Árbók Hins íslenzka fornleifafélags - 01.01.1908, Qupperneq 20

22
hann ætlaði sér. Um fyrra atriðið er ekki mitt að ræða. Það verður
að bíða þangað til líffræðingar eru komnir svo langt, að þeir þekkja
til hlítar takmörkin á bráðþroskamöguleik framúrskarandi barna fyr
og nú. Um síðara atriðið vil eg segja álit mitt, nú eftir að eg hefi
sjálfur farið leiðina. Eg hygg allsendis ómögulegt fyrir Egil að
fara hana, nema með einu skilyrði. En með því skilyrði álít eg
honum það auðvelt. Og þetta skilyrði er ofureinfalt. Hafi hesturinn,
sem Egill reið, elskað hestana, sem á undan var riðið, var ekki hætt
við að honum yrði skotaskuld úr því, að rekja slóð þeirra. Það hefi
eg oftar en einu sinni séð hesta gjöra, er eigi sýndust þó hafa meira
en meðalvit. Og hesti Egils var þetta því auðveldara, sem hann sá
til hinna við og við. En engu að síður hlaut honum að verða ógreið-
fært þar, sem mýrar eru blautastar á leiðinni.
4. A Anábrekku.
Bærinn Anabrekka stendur á lágum áshjalla undir öðrum hærri
ás. Hjallinn, sem bærinn stendur á, er brattur sunnan og mýri
neðan undir. Þar er engi. Neðan til í brekkunni sér fyrir fornu
garðlagi utan frá túnjaðri heim undir bæ. Þar er endi hans slétt-
aður út. En við sléttuna endar hann i stórri, aflangri þúfu, og er
liún kölluð Granaleiði. Sé það rétt, þá heflr heimreiðargatan verið
meðfram garðinum að ofan. Garðurinn hefir átt að verja mýrina,
en fyrir ofan hann, upp að brekkubrúninni, heflr þá ekki verið tún,
heldur hefir sú brekka verið stöðullinn. En á þann veg er að bæn-
um vissi heflr þá líklega verið þvergarður með hliði á. Þar er nú
alt sléttað út, og ekki hægt að fá neina vissu. örnefnið Granahlið
hefir horfið með garðinum. Það þekkist nú ekki.
ö. Stakksmýri og Þrándarleiði.
Það er kunnugt, að milli Borgar og Ánabrekku ræður lækur sá
landamerkjum, sem fyrrum hét Hafrslœkur en nú Háfslœkur. Austan-
megin hans, Borgarmegin, er mýrafláki mikill, sem að sunnanverðu
liggur að tjörn þeirri, er Egilstjörn heitir. Allur þessi mýrafláki
heflr fyrrum heitið Stakksmýri. Það nafn er nú eigi til. Norðurhluti
mýrarinnar er nú kallaður Breiðin, og er þar engi frá Borg. Suður-
hluta mýrarinnar er nú ekki nafn gefið. En yfir þann hlutann má
sjá af borginni fyrir ofan bæinn á Borg, en ekki yfir Breiðina.
Naut Steinars hlutu því að vera sunnarlega á mýrinni til þess