Dagblaðið Vísir - DV - 08.01.2000, Blaðsíða 17

n \T LAUGARDAGUR 8. JANÚAR 2000
{<&lk „
Heimskir fá Darwinverðlaunin
- forða mannkyninu frá úrkynjun með ótímabærum dauða
Það mun hafa veriö Mark Twain
sem sagði: „Maðurinn er eina dýrið
sem getur roónaó og hefur ástœðu til
þess. “
Albert Einstein sagði: „Aóeins tveir
hlutir eiga engin takmörk. Heimska
mannanna og alheimurinn og ég
reyndar efast um alheiminn. “
ÞvS hefur stundum verið haldið
fram að mannskepnan sé alls ekki
eins greind og vel gefm og hún heldur
yfirleitt sjálf. Þvert á móti sé maður-
inn hreint yfirgengilega heimskur.
Um þetta mætti tina til mörg dæmi en
í Ameríku hefur verið komið á fót sér-
stökum Darwinverðlaunum sem veitt
eru þeim heimskingjum sem skara
fram úr öðrum. Þau er árlega veitt
einhverjum, án undantekningar að
viðkomandi látnum og eru veitt þeim
sem með ótrúlegri heimsku eða
skammsýni verða valdir að dauða sín-
um.
Rökstuðningurinn er á þá leið að
með því að koma sjáifum sér fyrir
kattamef með tærri heimsku sé verið
að koma í veg fyrir forheimskun teg-
undarinnar því heimskan ræktast
ekki áfram ef viðkomandi aula endist
ekki aldur til. Þannig lita verðlauna-
veitendur á að með heimsku sinni
geri þeir mannkyninu greiða þegar á
allt er litið og þess vegna eru verð-
launin kennd við Charles Darwin sem
fyrstur manna setti fram þróunar-
keiminguna.
Árlega eru verðlaunin veitt þeim
sem skara fram úr á þessu sviði en
jafnframt eru nokkrir aðrir tilnefndir
eins og þegar hefðbundin verðlaun
eru veitt.
Hvað er rétt klukka?
Darwinverðlaunin árið 1999 vora
veitt þeim sem smiðuðu og komu fyr-
ir tveimur sprengjum í ísrael í sept-
ember síðastliðnum. Sprengjunum
var komið fyrir í bílum sem ætlað var
að springa í mannhafi en sprungu
sléttum klukkutíma áður og sköðuðu
fáa. Ástæðan var sú að þeir sem settu
saman sprengjumar gleymdu að gera
ráð fyrir því að verið var að breyta
klukkunni yfir á vetrartíma á yfir-
ráðasvæði gyðinga en það er ekki gert
meðal araba.
Rússnesk rúlletta með jarð-
sprengju
Þrír Kambódíubúar fengu tilnefn-
ingu til Darwinverðlaunanna 1999.
Þeir sátu á öldurhúsi talsvert við skál
í heimalandi sínu en í því stríðs-
hrjáða landi liggja úr sér gengin her-
gögn og ósprungnar sprengjur hingað
og þangað eins og hráviði. Einn
drykkjufélaganna dró seint um kvöld-
ið fram 25 ára gamla ósprungna rúss-
neska jarðsprengju. Þeir settu bomb-
una undir borð og hófu að leika sér-
stæða útgáfu af rússneskri rúllettu.
Við hvern drykk tæmdan í botn stapp-
aði einhver félaganna á sprengjuna
undir borðinu. Aðrir gestir á kránni
flýðu í ofboði og þess vegna fórust
engir nema félagarnir þrir þegar
sprengjan sprakk eftir nokkrar um-
ferðir af leilmum.
Málarinn og kúlan
23 ára gamall málaranemi í
Skotlandi var einnig tilnefndur til
verðlaunanna en óhófleg áfengis-
neysla tengdist einnig ótimabærum
dauðdaga hans. Skotinn átti til að
hegða sér gáleysislega undir áhrifum
og meðal annars skemmti hann fólki
með þvi að gleypa billjarðkúlu og æla
henni upp aftur. Flestir félaga hans
höfðu oft séð þessa brellu hans áður
og veittu því litla athygli þegar hann
sást stinga einni kúlu upp í sig en
vinahópurinn sat að sumbli á krá
einni. Svo slysalega tókst til að kúlan
stóð i Skotanum og kafnaði áður en
nokkur fékk rönd við reist.
Vonglaður veiðimaður
Fiskimaður nokkur i Kíev i Úkra-
ínu fékk einnig tilnefningu til
Darwinverðlaunanna en hann var við
fiskveiðar í ánni Tereblya í heimahér-
aði sínu og beitti rafmagni við veið-
arnar. Hann aftengdi heimtaugina aö
húsi sinu og henti endanum út í ána.
Þegar fiskur fór að fljóta upp kringum
endann á línunni óð hann út í til að
hirða aflann en lést þegar af völdum
raflostsins.
Öryggisglerið prófað
Ungur lögfræðingur í Toronto
hugðist sýna vinnufélögum sínum hve
sterkt glerið í skrifstofuglugganum
væri og klifraði upp i gluggakistuna
og lagðist af öllum þunga á rúðuna.
Hann féll 24 hæðir niður á götu þegar
rúðan reyndist ekki eins traust og
hann hélt.
Sumir karlmenn láta keppni í ýms-
um karlmennskulegum leikjum
teyma sig út í vitleysu. Einn er Pierre
Pumpille í Lyon sem náði að hnykkja
til kyrrstæðum bíl um tæpan metra
með því að hlaupa á hann með höfuð-
ið á undan. Hann lenti á sjúkrahúsi
en var ákaflega hreykinn af afreki
sínu.
Pumpille bliknar þó við hliðina á
Krystof Azninski sem var þrítugur
Pólverji sem hafði setið að drykkju
með vinum sínum þegar einn þeirra
stakk upp á að þeir lékju sér svolítið
og reyndu á karlmennskuna. Félag-
arnir fóru naktir út í kuldann og börð-
ust um hrið með risavöxnum grýlu-
kertum. Einn þeirra náði í keðjusög
og ræsti hana og sveiflaði í kringum
sig og linnti ekki fyrr en hann sagaði
óvart framan af fætinum á sér. Azn-
inski var kominn í virkilegt keppnis-
skap og reif af félaga sínum sögina og
æpti:
Sjáðu þetta.
í þeim töluðum orðum sveiflaði
hann söginni og sagaði af sér hausinn
og sigraði trúlega í leiknum.
Bilaði bíllinn
James Burns, íbúi í Alamo í
Michigan, var lítið betri. Það voru
einhver dularfull hljóð í vörubílnum
hans sem hann áttaði sig ekki á. Hann
greip til þess ráðs að skríða undir bíl-
inn og hanga neðan í honum meðan
kunningi hans fékk það verkefni að
aka bifreiðinni rösklega eftir þjóðveg-
inum. James ætlaði að komast að því
hvað væri eiginlega að bílnum. Þegar
ökuferðin endaði reyndist hann lát-
inn, kirfilega vafinn utan um drif-
skaftið.
Þetta er rán
Sérstaka viðurkenningu fyrir
heimsku sem leiddi til ótímabærs
dauðdaga fær að lokum óheppinn
ræningi í borginni Renton í Was-
hington-ríki. Hann gerði tilraun til
þess að ræna verslun en gerði nokkur
mistök.
í fyrsta lagi var þetta verslun sem
seldi byssur. I öðru lagi var búðin
opin og full af viðskiptavinum sem
gera má ráð fyrir að hafi flestir verið
vopnaðir. Til þess að komast inn í
búðina þurfti hann að ganga fram hjá
lögreglubíl sem lagt var fyrir utan.
Lögregluþjóninn sem ók bilnum var
inni í búðinni að spjalla við verslun-
areigandann.
Allt þetta lét ræninginn sem hann
sæi ekki heldur dró upp byssu, til-
kynnti að hér færi fram rán og skaut
nokkrum viðvörunarskotum upp í
loftið. Lögreglumaðurinn og af-
greiðslumaðurinn hófu þegar skot-
hríð á hann og slógu hann af á staðn-
um.
Þótt þessir verðlaunahafar hljóti að
leggja sitt af mörkum til að draga úr
heimsku mannkyns er hætt við að
þeir megi ekki við margnum. Þess
vegna getum við að minnsta kosti ver-
ið viss um að framtíð Darwinverð-
launanna sé trygg.
-PÁÁ
jGARDAGA 10-18 SUNNUDAGA 13-17