Bókasafnið - 01.06.1996, Blaðsíða 35

Hulda Björk Þorkelsdóttir
Bókaval og innkaupastefna á
almenningsbókasafni
Bókasafn Reykjanesbœjar
Bókasafn Rcykjancsbæjar er almenningsbókasafn sem
þjónar um 10.500 manna sveitarfélagi, sem varð til við
sameiningu þriggja sveitarfélaga á Suðurnesjum, Keflavík-
ur, Njarðvíkur og Hafna.
Auk þess er það héraðsbókasafn fyrir Gullbringusýslu
skv. lögum nr. 50/1976. íbúafjöldi á Suðurnesjum er
15.534 manns, þar af þjónar safnið 1.836 manns sem hér-
aðsbókasafn því skv. reglugerð verður sveitarfélag sjálfkrafa
bókasafnsumdæmi með bæjarbókasafni þegar það öðlast
kaupstaðarréttindi. Sandgerði og Grindavík eru skv. þessu
sérstök bókasafnsumdæmi.
Hlutverk almenningsbókasafna
Hlutverk almenningsbókasafna er skv. 1. gr. áður-
nefndra laga:
Allar byggðir landsins skulu njóta þjónustu almenningsbókasafna,
svo sem nánar er kveðið á um í lögum þessum.
Almenningsbókasöfn eru mennta-, upplýsinga- og tómstunda-
stofnanir fyrir almenning. Þau skulu gefa fólki sem bestan kost á að
lesa og færa sér í nyt bækur og veita afnot af nýsigögnum, svo sem
hljómplötum, segulböndum og öðrum miðlunargögnum til fræðslu
og dægradvalar.
í 9. grein reglugerðar nr. 138/1978 sem fylgir þessum
lögum segir m.a. um hlutverk miðsafna:
1. að veita almenningi möguleika á ævimenntun
2. að gefa almenningi kost á að verja tómstundum sér til menningar-
auka og afþreyingar með heimaláni
3. ð halda uppi þjónustu við almenning með bókabílum
4. að annast útvegun bóka og annarra gagna að láni frá öðrum söfn-
um
5. að vera upplýsing- og gangamiðstöð, þar sem haldið sé sérstaklega
til haga efni, sem varðar umdæmið
6. að veita fræðimönnum sérstaka lestraraðstöðu
Ldgmarksframlög sveitarfélaga
í lögunum er gert ráð fyrir lágmarksframlögum sveitar-
félaga til almenningsbókasafna, þau eru endurskoðuð ár-
lega af Hagstofu íslands. Fyrir árið 1996 eru lágmarksfram-
lögin svohljóðandi:
a) Til bæjarbókasafns greiðir bæjarsjóður 1.302 á hvern íbúa
kaupstaðarins.
b) Til bæjar- og héraðsbókasafns greiðir bæjarsjóður 1.302 kr. á hvern
íbúa kaupstaðarins.önnur sveitarfélög í umdæminu greiða 130 kr. á
hvern íbúa og stendur sveitarsjóður skil á þessari greiðslu.
c) Til héraðsbókasafns greiðir sveitarsjóður þar sem safnið er 1302 kr. á
hvern íbúa hreppsfélagsins. önnur sveitarfélög í umdæminu greiða til
safnsins 130 kr. á hvern íbúa og stendur sveitarsjóður skil á þessari
greiðslu.
d) Til hreppsbókasafns greiðir viðkomandi hreppssjóður (hreppssjóðir)
1002 kr. á hvern íbúa hreppsins (hreppanna).
Samkvæmt þessu ætti Bókasafn Reykjanesbæjar að fá
13,4 millj. frá bæjarsjóði og um 240.000 frá þeim tveim
sveitarfélögum á svæðinu, sem eru ekki orðin kaupstaðir.
Fjárveiting til safnsins árið 1995 var hins vegar 27,6 millj.,
iTPin.T
Bókasafhið 20. árg. 1996 35