Dagblaðið Vísir - DV - 12.08.1985, Blaðsíða 11

DV. MÁNUDAGUR12. ÁGUST1985.
Ökuleikni BFÖ —DV:
Okukennar-
inn sigraði
Tuttugasta og níunda ökuleikni-
keppni sumarsins var haldin á
Bindindismótinu í Galtalæk um
verslunarmannahelgina. Mikið fjöl-
menni var þar í góövirðinu og fóru
starfsmenn ökuleikninnar ekki var-
hluta af því. Keppendur hópuðust að
og ekki gátu allir komist að sem
vildu.
Keppendur voru alls 66 talsins sem
er enn eitt fjöldametið sem slegið
hefur verið í sumar. Keppendur í
ökuleikninni voru 26 talsins en 40 í
reiöhjólakeppninni. Það var einmitt í
reiðhjólakeppninni sem vísa varð
keppendum frá. Ástæður þess voru
þær aö dagskrá mótsins var mjög
stíf og ekki gáfust nema tveir tímar
til keppninnar og urðu því 30—40
krakkar að láta sér nægja aö horfa á.
Aö sjálfsögðu var enginn með reið-
hjól með sér á mótinu og því lánaði
Fálkinn hf. keppendum reiðhjól til að
keppa á en Fálkinn hefur verið í
samvinnu við Bindindisfélag öku-
manna og DV um reiðhjólakeppnina.
Danspallurinn á svæðinu var notaður
undir keppnina enda eini staöurinn
sem hægt var að nota fyrir reiðhjóla-
keppni. Það var Jón G. Benedikts-
son, 10 ára Garðsbúi, sem sigraði
með yfirburðum í riðlinum 9—11 ára.
Hann fékk 70 refsistig. Tekið skal
fram að danspallurinn er úr timbri
og er því mun erfiðara að hjóla á
honum en á venjulegu malbiki.
I eldri riðlinum var keppnin mun
jafnari og meira spennandi. Þó var
það einn kappinn sem stóð sig mun
betur en aðrir. Þetta var Helgi Einar
Guðmundsson úr Grindavík. Hann
var jafnframt besti keppandinn í
allri keppninni. Hann fékk aöeins 62
refsistig. Baráttan um 2.-3. sætiö
var mun harðari og munaöi aöeins 2
sekúndum á þeim keppendum sem
þar lentu. Oddgeir Sigurðsson frá
Hvolsvelli bar siguroð af Friðriki
Brynjarssyni úr Kópavogi og lenti
Oddgeir því í öðru sæti meö 94 refsi-
stig. Friðrik varö að láta sér nægja 3.
sætið með 96 refsistig.
Keppnin í ökuleikninni var ekki
síður spennandi. Framkvæmd
keppninnar var aðeins öðruvísi en
venjulega vegna þess að ekki var
neitt húsnæöi til staðar fyrir kepp-
endur til að svara spurningum. Því
voru þeir fyrst látnir aka í gegnum
þrautaplaniö og síðan svara spurn-
ingunum. Þetta skapaði meiri
spennu hjá keppendum því oft voru
það umferðarspurningarnar sem
skáru úr um í hvaða sæti keppendur
lentu. Það gerðist meöal annars hjá
efstu keppendum. Keppandi númer
7, sem var ökukennari, náði 179 refsi-
stigum úr brautinni og var að sjálf-
sögðu með allar umferðarspurn-
ingarnar réttar. Lokatala hans var
því 179 refsistig. Að minnsta kosti
þrír ökumenn voru með betri árang-
Gylfi Sigurðsson, ökukennari úr Reykjavík, varð efstur og hafði allar spurningar réttar.
ur úr brautinni en ökukennarinn og
ef þeir hefðu svarað öllum spurn-
ingunum rétt hefði einhver þeirra
lent í fyrsta sæti. Þó fór svo að lokum
að ökukennarinn var sá eini sem öllu
svaraði rétt og hélt því fyrsta sætinu.
Hann heitir Gylfi Kr. Sigurðsson úr
Reykjavík. Hann ók Mazda 626 og er
þaö sams konar bíll og Mazda um-
boðið hefur í verðlaun handa þeim
sem ekur villulaust í úrslitakeppn-
inni þann 7. september nk. Sá sem
veitti Gylfa hörðustu keppni var
Sigurður Karlsson, einnig á Mazda
626: Hann fékk 188 refsistig. Hann
hafði eina umferðarspumingu ranga
sem kostaði hann 10 refsistig og
þar með sigursætiö. Hann
varð að láta sér nægja silfrið. Ferð
hans var þó ekki alveg til einskis því
hann kemst einnig í úrslit.
Sömu sögu var að segja um Stefán
Vagnsson. Hann ók Volvonum sínum
vel í gegnum planið og fékk 170 refsi-
stig þar. En umferðarspurningarnar
gáfu honum 30 refsistig til viðbótar
og varð hann að láta sér nægja 3 sæt-
iö. Einnig hann kemst í úrslit vegna
hins mikla fjölda keppenda. Þess má
geta að keppnin var haldin á sand-
eyrum viö Rangá og urðu keppendur
því að aka mun hægar en ella, því má
jafna árangri efstu keppenda við ár-
angur 10 efstu keppenda ökuleikninn-
ar en það mun vera innan við 150
refsistig sem þeir hafa.
Keppendur í kvennariðli voru 4
talsins og sú er sigraði þar gerði það
með miklum yfirburðum. Hún heitir
Ragnheiður Guðjónsdóttir úr
Grindavík. Hún fékk 274 refsistig
fyrir mjög góöan akstur á Mercedes
Benz. Ef tekið er tillit til aðstæðna
fullyrða starfsmenn ökuleikninnar
aö hennar árangur sé meðal 5 efstu
keppenda í kvennariðli. önnur varð
Björk Lind Oskarsdóttir á Toyota
Cressida - með 509 refsistig og í
þriðja sæti varð Hjördís Kristinsdótt-
ir á Mazda 929.
Einn keppenda í kvennariðli keppti
sem gestur og var með 333 refsistig.
Hún hafði keppt áöur í sumar og gat
því ekki unnið til verðlauna. Þetta
var Guðný Guömundsdóttir. Hún
hafði keppt á Hellu og fengið þar 340
refsistig. Þetta er því mun betri ár-
angur hjá henni en á Hellu þar sem
keppt var á malbiki. Einnig mun hún
hafa ekið þessum bíl fyrsta sinn dag-
inn fyrir keppnina í Galtalæk.
Reyndar kepptu fleiri gestir í Galta-
læk og einn þeirra hefði verið í öðru
sæti í karlariöli með 184 refsistig ef
hann heföi verið fullgildur keppandi.
Þetta var Guðbjörn Guðmundsson
fráBúöardal.
Nú er aðeins ein keppni eftir og
hafa nú 486 keppendur verið með í
sumar og ef til vill mun aukakeppnin
í Reykjavík ná f jöldanum yfir 500.
Gefandi verðlauna í Galtalæk var
bindindismótiö sjálft.
EG