Dagblaðið Vísir - DV - 30.12.1981, Blaðsíða 29

DAGBLAÐIÐ& VÍSIR. MIÐVIKUDAGUR 30. DESEMBER 1981.
29
ERLENDUR FRETTAANNALL 1981
Júlí
Þingkosningar fóru fram í ísrael.
Hlaut Verkamannaflokkurinn flest
þingsæti eða 49, en Likud-bandalag
Begins forsætisráðherra 48 þingsæti.
Alls bauð 31 flokkur fram til þings en
nýir flokkar og smáflokkar hlutu lítið
fylgi.
Fjórar manneskjur voru barðar til
bana í lúxushverfi í Hollywood,
skammt frá þeim stað er leikkonan
Sharon Tate var, ásamt fjórum öðrum,
myrt árið 1969 af hippafjölskyldu
Charles Mansons.
Rauðu herdeildirnar á Ítalíu rændu
og tóku af lífi iðnrekandann Giuseppe
Taliercio. Vakti morðið mikla reiði á
Italíu og sameinuðust verkalýðsfélög,
atvinnurekendur og stjórnmálamenn í
fordæmingu sinni á slíkum hryðju-
verkum.
Á Indlandi létust á þriðja hundrað
manns eftir að hafa drukkið eitrað
brugg. Voru 50 bruggarar handteknir í
sambandi við mál þetta en ólögleg
bruggun á Indlandi er algeng og dauðs-
föll vegna eitrunar tíð.
Brúðkaup
aldarinnar
Hinn nýi, brezki Jafnaðarmanna-
flokkur, SPD, bauð í fyrsta skipti fram
í kosningum. Munaði minnstu að
flokkurinn færi með sigur af hólmi í
aukakosningum f Warrington, kjör-
dæmi sem Verkamannaflokkurinn
hefur ráðið um áratuga skeið. Jafnað-
armannaflokkurinn gerði kosninga-
bandalag við Frjálslynda flokkinn i
kjördæminu og hlaut bandalagið 42%
atkvæða eða mun meira en skoðana-
kannanir höfðu spáð því.
Til mikilla átaka kom í Mið-Austur-
löndum er israelskar hersveitir réðust

Ofstækisfullir múhamcðstrúarmenn réðu Sadat Egyptalandsforseta af dögum á hersýningu i Kafró.
inn í Líbanon. Begin, forsætisráðherra
ísraels, kvaðst ekki til viðtals um
vopnahlé og leiðtogar Arabaríkjanna
funduðu um refsiaðgerðir gegn tsrael.
Gífurleg stemmning rikti í London
við brúðkaup aldarinnar er Karl Breta-
prins gekk að eiga hina tvítugu lafði
Díönu Spencer. Var íburður og
viðbúnaður við brúðkaup þetta meiri
en um getur I sögu brezka konung-
dæmisins og var vonazt til að dýrðin
mætti hressa upp á þjóðarsálina í efna-
hagskreppunni. Það mistókst þó að
nokkru í Liverpool en ^ar notuðu 200
unglingar tækifærið til að kasta bensin-
isprengjum að lögreglunni.
Ágúst
Eftir verulegt tap í þingkosningum
tókst Begin að mynda nýja stjórn í Isra-
el með stuðningi þriggja smáflokka
sem allir höfðu sterkt trúarlegt ívaf í
stefnuskrám sinum. Stjórnarmyndun-
arviðræðurnar tóku fimm vikur og var
einkum deilt um strangari trúarleg lög
af ýmsu tagi. Strangtrúarflokkurinn
Agudat Israel, sem ekki fékk neitt ráð-
herraembætti i sinn hlut, kom því þó til
leiðar að bann var sett á sölu svína-
kjöts, að bann var sett við því að vélar
ísraelska flugfélagsins E1 A1 flygju á
helgidögum gyðinga og einnig að þeir
einir sem innvígðir hefðu verið í samfé-
lag gyðingatrúar samkvæmt siðvenjum
rétttrúaðra gætu talizt gyðingar.
Nifteindir
í sprengjuformi
Reagan Bandaríkjaforseti tilkynnti
þá umdeildu ákvörðun sína að hefja
framleiðslu nifteindasprengjunnar i
byrjun ágústmánaðar. Sprengja þessi
er þeirrar náttúru að hún eyðir einungis
lífi en veldur ekki tjóni á mannvirkjum.
Ákvörðunin mætti mikilli andstöðu í
Evrópu, en Weinberger varnarmála-
ráðherra Bandaríkjanna lýsti því yfir
að Bandaríkjastjórn þyrfti ekki að
spyrja neinn leyfis til að hefja fram-
Sögulegur kafbátur I skerjagarði Svia.
Eitruð matarolia olli dauða á þriðja hundruða Spánverja.
leiðslu sprengjunnar þar sem hún yrði
ekki geymd í Evrópu. Ákvörðunin var
tilkynnt á sama tíma og Japanir minnt-
ust þess að 36 ár voru frá því er fyrstu
kjarnorkusprengjunni var kastað á
Híróshíma.
Pólskir prentarar voru baráttuglaðir
eins og starfsfélagar þeirra viðar og
þeir settu stjórnvöldum stólinn fyrir
dyrnar með því að efna til tveggja daga
verkfalls, til að mótmæla áróðursher-
ferð stjórnvalda gegn Einingu.
4
Bandaríkjastjórn þótti tími til
kominn að sýna Gaddafi ofursta í,
Líbýun hvers valdið væri og efndi því
til heræfinga á Sidra-flóanum innan
þess svæðis sem Líbýumenn telja til
sinnar lögsögu. Tvær líbýskar herþotur
mynduðu sig til að ráðast á bandarískar
herþotur við æfingarnar, en voru um-
svifalaust skotnar niður. Fjölmiðlar
lögðu mikla áherzlu á að Reagan for-
seti hefði ekki verið vakinn fyrr en sex
tímum eftir að atburðurinn gerðist og
þá tilkynnti hann umheiminum með
stírumar í augunum: „Það borgar sig
ekki að skjóta á okkur.” Bandaríkja-
menn viðurkenna ekki lögsögu Líbýu
yfir Sidraflóa og telja hann opið haf-
svæði.
Dómur var kveðinn upp í máli Mark
Chapmans, morðingja John Lennons
og fékk hann 20 ára fangelsi.
Þá fórust bæði forseti og forsætis-
ráðherra Irans í sprengingu í Teheran í
mánaðarlok. Rajai forseti var nýtekinn
við embættinu af Bani Sadr. Mujahe-'
din E-Khalq skæruliðahreyfingin var
talin bera ábyrgð á sprengjunni en leið-
togi hennar, Massoud Rafavi, flúði til
Frakklands ásamt Bani Sadr og varð
forsætisráðherra í útlagastjórn hans
þar.
September
Denis Thatcher, eiginmaður Mar-
grétar Thatcher, forsætisráðherra Bret-
lands, var sakaður um að nota stöðu
konu sinnar sér til framdráttar í bygg-
ingabransanum.
Bandaríkjamenn urðu heldur en ekki
súrir er þeir komust að því að Gaddafi
Líbýuleiðtogi hafði fengið úrvalsher-
mann úr Grænu húfunum, herdeildun-
um er gerðu garðinn hvað frægastan í
Víetnam-stríðinu, til að þjálfa fyrir sig
hryðjuverkamenn.
Susan Atkins er hlaut lífstiðarfang-
elsi árið 1971 fyrir þátttöku sína í Man-
sonmorðunum I Hollywood tveimur
árum áður nældi sér í milla og fór
brúðkaupið fram í fangelsinu. Hyggst
brúðguminn byggja sér hús í nágrenn-
inu til að fá konu sína barða augum
öðru hverju.
Hörðustu bardagar urðu milli írans
og íraks við Persaflóa síðan stríðið
hófst í september 1980.
Samtök óháðu verkalýðsfélaganna í
Póllandi, Eining, hélt fyrsta landsþing
sitt í Gdansk. Rússar svöruðu með
auknum heræfingum við Pólland.
Einnig opnaði Eining fyrstu skrifstofu
sina á erlendri grund, í New York.
Rafmagnsleysi,
gult regn og Willoch
Fimmta IRA-fanganum var að ósk
ættingja sinna bjargað frá hungur-
dauða i Maze-fangelsinu í Belfast og
var álitið að þar með hættu fangarnir
að nota hungurverkföll sem vopn í bar-
áttu sinni fyrir því að hljóta meðferð
sem pólitískir fangar.
Allt rafmágn fór af aðalverzlunar-
hverfinu á Manhattan í New York
vegna sprengingar í spennubreyti.
Lagðist öll starfsemi þar niður í 4 1/2
klukkustund, neðanjarðarlestir stöðv-
uðust og hundruð manna sátu föst í
lyftum.
Bandaríkjamenn ákærðu Sovétmenn
fyrir eiturhernað í SA-Asíu. Var aðal-
lega um hið banvæna eiturefni tricht-
hecan að ræða, betur þekkt undir nafn-
inu gula regnið.
Þingkosningar fóru fram í Noregi og
lauk þeim með sigri hægrimanna.
Hlutu þeir 54 þingsæti og bættu við sig
13 þingmönnum. Miðfiokkurinn fékk
10 þingsæti, Kristilegi þjóðarflokkur-
inn 15, en Verkamannaflokkurinn 67.
Alls var kosið um 155 þingsæti. Káre
Willoch, formaður hægrimanna,
myndaði minnihlutastjórn og tók við
forsætisráðherraembættinu af Gro
Harlem Brundtland, formanni
Verkamannaflokksins.
Það hlakkaði heldur betur í S-
Afríkumönnum er þeir tilkynntu að
þeir hefðu handtekið sovézkan her-
mann, Nikolaj Pestrezow, i Angóla og
jafnframt rekizt á bústað 27 sovézkra
Kekkonen Finnlandsforseti hvarf af
stjórnmálasviðinu upp úr veikindum.
ráðgjafa í Xangong. Töldu þeir þetta
sönnun á æ meiri hernaðarlegri íhlutun
Kremlverja í Angóla, en Sovétmenn
neituðuaðvanda.
Spilling ogkreppur
Bandaríski kardínálinn John Cody
var ákærður fyrir að draga sér fé frá
kaþólsku kirkjunni og hygla með þvi
kvenmanni sem sannanlega var ekkert í
ætt við hann.
Rithöfundurinn Robert Caro skrif-
aði grein í bandariska mánaðarritið
Atlantic og ásakaði Johnson, fyrrver-
andi Bandarikjaforseta, fyrir grófa
mútuþægni, bæði í embætti og utan
þess.
Stjórnarkreppa hófst í Belgíu er
Mark Eyskens forsætisráðherra baðst
lausnar fyrir sig og samsteypustjórn
sína eftir 5 mánaða stormasama stióm-
artíð. Belgar eru vanir stjórnarkrepp-
um í viðbót við allar aðrar kreppur
landsins, þar sem þetta var sjötta
stjórnarkreppan síðan 1978.
Varsjá-stjórnin skipaði sérstaka her-
deild til að berjast gegn stjórnleysi og
andófi gegn Sovétríkjunum í Póllandi
og mátti líta herdeildir á vappi á götum
nöfuðborgarinnar.
Hægfaramaðurinn Denis Healy vann
nauman sigur yfir hinum vinstrisinnaða
Tony Benn er kosið var um varafor-
mann Verkamannaflokksins í Bret-
landi.
íbúar Kristjaníu í Kaupmannahöfn
héldu upp á 10 ára afmæli fríríkisins og
var aðalliðurinn í hátíðahöldunum
óeirðir milli þeirra og lögreglu.