Morgunblaðið - 31.12.2000, Side 30

30 B SUNNUDAGUR 31. DESEMBER 2000
MORGUNBLAÐIÐ
Súkkulaði
handa Binoche
Franska leikkonan Juliette Binoche fer með
eitt aðalhlutverkið í nýjustu mynd sænska
leikstjórans Lasses Hallströms, Súkkulaði
eða Chocolat. Arnaldur Indriðason segir
frá leikkonunni sem unnið hefur með God-
ard, Kaufman, Malle og Minghella en hafn-
að samstarfí við t.d. Spielberg.
EITT af því sem Binoche lærði þegar
hún lék í Súkkulaði var að meta súkk-
ulaði ogbúa það til. 1 myndinni leikur
hún Vianne, franska konu sem sest
að ásamt dóttur sinni í þorpi eftir síð-
ari heimsstyrjöldina þar sem búa
strangtrúaðir kaþólikkar. Hún opnar
súkkulaðibúð skammt frá kirkjunni
og gerir brátt allt vitlaust á meðal
kaþólikkanna. Myndin snýst m.a. um
trúarhita og ástríður og ekki síst
súkkulaðigerð. Leikkonan kynnti sér
til hlítar hvernig súkkulaðifram-
leiðsla fer fram áður en tökur hófust
og er nú orðin talsvert vandlát á kon-
fektið ef marka má hennai- eigin orð.
Gæðaleikstjórar
„Ég fór og hitti súkkulaðigerðar-
mann sem er reyndar í sama hverfi í
París og tannlæknirinn minn,“ er
haft eftir leikkonunni í bandaríska
kvikmyndatímaritinu Premiere. „Ég
vildi vita allt um leyndardóma súkku-
laðigerðarinnar. Maður þarf ekki að
þekkja vel inn á þá leyndardóma til
þess að hætta að þola miðlungs-
súkkulaði. Maður verður að fá það
besta sem til er. Það er eins með leik-
stjóra. Þegar maður hefur unnið með
þeim bestu kærir maður sig ekki um
aðra.“ Það er sænski leikstjórinn
Lasse Hallström sem gerir myndina
en í fyrra sendi hann frá sér aðra
mynd sem vakti mikla athygli og var
útnefnd til fjölda Oskarsverðlauna,
The Cider House Rules. Hann virðist
vera kominn á talsvert flug eftir
magra daga í Hollywood en þangað
fluttist hann eftir að sænska þroska-
sagan Líf mitt sem hundur eða Mit
liv som en hund vakti verðskuldaða
athygli um heim allan. Myndir
Hallströms gerðar í Hollywood hafa
verið misjafnar að gæðum, sú besta
er líklega What’s Eating Gilbert
Grape?, þar sem Johnny Depp fór á
kostum en Depp leikur einmitt að-
alkarlhlutverkið í Súkkulaði og verð-
ur fróðlegt að sjá hverju samvinna
þeirra skilar í þetta skiptið.
Hallström er einn af mörgum
gæðaleikstjórum sem Juliette Bin-
oche hefur starfað með undanfarinn
áratug eða svo. í þeim hópi er að
íinna Philip Kaufman, sem stýrði
henni í Hinum óbærilega léttleika til-
verunnar, Louis Malle, sem stýrði
henni í frábærri en vanmetinni mynd
sem heitir Damage (Jeremy Irons
var stórkostlegur á móti Binoche),
Krzystztof Kieslowski, sem hún lék
fyrir í Þriggjalitatrílógíunni Blár,
Hvítur, Rauður, og Anthony Mingh-
ella sem stýrði henni í Enska sjúk-
lingnum.
„Juliette hefur greiðan aðgang að
tilílnningum sínum og veit hversu lít-
ið hún þarf að gefa fyrir framan
myndavélina til þess að tilfínningar
hennar komi fram,“ er haft eftir
Hallström. Binoche hafði þegar verið
ráðin í hlutverkið þegar Hallström
kom að gerð myndarinnar og honum
fannst að hann þyrfti „að losa aðeins
um hömlurnar í henni. Ég kann mjög
vel við spuna en held að Juliette hafi
ekki haft mikið dálæti á honum. Og
hún hafði ekki heldur mikið dálæti á
því að við vorum ennþá að fíkta við
handritið þegar tökur hófust. Enska
er ekki hennar tungumál og henni
var illa við að þurfa að læra nýjar
setningar á tökudegi".
Spurn eftir
Binoche
Binoche er fædd í París árið 1964
og er ein af kunnustu leikkonum
Frakka í seinni tíð. Foreldrar hennar
voru leikarar og skildu þegar hún var
mjög ung. Hún fetaði í fótspor þeirra
og stundaði leiklistarnám í París.
Eftir að hafa farið með aukahlutverk
í La vie de famille og Maríubæn eftir
Jean-Luc Godard árið 1985 aðeins 21
árs að aldri hreppti hún aðalhlutverk
í myndunum Rendez-vous og Slæmu
blóði og gaf Daniel Day-Lewis ekk-
ert eftir í fyrstu myndinni sem hún
lék í á ensku, Óbærilegum léttleika
tilverunnar. Síðan þá hefur hún leikið
jafnt í frönskum, enskum og banda-
rískum bíómyndum. Hún var ein-
eygður málari í Les amants du pont
neuf árið 1990 og lék Cathy í Fýkur
yfir hæðir á móti Ralph Fiennes.
Louis Malle fékk hana til þess að
draga Jeremy Irons á tálar í Damage
og Kieslowski hafði hana í litamynd-
um sínum eins og áður sagði, trílógíu
sem hann nefndi eftir litunum í
franska fánanum og standa fyrir
frelsi, jafnrétti og bræðralag. Mynd-
imar urðu til þess að Kieslowski var
loks viðurkenndur sem fremsti leik-
stjóri Evrópu en hann lést skömmu
eftir gerð þeirrar síðustu.
Mikil spurn er eftir Binoche í kvik-
myndimar. Áður en kom að Súkkul-
aði hafði hún leikið í þremur frönsk-
um bíómyndum í beit en samband
hennar við Hollywood er viðkvæmt.
„Ég hef upp á síðkastið verið beðin
um að leika í amerískum stórmynd-
um,“ segir hún. „Það setur mig í
vanda. Stundum verður maður að
neita að gera hlutina, jafnvel þótt
maður hugsi með sjálfum sér:
Kannski á ég aldrei eftir að fá annað
hlutverk.
Hún mun hafa afþakkað hlutverk í
Mission: Impossible eftir Brian De
Palma en það fór síðar til Emman-
uelle Béart. Hún hefur tvisvar neitað
Steven Spielberg. í fyrra skiptið vildi
hann fá hana til þess að leika í Júra-
garðinum hlutverk sem Laura Dem
síðar hreppti. í síðara skiptið neitaði
hún að leika fyrir hann í Lista
Schindlers konu „sem er nauðgað og
síðan drepin. En ég vildi mjög gjarn-
an vinna fyrir Spielberg. Þetta er
bara spuming um rétta verkefnið og
rétta tímasetningu. Maður verður að
fylgja sinni tilfinningu og mín tilfinn-
ing hefur verið sú að fjalla aðeins um
það sem ég hef áhuga á, nefnilega
mannlegt eðli“.
Peningar
skipta engu
„Það er eitthvað við Juliette sem
er sérstaklega franskt," er haft eftir
sænsku leikkonunni Lenu Olin, eig-
inkonu Hallströms og mótleikara
Binoehe í Súkkulaði og Óbærilegum
léttleika tilvemnnar. „Það er virðing-
aivert hvemig hún hefur haldið á
málum. Hún er algerlega sönn í því
sem hún gerir og ég held að það sé
henni mjög mikilvægt að það breytist
ekki. Það hefur ekki gengið átaka-
laust fyrir sig.“ „Lasse leyfði mér að
gera það sem ég vildi,“ segir hún um
Juliette Binoche í hlutverki sínu í kvikmyndinni Blcu eða Blár eftir Krysztof Kicslowski.
Associated Press
Juliette Binoche við skiltið á sælgætisbúðinni sem hún á og rekur í
myndinni Chocolat en þetta er fyrsta enskumælandi mynd hennar frá
því að hún lék í Enska sjúklingnum.
Reuters
Samleiks þeirra Juliette Binoche og bandaríska leikarans Johnny Depp
í „Chocolat" eða Súkkulaði hefur verið beðið með eftirvæntingu en
myndin var frumsýnd nú um miðjan mánuðinn.
Súkkulaði. „Hlutverkið bauð upp á
mikla fjölbreytni og ég gaf honum
sitthvert súkkulaðið í hverri töku.“
Aðrir leikarar í myndinni eru Judi
Dench, Olin, eins og áður sagði,
Carrie-Ann Moss, sem fór með að-
alkvenhlutverkið í The Matrix, og
Alfred Molina ásamt Johnny Depp.
Miramax framleiðh- myndina, fyrir-
tækið gerði einnig The Cider House
Rules og Enska sjúklinginn, en fyrir
hlutverk sitt í þeirri mynd hreppti
Binoche Óskarinn. Þegar hún hafði
lesið handrit Súkkulaðisins heimtaði
hún að fá að leika aðalhlutverkið og
forstjórinn, Harvey Weinstein, veitti
henni fúslega leyfið.
Næst leikur Binoche á sviði á
Broadway í leikritinu Svik eða
Betrayal eftir Harold Pinter, en það
fjallai- um ástarþríhyrning. „Þetta er
mjög þungt stykki en heillandi," seg-
ir leikkonan. „Ég fer mun dýpra í
vangaveltum um ástina í þessu
stykki en í Damage sem einnig
fjallaði um ástai'þiáhyming. Hún var
ekki nógu djúp.“ Hún fær lágt kaup
miðað við það sem hún fengi ef hún
léki í bíómyndum en „ég þarf ekki
mikla peninga", segir hún. „Það get-
ur verið byrði að eiga mikið af pen-
ingum. Ég myndi fyllast sektar-
kennd.“
fe ' - :
<
'
.
Associated Press
Juliette Binoche fagnar Óskarsverðlaununum fyrir bestan leik í auka-
hlutverki kvenna í Enska sjúklingnum árið 1997.