Bókasafnið - 01.06.1996, Síða 21

Kveðja
frá Bókavarðafélagi Islands
Haraldur Sigurðsson bókavörður
f. 4. maí 1908, d. 20. desember 1995
í desembermánuði sl. lést í Reykjavík Haraldur Sigurðs-
son bókavörður. Þótt Haraldur færi ekki út í langskóla-
nám, lagði hann með menntaskólanámi sínu grundvöll að
málakunnáttu sinni, er varð mikil og kom honum að góðu
haldi í þýðingum ýmissa merkra erlendra rita, er hann
fékkst við mest framan af ævi samhliða blaðamennsku við
Þjóðviljann 1936-40 og síðan í starfi hjá bókaútgáfunni
Helgafelli 1940-46, en þá var hann skipaður bókavörður í
Landsbókasafni Islands, stofnun er hann helgaði krafta
sína allt til 1978, er hann lét af því starfi fyrir aldurs sakir
og hafði þá tvö seinustu árin verið deildarstjóri í þjóðdeild
Landsbókasafns.
Gestir Landsbókasafns á árum Haralds við safnið minn-
ast hans með miklu þakklæti, hjálpfysi hins bókfróða
manns, er var ótrauður að leiðbeina þeim í leit þeirra að
hinum bestu heimildum um hvað eina.
Sjálfur vann Haraldur í tómstundum sínum að fræði-
störfum auk þýðinganna, gaf t.d. út sjálfsævisögu séra Þor-
steins Péturssonar á Staðarbakka 1947 og skólaræður
Sveinbjarnar Egilssonar 1968. Árið 1961 kom út í þýð-
ingu hans Bréffrá íslandi eftir Uno von Troil, og löngu
seinna eða 1982, þýðing hans á verkinu ísafold, ferða-
myndir frá íslandi eftir Ina von Grumbkow. En Haraldur
hafði snemma fengið áhuga á skrifum erlendra manna um
ísland og tekið að semja skrá um slík skrif, er hann vann
að öðrum þræði á vegum Landsbókasafns. Haraldur tók
fyrir mín orð upp þráðinn við skrána, eftir að hann lét af
störfum, og kom hún út að lokum 1991, hið þarfasta verk.
Annað verk, er hann vann að, allt á eigin vegum var Korta-
saga íslands í tveimur miklum bindum er Bókaútgáfa
Menningarsjóðs og Þjóðvinafélagsins gaf út 1971 og 1978.
Háskóli íslands sæmdi Harald doktorsnafnbót fyrir þetta
verk hans 1980, og löngu seinna, eða 1995, kjöri Sagn-
fræðingafélag íslands hann heiðursfélaga sinn. Haraldur
dró saman safn margvíslegra rita í kortafræðum, og hafði
hann fyrir löngu ákveðið að gefa Landsbókasafni það. Var
skýrt frá gjöfmni við opnun Landsbókasafns fslands - Há-
skólabókasafns í hinum nýju húsakynnum, og hefur því
nú verið fenginn staður í sérsafnadeild þess.
Haraldur var mjög félagslyndur maður, sat t.a.m. í
stjórn Bókavarðafélags íslands 1960-69 og var formaður
þess 1965-69. Hann var virkur félagi í Ferðafélagi Islands,
sat í ritstjórn Arbókar þess frá 1966 og hafði samið sjálfur
Arbókina 1954 um Borgarfjarðarsýslu norðan Skarðsheið-
ar. Hann var oft fararstjóri í ferðum félagsins, ekki síst um
hálendi íslands, enda þekkti hann þar hvert kennileiti
engu síður en bækurnar á hillum Landsbókasafns, eins og
ég sagði eitt sinn um hann.
Haraldur Sigurðsson var ágætur félagi og samverkamað-
ur, er við öll í Bókavarðafélaginu eigum þakkir að gjalda og
söknum sárt. Haraldur átti hina mætustu konu, Sigrúnu
Sigurðardóttur, er var honum stoð og stytta í hinu mikla
menningarstarfi hans. Við sendum lienni við fráfall Har-
alds innilegar samúðarkveðjur.
Finnbogi Guðmundsson
fv. landsbókavörður
Bókasafn Fjölbrautaskóla Suðurlands
Þann 24. febrúar sl. flutti bókasafn fjölbrautaskól-
ans úr bráðabirgðahúsnæði á 2. hæð skólans í rýmri að-
stöðu miðsvæðis á jarðhæð. Safnið var opnað með við-
höfn að viðstöddum menntamálaráðherra og fleiri
góðum gestum en undirrituð lagðist veik eftir flutning-
ana sem tóku 3 daga og getur því ekki lýst athöfninni
nánar. Þó voru hafðar til sýnis rúmlega 350 bækur sem
við fengum að gjöf í tilefni dagsins frá ýmsum aðilum.
Ég tók við forstöðu bókasafnsins í september 1994
og þá var langt komið að skrá bókakostinn í tölvu og
spjaldskránni var eklci lengur haldið við. Allar bækur,
skyggnur, myndbönd, hljómplötur og geisladiskar eru
nú skráð í Metrabók og unnið er að skráningu annars
efnis. Sú vinna og strikamerking gagnanna hefur verið
u'mafrek og lítill tími gefist til annars en dagiegra
venjubundinna starfa fyrir utan skipulagningu nýja
safnsins. Enn er eftir að ganga frá ýmsu, m.a. vantar
hillumerkingar, skjalaskápa og tengingu á tölvu starfs-
fólks safnsins við íslenska menntanetið og veraldarvef-
inn.
Nú geta nemendur og starfsfólk skólans leitað að
gögnum í tveimur töivum á safninu og í öðrum
nettengdum tölvum í skólanum. Utlán eru færð í
Metrabók. Tvær tölvur á safninu eru eingöngu notað-
ar til að skoða geisladiska og gagnasöfn af disklingum.
Ein tölva er tengd módemi og í henni er hægt að skoða
innlendar vefsíður á menntanetinu. Þetta er ennþá á
reynslustigi, er ókeypis og á eftir að skipuleggja betur.
Bára Stefánsdóttir
forstöðumaður
Bókasafhið 20. árg. 1996 21