Tímarit Hins íslenzka bókmentafélags - 01.01.1900, Qupperneq 42
42
við vísindalega ransókn þessara efna, kemur nú saman um
það, að þessi lögbók hafi haft 5. Mós. að innihaldi, þar
sem auðráðið er af lýsingu Konungabókanna á siðbót
Jósía, að hún hefir aðallega verið í því innifalin að
leiða i framkvæmd ýms lagaákvæði 5. Mós. — sérstak-
legá þó fyrirmæli hennar um samdrátt guðsdýrkunar-
innar á einn stað. En flestir eru nú komnir á þá skoð-
un, að lögbókin, sem Hilkía fann, hafi engin bók önnur
verið en sjálf 5. Mósebók! Og er sú skoðun án efa
rétt.
Samkvæmt því getur. 5. Mós. ekki verið skrifuð
seinna en árið, sem Hilkía finnur hana í musterinu, en
það er á 18. stjórnarári Jósía konungs eða árið 621
f. Kr. En hve löngu fyrir þann tíma hún sé samin.
verður ekki fastákveðið; allar likur eru til þess, að
hún sé samin á dögum Manasse konungs. Að Hilkía
æðstiprestur sé höfundur bókarinnar er ósennilegt mjög,
þótt það sé álit margra (t. a. m. Wellhausens), því að
bæði er það, að prestastóttinni gat ekki verið neinn hag-
ur í framkomu þessarar bókar, sem er aðallega spámann-
legs eðlis (o: hefir að markmiði að lyfta þjóðinni á sið-
ferðilega og trúarlega hærra stig, hið sama er höfuð-
markmið spámannanna í ísrael), en skiftir sér ekki hið
minsta af hinni prestslegu löggjöf (o: lögunum um fórn-
færingar, prestsembætti, piestabiíning og þvíl.), og hins
vegarhlyti þá frásagan um fund bókarinnar i musterinu,
að hafa verið uppspuni Hilkía sjálfs, sem naumast er
ætlandi. Yfir höfuð að tala er það ósennilegt mjög, að
bókin sé samin á dögum Jósía, því að hvaða ástæða gat
verið til þess að leyna framkomu slíkrar bókar á dögum jafn
ágæts og guðhrædds konungs? En nú vitum vér, að
sumar af hugmyndum þeim, sem 5. Mós. berst fyrir,
hafa tekið að gera vart við sig á dögum Hiskía konungs,
t. a. m. hugmyndin um eitt aðalaðsetur guðsdýrkunar-