Dagblaðið Vísir - DV - 08.01.2000, Blaðsíða 26

26
LAUGARDAGUR 8. JANÚAR 2000
%!k
'*ér 'p -
Nóttin hefur níöst á mér
nú eru augun þrútin.
Snemma því á fœtur fer
og flýti mér í kútinn.
Þetta er fomt íslenskt húsráð við
timburmönnum og að þjóðlegum
hætti er það sett fram í bundnu
máli. Það felur reyndar ekki í sér
ráð gegn timburmönnum i sjálfu sér
heldur skýtur þeim á frest því vísan
hvetur þann sem lúinn eftir langa
drykkju til þess að drekka meira.
Bragðið af dauðum ketti
Flestir sem einhvern tíma hafa
smakkað áfengi þekkja timbur-
mennina sem fylgja harkalegri
áfengisneyslu. Það er erfítt að lýsa
slæmum timburmönnum fyrir þeim
sem ekki hefur reynt þá á sjálfum
sér en þættir eins og dynjandi höf-
uðverkur, lamandi svimi, þrúgandi
ógleði og nístandi sektarkennd eru
allt þættir i heilkenninu sem yfir-
leitt er kallað timburmenn. Menn
hafa lýst tilfinningum eins og því að
það standi nagli á kafi í höfðinu á
Þessi ungmenni skáluöu fyrir frjálsum bjór á íslandi fyrir tíu árum. Mikilli bjórdrykkju fylgja miklir timburmenn.
Taktu frá mér timburmennina
... i prófíl
Vilhjálmur
Goði
27 ára
dagskrár-
gerðarmaður
Hann heitir Vilhjálniur Goði og er
dagskrárgerðarmaður á Skjá ein-
um þar sem hann stjórnar þættin-
um Teikni-leikni. Hann hefur verið í
tónlistarpælingum í nokkur ár og
hefur „djókað á palli“ fyrir fólk á
uppistandskvöldum á veitingahús-
um borgarinnar. í framtíðinni
hyggst hann breyta heiminum með
bættum samskiptum milli manna.
Fullt nafn: Vilhjálmur Goði Frið-
'riksson.
Fæðingardagur og ár: 1.11.
72.
- hvernig á að losna við eftirköstin án þess að hætta að drekka
þeim, bragði í munni eins og af
dauðum ketti ásamt þeirri sérstæðu
tilfinningu að það sé ekkert bein í
höfðinu á manni heldur aðeins
skinnið utan á heilanum.
í vísindalegum skilningi eru
timburmenn í eðli sinu sambland af
eituráhrifum áfengis og frá-
hvarfseinkennum. Það er ýmislegt
fleira en áfengisneysla sem stuðlar
að vanlíðan, s.s. beinar eða óbeinar
reykingar í óhófi, vökvaskortur sem
orsakast af því að áfengi truflar
hormónið sem stjórnar starfsemi
nýrnanna og hefur því þvaglosandi
áhrif.
Timburmenn eru
heilkenni
Sumir sem hætt hafa áfengis-
neyslu finna eftir sem áður fyrir
mörgum einkennum timburmanna
eftir þungar máltíðir, kaffiþamb og
rjómatertuát, langar vökur eða
langar dvalir í reykmettuðu lofti.
Allt þetta á sinn þátt í heilkenninu:
timburmenn.
Það er mjög líklegt að margir ís-
lendingar hafi fundið fyrir timbur-
mönnum í kjölfar hátíðahaldanna
um áramótin eða finni jafnvel fyrir
þeim enn þegar þessar línur ber fyr-
ir augu þeirra. Þess vegna væri rétt
að líta ögn á ýmis húsráð drykk-
felldra þjóða við timburmönnum.
Algengt er að ráðleggja drykkju-
mönnum að drekka aðeins eina teg-
und áfengis og halda sig þá frekar
við tærar tegundir brenndra vína,
s.s. vodka eða sénever, í staðinn fyr-
ir viskí og koníak og slíka drykki.
Þetta styðst við þá kenningu að
snefilefni sem finnast í mikið með-
höndluðum drykkjum, s.s. koníaki,
auki á timburmennina. Þetta mun
vera rétt svo langt sem það nær.
Annað algengt húsráð er að forð-
ast að drekka sterk vín sem blandað
er í gosdrykki því gosið og sykurinn
orsaki timburmenn eða hluta af
þeim. Þetta getur varla verið rétt
því það er fyrst og fremst áfengi
sem veldur timburmönnum og væri
þetta rétt væri eflaust hætta á timb-
urmönnum af gosdrykkjaneyslu
eingöngu og þá væri íslensk æska
yfirleitt skelþunn.
Drekktu þetta,
þá batnar þér
Margir þekkja bæði úr kvik-
myndum og af eigin reynslu sér-
blandaðar mixtúrur sem eiga að slá
timburmennina kalda. Dæmigerð
samsuða áf því tagi væri að hræra
saman hrátt egg, tómatsafa, vodka-
slettu, strá pipar yfir og fylla upp
með Guinnessbjór. Þetta læknar
auðvitað timburmenn því þetta er
rótáfengt.
Þær þjóðir sem drekka mest allra,
mælt í lítrum af alkóhóli, eru
Frakkar, Þjóðverjar, ítalir, Portú-
galir, Svisslendingar og Spánverjar.
Þetta eru jafnframt þær þjóðir sem
drekka mest allra af bjór og léttvíni.
Þær þjóðir sem drekka mest allra af
sterkum vínum á hvert mannsbarn
eru Þjóðverjar, Bandaríkjamenn,
Pólverjar, íslendingar, Svíar og
Frakkar.
í vínmenningu sumra þeirra
landa sem komast á blað fyrir mikla
neyslu þykir ekkert athugavert við
að sloka í sig einni vínflösku eða
nokkrum bjórum á degi hverjum en
jafnframt er talið afar ófint að láta
sjást að viðkomandi sé áberandi
drukkinn. Þetta á til dæmis við á
Ítalíu þar sem þykir dónaskapur að
vera fullur á almannafæri. í Finn-
landi hins vegar (og íslandi) snerta
íbúarnir ekki áfenga drykki alla
vikuna en drekka óhóflega um helg-
ar. Margir hafa hins vegar bent á að
tölfræði af þessu tagi sér einkar óá-
reiðanlega því t.d. allt heimabrugg
og smygl lendir utan talnanna.
Þannig drekka Svisslendingar sam-
kvæmt þessum tölum meira en
Rússar og má hver trúa því sem vill.
írar drekka mikið
Eins og kannski má búast við
luma írar á flestum húsráðum til að
draga úr áhrifum timburmanna
enda hafa írskir orð á sér fyrir að
drekka af heldur meiri innlifun en
margar aðrar þjóðir. Þar eru efst á
blaði blöndur sem innihalda egg,
mjólk eða niðursoðinn lax, blandað
saman við súkkulaðibúðing, ávaxta-
köku eða hlaup og síðan er gjarnan
sett smásletta af viskíi eða bjór og
hugsanlega kaffí.
Þjóðverjum finnst einkar gott að
fá sér eitthvað steikt og brasað eftir
gott kennderí, s.s. steiktar pylsur af
ýmsu tagi eða eitthvað bragðsterkt
eins og síld. Finnar ráðleggja mönn-
um að hesthúsa saltsíld í heilu lagi
með smávegis af volgu vodka til að
reisa sig við eftir góða skemmtun. í
Austur-Evrópu er einkar vinsælt að
sloka í sig einhverju söltuðu fisk-
meti eftir hressilegt fyllirí og eru
hrogn, síld, kaviar og meiri síld efst
á blaði og þetta á reyndar við um
flestar skandinavískar þjóðir.
í Kanada finnst nátthröfnum gott
að rífa í sig franskar kartöflur með
kjötsósu og ostbitum sem ískrar í
þegar er bitið í þá. Það er haft fyrir
satt að í Tyrklandi vilji múslímar
helst fá sér jógúrt með hvítlauksbát-
um þá sjaldan að þeir brjóta lög
Kóransins og detta í það meðan gyð-
ingar segja að feit pylsa með fyrstu
bjórunum dragi úr timburmönnum.
Viltu franskar?
Þrátt fyrir nokkrar fyrirspurnir
meðal íslendinga rakst ég ekki á
neitt ráð við timburmönnum sem
kalla mætti séríslenskt, fyrir utan
það sem kemur fram í vísunni í
upphafi greinarinnar. Hins vegar
nefndu mjög margir það að daginn
eftir vandaða skemmtun fyndu þeir
fyrir mikilli löngun í það sem al-
mennt er kallað „ruslfæði“. Það eru
hamborgarar og sitthvað fleira
á það sameiginlegt að vera yfirleitt
etið með frönskum kartöflum.
Skyndibitastaðir eru mikið sóttir á
þeim tímum sem fólk er að
skemmta sér, kvöld og helgar, og
það rennir stoðum undir það að
þessi siður sé talsvert útbreiddur.
Við þetta mætti síðan bæta ráð-
leggingum eins og að taka aspirín
og drekka mikið af vatni eða sloka í
sig Alka-Seltzer sem er afar vinsæll
amerískur hressingardrykkur. Frá
vísindalegu sjónarmiði eru hins
vegar allar matartegundir jafn-
gagnslausar við timburmönnum en
það að fá sér að borða setur líkams-
starfsemi í gang og flýtir þannig fyr-
ir því að lifrin hreinsi alkóhól úr
blóðinu.
Hin dapurlega staðreynd er nefni-
lega sú að það er rökrétt samhengi
milli slæmra timburmanna og þess
hve mikið og lengi maður drakk.
Þess vegna er eina rökrétta ráðið
gegn timburmönnum og jafnframt
það eina sem vitað er til þess að
hrífi að drekka annaðhvort lítið eða
alls ekki.
-PÁÁ
Maki: Kannski bráðum eða
kannski ekki bráðum.
Börn: Finnbogi.
Skemmtilegast: Að skoða
heiminn.
Leiðinlegast: Að skoða ekki
heiminn.
Uppáhaldsmatur: Síbreytilegt.
Uppáhaldsdrykkur: Vatn.
Fallegasta manneskja: John
Lennon.
Fallegasta röddin: Emilíana.
Fallegasti líkamshluti: Mjaðmir.
Hvaða hlut finnst þér vænst
um? Fleilann í mér.
Hvaða teiknimyndapersóna
myndirðu vilja vera? Daffy
Duck.
Uppáhaldsleikari: Christopher
Walken.
Uppáhaldstónlistarmaður: Ég
sjálfur.
Sætasti stjórnmálamaður: Þeir
eru ailir jafnljótir.
Skýrt samræmi er milli þess magns sem neytt er og umfangs og eöli timburmanna. Sennilega er eina vitræna ráöiö
til aö foröast timburmenn aö drekka ekki.
Uppáhaldssjónvarpsþáttur:
Teikni-leikni að sjálfsögðu
Leiðinlegasta auglýsingin:
Siminn internet, ótrúlegt að sjá
auglýsingu sem fjallar um auð-
veldari leiðir til samskipta sem
erfitt er að skilja.
Skemmtilegasta kvikmyndin:
Meaning of life.
Sætasti sjónvarpsmaðurinn:
Siggi Hall.
Uppáhaldsskemmtistaður:
Heilinn í mér.
Besta „pikk-öpp“-línan: Má ég
hræra í skálinni þinni með sleif-
inni minni?
Hvað ætlaðir þú að verða?
Guð.
Eitthvað að lokum: Öll dýrin í
skóginum eiga að vera páfa-
gaukar.