Árbók Hins íslenzka fornleifafélags - 01.01.1908, Blaðsíða 24

26
spildan er svipuð skarsúð. Eigi sjást hliðargarðar. Er þúfnareitur
öðrumegin við spilduna, en mýrlendi hinumegin, svo ekki þarf að
undra, þó hliðargarðarnir séu horfnir.
Fyrir norðan Knararnes er allstór ey, er Geldingaey heitir. A
henni er fjöldi af smáum hólum, og er forn girðing kring um þá
marga, hvern fyrir sig, og utan á hliðum þeirra eru akurreinar, að-
skildar með smá-görðum. Sumir hólarnir eru lágir og ávalir ofan.
Þar liggja reinarnar yfir um hólana þvera. En á hinum hærri hól-
unum eru reinarnar að eins utan með. A einum stað í eynni er
kringlótt girðing á sléttu mýrlendi. í miðju girðingarinnar er sem
upphækkun og á henni dys mikil úr grjóti. Hún er kölluð Geldings-
leiði. Fylgja þau munnmæli, að þar liggi maður, er hafi heitið
Geldingur. Enda sé hið rétta nafn eyjarinnar Geldingsey. Það gæti
nú verið, að »Geldingur« hefði verið viðurnefni manns. Þó sýnist
mér hitt líklegra: að til grundvallar fyrir þessum munnmælum
liggi misheppnuð tilgáta um það, að nafn eyjarinnar standi í sam-
bandi við dysina.
Þetta er tekið eftir frásögn þeirra Asgeirs bónda Bjarnasonar í
Knararnesi og Jóns bónda Samúelssonar á Hofstöðum, — því sjálfur
fór eg þangað ekki.
10. A Hofstöðum á Míjrum
er dálítill hóll fyrir austan bæinn, sem kallaður er Goðhóll, en
stundum Goði. Engin sjást mannaverk á honum. Eftir nafninu að
dæma er líklegt, að hofið, sem bærinn hefir nafn af, hafi staðið þar.
Má hugsa sér, að tóftin hafi verið bygð úr torfi og vindurinn hafi
máð hana burt, eftir að hætt var að halda henni við.
11. I Alftárósi.
Sagt er, að bænahús hafi verið í Álftárósi og er tóft þess sýnd
rétt fyrir sunnan bæinn. Er það lítill hólbali, svipaður samanfeldri
tóft, og er hann kallaður Kirkjuhóll. Kirkjugarðurinn er sýndur á
öðrum stað; þar heitir Kirkjutunga niður frá bænum, milli tveggja
mýrarvika, er ganga upp í túnið. í henni er kirkjugarðurinn; er
það lítill, aflangur hringur með digrum og fornlegum veggjum. í
honum eru allar stærstu þúfurnar aflangar frá austri til vesturs.
Hliðið á honum virðist hafa verið suðaustan megin, og er það sú
áttin, sem veit að Kirkjuhól. Þar er eigi yfir 20 faðma bil á milli.
— Krosshóll heitir hár hóll fyrir ofan bæinn.