Árbók Hins íslenzka fornleifafélags - 01.01.1929, Blaðsíða 61

61
með. Það getur þó ekki verið að óttast, að safnið verði rekið út frá
bókasafninu? Safnið á eins mikinn rétt eins og hin, hjá stiptsyfir-
völdunum, og eg trúi ekki öðru en að þau láti það ásannast. Hitt
er nú óefað, að þér sjálfur fáið minni laun en þér egið skilið; en
þar við verður ekkert gjört, nema hvað takast kann með tímanum,
þegar þér haldið fram fast og lengi, og enda hafið þér þá ánægju
að brjöta ísinn og leggja grundvöll, sem eg er viss um að muni
verða byggt ofaná. —
Víst væri gott að fá ritgjörð um búskap í fornöld, en þetta er
í Ármanni og víðar, og þeir sem engu trúa, þeir hafa það til fyrir-
sláttar að klímaið sé nú verra en þá, þó það sé slúður. Hjaltalin og
Rektor eru líka verstu menn til að taka allan kjark úr mönnum, og
svo eldir eptir af gömlum skoðunum. Þér hafið kanske lesið gamlar
bænarskrár, þar sem lýst er árferði og ástandi, t. d. á 17. og 18. öld,
þar er þetta efst á baugi. Ekki hefi eg fengið enn vísur Bjarna skálda,
þar sem þér hafið úr aldarlýsinguna. Getið þér ekki haft hana til í
vor, allt kvæðið. Reynið þér líka til að hafa til láns eða einhvern-
veginn Registur yfir þau íslenzk kvæði, sem eru á kvæðabókum
þeim sem Jón Árnason á, og hvað þér annars getið náð í með lagi.
Þér munið eptir, að styrkja Bókmentafélagið, því það getur bezt styrkt
yðar safn eptir því sem á horfist, og hefir helzt vilja til þess.
Forlátið mér miðann.
Yðar skuldbundinn vin
Jón Sigurðsson.
Eg sendi yður að gamni mínu Catalog yfir danska museið, þann
nýjasta.
(J. S.)
9.
Reykjavík 12. Október 1868.
Háttvirti, góði vin!
Eg þakka yður fyrir yðar síðasta, góða bréf. Eg hefi sent hinum
og þessum skýrsluna, einkanlega hér syðra, og hafa ýmsir falað hana
af mér og þótt hún merkileg, og sumum þykir gaman að henni, en
aptur eru sumir, eins og þér getið nærri, sem bölva henni ásamt
með öllu safninu. Hún gerir mikið gagn og vil eg því ekki vera
mjög spar á henni, því maður getur líka óbeinlínis haft hana í stað-