Dagblaðið Vísir - DV - 23.03.2002, Blaðsíða 6

6
LAUGARDAGUR 23. MARS 2002
Fréttir
JÖ'V’
Össur talar æ skýrar fyrir aðild að Evrópusambandinu:
Framsókn þverklofin
- að mati Vinstri grænna - Guðni gegn en Halldór og Valgerður áfram
Össur Skarphéðinsson, formaður
Samfylkingarinnar, talaði mjög fyr-
ir aðild að ESB í utandagskrárum-
ræðum á þingi í gær og sagðist sam-
mála utanríkisráðherra og iðnaðar-
ráðherra um að Evrópumálin væru
eitt mikilvægasta mál samtímans.
Hann sagði komið að þeim tíma-
punkti að íslendingar stæðu frammi
fyrir ákvörðun um hvort við ætluð-
um að dragast aftur úr hinum Evr-
ópuþjóðunum eöa skoða aðild að
ESB. EES-samningurinn hefði veðr-
ast mjög og EFTA, undir stjórn
Norðmanna, hefði engar tillögur um
framhaldið.
Halldór Ásgrímsson utanríkisráð-
herra (B) ítrekaði að aðildarviöræð-
ur að ESB væru ekki á stefnuskrá
núverandi ríkisstjómar og þar af
leiðandi væru menn ekki að undir-
búa umsókn. Þaö lægi fyrir að ESB
Halldór Össur
Ásgrímsson. Skarphéólnsson.
væri ekki tilbúið að fara I lausnir
gegn EFTA-þjóðunum fyrr en að
lokinni stækkun og einnig væri
ljóst að Norðmenn hefðu ekki talið
rétt að angra framkvæmdastjórn
ESB of mikið með því. Mikilvægt
væri að verja stöðu okkar og halda
áfram viðleitni til að fá aðgang að
mikilvægum nefndum til að geta
haft áhrif á löggjöf. Þá væri mikil-
vægt að fá áfram
tollfrjálsan að-
gangi að verð-
andi ESB-lönd-
um.
Ögmundur
Jónasson (VG)
gerði harða hríð
að Halldóri og
sagði að Fram-
sóknarflokkur-
inn væri augljós-
lega þverklofinn í afstöðu til ESB.
Halldór og Valgerður Sverrisdóttir
iðnaðarráðherra væru áfram um
málið og jafnvel upptöku evru en
varaformaður fiokksins og landbún-
aðarráðherra, Guðni Ágústsson,
gæfi lítið fyrir slikt tal. Málið væri
það að formaður Framsóknarflokks-
ins væri jafnframt utanríkisráð-
herra íslendinga og þess vegna væri
vandi hans jafnframt vandi íslensku
þjóðarinnar. Halldór yrði að ganga
hreint til verka. íslendingar yrðu að
sýna samstöðu með þeim þjóðum
sem nú væru bundnar af EES-samn-
ingnum.
Sverrir Hermannsson (F) sagðist
telja að til þess að íslendingar gætu
fengið réttar upplýsingar um kosti
og galla ESB virtist sem þjóðin yrði
fyrst að ganga í sambandið. Algjör
óvissa væri um sjávarútvegsmál og
á meðan ekkert væri fast í hendi
kæmi ekki til greina að sækja um
aðild.
Þórunn Sveinbjarnardóttir sagði
að þjóðin hefði kveðið upp sinn
dóm. Umræðunni væri ekki lokið
þótt Davíð Oddsson væri gegn mál-
inu og vísaði Þórunn þar til skoð-
anakönnunar Samtaka iðnaðarins.
-BÞ
Ögmundur
Jónasson.
Guðjón Þórðarson, framkvæmdastjóri Stoke City, í einkaviðtali við DV:
Þurfum ekki á
skítkasti að halda
„Ég hef sjaldan eða aldrei verið jafn-
rólegur og þegar ég átti þetta samtal
við þá. Þetta er úr lausu lofti gripið og
vægast sagt mjög ýkt,“ sagði Guðjón
Þórðarson, framkvæmdastjóri enska 2.
deildar liðsins Stoke City, í samtali við
DV í gær. Tilefhið er samtal Guöjóns
við Alex Martin, íþróttaritstjóra stað-
arblaðsins í Stoke, The Sentinel. í DV
á fimmtudag er haft eftir ritstjóranum
að Guðjón hafi ausið svívirðingum yf-
ir hann og Martin Spinks blaðamann.
Guðjón er afar ósáttur við skrif
Sentinel og hefur sett sjálfan sig, leik-
menn og starfsmenn félagsins í
fréttabann við blaðið.
Hvernig voru samskiptin á áð-
umefndum fundi?
„Ég boðaði Martin Spinks og Alex
Martin til mín og ætlaði að ræða við
þá um samskipti við blaðið sem ég tel
að hafi verið löngu tímabært að gera.
Ég rakti fyrir þá atriði sem eru búin
að ganga allt tímabilið, alveg frá því í
byrjun tímabils þegar ég íhugaði mjög
alvarlega að leyfa Martin Spinks ekki
að koma með i æfmgaferð til Austur-
ríkis en hann fylgir venjulega Stoke.
En vegna fagurra fyrirheita um gott
samstarf á væntanlegri leiktíð lét ég til
leiðast og tók hann með. En það hafði
Valtýr Björn Valtýsson
blaöamaöur
ekkert að segja. Við höfum fengið mjög
neikvæða umfjöllun í Sentinel í allan
vetur. Heimamenn kalla blaðið orðið
Sentivale í höfúðið á hinu liðinu í
borginni, Port Vale. Ég benti honum á
atriði eins og þegar við vorum að fram-
lengja samninginn við okkar helsta
markaskorara. Þá náðum við bara
smábroti af baksíðunni en aðalumfjöll-
unin var um hvort Brian Horton
(framkvæmdastjóri Port Vale) ætti að
spila ungum leikmanni í næsta leik.
Ánnað dæmi er þegar leikurinn
Stoke-Brighton var sýndur beint
heima á íslandi. Þetta var mjög mikil-
vægur leikur í toppbaráttunni. Þá sá
blaðið sér ekki fært að nefna það neitt
sérstaklega. Þennan föstudag var ekki
nefndur þessi stórleikur á Britannia og
sama var upp á teningnum þegar við
spiluðum við Everton. Svona hefur
þetta gengið."
Neikvæð lesendabréf
Var það þetta sem fyllti mælinn
eða eitthvað annað?
„Það kemur að því að nóg er nóg.
Það hafa verið greinar í blaðinu, les-
endabréf, sem eru mjög neikvæð í garð
okkar Islendinganna. Við höfum feng-
ið að heyra það óþvegið. Ég hafði heyrt
þvi fleygt að hörðustu stuðningsmenn
Port Vale hefðu sent neikvæð bréf inn
til Sentinel um okkur íslendingana.
Þeir hafa verið ósparir á að birta þessi
bréf.
Hafa þessi skrif í Sentinel haft
truflandi áhrif á störf þín?
„Þau hafa ekki haft truflandi áhrif á
störf mín. Ég læt þetta sem vind um
eyrun þjóta. Þetta er hins vegar mjög
hvimleitt og virkar neikvætt út á við.
Fólk les blöðin og þegar alltaf er verið
að fjalla um hlutina á neikvæðan hátt
þá skapast með tímanum neikvætt
andrúmsloft út á við.“
Ertu með alla leikmenn og að-
standendur Stoke í fréttabanni við
Sentinei?
„Bannið á við alla starfsmenn og
það standa allir með mér í þvi. Ekki
síst vegna þess að margir hafa slæma
reynslu af samskiptum sinum við blað-
ið. Martin Spinks blaðamaður hefúr
sagt við mig margoft að hann skrifi
ákveðnar greinar og ætli að birta þær
eins og þær standi en yfirmaður hans
breytir þá greinunum. Þannig að
heildarmyndin af mörgum viðtölum
sem tekin hafa verið við leikmenn er
úr samhengi. Margir hafa verið mjög
óánægðir með framsetninguna á þeim
og hún hefur oft snúist upp í and-
hverfu sína. í verstu tilfellunum hafa
leikmenn þurft að koma til mín og
biðjast afsökunar á viðtalinu. Þetta
hafi ekki verið sama viðtalið og tekið
var við þá.“
Þakkarbréf frá
Ijósvakamiðlum
Ertu í fjölmiðlastríði?
„Nei, hér er ekkert stríð. Ég hef
hins vegar þann rétt að hafa samskipti
við þá fjölmiðla og það fólk sem ég
kæri mig um og hef traust á. Það er í
þessu eins og öllu öðru að þú þarft að
geta unnið upp traust og öryggi til að
vinna með fjölmiðlum. Það er mjög
mikilvægt fyrir mig að geta unnið með
fjölmiðlum. Ég á mjög gott samstarf
viö útvarpsstöðvamar hér og einnig
sjónvarpsstöðvamar, ITV, BBC og
SKY. Ég á tft dæmis ennþá bréf sem ég
fékk í lok síðustu leiktíðar þar sem
ITV, BBC og SKY þakka mér fyrir
ánægjulegt samstarf á síðustu leiktíð
og óska mér velfamaðar á þeirri
næstu.“
Heimild til aö sekta
Það kemur fram í DV á fimmtu-
dag að þú hafir hótað leikmönnum
Stoke sektum ef þeir töluðu við
Sentinel. Er eitthvað til í þessu?
„Ég hef ekki hótað einum eða nein-
um sektum. Ég hef óskað eftir því við
leikmenn að þeir tali ekki við blaðið.
Hins vegar er það þannig að vettvang-
ur minn sem slíkur er mjög sterkur. Ef
ég tel að leikmenn fylgi ekki þeim
reglum sem ég set hef ég heimild til að
sekta. Ég get sektað vegna agabrota,
ummæla og fleiri atriða. Það er mjög
fátítt að ég sekti, það heyrir nánast til
undantekninga. í þeim tilfellum hef ég
alltaf leitað til PFA (Professional Foot-
ball Association) áður. Á Englandi er
réttur framkvæmdastjóra mjög sterk-
ur ef hann telur að einhver geri þvert
á það sem hann leggur fyrir."
Alex Martin og Martin Spinks
tala um að þú dragir fagmennsku
þeirra sem blaðamanna í efa?
„Ég ítreka það sem ég sagði áðan.
Martin Spinks hefúr sagt mér að grein-
um sem hann hefur ætlað að birta hef-
ur verið breytt af Alex Martin. Það eru
staðreyndir. Mitt markmið með því að
fá þessa menn á fund var að fá málin
lagfærð. En þegar Alex Martin spurði
með látum hvort ég ætlaði að fara að
kenna honum að reka blað, hvort ég
ætlaði að fara að stjóma því hvað
hann prentaði og hvað ekki, þá sá ég
að það var enginn grundvöllur til
frekari viðræðna á faglegum forsend-
um. Ég þakkaði honum fyrir þann
tima sem hann gaf sér i þetta samtal
við mig. Sagði honum að hann skyldi
ekki hafa áhyggjur af því að þurfa að
eyða meiri tíma í umfjöllun eða leitast
eftir einhverju samstarfi við Stoke. Ég
sagðist mundu loka á allt samstarf við
Sentinel."
Finnst Guöjón kjarkaður
Ætlar þú að halda þessu banni út
leiktíðina?
„Ég held þessu út eins lengi og þurfa
þykir. Ég mun ekki breyta þessari af-
stöðu minni fyrr en ég sé einhverjar
faglegar forsendur til þess að breyta
því. Fótboltaleikir vinnast ekki á blað-
síðum Sentinel, heldur á völlum Eng-
lands. Við þurfúm ekki á skítkasti frá
staðarblaðinu að halda. Það er fullt af
fólki sem hefur haft samband við
okkur og lýst fyrir stuðningi sínum.
Síðast í gær kom til mín gamall maður
hér niðri í anddyri vallarins. Hann
vildi einfaldlega þakka mér fyrir þann
kjark og það hugrekki sem ég sýndi
með því að bjóða Sentinel byrginn. Það
hafi margir fyrirrennarar mínir viljað
gera en ekki þorað. Við spilum við
Chesterfield á morgun (í dag) og þar er
reiknað með 15-20.000 manns. Það er
mikill stuðningur," sagði Guðjón
BS! r-r-í •—‘ ■
REYKJAVIK AKUREYRI
Sólarlag í kvöld 19.52 19.37
Sólarupprás á morgun 07.15 07.02
Siödegisflóö 13.32 18.05
Árdegisflóö á morgun 02.18 06.51
| Veöriö í kvöld
Stormur fyrri partinn
18-23 m/s en lægir talsvert
síðdegis. Austan 10-18 og rigning
norðan tii. Hiti 1 til 10 stig en víða
næturfrost norðanlands.
Veðrið á
■MMpK
SAiMigyj.
Hægari fyrir noröan
Austan 8-13 og rigning austan til en
úrkomulítiö vestan til. SV 5-10 með
skúrum sunnan- og vestanlands
síðdegis en hægari og úrkomulítið
annars staðar. Hiti 2 til 7 stig.
Mánudagur Þriðjudagur Miðvikudagur
Híti 0“ o Hiti 0° o Hiti 2»
«14° til 3° til 5°
Vindun 8-13 Vlndur: 10-18 "V* Vindur: 8-15 o'/s
«- *
Vestlæg átt, &-13 og víöa slyddu- eöa snjöél. Htti um ogyfir frostmarki. Gengur í hvassa austanátt meö rignlngu eöa slyddu en síöan hægari suövestlæg átt og víöa él. Hiti breytist lítiö. Suöaustan- og sunnanátt og rígnlng sunnan- og vestanlands, en skýjaö og úrkomufítiö noröaustan til. Fremur milt veöur.
Vindhraöi
m/s
Logn 0-0,2
Andvari 0,3-1,5
Kul 1,6-3,3
Gola 3,4-5,4
Stinningsgola 5,5-7,9
Kaldi 8,0-10,7
Stinningskaldi 10,8-13,8
Allhvasst 13,9-17,1
Hvassviöri 17,2-20,7
Stormur 20,8-24,4
Rok 24,5-28,4
Ofsaveöur 28,5-32,6
Fárviöri >= 32,7
KHi>
AKUREYRI léttskýjaö 2
BERGSSTAÐIR léttskýjað 2
BOLUNGARVÍK skýjaö 1
EGILSSTAÐIR léttskýjað 4
KIRKJUBÆJARKL. skúr 5
KEFLAVÍK rigning 5
RAUFARHÖFN heiðskirt 4
REYKJAVÍK skúr 5
STÓRHÖFÐI úrkoma 6
BERGEN léttskýjað 4
HELSINKI rigning 2
KAUPMANNAHÖFN léttskýjaö 5
ÓSLÓ léttskýjaö 7
STOKKHÓLMUR 2
ÞÓRSHÖFN léttskýjað 5
ÞRÁNDHEIMUR skýjað 3
ALGARVE heiöskírt 27
AMSTERDAM skýjað 8
BARCELONA léttskýjaö 17
BERLÍN skýjaö 6
CHICAGO hálfskýjaö -10
DUBLIN skýjaö 13
HALIFAX alskýjað 1
FRANKFURT skýjaö 11
HAMBORG skúr 5
JAN MAYEN alskýjað -2
LONDON skýjað 14
LÚXEMBORG skúr 9
MALLORCA léttskýjað 23
MONTREAL heiösktrt -15
NARSSARSSUAQ heiöskírt -9
NEW YORK hálfskýjaö -5
ORLANDO skýjaö 18
PARÍS alskýjaö 13
VÍN skúr 10
WASHINGTON alskýjaö -5
WINNIPEG heiöskírt -15