Eimreiðin - 01.09.1910, Síða 30

kalla, hve hátt í loft mönnum hefur tekist aö komast á þessum
kappflugum; í síöustu blööum er t. d. skýrt frá, aö flugmaður
einn, er Paulhan heitir, hafi komist 1402 metra (um 4600 fet) í
loft upp; myndi margan sundla, væri hann kominn svo hátt í loft
á vélarkríli.
Enn sem komið er, virðast flugvélarnar ekki eins öruggar til
loftfara eins og loftskipin, enda eru þær enn í meiri bernsku; en
eftir þeim skjótu framförum að dæma, sem þær hafa tekið nú á
skömmum tíma,
má ætla, að þess
verði ekki langt
að bíða, að mönn-
um takist að gera
þær þannig úr
garði, að engin
sérleg hætta fylgi
fluginu, og þá
verða flugvélarn-
ar án efa fljótar
að ryðja sér til
rúms, til skemti-
og skyndiferða.
Pær eru meðfæri-
legar og ekki
dýrari en svo, að
einstökum mönn-
um verður vel
kleift að eignast þær; er ljóst, að þær muni fyrir þá sök ná miklu
almennari útbreiðslu en loftskipin, sem eru afardýr, og jafnan hljóta
að verða það, eftir því sem útbúnaði þeirra er háttað. Hins vegar
er ástæða til að ætla, að jafnframt og mönnum tekst að fullkomna
flugvélarnar, muni og takast að gera þær mun ódýrari en nú. Er
það því spá margra, að þess muni máske ekki svo ýkjalangt að
bíða, að flugvélar verði jafntíðar og reiðhjól á vorum dögum, svo
hver bjargálnamaður geti brugðið sér á flugvél sinni bæja á milli,
yfir ár og fjörðu, til að heimsækja kunningjana.
9. Bleríót miðja vega yfir Ermarsundi.