Dagblaðið Vísir - DV - 30.12.1981, Blaðsíða 21

DAGBLAÐIÐ & VÍSIR. MIÐVIKUDAGUR 30. DESEMBER 1981.
21
IIMIMLEIMDUR FRÉTTAANNÁLL 1981
JÚlí
önundur Ásgeirsson hætti óvænt
sem forstjóri Olíuverzlunar íslands
eftir 34 ára starf hjá fyrirtækinu. Full-
yrt var að hann hefði verið þvingaður
til að segja upp í kjölfar tilfærslna á
hlutabréfum. Við starfi hans tók
„maður utan úr bæ”, Þórður Ásgeirs-
son, áður í sjávarútvegsráðuneytinu.
Alþingishúsið varð 100 ára 1. júlí. í
tilefni þess var ákveðið að láta fara
fram samkeppni um skipulag sem leyst
gæti húsnæðisvanda þingsins.
Sjöfn Sigurbjörnsdóttir borgarfull-
trúi lék enn þann leik að hrella meiri-
hlutann í borgarstjórn. að þessu sinni
stytti hún sumarleyfi borgarfulltrúa,
þeim flestum til mikillar skapraunar.
Laugardagslokunin
Kaupmannasamtökin loguðu 1 ill-
deilum í sumar. Ástæðan var laugar-
dagslokun verzlana. Sumir kaupmenn
vildu fá að hafa opið en aðrir kaup-
menn og Verzlunarmannafélag Reykja-
víkur voru mótfallin. Urðu jafnvel
stimpingar við verzlanir vegna þessa
máls.
íslandi var boðinn sérstakur olíu-
kaupasamningur við araba. Útlending-
ar komu til landsins til að ræða málið.
Höfðu þeir áhuga á því að hér yrði sett
upp olíuhreinsunarstöð. Stjórnvöld
sýndu þessu lítinn áhuga.
Töluverðar deilur urðu í mánuðinum
vegna framkvæmda á Bernhöftstorf-
unni. Þar var verið að gera útitafl.
Töldu ýmsir að hér væri um hið versta
skemmdarverk að ræða og aðrir settu
út á kostnaðinn. Borgaryfirvöld létu
skammirnar ekkert á sig fá og áfram
var haldið að moka.
Gullþræðir, grænblá perla og fleiri
skrautmunir fundust í kistu undir altari
kirkjunnar á Skarði á Skarðsströnd.
Töldu margir að þarna væri fundin
kista sjálfrar Ólafar ríku en sagan segir
að hún hafi einmitt verið grafin undir
altari Skarðskirkju. Tíminn hafði hins
vegar eytt öllum líkamsleifum og
komust fornleifafræðingar því ekki til
botns í máli þessu.
Sr. Ólaf Skúlason dómprófast skorti
aðeins tíu atkvæði til að ná helmingi
greiddra atkvæða í biskupskjöri. Hann
fékk 62 atkvæði, sr. Pétur Sigurgeirs-
son hlaut 36 atkvæði og sr. Arngrímur
hlaut 23. Varð því að kjósa aftur.
Vigdís Finnbogadóttir, forsetí Is-
lands, heimsótt Eyjafjarðar- og Þing-
eyjarsýslur um miðjan júlí. Var henni
hvarvetna vel fagnað.
Súr mjólk og súrál
Súr nýmjólk olli talsverðum um-
ræðum. Neytendur voru orðnir lang-
þreyttir á því að hella niður ódrekkandi
mjólk og kröfðust bragarbótar. Mjólk-
urframleiðendur tóku við sér. Síðan
hefur litið verið kvartað undan súrri
mjólk.
Súrál var einnig töluvert til umræðu.
Hjörleifur Guttormsson íðnaðarráð-
herra lagði fram skýrslur sem ótvírætt
bentu til þess að Alusuisse-menn hefðu
verið fullgráðugir til fjárins og ekki
staðið við gerða samninga. Álmenn
harðneituðu eðlilega öllum ásökunum.
Er þetta mál enn ekki úr sögunni.
Berglind sökk
Flutningaskipið Berglind sökk við
Nova Scotia. Allir skipverjar björg-
uðust. Eigendur farmsins urðu hins
vegar margir hverjir fyrir verulegu fjár-
hagstjóni.
Allar banntillögur á fundi Alþjóða-
hvalveiðiráðsins voru kolfelldar. Á
sama tíma upplýstist samsæri erlendra
hvalfriðunarsinna um að sprengja hval-
stöðina í Hvalfirði í loft upp og sökkva
hvalbátunum.
Gunnar Bergsteinsson, forstöðu-
maður Sjómælinga ríkisins, var gerður
að forstjóra Landhelgisgæzlunnar i
stað Péturs Sigurðssonar.
Ungum íslendingi var stungið í fang-
elsi í Marokkó, grunuðum um fíkni-
efnabrot. Var lögð milcil áherzla á að fá
hann lausan þar sem aðbúnaður í fang-
elsinu var sagður mjög slæmur. Losn-
aði piltur ekki fyrr en sex vikum siðar.
Nýr eignaraðili kom inn í Cargolux.
Minnkaði hlutur íslendinga í félaginu
við það úr 33% í 25%. Þjóðerni nýja
hluthafans virtist hins vegar vera
feimnismál. Getgátur voru uppi um að
þetta væru arabar.
Magnús Kjartansson, fyrrum ráð-
herra og ritstjóri, lézt þann 28. júlí, 62
ára að aldri. Hann hafði um langt skeið
átt við vanheilsu að stríða.
Sr. Pétur Sigurgeirsson var kjörinn biskup. Hann sést þarna baða sig í blómaskrúði
ásamt konu sinni, Sólveigu Ásgeirsdóttur. er úrslit láeu fyrír.
Agúst
Um mánaðamótin fóru menn að
taka eftir því að Alþýðublaðið hafði
ekki komið út í nokkra daga. Blað-
stjórnin hafði stöðvað útkomu blaðsins
vegna þess að Vilmundur sumarrit-
stjóri ætlaði að gefa út grínblað sem í
fólst gagnrýni. Var hið umrædda tölu-
blað lítið annað en skálduð viðtöl og
fréttir. Ritstjórnin brást hin versta við
útgáfustöðvuninni og neitaði að vinna
nema hið umdeilda tölublað kæmi út.
Féllst framkvæmdastjórn Alþýðu-
flokksins á þessa kröfu en gegn þvi að
það blaði yrði merkt sérstaklega.
En ekki kom Alþýðublaðið út. Rit-
stjórnin með Vilmund í fararbroddi
óskaði eftir traustsyfirlýsingu frá fram-
kvæmdastjórn flokksins, ekki kom hún.
Mikil fundahöld fylgdu í kjölfarið,
bæði innan Alþýðuflokksins og eins á
opinberum vettvangi. Eftir hálfsmán-
aðar stöðvun lýsti Jón Baldvin Hanni-
balsson, sem nú var kominn úr sumar-
fríi, því yfir að deilan væri leyst og
blaðið færi af stað á ný. En allt fór í
háaloft á næsta ritstjórnarfundi. Vil-
mundur og tveir blaðamenn, Helgi Már
Arthúrsson og Garðar Sverrisson, yfir-
gáfu vinnustaðinn og ákváðu að gefa út
nýtt blað, Nýtt land. Fyrsta tölublaðið
kom út fimmtudaginn 20. ágúst.
Stokkhólma-Rauður, einn bezti
stóðhestur landsins, var drepinn með
kraftmiklum riffli i byrjun mánaðar-
ins. Hver það gerði eða hversvegna
upplýstistekki.
Video — Video
Videóið heltók þjóðina á árinu.
Myndbandaleigur spruttu upp eins og
gorkúlur. í ágúst kærði Jón Ragnars-
son, eigandiRegnbogans, myndbanda-
leigur fyrir ólöglega dreifingu mynd-
efnis.
Alþýðublaðsdeilan hafði á sér ýmsar
skrýtnar hliðar. Vilmundur staðhæfði
að Kjartan Jóhannsson, formaður
Alþýðuflokksins, hefði sagt í viðtali við
fréttamann útvarps að Alþýðublaðs-
deildan snerist ekki um pólitík heldur
væri hún mannlegur harmleikur. Sak-
aði Vilmundur Kjartan um að rægja og
dylgja um samþingsmann sinn vegna
ólíkra skoðana á verkalýðsmálum.
Margrét Hermannsdóttir fornleifa-
fræðingur hefur undanfarin sumur
grafið í Herjólfsdal í Vestmannaeyjum.
Telur hún sig vera komna „aftur fyrir
Ingólf” og engan vafa leika á að nor-
rænir menn hafi búið í dalnum á fyrri
hluta níundu aldar.
Patrick Gervasoni, Frakkinn um-
deildi sem setti allt á annan endann á ís-
landi og næstum því olli þvi að heil
ríkisstjórn færi frá, fékk loks frelsi.
Hann losnaði úr herfangelsi í Mar-
seilles 7. ágúst,
Vinnueftirlitið stöðvaði vinnu hjá
Hval hf. í Hvalfirði. Taldi að þar væri
ekki hlýtt lögum um lágmarkshvíldar-
tíma. Varð þetta til þess að tekið var
upp nýtt fyrirkomulag, sem reyndar
margir starfsmenn voru ekki alltof
ánægðir með. Sögðust sumir vera
komnir í hvalskurðinn til að púla sem
mest á sem skemmstum tíma og afla
þannig góðra tekna.
Sigurður Þór Sigurðsson, sá er
strauk úr rammheldu fangelsi í Kaup-
mannahöfn su.narið 1979, var gripinn
á Keflavikurflugvelli 22. ágúst. Hann
hafði flúið á hinn ævintýralegasta hátt
á sínum tíma, sagað sundur rimlana og
komizt þannig út úr klefaglugga sínum
á fjórðu hæð fangelsisins. Seig hann
niður í samanbundnum lökum og
handlangaði sig síðan- eftir símalinum
yfir fangelsismúrinn.
Leikkonan Julie Christie kom hingað
til lands til aðleika í „kvennamynd” á
Langjökli.
Sr. Pótur kjörinn biskup
Sr. Pétur Sigurgeirsson hlaut flest at-
kvæði í síðari hlutabiskupskjörs og var
því kosinn biskup. Hlaut hann einu at-
kvæði fleira en sr. Ólafur Skúlason eða
72. Sr. Ólafur fékk 71 og sr. Arngrimur
Jónsson eitt atkvæði. Biskupskjörið
hafði ýmis eftirköst því kjörnefnd
hafði ógilt fjögur atkvæði. Kærði sr.
Árni Pálsson í Kópavogi úrskurð kjö'r-
nefndar. Eigendur kjörseðlanna fjög-
urra lýstu þvi síðan yfir að þeir kærðu
ekki úrskurð kjörnefndar. Þeir tóku
hins vegar fram að þeir væru ekki
sáttir við úrskurðinn en mætu meira
einingu innan kirkjunnar.
Gunnar Benediktsson rithöfundur
lézt 27. ágúst, 88 ára gamall.
Hallgrímur Marinósson tók sig til í
mánuðinum og bakkaði hringinn í
kringum landið. Var hann sautján daga
áleiðinni.
Útitaflið umdeilda á Bernhöftstorf-
unni var vígt 29. ágúst. Tveir tólf ára
piltar tefldu fyrstu skákina.
Ungir sjálfstæðismenn héldu lands-
þing á ísafirði. Var mál manna að
Geirsarmurinn hefði styrkt stöðu sína á
þinginu. Geir H. Haarde var kjörinn
formaður SUS.
September
Húsnæðismálin í höfuðborginni
voru oft í brennidepli á árinu. Fjöl-
miðlar upplýstu að ekki var allt glæst í
þeim málum í fyrirmyndarborginni
Reykjavík.
í fjórða hverju áfengisglasi sem ís-
lendingar drekka er vökvinn heima-
brugg. Þá sækja Frónbúar nú æ meir í
léttu vínin. Þetta upplýstu kannanir
sem gerðar voru á áfengisneyzlu íslend-
inga.
Tilraun var gerð tif' að sætta hina
stríðandi arma Sjálfstæðisflokksins í
byrjun september. Sú tilraun mistókst.
Fangi strauk af Litla-Hrauni 7.
september. Aðferðin var einföld. Hann
labbaði bara út. Fannst hann nokkrum
dögum síðar. Annar fangi hafði strokið
fyrr um sumarið og haft lítið fyrir því.
Þessi strok leiddu til þess að kröfur
komu fram um mannhelda girðingu
umhverfis Litla-Hraun.
Viimundur Gylfason sakaði frétta-
menn útvarps um fréttafölsun og
óheiðarlegar vinnuaðferðir. Blaða-
mannáfélag Islands mótmælti þessum
ásökunum harðlega.
Hornsteinn var lagður að
stöðvarhúsi Hrauneyjafossvirkjunar
11. september. Það gerði forsetinn,
Vigdís Finnbogadóttir.
Borgarfjarðarbrúin var vígð þann
13. september. Það gerði Halldór E.
Sigurðsson að sjálfsögðu.
Ályktanir og bókanir um fréttastofu
útvarps flæddu yfir landslýð á tímabili.
Fréttamaður var m.a. sakaður um
trúnaðarbrot með því að hafa leikið
einkasamtal Kjartans Jóhannssonar af
segulbandi fyrr starfsmenn stofnunar-
innar.
„Dillibossaauglýsing” innheimtu-
deildar Ríkisútvarpsins varð rifrildis-
efni. Varhætt aðsýna auglýsinguna.
Blómaskreytinga-
maður myrtur
Morð var framið í Reykjavik
fimmtudagskvöldið 17. september.
Austur-þýzkur blómaskreytingamaður,
Hans Wiedbusch, 45 ára gamall, fannst
myrtur á heimili sínu, Grenimel 24. Var
aðkoman mjög ljót og greinilegt að
átök höfðu átt sér stað. Fljótlega eftir
að rannsókn málsins hófst var 28 ára
iðnverkamaður, Gestur Guðjón Sigur-
björnsson, handtekinn. Játaði hann
síðan við yfirheyrslur að hafa myrt
Hans Wiedbusch. Sakaði hann Þjóð-
verjann um að hafa nauðgað sér. Við
það hafi hann orðið ofsahræddur og
ákveðið að ganga frá honum. Gestur
Guðjón hafði vegna vanheilsu verið í
meðferð á geðdeild Landspitalans.
Tungufoss sökk við suðvesturodda
Bretlands í óveðri 19. september. Allir
sem um borð voru björguðust, ellefu
menn.
Sölufélag garðyrkjumanna var
staðið að því að henda miklu af tómöt-
um á haugana. Formaður Neytenda-
samtakanna taldi þetta „hreinan
glæp” en forstjóri Sölufélagsins sagði
tómatana hafa verið ósöluhæfa.
Upplýst var að Ólafur Jóhannesson
utanríkisráðherra hefði náð að koma
nýju flugstöðvarbyggingunni á Kefla-
víkurflugvelli í fjárlagafrumvarpið.
Landsliðsmaður í golfi, Július R.
Júlíusson, fórst í bílslysi í Lúxemborg
25. september. Ökumaðurinn, lands-
liðsmaður frá Lúxemborg, slasaðist
alvarlega. Þrír aðrir íslendingar voru
einnig í bílnum og meiddist einn þeirra
nokkuð.
Fjöldi nýrra sjóvarpsstöðva spratt
upp á landinu á árinu. Kaplar voru
lagðir i jörð, bæði á höfuðborgar-
svæðinu og utan þess, og sjónvarps-
tæki þannig tengd við eina útsendingar-
stöð, gjarnan eitt myndségulband.
Fyrirtækið Video-son var einna stór-
tækast í þessum málum en einnig voru
Eyjamenn ákafir.
Herra Pétur Sigurgeirsson var settur
í biskupsembættið við athöfn í Dóm-
kirkjunni 27. september. Viðstaddir
voru m.a. fjórir erlendir biskupar.
Valli rostungur
Rostungur nokkur kryddaði mann-
lífið í lok september. Valli var hann
kallaður. Forsætisráðherra og Flug-
leiðir sáu til þess að Valli var fluttur frá
Englandsströndum til Grænlands.
Mikið vatnsveður gekk yfir Austfirði
í lok september. Olli það nokkru tjóni.
Rúmlega tvítugur piltur neitaði blóð-
gjöf af trúarástæðum. Hann var
haldinn banvænum sjúkdómi. Þar sem
hann tilheyrði söfnuðinum Vottar
Jehóva var það gegn hans sannfæringu
að þiggja blóð. Pilturinn lézt nokkru
síðar.
Valli rostungur var i sviðsljósinu i lok september.