Dagblaðið Vísir - DV - 12.08.1985, Blaðsíða 42

42
DV. MÁNUDAGUR12. ÁGÚST 1985
Atorkusamur hótelstjóri á Seyðisf irði:
ÞETTA HEFUR
VERIÐ GEÐ-
VEIKISLEGT
— segir hótelstjórinn sem hef ur unnið baki brotnu
við að opna nýtt hótel
„Þetta verður opnun á toppnum.
Við ætlum að opna þegar Vigdís
kemur hingað í heimsókn. Hún og
hennar fylgdarliö ætlar aö boröa hér
hádegisverö,” sagði Pétur Jónsson
smiöur, hótelstjóri og nær allt sem
nöfnum tjáir að nefna á Seyðisfirði.
Hann og starfsliö hans, var að
hamast við að ljúka viðbyggingu við
hóteliö sem Pétur rekur og heitir
Snæfell. Vigdís átti að koma eftir tvo
daga þegar DV kom við hjá Pétri
og það var margt ógert.
Seinna fréttum við að þegar Vig-
dís og hennar fylgdarliö hefði gengiö
í salinn hefðu vinnuklæddur smiður
og handverksmenn smeygt sér út um
bakdyrnar, beint inn í eldhús, þar
i4»& 111 «1 8« «1
111 11 11
” íiPHEUliPi"
Til vinstri á myndinni sjáum við Hótel Snæfell. Fyrir utan liggur
báturinn sem ætlunin er að sigla á út á sjó með gestina.
sem skipt var um föt, og síðan aftur
inn í matsal þar sem gengiö var um
beina eins og ekkert hefði í skorist.
En víkjum aftur að byrjuninni.
„Þetta er búin að vera geðveikis-
leg töm,” segir Pétur sem gaf sér
smátíma til að setjast niður og segja
fáein orð við DV. „Hér hefur verið
unnið dag og nótt til að ljúka þessu.”
Það sem Pétur er að tala um er
viðbygging viö Hótel Snæfell. Hana
teiknaði Þóra Guðmundsdóttir, arki-
tekt og núverandi yfirkokkur hótels-
ins. I þessari byggingu á að vera
matsölustaður fyrir gesti og gang-
andi, bar og koníakstofa.
„Ferjan kemur að bryggju hérna
beint á móti og hótelið er eitt það
fyrsta sem hungraðir ferðamenn-
irnir sjá. Þetta er því sálrænn
hernaður sem ég stend í,” segir
Pétur.
Hótel Snæfell er gamalt timbur-
hús. Það hefur verið byggt í mörgum
áföngum. Að sögn Péturs hefur verið
starfrækt nær allt sem hægt er að
starfrækja í húsinu. Þar hefur verið,
íbúð, skóbúð, sjoppa, pósthús, mat-
sala og hótel. Lengi vel var það í
niðumíðslu og ónotað.
„Þá var hér eins konar unglinga-
athvarf í miðstöðvarherberginu.
Þegar ég byrjaði að gera upp húsið
Pétur Jónsson hótelstjóri og Þóra Guðmundsdóttir, arkitekt og yfir-
kokkur, lita á hvort annað með aðdáunaraugum. DV-mynd PK.
var hægt að lesa mörg nöfn ráðsettra
bæjarbúa sem höfðu haldið þar til á
unglingsárunum og nöfn þeirra
krotuð á veggina. Það var margt for-
vitnilegt sem þar stóð. En ég hef
lofað því að þegja yfir því sem þar
stóð,” segir Pétur og hlær.
Pétur fékk hóteliö fyrir ekki neitt
með þeim kvööum að hann gerði
húsið upp. Hann hefur nú fullnægt
þessari kvöð og nú eiga Seyðfirð-
ingar myndarlegt hótel. Þar eru níu
herbergi og öll þeirra eru með sturtu
og klósetti. Þá hefur Pétur áform um
að sigla með hótelgestina út á sjó til
aö draga fisk eða líta á náttúruna.
Að sögn Péturs hefur þetta verið
mikil vinna sem nú loks sér fyrir
endann á. Hins vegar segist hann
eiga í erfiöleikum með að líta á sig
sem hótelstjóra og einnig bæjarbúar.
„Eg veit ekki hvað bæjarbúar
hafa haldiö um hótelstjórann um
daginn þegar hann var að hengja
upp þvott með trésmíðasvuntuna
reyrða um mittið,” segir Pétur sem
hefur í mörg hom að líta.
APH
íbúðir aldraðra
í Bolungarvík
teknar í notkun
— alls er um sex íbúðir að ræða
Frá Kristjáni Friðþjófssyni, frétta-
ritara DV í Bolungarvík:
Ibúðir aldraðra í Bolungarvík
voru afhentar með pomp og prakt
sunnudaginn 28. júlí síðastliðinn.
tbúðirnar eru sex að tölu, tvær
hjónaíbúðir og f jórar einstaklings.
Það var Bolungarvíkurbær sem
kostaði bygginguna. Verktaki var
Jón Friðgeir Einarsson, byggingar-
meistari í Bolungarvík.
Framkvæmdir hófust árið 1978 og
varð byggingin fokheld ári síðar, eöa
1979. Hlé varð á framkvæmdum á
byggingartímanum vegna f járskorts
bæjarins til þessarar byggingar.
En auövitaö var hafist handa
aftur og verkinu lokið. Hver íbúö er
um 50 fermetrar aö flatarmáli, allt
sérlega glæsilegar íbúðir.
-JGH
íbúðir aldraðra i Bolungarvík — glæsileg bygging.
DV-mynd: Kristján Friðþjófsson.
Ingi Helgason fyrir framan hótelið sitt á Fáskrúðsfirði sem tekið verður í notkun næsta sumar. DV-mynd PK.
Hótel í smíðum
á Fáskrúðsfirði:
Fyrsta flokks hótel
með bar og dansgólf i
Á Fáskrúðsfirði er nú unnið hörðum
höndum að því að ljúka viö byggingu
hótels. Stefnt er að því að þaö verði
komiö í rekstur næsta sumar.
„Það er þegar búið að panta það til
ráöstefnuhalds næsta sumar,” segir
Ingi Helgason, framkvæmdastjóri og
verðandi hótelstjóri. Hótelið mun bera
nafnið Snekkjan eins og veitingastaður
Inga heitir sem er við hliöina á hinu
nýja hóteli.
Ingi er bjartsýnin uppmáluð í sam-
bandi við væntanlegan hótelrekstur.
Hann hefur þegar mótaöar hugmyndir
um hvernig þetta eigi að vera.
„Hér á að vera flottur matsalur þar
sem hægt er að koma og fá sér góöan
mat. Þá verður hér bar, dansaöstaða
og svo að sjálfsögðu gistiaðstaða. Hér
verða sjö til níu herbergi,” segir Ingi.
Hann segir einnig að hægt sé að nýta
hótelið undir ráðstefnuhald fyrir 80 til
100 manns.
Ingi segist vera bjartsýnn á að hann
eigi eftir að fá vínveitingaleyfi en um
það hefur hann ekki sótt enn.
Þegar er búið að gera ráð fyrir
barnum og hann mun verða á sínum
stað hvað sem öll leyfi varðar.
APH