Dagblaðið Vísir - DV - 30.01.1989, Blaðsíða 14

14
MÁNUDAGUR 30. JANÚAR 1989.
Spumingin
Lesendur
Frímann Ásgeirsson, á milli starfa:
Ég vona þaö besta fyrir Jóhanns
hönd eins og allir en það eru lítlar
líkur á að hann vmni.
Grétar M. Sigurðsson verkamaður:
Ég býst við að Karpov vinni en mér
finnst Jóhann samt eiga sjens í hann.
Axel Ólafsson iðnnemi: Ég hef engan
áhuga á skák og fylgist ekkert með
fréttum af þessu einvigi milli þeirra.
Guðríður Þórðardóttir nemi: Eg
vona bara innilega að Jóhanni takist
að vinna.
Hverju viltu spá
um úrslit
viðureignar
Jóhanns Hjartarsonar
og Karpovs í Seattle?
Þorbjörn Eiríksson trésmiður:
Karpov er sterkur, það er öruggt. En
ég á von á því að okkar maður geti
hangið í honum.
Þórir Konráðsson bakari: Því er
vandsvarað. Karpov vinnur senni-
lega en ég vona að það verði mjótt á
mununum.
Flying Tigers og fragtin:
Taugatitringur Tímans
Keflvíkingur hringdi:
Ég var að lesa í Tímanum í morgun
(25. jan.). Á forsíðu hans er slegið upp
með stríðsletri fyrirsögninni „Flying
Tigers tekur fragt frá okkur“. Síðan
er þess getiö neðan undir fyrirsögn-
inni að Flugleiðir og Arnarflug segist
hafa áhyggjur af samkeppni viö þetta
bandaríska flugfélag og vart hafi orð-
ið samdráttar hjá báðum flugfélög-
unum í vöruflutningum.
Þegar ég fór svo að lesa þessa frétt
nánar, þar sem til hennar var vísað,
á bls. 5, sá ég lítil merki þess að full-
trúar þeir sem rætt var við hjá ís-
lensku flugfélögunum hefðu miklar
áhyggjur, a.m.k. enn sem komið væri.
Viðmælandi blaðsins hjá Arnar-
flugi sagðist einmitt alls ekki geta séð
að Flying Tigers hefðu dregið nokk-
urn hlut úr vöruflutningum síns
flugfélags. - Fulltrúi vöruflutninga-
deildar Flugleiða sagði að enn væri
ekki merkjanlegt að Flyging Tigers
Engin merki þess að Flying Tigers séu að gleypa vöruflutninga í flugi til og frá landinu, segir hér m.a.
hefðu tekið flutninga frá hans félagi.
Hann sagði hins vegar að svo gæti
farið að Flugleiðir fyndu fyrir sam-
keppninni þegar fram liðu stundir
og fyrirætlanir hins erlenda félags
yrðu betur Ijósar.
Eftir lestur greinarinnar í Tíman-
um rak mig í rogastans að blaðið
skyldi birta slíka fyrirsögn á forsíðu
og bæta svo 'um betur á bls. 5, þar
sem meginefni fréttarinnar er, með
því að setja þar stórorða fyrirsögn
undir myndatexta þar sem segir að
íslenskir flugrekstraraðilar séu
áhyggjufullir um að Flying Tigers
munu leggja undir sig vöruflutninga
með flugi milh íslands og Evrópu og
innan gæsalappa „Gætu gleypt þetta
þegar þeim sýnist".
Eg get ekki betur séð en hér sé
verið að gera úlfalda úr mýflugu eins
og oft áður. Ég held aö engin ástæða
sé til að óttast svona nokkuð. Reynsl-
an sýnir að íslendingar vilja skipta
við íslensk flugfélög þótt nóg fram-
boð sé hjá erlendum félögum. Það
væri viturlegra að íjölmiðlar hér
sæju sig um hönd og hvettu til sam-
stöðu um að fljúga með þeim ís-
lensku en ekki hinum erlendu og
nota vörurými okkar flugvéla.
Ég hef engar áhyggjur af starfsemi
íslensku flugfélaganna tveggja ef
þeim er búin jöfn aðstaða og ráða-
menn styðja starfsemi þeirra beggja
og flárfestingar þegar að kreppir
vegna hins geysiháa flármagns-
kostnaöar sem alltaf fylgir flugstarf-
seminni, einkum viö endumýjun á
farkostunum sjálfum.
KjöHðn - ekki
matreiðsla
Kjötiðnaðarmaður hringdi:
Þann 24. jan. sl. var þáttur um
matargerðarlist sýndur í Ríkissjón-
varpinu. Ekkert er athugavert við
það þótt matreiðslumenn sýni listir
sínar. Athugasemd mín við þennan'
þátt er samt sú að matreiðslumenn
geta ekki leyft sér að fara inn á fag-
leg verksvið annarra fagmanna. Eg
er hér í þessu sambandi að tala um
sýnikennslu í úrbeiningu kjöts
frammi fyrir alþjóð.
Viö kjötiðnaðarmenn höfum ekki
ennþá amast opinberlega við mat-
reiðslumönnum vegna yfirgangs
þeirra á okkar verksviði. En þegar
þeir leyfa sér að vera með opinbera
sýnikennslu í fagi okkar er mælirinn
fullur, að ekki sé minnst á þau hryll-
ings vinnubrögð sem þama voru
sýnd og voru flarri allri faglegri
kunnáttu.
Mínu máli til rökstuðnings bendi
ég á að við hringjum ekki í trésmið
til þess að lagfæra símann hjá okkur
- heldur símvirkja.
Að endingu bið ég matreiðslumenn
að halda sig við súpusleifina sína í
eldhúsinu. Þar er þeirra staður, enda
eru þeir til þess menntaðir.
Borgaraílokkur bjargar engu:
Danskur sérfræðingur leiðbeinir isienskum í kjötvinnslu.
Júlíus Sólnes, formaður Borgaraflokksins (t.h.), ásamt Benedikt Bogasyni
alþm. flokksins. - Vega ráðherrastólar þungt í viðræðum um stjórnarþátt-
töku?
Kosningar strax
Katrín hringdi:
Mig langar til að taka undir með
Helga Ólafssyni sem skrifar í les-
endadálk DV í gær (25. jan.) og segir
blátt áfram að stjórnin sé fallin, eftir
að úrslit úr tveimur skoðanakönn-
unum birtust nýlega og sýna að fólk
hefur misst tiltrú á ríkisstjórnina.
Það jók svo ekki álit mitt á stöðu
mála í stjórnmálum að hlusta á Júl-
íus Sólnes, núverandi formann Borg-
araflokksins, í viðtali viö fréttamenn
Stöðvar 2 í gærkvöldi. Þar var þess-
um blessuðum manni í bókstaflegri
merkingu flækt fram og aftur í rök-
leysum sínum við spurningum
fréttamannanna, svo að ekki stóð
steinn yfir steini í svörum hans.
Hann vildi augljóslega gera allt til
þess eins að komast í ráðherrastól.
Hann sagði að afnám matarskattar-
ins félli undir langtímaplan þeirra
Borgaraflokksmanna og honum
þætti gott, ef eitthvað af áformum
flokksins kæmist í gegn á „svona
nokkrum árurn". Ég sé ekki betur
en formaður Borgarflokksins sé til-
búinn til að kaupa ráðherrastól
næstum hvaða verði sem er!
Ég sé heldur ekki að núverandi rík-
isstjórn hafi nokkurt umboð til að
leika sér að flöreggi þjóðarinnar með
þeim hætti sem hún virðist ætla að
gera núna - aö framlengja líf sitt með
hálfkveðnum vísum og loforðum og
draga vesælan og sundraðan Borg-
araflokkinn á asnaeyrunum vegna
þess aö þar finnast þingmenn sem
sjá ráðherrastóla í hillingum.
Ef ekki verður tekið tillit til skoð-
anakannanna og þess vilja þorra
kjósenda aö rjúfa þing og efna til
kosninga eins fljótt og auðið er, hlýt-
ur forseti að leggja til við forsætis-
ráðherra að svo verði gert. Það er
ekkert framundan hér með þessa
ósamstæðu stjórnarflokka í ríkis-
stjórn, annað en að freista þess að
mynda stjórn meö Sjálfstæðisflokki,
Kvennalista og einhverjum þriðja
flokki og framkvæma niðurfærslu-
leiðina sem fyrstu og jafnvel einu
aðgerð til að bjarga atvinnulífinu,
rekstri þess og vinnumarkaði frá
stöðvun og landlægu atvinnuleysi.