Dagblaðið Vísir - DV - 30.12.1981, Blaðsíða 8

8
DAGBLAÐIÐ & VÍSIR. MIÐVIKUDAGUR 30. DESEMBER 1981.
TRÉSMIÐAFÉLAG
REYKJAVÍKUR
heldur
jólatrésskemmtun
fyrir börn félagsmanna og
gesti að Suðurlandsbraut
30, laugardaginn 2. jan-
úarkl. 14.00.
TRÉSMIÐAFÉLAG
REYKJAVÍKUR
HÁRGREIÐSLUSTOFAN
KLAPPARSTlG 29
(milli Laugavegar og
, Hverfisgötu)
Timapantanir
í síma
13010
NÁMSKEIÐ
Ný námskeið í manneldisfræði (hollt matar-
æði og heilsuvernd) hefjast 5. janúar.
Námskeiðin fjalla m.a. um eftirfarandi atriði:
* Grundvallaratriði næringarfræði
* Innkaup, vörulýsingar, vörumat og auglýsingar.
* Fæðuval, mataræði mismunandi aldursflokka:
ungbarna, skólabarna, unglinga, fullorðinna
og barnshafandi kvenna.
* Gerð matseðla, matreiðsluaðferðir, uppskriftir
(hollir, Ijúffengir, sjaldgæfir réttir).
12VIKNA
MEGRUNARNÁMSKEIÐ
hefst 6. janúar. (Bandarískt megrunarnám-
skeið sem hefur notið mikilla vinsælda og
gefið mjög góðan árangur).
Munið að aðeins rátt nærður einstaklingur getur
vænst besta árangurs í námi, leik og starfi. Upplýs-
ingar og innritun í síma 74204.
Kristrún Jóhannsdóttir
manneldisfræðingur
r
C®fGr

UM ARAMOT
strengja menn gjarnan heit.
HEFJUM NÝTTÁR
með því að
STRENGJA BELTIN
dx
IFERÐAR
Fólkiö á götunni hefur velt um herbil og hirðir úr honum allt lauslegt. Þessa mynd tók norskur Ijósmyndari rétt fyrir jólin í
Varsjá.
Útlönd
Útlönd
Útlönd
Er Walesa loks til
tals við ráðamenn?
—sagður hafa hætt eftir 2 daga hungurverkfall og fallizt
á samningaviðræður
Lech Walesa, leiðtogi hinnar óháðu
verkalýðshreyfmgar Pólverja, mun
hafa hætt hungurverkfalli sinu og fall-
izt á viðræður við herlagastjórn Pól-
lands, samkvæmt fréttum sem borizt
hafa fráPóllandi.
Heimildarmenn þessara frétta hafa
það frá fjölskyldu Walesa sjálfs að
hann hafi hætt mótmælaföstu sinni eft-
ir tveggja daga svelti. Hann hóf hung-
urverkfallið á aðfangadag jóla.
Viðræður Walesa við yfirvöld áttu
að hefjast í dag en engar fréttir hafa
borizt af því hvort úr því hafi orðið.
Áður höfðu menn haft spurnir af að
Walesa hefði neitað að ganga til við-
ræðna við stjórnina nema yfirmaður
pólsku kirkjunnar væri þar til staðar.
Síðan fréttist að Walesa hefði gert að
skilyrði að átján manna stjórn Einingar
tæki öll þátt í viðræðunum. Ekki er vit-
að hvort herlagastjórnin hafi gengið að
þessum skilmálum. Hún hefur þó lagt
mikið kapp á að fá Walesa til þess að
leggja opinberlega orð í belg til þess að
lægja ólguna í landinu.
Herlagastjórnin mun vera orðin
langeyg eftir þvi, að atvinnulífið kom-
ist í eðlilegar skorður. Hinar hörðu að-
gerðir hersins gegn verkföllum og opin-
skáum mótþróa hafa að vísu brotið
verkföll á bak aftur, tvístrað kröfu-
gönguhópum og hindrað fjöldafundi.
Framleiðsian hefur þó ekki færzt í
betra lag. Verkamenn eru sagðir halda
uppi þögulu andófi með hægagangi,
tviverknaði og jafnvel skemmdarverk-
um.
Velta menn nú vöngum yfir því hvort
augu herforingjanna hafi opnazt fyrir
Herbíll í Ijósum logum eftir götubar-
daga í Gdansk rétt fyrir jólin, en nú
eru farnar að berast fréttamyndir frá
Póllandi sem gefa til kynna að and-
spyrnan við herlögin hefur verið ólikt'
meiri en opinberar pólskar fréttastofur
höfðu gefið til kynna.
nauðsyn pólitískrar lausnar á ástand-
inu. Hún er þó að flestra mati naumast
eygjanleg án hlutdeildar Einingar, sem
var bönnuð með setningu herlaga.
Þar í þykir liggja nokkur skýring á
eftirgangssemi stjórnvalda við Walesa,
á meðan hinir herskárri félagar hans úr
stjórn Einingar hafa allir verið hand-
teknir. Pólskum ráðamönnum er ljóst,
eins og öilum öðrum, að Walesa var
maður málamiðlunar og lenti stundum
í andstöðu við eigin samherja vegna
ákafa þeirra til þess að knýja hratt á
umbætur.
Hinir opinberu fjölmiðiar Póllands
hafa í fréttaflutningi sinum lagt áherslu
á, að Walesa væri ekki fangi og væri
við góða líðan. Hann væri þó ekki
frjáls ferða sinna. „Hann er i Varsjá,
því að þar þarfnast stjórnin hans,” eins
og blaðafulltrúi stjórnarinnar sagði á
fundi með blaðamönnum í gær.
Samstaðan ótrygg
um refsiaðgerðir
Reaganstjórnin leitar nú stuðnings
hjá bandamönnum sínum við efna-
hagsaðgerðirnar gegn Sovétríkjunum
vegna afskipta þeirra af Póllandi.
En stjórnir NATO-ríkjanna fimmtán
eru sín hverrar skoðunar um hvernig
taka skuli á Póllandsmálinu. Þykir lík-
iegt að bresta muni í samstöðu þeirra
um aðgerðir.
Reaganstjórnin bindur vonir viö að
bandamenn hennar geri ekki að engu
áhrif aðgerðanna með því að fylla upp í
gatið á pöntunarlista Sovétmanna.
Þykir henni mest ríða á að Sovétmönn-
um verði ekki látin i té tækniaðstoðin
sem Reagan hefur nú bannað að selja
þeim.
Um aðrar ráðstafanir eiga Banda-
ríkin ekki undir öðrum eins og bann við
flugi sovézka flugfélagsins Aeroflot til
Bandaríkjanna, endurskoðun sjóferða-
samnings sem heimilar sovézkum
skipum að koma til 40 bandarískra
hafna með fárra daga fyrirvara og lok-
un innkaupastofnunar Sovétríkjanna í
Bandaríkjunum.
Tekið hefur verið fram að viðræð-
urnar í Genf um takmörkun kjarnorku-
vopna í Evrópu verði haldið áfram 12.
janúar eins og ráð hafði verið fyrir
gert. — En í athugun mun vera að
hætta við fyrirhugaðan fund utanríkis-
ráðherranna, Gromykos og Haigs, í
næsta mánuði.
Meðal NATO-ríkjanna hefur
Vestur-Þýzkaland sýnt hvað mesta
tregðu til þess að grípa til strangra
efnahagsrefsinga vegna Póllands.
Þangað er væntanlegur í dag Rak-
owski, aðstoðarforsætisráðherra Pól-
lands, sem löngum var aðalfulltrúi Var-
sjárstjórnarinnar í samningaviðræðum
við Einingu. Er það fyrsta heimsókn
háttsetts pólsks embættismanns vestur
yfir járntjald síðan herlögin tóku gildi.