Tölvumál - 01.10.1994, Blaðsíða 42

Október 1994
lifandi, en einmitt þau tengsl eru
eitt meginviðfangsefni fræðanna
um margliður. Ennfremurerhægt
að flytja margliðuna í heilu lagi
með því að færa hnitakerfið og
líka má rekja ferilinn með kross-
hárum sem sýnanákvæmlegahver
x- og y-hnit hans eru á hverjum
stað. Loks er hægt að gefa hverjum
ferli sérstaktnafn, sem getur verið
þægilegt þegar nemendur eru að
fást við ferla sem kennarinn hefur
skilgreint.
Þá víkur sögunni að diffrun og
heildun. Nýjar margliður er hægt
að skilgreina með því að diffra
eða heilda þá margliðu sem fyrir
er á skjánum. (Ef fleiri en ein
margliða eru á skjánum í senn er
ein þeirra virk og allar aðgerðir
beinast að henni einni.) Ennfrem-
ur er hægt að reikna ákveðið heildi
margliðu, og er það þá jafnframt
sýnt grafískt. Hægt er að breyta
og flytja margliðu með ákveðið
heildi skilgreint og breytist heildið
þá um leið, bæði grafískt og tölu-
lega. Loks er eðli skilgreiningar-
innar á diffurkvóta dregið fram
með því að hægt er að teikna
snertil og sniðil í sama punkt á
ferlinum, færa síðan sniðilspunkt-
ana saman með músinni og sjá
bæði tölulega og grafískt hvernig
hallatala sniðilsins stefnir á halla-
tölu snertilsins þegar sniðils-
punktarnir nálgast hvorn annan.
Þegar fall er fyrst skilgreint
fær ferill þess sjálfgefið nafn,
Ferill 1, Ferill 2, o.s.frv. Þegar
fallið er diffrað eða heildað verður
til nýtt nafn leitt út frá því fyrra
með úrfellingarmerki. Þannig
verður Frumfall að Frumfall’ og
Frumfall ’ ’ við endurtekna diffrun,
en fær nöfnin ‘Frumfall og
“Frumfall við endurtekna heild-
un. Þegar kennarinn útbýr skrár
með föllum fyrir nemendur að
vinna með getur hann síðan
endurskýrt ferlana að vild, en
stundum er kostur að varðveita
upplýsingarum upprunafallsmeð
þessum hætti. Hvað gerist svo
þegarmóðurfallinu erbreytt? Ekki
neitt, því upprunatengslin milli
falla eru einvörðungu varðveitt í
nöfnum þeirra. Ein af þeim hug-
myndum sem eru í athugun fyrir
næstu útgáfu af InnSýn er að varð-
veita þessi tengsl þannig að breyt-
ing á einum ferli hafi áhrif á alla
hans ættingja, en þar verður þó að
hafa í huga að varðveita ein-
faldleika í notkun forritsins.
Sem fyrr segir geta nemendur
sótt verkefni sem kennarinn hefur
útbúið og unnið með þau í InnSýn.
Nánar tiltekið nýtir Innsýn sér til
fullnustu eiginleika Windows
gluggakerfisins og býður meðal
annars upp á eftirtalda möguleika:
Hægt er að vista öll föll og ferla á
skjánum í skrá, ásamt öðrunt upp-
lýsingum um ástand forritsins.
Síðar má hvort sem er lesa skrána
af disk eftir að keyrsla er hafin
eða ræsa forritið með nafni skrár
í skipanalínu þannig að keyrsla
hefst ekki með auðan skjá. Enn-
fremurerhægt að afrita skjámynd-
ina yfir á klemmuspjald (clip-
board) og færa þannig í önnur
forrit með venjulegum Windows-
hætti. Loks er hægt að prenta
skjámyndir beint úr forritinu.
Það er alltítt að höfundar líti
yfir sköpunarverk sín og þyki þau
harla góð. Þannig er líka með
aðstandendur InnSýnar og nú
viljum við helst koma InnSýn inn
í alla framhaldsskóla landsins og
vita hvernig mönnum líkar við
forritið sem kennslutæki. Ef
undirtektir verða góðar hyggjumst
við setja endurbætta útgáfu á
markaðinn og byggja sem mest á
athugasenrdum notenda. Síðan
ætlum við auðvitað að sigra
heiminn!
Við höfum útbúið sérstök sýn-
ingareintök af forritinu þar sem
lestur og skrift á skrám og notkun
klemmuspjalds er tekin úr sam-
bandi, og geta skólarnir fengið
þannig eintak til að skoða forritið
áður en þeir ákveða hvort þeir
vilja festa kaup á því.
Freyr Þórarinsson er
kennari v/ð Tölvuháskóla
Verz/unarskóla Islands.
e-mail:
freyrth@ismennt .is
Albert Guðmundsson er
kerfisfrœðingur hjá Hof
s.f.
e-mail: albert@hof.is
Bogi Pálsson er
kerfisfrœðingur hjá
SKÝRR
e-mail: kl0020@skyrr.is
Jón Víðir Birgisson er
kerfisfrœðingur hjá
Tölvu- og
hugbúnaðarþjónustunni.
Punktar...
Tölvuiðnaður
Flestöll stóru bandarísku
tölvufyrirtækin skila auknum
hagnaði um þessar mundir.
Að auki geta niörg fyrirtæki
sem áður voru í kröggum nú
sýnt fram á betri afkomu. Á
þetta bæði við um hugbún-
aðarhús og framleiðendur
vélbúnaðar. Til dæmis var
hagnaður tólf stærstu hugbún-
aðarframleiðendanna 15%
meiri á öðrum ársfjórðungi
þessa árs en á sama tíma í
fyrra.
42 - Tölvumál