Morgunblaðið - 31.12.2000, Page 31

MORGUNBLAÐIÐ
SUNNUDAGUR 31. DESEMBER 2000 B 31
/
Aramótaávarp
(hins óbreytta
borgara)
Það liggur við að maður skammist sín fyrir að hafa
það ekki nóffu gott og lætur þess vegna eins og mað-
ur hafí það gott, skrifar Ellert B. Schram í annál sín-
um um árið sem er að líða.
GÓÐIR landsmenn, nær
og fjær.
Upp úr áramótun-
um gekk hann í stífa
suðvestan átt með slyddu og
slagveðri. Það var þá sem mér versnaði í
hnénu og skömmu síðar lagðist ég í ælu-
pest og fékk þar að auki tak í bakið og
varð hálfrytjulegur í framan, sem
skemmdi útlitið. Ekki var á það bætandi.
Allt þetta hafði slæm áhrif á fjölskylduna,
sem hélt að ég væri loks að verða gamall
og ég man að konan mín fór um þetta leyti
að tala um erfðaskrá og öryggi barnanna í
framtíðinni. Ekki var laust við að sjálfur
hefði ég móral út af því hversu aldraður ég
gæti orðið eftir tuttugu ár, þegar yngstu
bömin kæmust í fullorðinna manna tölu.
Þetta hélt fyrir mér vöku.
egar líða tók á veturinn svaf ég bet-
ur en hraut meira og það var til
þess að um tíma skapaðist krísu-
ástand á heimilinu, því enginn gat sofið
nema ég, og fjölskyldan lét á sjá vegna
þreytu og svefnleysis og varð það henni til
happs að undirritaður skrapp til útlanda
undir vorið. Eftir það fengu bæði börnin
og konan eðlilegan svefn og tóku gleði sína
á nýjan leik. Engin eftirmál urðu af þessu
og ég fæ enn að sofa í hjónarúminu.
Tilviljun og heppni réð því að ég komst
hvorki á menningarhátíð né kristni-
tökuhátíð þegar Islendingar héldu upp á
það að vera bæði kristnir og menning-
arsinnaðir, þótt enginn mætti í rauninni
vera að því. Því réðu fjölmiðlar og gott ef
ekki nasistar og þetta annríka iðjuleysi
sem er fólk lifandi að drepa. Og
það er sosum nóg að vera krist-
inn þótt maður haldi ekki upp á
það líka og menningin plummar
sig þótt maður megi ekki alltaf
vera að því að sinna henni. En báðar þess-
ar hátíðir gengu vel að sögn þeirra sem
fylgdust með þeim í sjónvarpsfréttum og
ráðamenn glöddust yfir því fámenni sem
samankom á Þingvöllum, sem sýnir að þeir
eru enn í tengslum við þjóð sína ogvita
hvað hún vill. Og hvar hún mætir.
Og hvar hún mætir ekki. Talandi
um ráðamenn, þá hitti ég nokkra
þeirra á árinu og flestir heilsuðu
mér kumpánlega, sem sýnir hvað
þeir eru alþýðlegur við ókunna,
sem stafar sennilega af því hvað
við hittumst sjaldan. Og hvers
vegna ætti líka forsætisráðherra
eða borgarstjóri eða Össurar
allra flokka að vera leiðinlegir við
nokkurn mann, sem engu máli
skiptir og er bara þarna út í bæ
að vinna sína vinnu og æmtir hvorki
né skræmtir og jánkar öllu sem sagt er
og er hinn hljóðláti óbreytti borgari sem
gengur samviskusamlega í kjörklefann til
að veita þessu fólki umboð til að fara fram
úr á morgnana og fram úr sjálfum sér og
fram úr í kostnaði? Að vild. Enda eru
framúrkeyrsla á stefnuskrá þeirra allra.
S
liðnu sumri bar það helst til tíðinda
að ég fór að spila golf, eða réttara
sagt, fór að læra hvernig eigi að
spila golf og mér var sagt að höggin væru
undir herðunum komin eða bakinu eða
hnjánum eða mjöðmunum og svo þyrfti ég
að halda höfðinu kjuru og ég þakkaði mín-
um sæla fyrir að enginn skyldi segja mér
að höggin væru undir kynfærunum komin,
því satt að segja var þessi golfáhugi farinn
að valda vandræðum á heimilinu vegna
tíðra fjarvista og grunsamlegi'a seinkana
og svo voru harðsperrurnar slíkar að ég
var ekki til neins brúks fyrr en þeir lokuðu
völlunum! Um haustið var ég settur í for-
eldraráð í skólanum og í foreldraráð í
íþróttafélaginu og var þannig lagð-
ur í einelti til að forða því að
krakkarnir mínir væru lagðir í
einelti en svo fóru kennararnir
sem betur fer í verkfall og þá
lagaðist þetta hernaðarástand
og segja má að haustönnin hjá
mér hafi verið frekar róleg,
nema nú fór að tínast inn
gluggapósturinn, þar sem lánin
hækkuðu jafnt og þétt, eftir því
sem ég borgaði meir. Það gerir
blessuð verðbólgan, sem er
komin á kreik aftur, án þess þó að
það teljist mikill efnahagsvandi
nema hjá þeim sem skulda. Okkur var líka
nær, þessum ösnum, að taka lán og halda
að hægt sé að borga lánin aftur. Það tekur
heila mannsævi og er ekki lengur á valdi
þeirra sem komnir eru yfir miðjan aldur.
En maður getur ekki kvartað. Allir hafa
það svo gott og því þá ekki ég? Það liggur
við að maður skammist sín fyrir að hafa
það ekki nógu gott og lætur þess vegna
eins og maður hafi það gott. Hvað gerir
maður ekki fyrir ríkisstjórnina og þjóðfé-
lagið og hvað gerir maður ekki fyrir ásjón-
una og samferðamennina og alla hina, sem
hafa það gott og maður getur ekki verið
minni maður. Eða hvað? Það er einmitt
þetta, sem er svo ánægjulegt, góðir lands-
menn, við árið sem er að líða, hvað efna-
hagurinn er góður og launin há og atvinn-
an mikil og þjóðin hagsæl og hvað lánið
leikur við okkur. Jafnvel Evrópubandalag-
ið lagði ekki í það að banna fiskimjölið,
þegar utanríkisþjónustan vaknaði til lífsins
og fimmfaldur lottóvinningur gekk út og
öryrkjar fengu óvæntan jólaglaðning þeg-
ar Hæstiréttur ákvað að refsa þeim ekki
fyrir að vera giftir! Lánið ríður ekki við
einteyming! Einkavæðingin gekk vel og ég
segi fyrir mig að nú erum við hjónin búin
að einkavæða reksturinn á heimilinu,
þannig að ég sé um að minna Ágústu á að
taka til og elda matinn og sinna krökk-
unum, meðan verkaskiptingin og einka-
væðingin leiðir til þess að ég hef næði til
að halla mér og lesa blöðin og kynna mér
þjóðmálin og ferðast til Ástralíu og skilja
börnin eftir á framfæri konunnar, meðan
ég sinni landi og þjóð í fjarlægum löndum.
Til að bera út hróður Islands, sitja veislur
og taka undir það, hvað þessi íslenska þjóð
ber af öðrum þjóðum miðað við höfðatölu.
etta er veglegt og verðugt hlutverk.
Já, það er mikil gæfa að vera ís-
lendingur og hér er allt í lukkunnar
velstandi, ef ekki væri fyrir það að bíllinn
er hættur að fara í gang á morgnana og ég
er farinn að hrjóta aftur á næturnar og
fóturinn fer versnandi í norðangarranum.
Að öðru leyti er líðan mín góð eftir at-
vikum. Bara fjári góð.
HUGSAÐ
UPPHÁTT
, 5Qi
'ini
£
3
:0
&
- • i.
Starfsnám í
förðun gefur
margvísleg tækifæri á
vinnumarkaði
Ljósmynda- og tískuförðun
Leikhus- og kvikmyndaförðun
AUar nánari upplýsingar í súma
588 7575 eða á
www.fardi.com
Förðunarskóli Islands
Einholti 2 105 Reykjavík
www.mbl.is
Ábendingar frá lögreglu
Meðferð skotelda og umgengni
við bálkesti og brennur
Lögreglan vill sérstaklega hvetja alla til að sýna varúð í
umgengni við skotelda, blys og brennur um áramót. Vakin
er athygli á að fylgja ber leiðbeiningum um meðferð
skotelda og virða aldursmörk en óheimilt er að selja
börnum yngri en 12 ára skotelda og í sumum tilvikum
unglingum yngri en 16 ára.
Við brennu og í næsta nágrenni er öll meðferð skotelda
bönnuð, en leyfilegt er að nota stjörnuljós og blys.
Lögreglan óskar landsmönnum öllum gleði, farsældar
og friðar á nýju ári og minnir á að áfengisneysla og
notkun skotelda og blysa fara aldrei saman.
Lögreglan í Hafnarfirði, Kópavogi og Reykjavík.
Bnnnni