Dagblaðið Vísir - DV - 30.12.1981, Blaðsíða 32

32
DAGBLAÐIÐ& VÍSIR. MIÐVIKUDAGUR 30. DESEMBER 1981.
ÍÞRÓTTAANNÁLL 1981
íslen/ka karlalandsliðið í golfi stóð sig mjög vel á Evrópumótinu i St. Andrews i Skotlandi.
Apríl:
Körfuboltalandsliðið alveg
við að ná inn í B-keppnina
í apríl er jafnan mikið um að vera i
íþróttum, því þá líður að lokum keppni
í innanhússíþróttum og útiíþróttirnar
fara að taka við.
Það fyrsta sem íþróttaunnendur á
íslandi fá þó að heyra og lesa í
mánuðinum er frétt um að stórliðið
Manchester City komi til íslands og
leikiþar nokkraleiki.
GuðmundurE. Pálsson, formaður
Þróttar, fer á kostum þegar lið hans,
sem að sjálfsögðu er Þróttur, verður
bikarmeistari í blaki. Þar með fýkur
hið fræga yfirvaraskegg formannsins,
þvi hann hafði heitið að raka það af
sér ef Þróttur ynni alla titlana í blaki,
þ.e.a.s. íslandsmótið, Reykja-
víkurmótið og bikarkeppnina.
Hjörtur Gíslason KR setur nýtt
íslandsmet í 50 metra grindahlaupi í
Baldurshaga og Jón Páll Sigmarsson
KR tekur Evrópumetið af ,,Norður-
hjaratröllinu” Arthur Bogasyni í rétt-
stöðulyftu á innanfélagsmóti KR.
Halldór Guðbjörnsson JFR varð í
5.-6. sæti á Opna hollenzka mótinu í
júdó. Þar voru 72 keppendur og fór
Haildór sem sigurvegari út úr
keppninni i sínum riðli. Síðar í
mánuðinum stendur Halldór sig einnig
mjög vel á Opna brezka mótinu í júdó
en þar komust 5 íslendingar i úrslita-
keppnina.
Halldór Guóbjörnsson náöi lengst ís-
lenzku keppendanna á tveim stórmótum
í júdó i Hollandi og Englandi.
íþróttir
ÍÞRÓTTAANNÁLL:
Hallur Símonarson
Kjartan L. Pálsson
Sigmundur Ó. Steinarsson
Siguröur Sverrisson
Hið mikilfenglega yfirvaraskegg for-
manns Þróttar, Guðmundar E. Pálsson-
ar, „fauk” þegar Þróttur varð bikar-
meistari í blaki.
íslenzka Iandsliðið í körfuknattleik
leikur sér að norska landsliðinu í lands-
leik þjóðanna. Lokatölurnar 88—51.
Norðmenn hefna aftur á móti fyrir
þetta með tveim sigrum yfir íslandi í
landsleikjum i kvennahandknattleik
sem haldnir eru í forkeppni fyrir B-
heimsmeistaramótið i Danmörku.
Körfuboltalandsliðið heldur áfram
að hita upp fyrir C-keppnina í Sviss
með því að sigra Wales 101—62, en
tapar svo fyrir Belgíu 80—70. í
keppninni í Sviss vekur íslenzka liðið
þegar mikla athygli. Það byrjar á að
sigra Skotland 82—69, og siðan að
leggja Sviss og Alsír að velli í
hörkuleikjum. Liðið tapaði aðeins
einum leik — gegn Portúgal með
tveggja stiga mun — og Portúgalar
komust þar með áfram í B-keppnina.
ísland varð í 2. sæti. Eftir mótið eru
þeir Jón Sigurðsson KR og Pétur
Guðmundsson Val valdir í fimm
manna úrvalslið keppninnar.
Arnór Pétursson þríbætir íslands-
met sitt í bekkpressu á móti fatlaðra í
Vestmannaeyjum. IngóLfur Gissurar-
son setur 4 ný íslandsmet og félagi hans
úr sundinu frá Akranesi, Ingi Þór Jóns-
son, setur 3 íslandsmet í íslandsmótinu
i Sundhöllinni. Á þessu sama móti
setur Guðrún Fema Ágústsdóttir, Ægi,
einnig íslandsmet — í 50 og 100 metra
bringusundi.
Þau Broddi Kristjánsson og Kristín
Magnúsdóttir hljóta tvenn gullverðlaun
á íslandsmótinu í badminton og þau
Stefán Konráðsson og Ragnhildur
Sigurðardóttir hljóta „gullspaðann”
fyrir árangur sinn í stigamótunum í
borðtennis yfir veturinn.
HK nær aftur sæti sínu í 1.
deildinni í handknattleik karla og KA
frá Akureyri gerir slíkt hið sama, en
þessi tvö félög v.erða í 1. og 2. sæti i 2.
deildinni eftir mikla keppni við ÍR,
Breiðablik og fleiri félög.
Þróttur verður bikarmeistari í hand-
knattleik karla með sætum sigri, 21—
20, yfir fslandsmeisturum Víkings. Þá
hættir Sigurður Sveinsson við að fara
frá Þrótti til Dankersen í Vestur-Þýzka-
landi.
Guðrún Ingólfsdóttir KR bætir
íslandsmet sitt í kúluvarpi innanhúss
um 60 sentimetra þegar hún þeytir
kúlunni 14,07 metra. Birgir Þór Borg-
þórsson KR setur eina íslandsmetið á
íslandsmótinu í lyftingum, en þar
vinnur Ármann liðakeppnina.
Ingi Þór Yngvason HSÞ vinnur
þungavigtina í Landsflokkaglímunni.
Eyþór Pétursson HSÞ vinnur í millivigt
og Helgi Bjarnason KR í léttvigt.
Ólafur H. Ólafsson KR unglingaflokk
og Einar Stefánsson UÍA drengjaflokk.
Jón Páll Sigmarsson bætir enn
Evrópumet sitt í réttstöðulyftu þegar
hann fer upp með 252,5 kg á móti í
Borgarfirði. Keppinautur hans, Arthur
Bogason, slasaðist illa á baki á móti í
Bandaríkjunum, þegar mishlaðið var á
stöngina hjá honum á móti þar.
Skíðalandsmótið er haldið á
Siglufirði og þar hljóta heimamenn
flest gullverðlaunin eða 7 talsins. Reyk-
víkingar og Ólafsfirðingar fá 5 gull
með sér heim, Akureyringar 3 og
Dalvíkingar og ísfirðingar 2 gull.
Hjónin Magnús Eiríksson og Guðrún
Pálsdóttir vinna fyrstu gullin á mótinu
með sigrum í skíðagöngu karla og
kvenna.
ísland lendir I ,,júmbó-sætinu” í
Kaloii keppninnii í sundi sem haldið
er í Keykjavík, en íslenzkir unglingar
standa sig aftur á móti vel á
Evrópumóti unglingaliða í badminton í
Skotlandi. Þar sigra þeir Ítalíu 5—0,
Frakkland 3—2, en tapa svo fyrir
Póllandi í riðlakeppninni.
Ágúst Ásgeirsson ÍR vinnur 66. víða-
vangshlaup ÍR á sumardaginn fyrsta og
þá berast hingað heim fréttir um að
þýzk stórlið, eins og FC Köln og
Bayern Miinchen hafi áhuga á að ná i
Ásgeir Sigurvinsson frá Standard
Liege.
Hreinn Halldórsson vann bezta afrekið á
17. júní mótinu. Kastaði þá kúlunni
20,02 metra.
A Maí:
Asgeir seidur til
Bayem Munchen er
frétt mánaðarins
Aston Villa verður Englandsmeist-
ari í knattspyrnu og vekur það mikla
hrifningu meðal hinna tveggja aðdá-
enda félagsins á islandi. Ekki minnkar
hrifning þeirra — og þá um leið fleiri
íslendinga — þegar það fréttist, að vel
geti farið svo að liðið komi í keppnis-
ferð til íslands.
íslandsmótið í kraftlyftingum fer
fram með tilheyrandi hljóðum og á-
tökum. Þar eru set hvorki meira né
minna en 27 ný íslandsmet. Jón Páll
Sigmarsson KR vinnur bezta afrek
mótsins, þegar hann lyftir samtals 912
kg. Hann er þar með fyrsti íslenzki
lyftingamaðurinn sem fer yfir „900
kílóamarkið”.
Kristbjörn Albertsson er kosinn for-
maður KKÍ og sama dag berst sú frétt
til íslands, að hið fræga félag Bayern
Miinchen í Vestur-Þýzkalandi hafi
áhuga á að kaupa fslendinginn Ásgeir
Sigurvinsson frá Standard Liege í
Belgíu.
Knattspyrnufélagið Fylkir í
Árbæjarhverfi verður Reykjavíkur-
meistari í knattspyrnu í fyrsta sinn í
sögu félagsins. íslandsmótið í knatt-
spyrnu byrjar með pomp og prakt og
Guðmundur Steinsson, Fram, skorar
fyrsta markið í deildinni. Það gerir
hann í leik Fram og ÍBV sem endar með
jafntefli 1—1. Litlu bikarkeppninni
lýkur með sigri Skagamanna og veldur
það óánægju meðal Kópavogsbúa því
þeir höfðu haldið að þeirra menn úr
Breiðabliki hefðu sigrað í keppninni.
Valsmenn halda upp á 70 ára af-
mælið með úti- og inniskemmtunum.
Kristmundur Skarphéðinsson verður
íslandsmeistari í skotkeppni á meðan
meistari síðustu ára, Karl Eiríksson,
verður að gera sér að góðu að horfa á,
því hann hafði gleymt að greiða árgjald
sitt til Skotfélagsins.
Fyrsta frjálsíþróttamót sumarsins
er haldið, og strax er sett nýtt íslands-
met þegar Bryndís Hólm ÍR stekkur
5,62 metra í langstökki sem er
meyjamet.
Fyrsti „pressuleikurinn” í knatt-
spyrnu í mörg ár fer fram og þar sést
bezta knasttspyrna vorsins að áliti
knattspyrnusérfræðinga blaðanna.
Landsliðið sigrar í leiknum 1—0 og
Lárus Guðmundsson skorar þetta eina
mark.
Karl Frímannsson er ráðinn lands-
liðsþjálfari í alpagreinum á skíðum og
Sigurður T. Sigurðsson KR setur nýtt
íslandsmet í stangarstökki með því að
fara yfir 4,94 metra.
íslenzka landsliðið í knattspyrnu
fær slæma útreið gegn Tékkum í
undankeppni heimsmeistarakeppninn-
ar I Bratislava.Tékkar sigra 6—1 eftir
að staðan hafði verið 2—1 þeim í vil,
þegar aðeins 15 mínútur eru til leiks-
loka. Magnús Bergs skoraði eina mark
íslands I leiknum. i
Ásgeir Sigurvinsson var seldur frá Standard Liege til Bayern Múnchen fyrir met-
upphæð í belgísku knattspyrnunni. Hér er hann ásamt félaga sínum hjá Bayern, Karl
Heinz Rummenigge, sem kosinn var „Knattspyrnumaður Evrópu” annað árið í röð
nú á dögunum.
Júní:
Golflandsliðið sló í
gegn á St Andrews
Draumur Péturs Péturssonar knatt-
spyrnukappa frá Akranesi um að
komast frá hollenzka 1. deildarliðinu
Feyenoord rættist þegar Belgíu-
meistarar Anderlecht kaupa hann.
Sigurður T. Sigurðsson KR nær
hinu langþráða takmarki sínu að
komast yfir 5 metra i stangarstökki
þegar hann sveiflaði sér yfir þá hæð á
EÓP mótinu í frjálsum íþróttum. Á
sama móti setur Guðrún Ingólfsdóttir
KR nýtt íslandsmet í kúluvarpi
kvenna — kastar 13,94 metra.
Heldur fer lítið fyrir íslendingunum
tveim, Arnóri Guðjohnsen og Ásgeiri
Sigurvinssyni, þegar Lokeren og
Standard Liege mættust i úrslitaleik
belgísku bikarkeppninnar. Ásgeir
meiðist strax á fyrstu mínútum leiksins
og var borinn af leikvelli og Arnór fær
ekki að koma inn á fyrr en í síðari hálf-
leik. Standard sigraði í leiknum 3—1.
Óskar Jakobsson ÍR kastaði
kringlunni 62,92 metra á frjálsíþrótta-
móti í Rvík og Pétur Guðmunds-
son körfuknattleiksmaður fær boð um
að æfa með bandaríska atvinnumanna-
liðinu Portland Trailblazers.
Hreinn Halldórsson KR vinnur
bezta afrekið á 17. júnímótinu 1
frjálsum íþróttum, þegar hann kastar
kúlunni 20,02 metra.
fslenzka landsliðið í golfi slær í gegn
á Evrópumótinu á hinum fræga St.
Andrews golfvelli í Skotlandi. Engu
munaði að liðið kæmist í A-riðil
keppninnar eftir góðan leik í for-
keppninni. í úrslitakeppninni sigraði
íslands Noreg 5—2, en tapaði síðan
með minnsta mun fyrir Austurríki og
Hollandi — eða 4—3. Liðið varð síðan
í 12. sæti.
Ragnar Ólafsson GR vakti mikla
athygli á mótinu. Lék í forkeppninni á
74 og 72 höggum og var eftir það valinn
í Evrópuúrval á móti úrvali Suður-
Ameríku.
Yfir 10 þúsund manns mæta á
Laugardalsvöllinn til að horfa á Val
leika við „Stjörnuliðið” sem skipað
var erlendum og innlendum atvinnu-
mönnum í knattspyrnu. Leiknum lauk
með iafntefli 2—2, en í vítaspyrnu-
keppni á eftir sigraði Valsliðið 12—11.
Sveit KR í boðhlaupi slær 32 ára
íslandsmet í 400 metra hlaupi á þessu
metra boðhlaupi á frjálsíþróttamóti í
Vestur-Þýzkalandi. Sveitin hljóp á
42,29 sek., en met ÍR-inganna var 42,8
sek.
Sigríður Kjartansdóttir KA setti nýtt
íslandsmet í 400 metra hlaupi á þessu
sama móti — hljóp vegalengdina á
55,12sek.
Unglingameistaramótið í golfi fer
fram á Grafarholtsvelli. Unglinga-
meistari varð Gylfi Kristinsson GS,
stúlknameistari Steinunn Sæmunds-
dóttir GR og drengjameistari Karl Ó.
Jónsson GR.
Hinn síungi Hermann Gunnarsson
er valinn til að leika með Val 1 1.
deildinni gegn Þór á Akureyri, eftir að
hafa „brillerað” með 1. flokki Vals og
„Stjörnuliði Hemma Gunn”. í leikn-
um við Þór er Hermann svo tekinn útaf
í hálfleik eftir að vera búinn að þreyta
Akureyringana með sinni alkunnu yfir-
ferð.