og það borgar sig. Menn mega
ekki gleyma að ánægður viðskipta-
vinur lætur spyrjast hvernig tekið
var á móti honum.“
Björgunarskýli
Mjög fallegt er til fjalla séð frá
gott en í vondu veðri og þá sérstak-
lega að vetrarlagi kemur fyrir að
Litla kaffistofan gegni hlutverki
björgunarskýlis. Þeir eru ófáir
vegfarendur sem hafa nánast skrið-
ið í hlað, sumir illa búnir og á lélega
búnum bílum en komist í skjól og
fengið aðstoð. „Við fengum mjög
margar kveðjur fá þakklátum við-
skiptavinum þegar kaffistofan átti
fjörutíu ára afmæli,“ sagði Stefán.
„Við vorum snortin yfir hvað marg-
ir mundu eftir okkur. Svona staður
verður að vera manneskjulegur að
mínu mati. A þessari tölvuöld eru
menn of mikið í kennitölum en hjá
okkur er mannlegi þátturinn í
fyrsta, öðru og þriðja sæti.“
Stefán sagði algengt að hringt
væri til að spyrjast fyrir um veður
og færð þegar eitthvað væri að
veðri. „Við erum alltaf með bestu
upplýsingar um ástandið því við fá-
um þær beint frá þeim vegfarend-
um sem líta inn til okkar á leið sinni
um þjóðveginn. Okkar bestu veður-
fræðingar eru samt hrafnarnir sem
hafa hér vetursetu fram á vor
ásamt smáfuglunum og nú síðast í
vetur bættust tvær tófur í hópinn
en við höfum tekið eftir því að rétt
áður en illviðri skellur á hverfur
hrafninn og leitar sér skjóls. Það er
eins og hann skynji á hverju er
von,“ sagði hann.
„Ég dreg ekki af því að hér er oft
eitt alversta veður á landinu á vet-
urna. Síðastliðinn vetur var sá al-
versti sem ég hef upplifað. Ég man
ekki eftir jafnlöngum og hörðum
óveðursköflum og snjó var lengi að
taka upp. Við lentum í svakalegri
uppákomu í febrúar sl. eins og
menn muna þegar skall á glóru-
laust veður um miðjan dag sem
stóð fram til kl. tvö um nóttina og
svo aftur seinna veðrið sem gekk
yfir þegar Hekluhátíðin var, eins
og við köllum það, sem sagt þegar
gaus í Heklu og bílar sátu fastir í
SUNNUDAGUR 16. JÚLÍ 2000 27
Þrengslunum. Þá dvöldu hér milli
1.400 og 1.500 manns frá miðjum
degi til hádegis næsta dag. Á tíma-
bili voru 200 manns hér inni í þessu
litla húsi. Þá var bekkurinn þröngt
setirin en þetta fólk var sumt búið
að sitja fast í bílum í hálfan sólar-
hring.
Þetta var sú versta uppákoma
sem við höfum lent í en við lendum í
því á hverjum vetri að fá inn illa
búið fólk á lélegum og bensínlaus-
um bílum. Þá þykir mjög gott að
komast í kaffi. Fólk er mjög þakk-
látt þegar það kemst hér í skjól og
sendir okkur kveðjur. Sérstaklega
eftir áhlaupin í vetur.“
Stefán sagði að þrátt fyrir að oft
væri þröngt þá yrði húsnæðið ekki
stækkað, að minnsta kosti ekki á
næstunni.
„ Ég held að í huga allra verði
Litla kaffistofan lítil," sagði hann.
„Hún hefur sál eins og hún er sem
gæti týnst ef hún verður stór.“
Verdsamanburdur í fhi^stöðvum
Vefflhftnnnn
fmmkvæmd
íjonúof 1999
Vnrflfcnnnun
fmmkuæmd
í jounúour
o^fcbrúar
aooo
110%
100%
90%
80%
70%
60%
Leifsstöð Kastrup Hamburg
1M%
100%
90%
80%
70%
60%
Leifsstöð
Schiphol Heathrow
ísland vann!
Skv. verðsamanburði PricewaterhouseCoopers
kom Flugstöð Leifs Eiríkssonar best út - annað árið í röð.
Tvö ár í röð hefur Flugstöð Leifs Eiríkssonar komið betur
út en flugstöðvar annars staðar í Evrópu í verðkönnunum
á vegum PricewaterhouseCoopers.
í samanburði við Schiphol og Heathrow var Leifsstöð
með hagstæðasta vöruverðið í 56% tilfella og í
samanburði við Kastrup og Hamborg var Leifsstöð með
hagstæðasta verðið (88% tilfella.
Leitaðu því ekki langt yfir skammt, heldur gefðu þér tíma
og gerðu góð kaup í þægilegu umhverfi í Leifsstöð.
FLUGSTÖÐ
LEIFS ElKtKSSONAR
-gefdu þér tíma