Skírnir - 01.12.1909, Blaðsíða 48

336
Kvenréttindahreyfingin i Ameríku.
Nú átti þingið í New York ríkinu að haldast sumarið
1867. Horace Greely var einn í stjórnarskrárnefndinni,
sem átti að leggja fram tillögur um breytingar. Mrs.
Stanton skoraði á þingið að kjósa konu í þá nefnd. En
því var auðvitað neitað. Horace Greely var á móti
kosningarrétti kvenna, af því að það mundi verða stjórnar-
skrárbreytingunni um kosningarrétt Svertingja og kyn-
blendinga að falli. Hann hótaði konum því, að ef þær
fylgdu 8inni skoðun fram um kosningarrétt þeirra, þá
skyldi hann og blað hans snúast alvarlega gegn þeim.
Þá fengu þær E. Stanton og S. Anthony konu hans til
að beita sér fyrir kvenréttindamálið í Rochester, og
gangast fyrir undirskriftaáskorun til þingsins frá konum
um að fá kosningarrétt. Allar þess konar áskoranir voru
lesnar opinberlega upp í þingsalnum. Þær Mrs. Stanton
höguðu því þannig, að áskorunin frá Mrs. Horace Greely
var lesin upp rétt á undan nefndarálitinu, er maður henn-
ar las upp, sem formaður í nefndinni. I nefndarálitinu
var tekið fram, að glæpamenn, vitfirringar og geðveikl-
ingar hefðu ekki kosningarrétt. Hjónin stóðu því þarna
opinberlega hvort gagnvart öðru. Enda sagði H. Greely
litlu síðar við þær stallsystur, Mrs. Stanton og S. Anthony,
að þær væru þeir kænustu stjórnmálamenn sem hann
hefði þekt. Og þær hefðu séð um, að kona hans hefði
verið kend við alt hans nafn, sem þær neituðu þó að
giftar konur ættu að gera, einungis til að valda honum
gremju. Ekki varð þeim hjónum þó þetta að ágreinings-
efni.
Hvarvetna í sambandsríkjunum gerðu konur nú
harða atrennu tii að fá málum sínum framgengt, þar sem
átti að gera stjórnarskrárbreyting, og taka almenuan kosn-
ingarrétt karlmanna með. Um Kansas ferðuðust þau hjónin
H. Blackwell og Lucy Stone til að halda fyrirlestra um
þetta mál, og vinna menn með því. Um tíma virtist svo
sem alt mundi ganga þeim að óskum. Jafnvel H. Greeley
var í blaði sínu farinn að geta þess, að unga ríkið Kansas
ætlaði að ganga á undan öðrum í þessu efni. En þá snerist