Dagblaðið Vísir - DV - 24.06.2000, Blaðsíða 8

8
LAUGARDAGUR 24. JÚNÍ 2000
Útlönd
I>V
Lifi frjáls fjölmiölun
Ekki trúa allir Pútín Rússlandsfor-
seta þegar hann dásamar mikilvægi
frelsis rússneskra fjölmiðla.
Pútín fylgjandi
frelsi fjölmiðla
Vladímír Pútín Rússlandsforseti
hét því í gær að virða frelsi fjöl-
miðla. Eigandi einu einkareknu
sjónvarpsstöðvarinnar, sem stungið
var inn í smátíma í síðustu viku,
sagði aftur á móti að yfirvöld vildu
aðeins undirgefna fjölmiðla.
í rússneska utanríkisráðuneytinu
eru menn greinilega pirraðir á allri
athyglinni sem fjölmiðlakóngurinn
Vladímír Gúsinskí fékk vegna hand-
tökunnar og sökuðu Bandaríkjaþing
um afskiptasemi af rússneskum
innanríkismálum.
Gúsinskí kom fyrir saksóknara í
Pétursborg í gær og var ákærður
fyrir fjársvik vegna einkavæðingar-
samnings í borginni. Fjölmiðlar
Gúsinskís hafa oftsinnis gagnrýnt
rússnesk stjómsvöld.
Skattaálögur í
Færeyjum þyngri
en í Danmörku
Færeyska fjármálaráðuneytið
hefur leiðrétt Poul Nyrup Rasmus-
sen, forsætisráðherra Danmerkur,
með útreikningum sem sýna að
Færeyingar greiði meiri skatta en
Danir þegar allt hefur verið talið
með, álögur og endurgreiðslur og
annar stuðningur.
Poul Nyrup hélt því fram í síð-
ustu viku að Færeyingar greiddu 10
prósent lægri skatta en Danir. Hann
notaði þær upplýsingar í umræðun-
um um sjálfstæðismál Færeyinga og
sagði þetta eina af ástæðunum fyrir
þvf að danska stjómin gæti ekki
fallist á að Færeyingar fengju meira
en fjögur ár til að laga sig að brott-
falli rikisstyrksins danska.
Jesse mótmælir
Blökkumannaleiötoginn Jesse Jacksoi
var viöstaddur aftöku í Texas og talaö
gegn dauöarefsingum.
Frakkar fordæma
aftökuna í Texas
Frönsk stjómvöld fordæmdu í
gær aftöku dæmda morðingjans
Garys Grahams í Texas i fyrrinótt.
Þá sögðust Frakkar ætla að berjast
fyrir því, í formannstíð sinni í Evr-
ópusambandinu, að aftökur i
Bandaríkjunum verði stöðvaðar.
Frakkar taka við 1. júlí.
Talsmaður franska utanríkis-
ráðuneytisins sagði að franski ræð-
ismaðurinn í Houston hefði fyrir
hönd allra 15 aðildarlanda ESB
margsinnis reynt að tala máli Gra-
hams sem hélt fram sakleysi sinu
allt til síðustu stundar.
Mugabe Simbabveforseti í vígahug á framboösfundi:
Uthuðar stjornar-
andstæöingunum
Robert Mugabe Simbabveforseti
úthúðaði stjómarandstæðingum á
kosningafundi í heimasveit sinni í
gær og kallaði þá skósveina hvíta
mannsins. Hann hvatti kjósendur
til að veita andstæðingum sínum
ekki brautargengi í þingkosningun-
um um helgina.
Um fimmtán þúsund manns, aðal-
lega skólaböm, komu til fundarins í
Chinhoyi, heimabæ Mugabes norð-
vestur af höfuðborginni Harare. Það
eru mun færri en forystumenn
stjórnarílokksins ZANU-PF höfðu
gert sér vonir um. Einn þeirra hafði
spáð því að sextíu þúsund manns
myndu mæta.
Skósveinar hvítra
Fámennið dugði þó ekki til að
sljákka í Mugabe sem vandaði bæði
stjórnarandstöðuflokkinum MDC og
breskum stjómvöldum ekki kveðj-
urnar. Mugabe hefur sakað Breta
um að standa straum af kosninga-
baráttu stjómarandstæðinga.
„Við viljum senda þeim skilaboð.
Ofanígjöf, gagnrýni og stiga-
mennska, hversu mikil sem hún er,
fær okkur ekki ofan af því að standa
vörð um hagsmuni þjóðarinnar,"
sagði Mugabe meðal annars í fimm-
tíu mínútna langri þrumuræðu
sinni.
„Við skulum kenna bresku stjóm-
inni lexíu. Við kennum henni lexíu
með því að sigra skósveinaflokk
hennar."
Stjómarflokki Mugabes hefur
ekki fyrr staðið jafnmikil ógn af
andstæðingum sínum og nú af
MDC. Flokkur Mugabes hefur verið
við völd í tuttugu ár.
Ofbeldisverk hafa mjög sett svip
sinn á kosningabaráttuna í
Simbabve. Einn frambjóðenda
MDC var barinn til óbóta í gær og
lá meðvitundarlaus á sjúkrahúsi í
Harare eftir að meintir stuðnings-
menn forsetans gengu í skrokk á
honum og börðu með jámstöngum
og prikum.
Numdir á brott
Stjómarandstæðingar sögðu í
gær að fjórtán eftirlitsmenn þeirra
hefðu verið numdir á brott á
fimmtudag frá þorpum og bæjum í
grennd við borgina Bulawayo í
sunnanverðu landinu og að kjör-
staður hefði verið brenndur til
grunna.
Undirbúningur kosninganna hef-
ur verið fordæmdur víða um lönd
undanfarna daga. Yfirmaður eftir-
litsnefndar Evrópusambandsins
sagði í gær að starfsmenn hans
hefðu enn fengið tilkynningar um
ofbeldisverk og hótanir.
oiyujd luibuidim binM og TiuKKinn nans
Þessir hressu, ungu menn styöja stjórnarflokkinn í Simbabve, ZANU-PF, og forseta landsins, Robert Mugabe. Piltarnir
létu sig ekki muna um þaö aö sitja ofan á þaki langferöabíls á leiö á fjöldafund meö forsetanum á íþróttaleikvangi í
borginni Chitumgwiza. Þar veittist Mugabe aö stjórnarandstæöingum og kallaöi þá skósveina hvíta mannsins
Merkur fornleifafundur í Hróarskeldu:
Danir kristnuðust hugsan-
lega fyrr en talið var
Danir tóku kristna trú hugsan-
lega fyrr en hingað til hefur verið
ætlað. Nánari rannsóknir á kristn-
um kirkjugarði sem fannst í
námunda við golfvöll í Hróarskeldu,
eiga að skera úr um hvort svo sé.
Að sögn danska blaösins Dagbladet
í bænum Ringsted í gær kann
kirkjugarðurinn að vera frá því fyr-
ir opinbera kristnitöku í Dan-
mörku.
Dagbladet segir að kirkjugarður-
inn sé, ásamt öðrum sem fannst við
Limafjörð, elsti kristni kirkjugarð-
urinn sem fundist hefur í Dan-
mörku.
„Þeir sem era í gröfunum höfðu
ekkert með sér sem getur tímasett
kirkjugarðinn. En við höfum látið
gera nokkrar kolefnisaldursgrein-
ingar sem sýna að kirkjugarðurinn
er mjög gamall,“ segir Tom
Christensen, forstöðumaður minja-
safnsins í Hróarskeldu, sem stendur
fyrir uppgreftinum.
Christensen segir að kirkjugarð-
urinn sé að minnsta kosti frá lokum
tíundu aldar.
Einhverjar niðurstöður bendi
hins vegar til að hann geti verið frá
lokum níunda aldar.
Christensen vill ekki fullyrða um
of út frá þeim rannsóknum sem þeg-
ar hafa verið gerðar þar sem alltaf
sé einhver óvissa í þeim. Nýjar
rannsóknir á danska þjóðminjasafn-
inu eiga hins vegar aö sýna hvort
Hróarskeldusvæðið, eða hluti þess,
hafi tekið upp kristna trú fyrr en
áætlað var.
Hin opinbera kristnitaka í Dan-
mörku varð um árið 960 þegar Har-
aldur blátönn konungur ritaði á
Jalangurssteininn að hann léti Dani
taka kristna trú.
Umskiptin frá heiðni til kristni
toku þó nokkur ár og breiddist
kristnm úr frá vestri til austurs.

Mistök flugmanns
— Rannsóknamefnd
.ríkjunum hefur kom-
Kh :^jl stöðu að John F.
t -‘ \ , M Kennedy yngri hafi
K f-A misst stjórn á flugvél
sinni með þeim af-
fórst undan Martha’s Vineyard í
fyrra. Auk Kennedys fórust kona
hans og mágkona með flugvélinni.
íkveikja ekki útilokuð
Lögreglan í Ástralíu, sem rann-
sakar eldsvoða í gistiheimili fyrir
bakpokaferðalanga í fyrrinótt, úti-
lokar ekki aö um íkveikju hafi ver-
ið að ræða. Að minnsta kosti fimmt-
án ungmenni fórust í eldinum, þar á
meðal fjölmargir Bretar.
Stærsta risaþotan
Airbus-flugvélaverksmiðj umar
ætla að hefja framleiðslu á 555 far-
þega risaþotu sem gæti markað upp-
haf nýrra tíma í flugferðum, hvað
öll þægindi varðar, með leikfimisöl-
um, börum og jafnvel spilavítum
um borð.
Sóðar verði sektaðir
Umhverfisráðherrar ESB vilja að
þau ríki sem ekki standa við gerða
samninga um að draga úr losun
gróðurhúsalofttegunda verði sekt-
uð.
Hrópuðu á hjálp
Sextíu ólöglegir kínverskir inn-
flytjendur til Bretlands sem var
troðið inn í loftþéttan flutningabíl
hrópuðu árangurslaus á hjálp þegar
eina loftgatinu á bílnum var lokað,
að því er fram kom í gær.
Dátarnir áfram
Madeleine Al-
bright, utanríkisráð-
herra Bandaríkj-
anna, dró banda-
ríska fánann að hún
í Suður-Kóreu í gær
og lýsti því yfir að
bandarískar her-
sveitir yrðu þar
áfram, þrátt fyrir að
stjómvöld í Norður-Kóreu séu að
koma úr einangran sinni frá samfé-
lagi þjóðanna.
Velferð með evrunni
Norrænu velferðarríkin tryggja
hag þegnanna best með virkri þátt-
töku í sameiginlegum gjaldmiðli
Evrópusambandsins, evrunni. Þetta
var álit flestra þátttakenda í pall-
borðsumræðum á fundi norræna
ráðherraráðsins á fimmtudag.
Nefhd til Tsjetsjeníu
Sendinefnd frá Evrópuráðinu
kom til Tsjetsjeníu í gær þar sem
hún mun starfa með opinberri rúss-
neskri nefnd sem á að hafa eftirlit
með mannréttindamálum.
Lög gegn hryðjuverkum
Ríkisstjórn Júgóslavíu hefur sent
framvarp tO laga um baráttu gegn
hryðjuverkum til þingsins og fær
það flýtimeðferð.
Lög gegn verkfalli
Norska ríkisstjómin beitti neyð-
arlögum í gær til að binda enda á
verkfall starfsmanna í olíuiðnaðin-
um. Verkfallið hefði að öðrum kosti
stöðvað alla olíuvinnslu frá mið-
nætti síðastliðnu.