Dagblaðið Vísir - DV - 30.12.1981, Blaðsíða 24

24
DAGBLAÐIÐ & VÍSIR. MIÐVIKUDAGUR 30. DESEMBER 1981.
Á morgun munu landsmenn
brenna gamla árið að baki sér og
sprengja sig inn í það nýja. Óneitan-
lega er gamlárskvöld ein skemmtileg-
asta hátíðin hér á landi og sú eina sem
ber keim af erlendum karnivalhá-
tíðum, sannkölluð sólrisuhátíð. Fólk
á öllum aldri skrýðist skrítnum hött-
um og hempum. Sumir setja á sig
nýtt nef og yfirskegg og drekka sinn
árlega „aperitív” á undan borð-
haldinu. Allan daginn lýsa eldflaugar
upp skammdegismyrkrið og eykst
sprengjuregnið eftir því sem líður á
kvöldið.
í Reykjavík verða nærri tuttugu
brennur og er sú stærsta við Unufell í
Breiðholti. Reykjavíkurborg mun að
þessu sinni ekki standa fyrir borgar-
brennu heldur styrkja einstaklings-
framtakið til að kynda eldana á gaml-
árskvöldi. Olíubifreiðar munu
sprauta úrgangsolíu á brennurnar og
borgarstarfsmenn munu að einhverju
leyti hjálpa til við hleðslu. En eins og
alltaf áður hafa börnin í borginni
mest erfiði af brennutilbúningnum.
Þau hafa líka mestu ánægjuna af
þegar brennukóngurinn slær saman
eldfærunum og leggur eld í allt
saman. íkveikjurnar hefjast á mis-
munandi tíma en væntanlega er
miðað við að glaðast logi á miðnætti.
Sumar brennur eru sérstaklega fyrir
yngri börnin og verður kveikt í þeim
fyrr um kvöldið.
Margs ber að gæta í öryggismálum
við brennurnar og þá aðallega að
kveikja hvorki í sér né öðrum. Fólk
er beðið að standa vindmegin við
brennurnar, og gæta að sjálfu sér,
bílum og börnum.
Fyllsta öryggis þarf að gæta í með-
ferð flugelda og blysa. Ýmsir aðilar
keppast við sölu þessara hluta og
gengur sölumennskan oft út í öfgar
og lögleysu. Má þar nefna nokkurs
konar farandsölu í heimahúsum sem
er stórhættuleg því sölumenn bera
inn í húsin mikið magn af varningi
sem má aðeins selja undir eftirliti.
Flugeldar og blys sem seld eru í
heimahúsum eru oft á tíðum gamall
varningur sem stenzt ekki kröfur
öryggiseftirlits. Þetta skal varast.
Foreldrar ættu einnig að hafa
eftirlit með framtakssemi barna
sinna. Ekki þarf annað en brjóta
spýtuna af flugeldum og stinga end-
anum í jörðina og er þá komin
sprengja á við nokkra kínverja.
Einnig geta blessuð börnin rist upp
flugelda og eru þá oft á tíðum kín-
verjar inni í þeim. Á hverju ári verða
mörg slys af völdum rangrar með-
ferðar á flugeldum.
Ekki skjóta flugeldum inn um
gluggann hjá nágrannanum.
Neyðarsími slökkviliðsins í
Reykjavík, Kópavogi, Seltjarnarnesi
og Mosfellssveit er 11100 og 51100 í
Hafnarfirði og Garðabæ. Sömu
númer eru fyrir sjúkrabíla á öllum
stöðunum.
Á gamlárskvöldi hefur lögreglan
iðulega þurft að stilla til friðar á
mörgum heimilum vegna drykkju-
skapar og væri því ráð að gæta hófs í
neyzlu nautnalyfja og halda hátíðar-
skapinu. Ölvun við akstur býður
slysunum heim.
Sýnið gát á gamlárskvöldi og gleði-
legt nýár.
-GB.
Kveðjum gamla
áríð og fögn-
um nýju með
gleði
en varúð
GAMLA AI