Dagblaðið Vísir - DV - 30.12.1981, Blaðsíða 11

DAGBLAÐIÐ & VlSIR. MIÐVIKUDAGUR 30. DESEMBER 1981.
II
Mannlíf
Mannlíf
Mannlíf
Mannlíf
Sýknaðar af morði vegna
taugaálags í sambandi
við blæðingar
Tvær brezkar konur voru nýlega
sýknaðar af morði og morðtilraun þar
sem tízkukvenlæknir nokkur sann-
færði dómarana um að þær hefðu
hvorugar verið sjálfráðar gjörða sinna
vegna taugaálags í sambandi við blæð-
ingar.
Christine Engels, 37 ára gömul
kennslukona og einstæð móðir með tvö
börn, viðurkenndi að hafa ekið á
kvæntan elskhuga sinn, Barry Kitson,
31 árs og drepið hann. Gerðist at-
burðurinn eftir að þeim hafði lent
heiftarlega saman á veitingahúsi.
— Ég ætlaði ekki að drepa hann,
segir Christine. — Ég ætlaði að hræða
hann, en skyndilega missti ég alla
stjórnámér.
Réttarhöldin yfir henni enduðu með
að hún missti ökuréttindin í eitt ár.
Verjandi Christine kallaði hinn
þekkta kvensjúkdómafræðing Kather-
inu Dalton sem vitni í málinu, en hún
hefur eytt 33 árum í að rannsaka tauga-
álag það er konur verða fyrir, rétt fyrir
blæðingar. Og það var mest henni að
þakka að Christine Engels og gengil-
beinan Sandie Smith voru sýknaðar.
Sandie var ákærð fyrir að hafa sýnt
Christine English.
lögreglumanni morðtilraun. Ári áður
hafði hún verið dæmd í níu mánaða
fangelsi fyrir að stinga starfsfélaga sinn
með hnífi.
Framburður kvenlæknisins í máli
Sandie vakti svo sannarlega athygli er
það kom fyrir rétt i Old Bailey í
London. Dr. Dalton hélt því nefnilega
fram að taugaálag fyrir blæðingar
gjörbreytti persónuleika Sandie á svip-
aðan hátt og hið fræga dæmi um Dr,
Jekyll og Mr. Hyde.
Ekkja hins myrta
ekki á sama méli
— Milljónir kvenna líða vegna þessa
taugaálags, sagði hún. — Sumar gera
það allt sitt líf og eru ekki sjálfráðar
gerða sinna. Þekktustu einkennin eru
þreyta, grátköst og óskapleg reiðiköst.
Um fjórar milljónir brezkra kvenna eru
á lyfjum vegna þessa ástands. Og ef
þær fá enga hjálp getur runnið á þær
æði og þær missa algjörlega stjórn á
sjálfum sér.
Hún notaði svipaða röksemdafærslu
í réttarhöldunum yfir Christine Engels.
En þar við bættist að Christine hafði
ekki borðað í níu tíma þegar hún ók á
elskhuga sinn.
— Það hefur í för með sér að aukið
magn af adrenalíni hefur safnast fyrir í
blóðinu, sagði læknirinn. — Og það
hefur breytt hormónajafnvæginu í
likama Christine. Það eykur mikið á
líkur þess að fólk missi algjörlega alla
sjálfsstjórn.
Ekkja hins myrta elskhuga, Nína
Kitson, er alls ekki á sama máli:
— Mér finnst það hættulegt for-
dæmi ef sumar konur geta héðan í frá
afsakað allar sínar misgjörðir með
þeirri líkamsstarfssemi sem annars er
eðlileg öllum konum og þær verða að
læraað lifa með, segir húnbitur.
Rod
Stewart
veitirekki
afaurunum
Rod Stewart á nú í stríði við banda-
rískar plötuútgáfur þar sem hann hefur
samþykkt að auglýsa fyrirtækið Sony
Tape á hljómleikaferð sinni um Banda-
ríkin. Sú ferð hófst fyrir nokkrum vik-
um og eru tónleikar bókaðir fram í
febrúar 1982.
Sony Tape framleiðir snældur sem
almenningur kaupir til að taka upp tón-
list af plötum er fengnar eru að láni frá
vinum og vandamönnum. Plötuútgef-
endur ásaka Rod Stewart því fyrir gróf
svik. Þeir álíta að auglýsing hans fyrir
Sony Tape þýði milljarða tap á plötuút-
gáfu.
Rod Stewart afsakar sig aftur á móti
með því að hann þarfnist peninganna
frá Sony Tape.

Rod Stewart: Bókaður fram i febrúar
1982.
fióttamaður
Monika Masua frá Krakov er tvímœlalaust yngsti flótta-
maðurinn sem leitað hefur hælis í Svíþjóð eftir að landi
hennar var lokað. Foreldrum telpunnar, sem er 6 ára
gömul, tókst að smygla henni um borð í ferjuna Silesiu
áður en hún lagði af stað frá Póllandi til Svíþjóðar. Og
Moniku var heldur ekki í kot vísað er til Svíþjóðar kom
því á hafnarbakkanum beið amma hennar, Danuta
Johanson. Hafði foreldrunum verið neitað um brottfar-
arleyfi frá Póllandi og gripu þau því til þess örþrifaráðs
að senda telpuna eina á ólöglegan hátt.
ÚRVALiÐ ALDREI FJÖLBREYTTARA
ÁNANAUSTUM GRANDAGARÐI. SÍMAR 28855 - 13605