Morgunblaðið - 01.08.2000, Blaðsíða 64

Ö4 ÞRIÐJUDAGUR l.ÁGÚST 2000
MORGUNBLAÐIÐ
BRIDS
llmsjón Arnór G.
K a g n a r s s o n
Sumarbrids 2000
Úrslit síðustu kvölda í Sumarbrid-
ge 2000 má sjá hér á eftir (efstu pör):
Mánudagur 24.7.
Vilhjálmur Sigjr. - ísak Öm Sigurðss. 185
Páll Pórsson - Ómar Olgeirsson 184
Eggert Bergsson - Pórður Ingólfss. 172
Alfreð Kristjánsson - Halla Ólafsd. 165
Ásmundur Ómólfss.- Gunnl. Karlss. 161
Þriðjudagur 25.7.
, N's
Ómar Olgeirsson - ísak Öm Sigurðsson 242
Gylfi Baldursson - Steinberg Ríkarðss. 241
Magnús Porsteinss. - Guðm. Pórðars. 226
Kristján Blöndal - Hjördís Sigurjónsd. 226
Vilhjálmur Sig. jr. - Bjöm Friðriksson 226
' A-V
Hlynur Tr. Magnúss. - Magnús Torfas. 277
Leifur Aðalsteinss,- Valdimar Sveinss. 261
Hafþór Kristjánss. - Haraldur Ingason 255
SigurðurBÞorsteinss.-Annaívarsd. 233
Skor Hlyns og Magnúsar setur þá
í fyrsta sæti Sandgerðisleiksins,
enda rúmlega 64% skor. Hæsta
prósentuskorið gefur frítt keppnis-
gjald í Sandgerðismótið í haust.
Miðvikudagur 26.7.
Júlíus Snorrason - Eiður Júlíusson 194
Leifur Aðalsteinss. - Unnar Atli Guðm. 187
Friðjón Þórhallsson - Hrólfur Hjaltas. 173
Stefán G. Stefánsson - Ómar Olgeirss. 173
Guðm. Baldurss. - Hallgrímur Hallgr. 166
Fimmtudagur 27.7.
Hallur Símonarson - ísak Örn Sig. 189
Gylfi Baldurss. - Sigurður B. Porsteinss. 188
Unnar Atli Guðm. - Stefán G. Stefánss. 184
Runólfur Jónss. - Steinberg Ríkarðss. 182
Kristinn Kristjánss. - Valdimar Sveinss. 175
Föstudagur 28.7.
N-S
Gylfi Baldursson - Steinberg Ríkarðss. 231
Siguijón Tryggvas. - Guðlaugur Sveinss. 231
Daníel Már Sigurðss. - Vilhjálmur Sig.jr.227
Pétur Steinþórsson - Úlfar Kristinsson 226
A-V
Arni Hannesson - Halldór Tryggvason 246
Þórður Jörundss. - Vilhjálmur Sigurðss. 242
Ólafur Ingvarsson - Friðrik Jónsson 231
Eggert Bergsson - Þórður Sigfússon 228
Sveitakeppni fór að venju fram að
loknum tvímenningi og tóku sjö
sveitir þátt í henni. Sigurvegari varð
sveit Sigtryggs Sigurðssonar, en auk
hans voni Hrólfur Hjaltason, Sig-
urður B. Þorsteinsson og fsak Örn
Sigurðsson í sveitinni.
Sunnudagur 30.7.
Ómar Olgeirsson - Kristinn Pórisson 132
Leifur Aðalsteinss. - Jón V Jónmundss. 123
Viihjálmur Sig. jr. - Sigurbjöm Haraldss.121
Guðbjöm Þórðarson - Hrólfur Hjaltas. 120
ísak Örn Sigurðsson varð viku-
meistari í annað sinn! Stríðsgæfan
elti ísak svo sannarlega í vikunni, því
hann sigraði þrisvar sinnum í tví-
menningi, og alltaf með eins stigs
mun!! Isak hlapt 82 stig í vikunni,
sem er met. ísak fær í verðlaun
gjafabréf á Þrjá Frakka hjá Úlfari.
Hann hefur einnig tekið forystu í
Borgamesleiknum, en þar er spilað
um að ná sem flestum stigum á fjór-
um samliggjandi spilakvöldum.
Fjöldi leikja er í gangi í Sumarbrid-
ge 2000, upplýsingar um fyrirkomu-
lag þeirra má finna á íþróttasíðu
mbl.is., slóðin þangað er <http://
www.mbl.is/sport/sumarbrids/>.
Þar má einnig finna öll úrslit úr
Sumarbridge 2000. Nýjustu úrslit
eru sem fyrr á síðu 326 í textavarpi
Sjónvarpsins.
Spilað er í Sumarbridge 2000 öll
kvöld nema laugardagskvöld og
hefst spilamennskan alltaf klukkan
19. Á föstudagskvöldum er boðið upp
á stutta Monrad-sveitakeppni að
loknum tvímenningi. Allir eru hjart-
anlega velkomnir, skráð á staðnum
og hjálpað er til við myndun para.
SúrefnLsvönir
Karin Herzog
Oxygen face
FÉLAG HÖFUÐBEINA-
OG SPJALDHRYGGSJAFNARA
Nám
Höfuðbeina-
og spjald-
hryggsjöfnun
www.simnet.is/cranio
S. 699 8064 og564 1803
ÍSVAI-30RGA EHF
HÖf-ÐABAKKA 9. 1 12 RTYKJAVÍK
SÍMI 987 8/90 FAX 98/ 8/51
UTSALA
Góðar vörur
15% aukaafslóttur
ÍDAG
VELVAKANDI
Svarað í síma 569 1100 frá 10-12 og 13-15
frá mánudegi til föstudags
Þökk sé
Ingólfí
ÉG hef lesið mest af því
sem sagt er um Bach og
hans stórkostlegu tónverk
í Morgunblaðinu í dag.
Þakkir til Páis ísólfssonar
fyrir það að kynna Bach
fyrir Islendingum á sínum
tíma.
En ég saknaði mjög
eins nafns, sem ég tel að
hafi kynnt Back á Islandi
ekki síður og það er Ing-
ólfur Guðbrandsson,
ferðafrömuður, kórstjóri
og unnandi alls sem lýtur
að klassískri tónlist.
Ég hygg að fjöldi ís-
lendinga hafi fyrst kynnst
Bach á tónleikum Póiífón-
kórsins, sem Ingólfur
stofnaði og stjórnaði um
áraraðir. Aldrei gleymi ég
þeim fögnuði sem gagn-
tók mig og ég tel alla sem
voru í Háskóiabíói þegar
Mattheusarpassían var
flutt þar fyrst. Þar kynnt-
umst við Bach. Þökk sé
Ingólfi.
Við skulum ekki gleyma
að þakka þeim sem vörð-
uðu veginn.
Ef Ingólfur hefur ekki
enn fengið fáikaorðu fyrir
frumkvæði sitt á kynn-
ingu klassískrar tónlistar
þá er tími til þess kominn.
Ég vil þakka Ingólfi
Guðbrandssyni fyrir
ógleymanlega tónleika
með fjölda höfuðverka
tónlistarsögunnar frá
upphafi.
Ingibjörg.
Fækkun á
Austurlandi
FÁTT eitt heyrist nú rætt
um álver í Fjarðabyggð,
sátt virðist hafa náðst um
gang mála í því máli.
Þrátt fyrir þá ákvörðun
að reisa álver í Fjarða-
byggð þá hefur fækkað
mest á Austuriandi.
Fólksflutningar af lands-
byggðinni til höfuðborgar
eða suðvesturhornsins eru
mestir af Austurlandi. Ál-
ver á Austurlandi er
kannski ekki sá kostur að
laða að fólk nema síður
sé. Það þarf að huga að
öðrum atvinnumálum, það
þarf að efla menningu og
ýmislegt annað sem þarf
að huga að. Þessari fólks-
flóttaþróun af iands-
byggðinni verður ekki
snúið.við með einu risaál-
veri. Álver og virkjun
skapa mörg störf á meðan
uppbygging á sér stað,
eftir það blasir veruleik-
inn við. Fiskvinnslan er
alltaf að verða tækni-
væddari, þá þarf færri og
færri til að starfa við þá
atvinnugrein, svo eru allt-
af að verða færri íslend-
ingar sem vinna við fisk-
vinnslu, þannig að það
þarf að huga að annarri
atvinnustarfsemi við hlið-
ina á fiskvinnslunni og ál-
veri, ef það rís. Fólk-
fsfækkun á lands-
byggðinni má skrifast á
ýmsa þætti. Það er slæmt
til þess að hugsa að ráða-
menn vakni þegar allt er
komið í óefni. Menn hafa
einblínt einum of mikið á
áiver, að það muni bjarga
öllu. Ef menn líta raun-
hæft á málin þá er álver
ekki lausnin á vanda
landsbyggðarinnar.
Gunnar G.
Bjartmarsson.
Hugleiðingar
á bjórstofu
NÚ er komin önnur öld.
Bjórinn flæðir yfir Iandið,
þjóðin þyngist, margir
orðnir sællífislegir af
bjórdrykkju og góðum
mat. Grillveislur standa
sem hæst, þar má sjá
rauðvín fljóta með - lax-
veiðimenn bera viskíkass-
ana út í bílana og verslun-
armannahelgin er
framundan. Nóg er af
auglýsingum um tuga-
fmæii sem boðið er til oft-
ast milli kl. 5 og 7, þá má
fara út að borða á eftir.
Ef fólk er timbrað næsta
dag er hægt að fá sér bjór
um hádegið. Þá gefst aft-
ur heilsa á ný.
Nú er hægt að fara að
hlakka til desembermán-
aðar. Þá byrja jólaglöggin
á vinnustöðum og jóia-
hlaðborð á veitingahúsun-
um (helst um hádegið). Á
jólunum borða og drekka
fiestir heima. Eftir mikiar
flugeldasýningar á gam-
lárskvöld styttist í þorra-
blótin, góugleði, sam-
ræmdu prófin og
stúdentsprófin. Margt
bendir því til þess að
þjóðin sé á fylliríi.
Nú á að fara að loka
bjórstofunni. Ég held ég
gangi heim.
Ragnheiður K.
Baldursdóttir,
201019-4359.
Tapað/fundið
Armbandsúr og dem-
antshringur töpuðust
SPAN GAR-armbandsúr
og demantshringur töpuð-
ust í Siglingaklúbbi Kópa-
vogs, þriðjudagskvöldið
25. júlí sl. Skilvís finnandi
er vinsamlegast beðinn að
hafa samband við Óla Þór
í síma 897-2425.
Fjögurra laufa smára
hálsmen tapaðist
FJÖGURRA laufa smára
hálsmen í gullfesti tapað-
ist annaðhvort fyrir utan
Hótel Eddu á Akureyri
eða Hrafnagili í Eyjafirði,
sunnudaginn 23. júlí sl.
Skilvís finnandi er vin-
samlegast beðinn að
hringja í síma 557-8709
fyrir.hádegi. Fundarlaun.
Dýrahald
Gulur og grænn
páfagaukur f óskilum
GULUR og grænn páfa-
gaukur í óskilum í Kópa-
vogi. Upplýsingar í síma
554-2065.
Blár páfagaukur
í óskilum
BLÁR páfagaukur flaug
inn um gluggann á Pizza-
Hut á Suðurlandsbraut,
laugardaginn 29. júlí sl.
Hann er núna í góðu yfir-
læti hjá einum starfs-
manna staðarins. Vinsam-
legast hafið samband í
síma 694-7990 eða 568-
5144.
Róbert er
týndur
RÓBERT er grár og hvít-
ur köttur og hefur ekki
sést heima hjá sér í um
það bil hálfan mánuð.
Hann er ólalaus en eyrna-
merktur. Hann heldur sig
oft í nánd við golfvöllinn á
Seltjarnarnesi. Róbert er
mjög gæfur og blíður við
fólk. Ef einhver veit um
ferðir Róberts, er sá hinn
sami vinsamlegast beðinn
að hafa samband við Irisi
í síma 561-1885.
Grá kanína týnd á
Skólavörðuholti
SEINT sl. miðvikudags-
kvöld 26. júlí týndist ljós-
gráleit og falleg kanína
nálægt gatnamótum
Kárastígs og Frakkastígs.
Kanínan er ómerkt. Þar
sem hún var í kvöldgöngu
með eiganda sínum er
hún með 1,10 sm langa ól.
Kanínan, sem heitir
Katrín Sigríður og kölluð
er Dúsa, er 4ra ára og
gegnir stundum nafni.
Hún er algjörlega óvön
því að vera ein utandyra,
hvað þá svona yfirgefin
úti í hinum stóra heimi.
Því er líklegt að hún hafi
fundið sér skjól í ein-
hverjum húsagarðinum á
þessu svæði. Ibúar í
hverfinu og í efri hluta
Þingholtanna eru vinsam-
legast beðnir að svipast
eftir kanínunni í görðum
sínum þar sem hún kemur
til með að skríða úr skjóli
sínu bæði til að afla sér
matar og einnig vegna
forvitni. Þetta ferli gæti
jafnvel tekið nokkrar vik-
ur.
Þakklátir eigendur kan-
ínunnar bíða etir að heyra
frá ykkur á Kárastíg 9,
jarðhæð. Annars í síma
569-4128 á vinnutíma eða
í rafpóstfangi:
gunnar@caa.is
Góðum fundarlaunum
heitið.
Víkverji
OFLUG þátttaka íslendinga í
hátíðarhöldunum vegna af-
mælis landafunda og kristni á
Grænlandi hafa áreiðanlega styrkt
samband landanna tveggja. Það
kom fram í ræðum manna við há-
tíðarhöldin og það fann Víkverji
sem var á Grænlandi þessa daga.
XXX
ISTARFI sínu lagði íslenska
landafundanefndin upp með það
að vekja athygli á nútímasamfélag-
inu á Islandi árið 2000 með því að
rifja upp sögu Leifs heppna, Eir-
íks rauða og annarra víkinga og
sérstaklega landafundanna fyrir
þúsund árum. Greinilegt er að vel
hefur tekist til að mörgu leyti í
samvinnu við Grænlendinga,
Kanadamenn og Bandaríkjamenn.
Sú athygli sem vaknað hefur við
ferð víkingaskipsins íslendings
vestur um haf, hátíðarhöldin í
Grænlandi og Nýfundnalandi og
víkingasýninguna í Smithsonian-
safninu í Washington bendir til
þess að þeir miklu fjármunir sem
varið er til verkefna tengdum
landafundunum geti skilað sér til
baka í almennri kynningu á land-
inu og fjölgun ferðamanna frá
Norður-Ameríku. Það er auðvitað
skrifar...
aðaltilgangur starfsins. Og við höf-
um endurheimt Leif Eiríksson enn
einu sinni.
XXX
I^SLENDINGAR lögðu mikið af
mörkum við byggingu skála
Eiríks rauða og Þjóðhildarkirkju í
Brattahlíð við Eiríksfjörð en þessi
mannvirki voru afhent heima-
mönnum við hátíðarhöldin. Þótt
margir hafi lagt hönd á plóginn
hefur Víkverji rökstuddan grun, ef
svo má að orði komast, um að hug-
myndin hefði ekki orðið til og
verkið enn síður verið framkvæmt
ef Árni Johnsen alþingismaður
hefði ekki borið það fram og barist
fyrir því. Árni notar stundum
óhefðbundnar aðferðir við það sem
hann tekur sér fyrir hendur og er
ekki ólíklegt að það hafí riðið
baggamuninn í þessu verki. Var
honum sérstaklega þakkað fyrir
framgönguna þegar húsin voru
tekin í notkun. Árni hefur lengi
haft áhuga á Grænlandi, ferðast
mikið um landið, vakið á því at-
hygli hér á landi og sýnt íbúum
þess ræktarsemi á ýmsa lund.
Hefur það ekki einungis komið
fram í byggingu þessara ágætu
mannvirkja í Brattahlíð.
UM verslunarmannahelgina
verður Unglingalandsmót
UMFÍ haldið á Patreksfirði,
Tálknafirði og Bíldudal. Unglinga-
landsmót er eins og olympíuleikar
unglinganna á landsbyggðinni.
Ibúar staðanna hafa unnið mikið
starf að undirbúningi mótsins og
vonandi njóta þeir góðs veðurs
sem auðveldar mjög framkvæmd
svona stórs móts og ræður
kannski úrslitum um það hvernig
þátttakendurnir minnast þess.
Sá mikli undirbúningur sem
unninn hefur verið á Vestfjörðum
fyrir mótið sannar fyrir Víkverja
ágæti þeirrar stefnu UMFÍ að
gefa fámennum byggðarlögum
kost á að spreyta sig á mótshald-
inu. Að þessu sinni er gerð sú
djarfa tilraun að halda Unglinga-
landsmótið um verslunarmanna-
helgina. Hefur sá tími ekki þótt
gæfulegur til íþrótta, menn hafa
líklega talið að unglingarnir vildu
nota helgina til annars. Til að gera
mótið samkeppnisfært við hefð-
bundnar útihátíðir er skemmtidag-
skrá og dansleikjum bætt við hina
hefðbundnu íþróttakeppni. Vík-
verji dagsins styður eindregið
þessa tilraun og vonar að hún
heppnist.