Morgunblaðið - 20.10.2000, Síða 29

MORGUNBLAÐIÐ
ERLENT
FÖSTUDAGUR 20. OKTÓBER 2000 29
Murdoch hefur litla
trú á netfyrirtækjum
RUPERT Murdoch, forstjóri og
aðaleigandi fjölmiðlasamsteypunn-
ar News Corporation, hefur lengi
haft heldur lítið álit á netfyrirtækj-
um og það hefur ekki verið að auk-
ast. A aðalfundi samsteypunnar í
Adelaide í Astralíu kvaðst hann
ekki hafa neina trú á „hreinrækt-
uðum netfyrirtækjum" né á net-
auglýsingum. Var sagt frá þessu í
ástralska blaðinu The Sydney
Morning Herald.
„Ef við undanskiljum netfyrir-
tæki sem standa í beinum viðskipt-
um og hafa mikla veltu - ég hef
raunar efasemdir um þau líka - þá
er um að ræða fyrirtæki sem eru í
því að koma á framfæri upplýsing-
um og verða að treysta á að aug-
lýsendur borgi brúsann," sagði
Murdoch. „Það finnst mér ekki
gæfulegur rekstur enda sjáum við
nú hvernig komið er. Netfyrirtæki,
sem ekki eiga annan og traustari
rekstur á bak við sig, fjúka út í
buskann í 99 til 100% tilfella.“
Þessi orð Murdochs hitta raunar
hann sjálfan fyrir að nokkru leyti
og netfyrirtæki hans, Australia
News Interactive, en hann segir,
að hann og samstarfsmenn hans
hafi lært sína lexíu hvað það
varðar. I mörgum löndum hafi
starfsemi News Interactive verið
skorin niður en þó ekki í Ástralíu.
Murdoch hefur eins og áður seg-
ir haft vara á sér gagnvart Netinu
en stundum hefur hann þó verið
dálítið tvístígandi. Snemma á síð-
asta ári lýsti hann því yfir, að Net-
ið myndi eyðileggja fleiri fyrirtæki
en það skapaði en þegar á leið árið
og gengi hlutabréfa í netfyrirtækj-
unum rauk upp úr öllu valdi, virtist
hann vera orðinn á báðum áttum.
Sagði hann þá, að hann skildi ekki
Netið og því síður „hið yfirnáttúru-
lega mat“ á verðmæti netfyiirtækj-
anna „en kannski er það ekki nauð-
synlegt. Við verðum hins vegar að
skilja hvað Netið getur gert fjrrir
okkur.“
Ekki netáætlun heldur
tækniáætlun
News Corporation hefur farið
fremur hægt í að nýta sér net-
tæknina og á aðalfundinum sagði
Murdoch, að honum væri það með-
al annars að þakka.
„Fólk spyr mig gjarnan: Eruð
þið með einhverja áætlun í netmál-
unum? Nei, við höfum enga net-
áætlun, aðeins tækniáætlun. Við
munum nýta þessar tækniframfar-
ir til að efla starfsemi okkar á ýms-
um sviðum,“ sagði Murdoch. „Við
höfum verið gagnrýndir fyrir að
vera seinir, mjög seinir, en ég
heyri engan hrósa mér fyrir að
hafa ekki tapað nema broti af því fé
sem keppinautarnir hafa tapað.“
News Corporation fjárfesti á sín-
um tíma um 85 milljarða ísl. kr. í
heislunetfyrirtækinu Web-Health-
eon en langt er í land með að sú
fjárfesting fari að skila einhverjum
arði. Murdoch segist samt viss um,
að sá tími muni koma þótt markað-
urinn sé í svipinn á öðru máli.
Sæljón í N-Kyrrahafi
í útrýmingarhættu
Fleiri dýr-
um ógnað
EF EKKI verður gripið til ráðstaf-
ana til að koma í veg fyrir hnignun
stærsta sæljónastofns í heimi, sem
nefnist „steller“ og heldur sig á
norðanverðu Kyrrahafi, getur hann
að áliti sumra sérfræðinga dáið út.
Þetta kemur fram í grein í The Los
Angeles Times og segir þar áð lang-
tímaáhrifin af brotthvarfi dýranna á
lífríkið gætu haft slæm áhrif á fleiri
tegundir og ofveiði gæti á endanum
kippt fótum undan fiskbeiðum á
þessum slóðum.
Steller-sæljón geta orðið á stærð
við Volkswagen-bjöllu, þau lifa á
ýmsum fisktegundum, þ. á m.
þorski, laxi, kolkrabba og ufsa. En
fiskveiðar á svæðinu hafa aukist
hratt og dregið úr fæðuframboði
fyrir sæljónin sem hefur fækkað ört
undanfarin 30 ár. Um 1960 voru að
staðaldri um 175.000 dýr á vind-
börðum klettaeyjum á Beringssundi
en nú eru þau aðeins um 25.000. Ár-
ið 1997 tókst umhverfissinnum eftir
margra ára baráttu loks að fá sæ-
ljónin sett á lista yfir dýr í útrým-
ingarhættu.
Keppast um ufsann
við sæljónin
Togarar frá mörgum ríkjum
stunduðu þarna miklar veiðar þegar
á sjöunda og áttunda áratugnum og
síðar bandarísk skip. Aðalveiðin er
ufsi, sem er notaður í fiskstauta og
samlokur á skyndibitastöðum, en
ufsinn er helsta fæða sæljónanna.
Embættismenn alríkisstjórnarinnar
í Washington, sem vildu setja
reglur um takmörkun ufsaveiðanna,
voru undir miklum þrýstingi frá
stjórnmálamönnum og fulltrúum
sjávarútvegsfyrirtækjanna. En 21.
júlí sl. úrskurðaði dómari í Seattle,
Thomas Zilly, að stjórnvöld hefðu
ekki verndað nógu vel náttúruleg
heimkynni sæljónanna og þannig
brotið ákvæði laga um verndun
dýra í útrýmingarhættu. Nótaveið-
ar á grunnslóð voru bannaðar innan
20 mílna frá svæðum sæljónanna.
Sjómenn og fleiri hagsmunaaðilar
mótmæltu kröftuglega en í grein
The Los Angeles Times segir að
hverfi sæljónin geti jafnvægi í líf-
ríkinu raskast og sama gæti gerst
hvað snertir fiskinn með alvarleg-
um afleiðingum fyrir mörg þúsund
fiskimenn og aðra sem lifa á veiðun-
um.
Sæotur að verða
sjaldgæfur
Sæljónin eru í hættu en aðrar
dýrategundir, sem einnig lifa á ufsa,
eru í vanda. Meðal þeirra eru loðsel-
ir og fleiri selategundir auk nokk-
urra fuglategunda, m.a. rita, lang-
vía og lundi. Háhyrningar, sem ekki
geta lengur veitt seli og sæljón, eru
nú byrjaðir að éta sæotur sem þeir
gerðu nær aldrei áður fyrr. Sæotrar
eru að verða sjaldgæfir um miðbik
Aleuta-eyja. Ef sæljónin eru látin
deyja út er búið að rjúfa viðkvæma
keðju og allt lífríkið á þessum slóð-
um gæti farið úr skorðum.
I I jj
■ . ■ ^ t |;L’(
I it 1' |i i 1 'V-- teívgii 1 :fli :i mmmi. ■ - J&m'. \ : ÍiiKSÍ®

hj/ýrf-'jíi.

te|S*SSi8líSi
■
!•-
; c ■;?/ -■
■
© J
kwr|i(í
a
M M á a Hj).
fatnaði
»
»
»
»
«
«
«
«
hlauptu ekki langt
yfir skammt
verð nú: verð áður:
593 kr. 9S9kr
897 kr. lv495 kr.
1.197 kr. 1,995 kr.
1.497 kr. 2.495 kr.
1.797 kr. 2^95 kr.
2.397 kr. 3,995 kr.
HAGKAUP
Meira úrval * betri kaup
Skammhlaupinu lýkur á sunnudag