Árbók Hins íslenzka fornleifafélags - 01.01.1929, Síða 38

38
Það er víða mælt eingöngu með augnamáli, þó margt sé mælt á því;
það er að nokkru fyllra og yfirgripsmeira en hitt, því eptir að Gun-
lögsen var farinn, þá hafði eg betra næði og betri kríngumstæður
til að rannsaka staðinn, en eg áður hafði haft, enda tók eg þá eptir
ýmsu, sem eg ekki áður vissi af. En vegna skilmála okkar Dasents,
þorði eg með engu móti að vera yður eða félaginu hjálplegri að því
sinni, enda leyfði tíminn mér það ekki, því mitt kort varð eg að
fullgera.
Eg veit að yður þykja þessar fréttir ekki sem æskilegastar fyrir
Bókmentafélagið og eg er einnig á sama máli. En eg veit að þið
þarna ytra sjáið, að það er ekki meir mér að kenna en ykkur, að
þetta gekk þannig til, og að þið komuð of seint. En hvað sem nú
öllu þessu líður, þá held eg að málið sé í góðu horfi, því þegar
menn leggja bæði þessi kort saman, þá held eg að menn fái nokk-
urn veginn svo nákvæmt kort af Þíngvelli sem þörf er á, og sem
auðið er að svo stöddu.
Eg er á yðar máli með það, að það muni ekki þurfa meira en
2 kort af Þíngvelli. Það mun mega sameina söguöldina og seinni
aldirnar, þvi það eru flest sérstakar búðir, sem heyra til öllum seinni
öldunum, og það jafnvel strax eptir söguöldina, að eg held.
Viðvíkjandi yfirgripsmesta kortinu, þá má þar margt um tala; að
ná og leita upp alla vegi forna, sem liggja að Þíngvelli, greinilega og
rétt, sem menn sjá að fornmenn hafa farið (eptir sögunum), kostar
tíma. Og eins öll þau örnefni, sem getið er um í sögunum við þíng-
reiðir fornmanna, t. d. í Njálu og Sturlungu. Maður þarf að reyna, að
vita hvar Vellirnir efri hafa verið og eins Beitivellir, Sledaás, Sand-
kluptir, Vellankatla og margt fleira. Það yrði mikið umstang, fyrst
að leita að því í sögunum og þar næst að spyrja upp, hvar örnefn-
in eru og fá menn til að sýna sér þau, eða að reyna að finna, hvar
líklegast er að þau séu eftir sögunum. Og síðan að gera greinilegt
kort yfir svo mikið svæði. Þetta væri mjög nauðsynlegt, en hamíngjan
veit, nær það kemst í verk, en samt mundi það vera hægast með
því móti að taka original-teikning Gunlögsens yfir það svæði sem
nákvæmasta, og í fullri stærð eins og hann gerði það, og gera eptir-
mynd af því; það sparaði mikið mæling og mætti þá setja öll hin
örnefnin þar á. Því sjálfsagt eru öll fjöllin sett í rétta afstöðu, hvert
frá öðru, og yrði þá mest fyrirhöfnin að finna og spyrja upp örnefnin.
Eg hefi safnað öllu, sem eg hefi getað um Þíngvöll, bæði öllu,
sem eg hefi fundið í sögunum og Grágás og Jónsbók, í árbókunum,
annálum og fleiri fornritum; eg hefi og safnað öllum munnmælum,