Dagblaðið Vísir - DV - 21.09.2002, Blaðsíða 12
12
LAUGARDAGUR 21. SEPTEMBER 2002
Helgarblað
I)V
Jemeninn Ramzi Binalshibh var háttsettur liðsmaður al-Qaeda::
Trúræknin vakti
athygli nágranna
Toppmaöur í al-Qaeda
Jemeninn Ramzi Binalshibh er feitasti bitinn sem Bandaríkjamenn hafa kom-
ist yfir í baráttunni viö al-Qaeda hryöjuverkasamtökin. Binalshibh var hand-
tekinn eftir skotbardaga í Pakistan fyrir rúmri viku.
Liðsmenn al-Qaeda eiga ekki sjö
dagana sæla um þessar mundir.
„Við eltum morðingjana uppi,
einn af öðrum. Við eirum engum,
við erum sterkir og við ætlum okk-
ur ekki að láta staðar numið.“
George W. Bush Bandaríkjafor-
seti var ómyrkur í máli á sveitasetri
sínu í Camp David um síðustu helgi
þegar hann lagði áherslu á þá stað-
festu bandarískra stjómvalda að
ganga milli bols og höfuðs á hryðju-
verkasamtökunum sem stóðu fyrir
árásunum á World Trade Center og
Pentagon fyrir einu ári.
Á lista eftirlýstra
Svo virðist sem barátta Bush og
manna hans við ófreskjuna marg-
höfða sé farin að bera árangur.
Bandaríkjamenn komust heldur bet-
ur í feitt á dögunum þegar öryggis-
sveitir í Pakistan gerðu áhlaup á
dvalarstað al-Qaeda liða í borginni
Karachi, felldu nokkra og handtóku
aðra. Meðai hinna handteknu var
Jemeninn Ramzi Binalshibh, einn
helsti skipuleggjandi hryðjuverka-
árásanna í fyrra og sem var búinn
að vera lengi á lista yfir eftirlýsta
menn sem bandarísk yfirvöld vildu
óim setja 1 bönd.
Lögreglan í New York-ríki hefur
heldur ekki setið auðum höndum.
Hún handtók sex bandaríska borg-
ara af jemenskum uppruna í
stálframleiöslubænum Lacka-
wanna, skammt frá borginni
Buffalo, fyrir viku. Mennimir hafa
allir verið ákærðir fyrir að veita al-
Qaeda margvíslegan stuðning í
verki. Alrikislögreglan FBI segir þó
að hún búi ekki yfir neinum upplýs-
ingum um að mennirnir hafi verið
að undirbúa árás í Bandaríkjunum.
Þá hafa tugir manna verið hand-
teknir í sunnanverðri Asíu, grunað-
ir um tengsl við al-Qaeda.
„Við skulum segja að hreyfmg sé
á hlutunum," sagöi starfsmaður
leyniþjónustunnar í viðtali við
bandaríska dagblaðið Christian Sci-
ence Monitor.
Ánægöir með árangurinn
Handtaka Binalshibhs og Jemen-
anna sex i Lackawanna þykir mik-
ilsverður áfangi í baráttu laganna
varöa við hryðjuverkamenn. Sér-
staklega eru menn þó ánægðir með
að hafa gómað Binalshibh, sem stát-
aði af því í viðtali við arabísku
gervihnattarsjónvarpsstööina al-
Jazeera um daginn að hafa tekið
þátt í að skipuleggja hryðjuverka-
árásirnar í fyrra. Hann gæti veitt
mikilsverðar upplýsingar um aðra
þátttakendur í samsærinu og hvar
þeir halda til, svo og um stuðnings-
hópa al-Qaeda í Bandaríkjunum.
Bandarískum yfirvöldum þykir
handtaka Binalshibhs vera kennsiu-
bókardæmi um hvernig leyniþjón-
ustur víða um heim eigi að vinna
með þeirri bandarísku.
Úr gróðrarstíunni
Ramzi Binalshibh, sem er fæddur
á baráttudegi verkalýðsins, 1. maí,
árið 1972, var á hraðri uppleið inn-
an al-Qaeda hryðjuverkasamtaka
Osama bin Ladens þegar hann var
handsamaður. Hann hefur meira aö
segja verið kallaður „hinn nýi bin
Laden“, ættaður frá Hadramawt-
héraði í austanverðu Jemen þar
sem er gróðrarstía fyrir harðlínu-
múslíma. Bin Laden sjálfur er ætt-
aður af þessum slóðum.
Binalshibh kom með skipi tO
Hamborgar í Þýskalandi árið 1995
og óskaði þar eftir hæli sem póli-
tískur flóttamaður. Hann sagðist
vera frá Súdan þar sem hann hefði
verið fangelsaður í kjölfar mót-
mælaaðgerða námsmanna í höfuð-
borginni Khartoum. Þýsk yfirvöld
tóku sögu hans ekki trúanlega en
þegar kom að því í desember 1997 að
skipun var gefm um að reka hann
úr landi hafði honum á óútskýrðan
hátt tekist að útvega sér vegabréfsá-
ritun sem námsmaður. Áður en
Binalshibh hélt til Þýskalands hafði
hann starfað í nokkur ár í alþjóð-
lega bankanum í Jemen sem
óbreyttur bankamaður.
fGuölaugur
Bergmundsson
blaöamaöur
Erlent fréttaljós
Binalshibh innritaði sig í þýsku-
tíma í Hamborgarháskóla og lýsti
því jafnframt yfir að hann ætlaði
síðar meir að leggja stund á nám í
hagfræði. Þýskukunnátta hans þótti
aldrei mikil og ólíkt öðrum í al-Qa-
eda sellunni í Hamborg stundaði
hann aldrei raunverulegt nám í
Þýskalandi.
Flutti inn til Atta
Fljótlega eftir komuna tii Ham-
borgar fór Binalshibh að umgangast
harðlínumenn úr röðum múslíma,
þar sem moskan al-Quds, sem er
arabíska nafnið á Jerúsalem, var
miðpunkturinn. Þá sótti hann bóka-
búð ekki langt þar frá þar sem of-
beldisfull barátturit og myndbands-
upptökur um jihad, eða heilagt stríð
múslíma, voru seld baka til.
Binalshibh komst í kynni við Mo-
hammed Atta, foringja hryðjuverka-
mannanna sem réðust á Bandaríkin
í fyrra, í moskunni í Hamborg árið
1997. Árið eftir flutti Binalshibh inn
í þriggja herbergja íbúð sem Atta
deildi með félaga sínum, Saíd Ba-
haji, skammt frá háskólanum þar
sem Atta stundaði nám. Binalshibh
bjó í íbúðinni fram undir lok 1999.
Jemeninn ungi var nágrönnum
sínum við Marienstrasse ekki mjög
eftirminnilegur. Þeir veittu því þó
athygli að hann var mjög trúrækinn
og sótti moskuna af kappi. Á mynd-
bandsupptöku úr brúðkaupi Saíds
Bahajis í október 1999 má sjá
Binalshibh hrópa að múslímar
verði að „frelsa sig frá gyðingum"
og síðan tók hann að kyrja söngva
um hið heilaga stríð. Skömmu síðar
hélt hann til Afganistans þar sem
hann dvaldi í nokkra mánuði í þjálf-
unarbúðum al-Qaeda. Með í för
voru Atta og aðrir félagar þeirra.
Lagt á ráðin í Malasíu
„Þegar þeir voru komnir til
Afganistans og höfðu hlotið þar
þjáifun mátu menn þar það svo að
þeim væri treystandi," sagði banda-
rískur leyniþjónustumaður í viðtali
við bandaríska dagblaðið Was-
hington Post í sumar.
í janúar árið 2000 tók Binalshibh
þátt í mikilvægum fundi í Kuala
Lumpur í Malasíu með Mohammed
Atta og fleiri háttsettum liðsmönn-
um al-Qaeda. Þar var árangurinn af
sprengjutilræðunum við sendiráð
Bandaríkjanna í Tansaníu og Kenýa
árið 1998 metinn. Þá var einnig
lagður grunnurinn að frekari að-
gerðum, þar á meðal árásunum 11.
september 2001 og sjálfs-
morðsárásinni á bandaríska her-
skipið Cole í höfninni í Aden í
Jemen í október árið 2000. Sautján
bandarískir sjóliðar týndu lífi í
þeirri árás.
Vildi læra að fljúga
Eftir fundinn í Malasíu ákvað
Binalshibh að taka beinan þátt í fyr-
irhuguðum árásum á Bandaríkin
sem flugmaður. í því skyni sótti
hann í fjórgang um vegabréfsáritun
til að komast til Bandaríkjanna þar
sem hann ætlaði að læra að fljúga.
Honum var hins vegar synjað um
áritin í öll skiptin.
„Það var eiginlega bara fyrir
heppni að hann fékk ekki áritun.
Annars hefði hann verið um borð í
einni flugvélanna sem fórust," sagöi
bandarískur embættismaður við
Washington Post.
Hryðjuverkamennirnir rændu,
eins og mönnum er í fersku minni,
fjórum flugvélum. Tveimur var flog-
ið á World Trade Center, einni á
landvarnaráðuneytið í Pentagon en
sú fjórða hrapaði til jarðar í Penn-
sylvaníu, eftir átök um borð milli
flugræningja og farþega. Binalshibh
sagði í áðurnefndu viðtali við al-
Jazeera að fljúga hefði átt þeirri vél
á þinghúsið í Washington en ekki á
Hvíta húsið eins og talið var.
Þar sem Binalshibh komst ekki
til Bandaríkjanna, eins og hann ætl-
aði sér, átti hann ekki annarra
kosta völ en að dvelja áfram í
Þýskalandi. Þar tók hann áfram
virkan þátt í undirbúningi
árásanna miklu „þriðjudaginn
helga“, eins og hann hefur kallað 11.
september 2001.
Fundahöld á Spáni
í júlí 2001 flaug Binalshibh til
Spánar til að hnýta lausa enda á
undirbúningnum fyrir árásirnar
eftir nokkrar vikur. Hann hitti Mo-
hammed Atta í strandbænum
Cambrils. Með þeim var þriðji mað-
urinn sem ekki er vitað hver var.
Eftir nokkurra daga dvöl á Spáni
keypti Atta sér far til Flórída þann
19. júlí. Binalshibh flaug aftur á
móti heim til Hamborgar 16. júlí. í
sama mánuði sendi hann fjórtán
þúsund dollara til franska Marokk-
ómannsins Zacariasar Moussaouis
sem var í Bandaríkjunum. Moussa-
oui átti að verða tuttugasti flugræn-
inginn, í stað Binalshibhs, en var
handtekinn áður en til kom.
Lögreglan segir að Binalshibh
hafi flúið frá Þýskaiandi 5. septem-
ber og haldið til Afganistans eftir
krókaleiðum, meðal annars um
Spán og Pakistan.
Ekkert spurðist svo til Binalshi-
bhs fyrr en í skotbardaganum í
Karachi í Pakistan fyrir rúmri viku.
Þessa dagana er hann í haldi Banda-
ríkjamanna á óþekktum stað, hugs-
anlega á herstöð þeirra í Afganist-
an, þar sem verið er að rekja úr
honum garnirnar.
Byggt á efni frá Christian Sci-
ence Monitor, Libération, Was-
hington Post, Le Monde og BBC.
Erlendar fréttir vikunn.
Arafat í herkví á ný
Israelskir skrið-
drekar umkringdu
á fimmtudag höf-
uðstöðvar Yassers
Arafats, forseta
Palestínumanna, í
Ramallah og tóku
til við að eyði-
leggja hús í bæn-
um. Umsátrið var svar ísraela við
sjálfsmorðsárás í strætisvagni í Tel
Aviv sama dag þar sem fimm
manns týndu lífi og tugir slösuðust.
Daginn áður hafði palestínskur
sjálfsmorðsliði sprengt sjálfan sig
og ísraelskan lögregluþjón í norðan-
verðu Israel, í fyrstu sjálfs-
morðsárásinni í sex vikur. ísraelsk
stjómvöld telja að Arafat aðhafist
ekki nóg til að koma i veg fyrir
sjálfsmorðsárásir harðlínumanna
og töldu því rétt að sýna honum
hvar Davið keypti ölið.
Bush vill fá veiðileyfi
George W. Bush Bandaríkjafor-
seti gengur nú mjög hart fram í því
að fá leyfi Bandaríkjaþings til að
ráðast á írak og koma Saddam
Hussein forseta frá
völdum. Þingmenn
vilja að forsetinn
hafi samráð við aðr-
ar þjóðir. Saddam
tilkynnti í vikunni
að vopnaeftirlits-
menn Sameinuðu
þjóðanna fengju að
koma aftur til landsins tO að ganga
úr skugga um hvort þar leynist gjör-
eyðingarvopn, eins og Bandaríkja-
menn staðhæfa. Stjórnvöld í Was-
hington gerðu lítið úr tilboði Sadd-
ams og sögðu það aðeins kænsku-
bragð af hans hálfu. Aðrir hafa
fagnað þvi.
Ekki marktækur munur
Þjóðverjar ganga að kjörborðinu
á sunnudag til að velja sér nýjan
kanslara. Baráttan stendur milli
Gerhards Schröders, fráfarandi
kanslara jafnaðarmanna, og Ed-
munds Stoibers, frambjóðanda
íhaldsflokkanna. Skoðanakannanir
benda til að mjög mjótt verði á mun-
unum. Schröder hefur heldur sótt í
sig veðrið upp á síðkastið, eftir að
hafa verið lengi undir. Vinsældir
hans hafa aukist vegna skýrrar and-
stöðu hans við fyrirhugaðar árásir
Bandaríkjamanna á írak og vegna
vasklegrar framgöngu í flóðunum
miklu fyrir nokkrum vikum.
Grannar deila
Ráðamenn í Rússlandi og Georgíu
hafa í vikunni deilt hart hverjir á
aðra vegna tsjetsjenskra uppreisn-
armanna sem halda tO í afskekktu
fjaOagljúfri í Georgíu. Eduard
Shevardnadze, forseti Georgíu, er
undir miklum þrýstingi af hálfu
Vladimírs Pútíns Rússlandsforseta
um að taka ærlegta tO hendinni og
hreinsa gljúfrið af óværunni.
Virkir hryðjuverkamenn
Paul Wolfowitz, aðstoðarland-
varnaráðherra Bandaríkjanna, sagði
í vikunni að stjórnvöld vestra hefðu
vitneskju um virka hryðjuverka-
menn í Arabíuskaga-
ríkinu Jemen og í
Kákasuslandinu Ge-
orgíu. Wolfowitz
sagði í málflutningi
sínum fyrir banda-
rískri þingnefnd að
hryðjuverkamenn í
væru að skipuleggja
Olvirki. Annars hljóp heldur betur á
snærið hjá Bandaríkjamönnum á
dögunum þegar pakistanskar örygg-
issveitir handsömuðu háttsettan
liðsmenn al-Qaeda og afhentu banda-
rískum yflrvöldum, eins og sjá má í
grein hér á síðunni.
Kim Jong-il gerir játningu
Kim Jong-O, leiðtogi Norður-
Kóreu, viðurkenndi fyrir Junichiro
Koizumi, forsætisráðherra Japans,
að Norður-Kóreumenn hefðu rænt
tólf japönskum borgurum á áttunda
og níunda áratug síðustu aldar. Jap-
anarnir áttu að kenna norður-
kóreskum njósnurum japönsku.
Átta hinna brottnumdu eru látnir.
REUTERSMYND
Leiddur á brott
Pakistanskar öryggissveitir leiöa liösmann al-Qaeda á brott eftir skotbar-
daga í Karachi fyrír rúmri viku. Bardaginn þótti ákaflega haröur.
þessu löndum