Dagblaðið Vísir - DV - 08.01.2000, Blaðsíða 12

LAUGARDAGUR 8. JANÚAR 2000 JL^"V
Stúlkur sem hafa stefnu í lífinu
Aöstandendur keppninnar eru fjórar ungar konur, frá vinstri: Pórey Vilhjálmsdóttir frá Eskimo Models, Hendrikka Waage, markaösstjóri Japis, Ásta Krist-
jánsdóttir frá Eskimo Models og Linda Pétursdóttir, framkvaemdastjóri Baðhússins en þaer stöllur hafa tryggt sér umboöið fyrir Miss World-keppnina.
DV-mynd Hilmar Pór
Nýja fegurðarsam-
keppnin, Ungfrú ísland,
verður samstíga tíðar-
andanum og endur-
speglar nútímakonuna
án þess að missa sjónar
af þeim þáttum sem
nauðsynlegir eru í slíkri
keppni
Það er nauðsynlegt að sýna nútíma-
konuna eins og hún er en ekki eins og
hún var,“ segja aðstandendur hinnar
nýju fegurðarsamkeppni „Ungfrú ís-
land“ en keppnin verður haldin í
fyrsta sinn þann 25. mars næstkom-
andi. Aðstandendur keppninnar eru
fjórar ungar konur, þær Linda Péturs-
dóttir, framkvæmdastjóri Baðhússins,
Hendrikka Waage, markaðsstjóri Jap-
is, og þær Ásta Kristjánsdóttir og
Þórey Vilhjálmsdóttir frá Eskimo
Models en þær stöllur hafa tryggt sér
umboðið fyrir Miss World- keppnina.'
Þegar þær eru spurðar hvað þær
meini með nútímakonunni segja þær
að það sé greinilega þörf fyrir fegurð-
arsamkeppni á islandi sem er sam-
stíga tíðarandanum sem nútímakonan
býr í og endurspegli hana án þess þó
að missa sjónar af þeim þáttum sem
nauðsynlegir eru í slíkri keppni.
Linda, sem hefur verið í dómnefnd
Miss World síðastliðin fimm ár, segir
að það sé alveg ljóst að íslenskar kon-
ur þyki mjög sérstæðar. Sérstaðan
liggi ekki aðeins í ómótstæðilegri feg-
urð heldur einnig í því hvað hún sé
metnaðarfull og sjálfstæð en umfram
allt kynþokkafull.
Umboð fyrir Miss World
Undirbúningur keppninnar hefur
staðið nokkuð lengi og hafa þau Julia
og Erik Morley ítrekað óskað eftir því
að Linda tæki að sér umboðið á ís-
landi fyrir Miss World.
„Ég hef hins vegar ekki haft tíma
til þess,“ segir Linda, „því ég hef haft
i nógu að snúast í Baðhúsinu. Þegar
svo þær Ásta og Þórey í Eskimo Mod-
els höfðu samband við mig og vildu
setja keppnina um Ungfrú ísland af
stað ákvað ég að slá til. Ég sagði Julie
og Erik að ég ætlaði að taka umboð-
ið.“
En hvar kemur Hendrikka inn í
myndina?
„Linda og Eskimo Models höfðu
samband við mig í sumar eftir að ég
var nýkomin heim frá Moskvu þar
sem ég starfaði sem markaðsstjóri fyr-
ir Sölumiðstöð hraðfrystihúsanna í
eitt og hálft ár,“ svarar Hendrikka.
„Þær spurðu hvort ég væri ekki til í
að hjálpa þeim við framkvæmd og að
markaðssetja keppnina. Mér leist
mjög vel á þá hugmynd að búa til nýja
fyrirmynd, að markaðssetja þessa
keppni á annan hátt en gert hefur ver-
ið og að byggja upp ímynd kvenna.
Við fjórar störfum líka allar mjög vel
saman. Við höfum allar verið í þess-
um bransa einhvern tímann á lífsleið-
inni, höfum allar verið í fyrirtækja-
rekstri og ég hef trú á því að við get-
um byggt upp þessa keppni og styrkt
hana á allan hátt.“
Markmiðið að gera
kvenímyndina sterkari
Hvað meinið þið með því aö byggja
upp ímynd kvenna?
„Sigurvegarinn hlýtur styrk til há-
skólanáms. Við viljum að sigur i
keppninni um Ungfrú ísland verði til
þess að hún nái takmarki sínu, hvað
sem hún vill gera; hvort sem hún vill
vara í viðskiptaháskóla, listaháskóla
eða í líffræði. Þetta er það sem snýr
að sigurvegaranum.
Markmið númer eitt með keppn-
inni er hins vegar að ýta undir kvení-
myndina og gera hana sterkari. Mark-
mið númer tvö er að láta gott af
keppninni leiða. Við erum að styrkja
Ævintýraklúbbinn, félagsstarf fatl-
aðra, sem enn ein ung kona, Þórunn
að nafni, hefur rekið að mestu á eigin
vegum í nokkur ár.“
Hvernig styrkið þið hann?
„Ævintýraklúbburinn hefur bara
mjög litla aðstöðu hjá Sjálfsbjörg en
við ætlum að fara af stað með söfnun
og freista þess að fá hentugra og
stærra húsnæði fyrir hann, einhvers
konar félagsheimili sem myndi ger-
breyta allri aðstöðu fyrir klúbbinn.
Stelpurnar sem taka þátt í keppninni,
munu taka þátt í þessu starfi meðan á
undirbúningi stendur, bæði í fjáröfl-
un og með því að heimsækja fólkið,
taka þátt í félagsstarfinu og fara út
með því, hvort heldur er í sleðaferð,
leikhús eða út að borða.
Við hugsum þessa keppni á sömu
nótum og Miss World keppnin er.
Ungfrú heimur starfar að góðgerða-
málum allt árið sem hún heldur
titlinum og þar koma alls kyns mál-
efni inn, til dæmis málefni sem
snúa að bömum, hrjáðum svæðum,
langveiku fólki og fotluðu. Þetta er
meðal annars gert til þess að sú
stúlka sem hlýtur titilinn sjái hina
hliðina á lifinu og læri eitthvað
mikilvægt á því ári sem hún ber tit-
ilinn og kunni eftir það betur að
meta lífið.“
Leitum að stúlkum sem
hafa markmið og stefnu
í lífinu
Þær stöllur segjast ekki vera að
leita að fyrirsætutýpum í keppnina og
bæta því við að það hafi lengstum ver-
ið álitið að ef kona væri falleg hlyti
hún að vera ósköp vitlaus. „En við
erum ekki eingöngu að leita að útliti,"
segja þær, „heldur stúlkum með
markmið og stefnu í lífinu, auk útlits.
Allir þátttakendur munu fara á
námskeið þar sem þær læra að setja
sér markmið, taka ábyrgð á sjálfum
sér, eiga frumkvæði og framfylgja
áformum sínum. Það er Ámi Sigurðs-
son hjá Vegsauka sem býður þeim
námskeiðið. Við notum þessa keppni
til að fá stelpurnar til að átta sig á því
að þær verði sjálfar að gera eitthvað
við lif sitt.“
En nú er Eskimo Models fyrirtæki
sem leitar að fyrirsætum. Eruð þið
ekki að því líka?
„Nei, alls ekki. Við leggjum enga
áherslu á módelstörf í þessari keppni.
Það er allt annar heimur, enda verða
stúlkurnar í keppninni mun eldri en
svo að þær stefni á fyrirsætustörf. Við
leitum að stúlkum á aldrinum 18-25
ára, stúlkum sem eru famar að hafa
einhverjar hugmyndir um hvað þær
vilja gera í lífinu.“
„Ég nefni sem dæmi,“ segir Linda,
„að það er algengt í keppninni Miss
World að þátttakendur séu i háskóla-
námi og i síðustu keppni vom bæði lög-
fræðingur og endurskoðandi, stúlkur
sem höfðu þegar lokið námi. Miss
World-keppnin hefur allt annan stand-
ard en aðrar keppnir. Meginmarkmið
hennar er að byggja upp ímynd kvenna,
enda er sigurvegarans gætt mjög vel allt
árið. Hún nýtur fullkomins öryggis og
henni er sýnd virðing. Ég hef líka próf-
að að standa í fyrirsætustörfum og ég
ætla ekki að líkja þessu saman. Þar er
maður á eigin vegum og kemur engum
neitt sérstaklega við; þvælist á miili
meö myndamöppuna sína og er sagt að
fara aftast í röðina.“
Viljum að keppendur
geti verið stoltir
Eruð þið byrjaðar að leita að stelp-
um?
„Við erum að byrja. Það getur hver
sem er sent ábendingar inn á slóðina
okkar www.ungfmisland.is en síðan
hefjum við leitina á laugardaginn (í
dag) á Akureyri þar sem við verðum á
Kaffi Akureyri frá klukkan 14-16. á
Kaffi Maríu í Vestmannaeyjum 9. jan-
úar frá 14-16, á Kaffi Níelsen á Egils-
stöðum 10. janúar frá 18-20, í Búðar-
kletti í Borgarnesi 11. janúar frá
18-20. Síðan verðum við í Baðhúsinu í
Reykjavík þriðjudaginn 11. janúar frá
21-23, Studio Dan á Isafirði 12. janúar
frá 18-20, í Skothúsinu í Keflavík 13.
janúar frá 18-20 og á Hótel Örk í
Hveragerði 14. janúar frá 18-20.“
Hvemig íjármagnið þið keppnina?
„Við erum með mjög gott lið í
kringum okkur. Við gætum þetta ekki
án þess að vera með stóra styrktarað-
ila sem styrkja okkur út aila keppnina
og út allt árið. Það era Japis-tónlist,
Gallerl 17 og Maybelline. Síðan erum
við með minni styrktaraðila sem
koma seinna inn og á annan hátt en
með beinum fjárframlögum."
Þið talið um að útlitið sé ekki eina
atriðið. Felst þá undirbúningurinn
ekki í þrotlausri líkamsrækt og megr-
unarátaki?
„Nei, við erum ekki að leita að fyr-
irsætuútliti. Við leggjum áherslu á að
stúlkumar séu í góðu formi og þá eig-
um við við að þær séu heilbrigðar á
líkama og sál.
Við sem stöndum að þessari keppni
erum konur og við leggjum áherslu að
þær upplifi keppnina sem atburð sem
þær geti verið stoltar af, kyndi undir
sjálfsvirðingu þeirra og styrki sjálfs-
matið.“ -sús