Dagblaðið Vísir - DV - 21.09.2002, Blaðsíða 47

LAUGARDAGUR 21. SEPTEM BER 2002
/ / e / C) a rb la c) 3Z>V
5 I
"Xl.
Myrti ókunna konu í
stundarbrj álæði
I september 1988 hittust
tvær ungar manneskjur
fyrir utan skemmtistað í
Ármúla. Þau ákváðu að
deila leigubíl í Kópavog og
konan bauð manninum upp
á brauðsneið á heimili sínu
en þau þekktust ekkert~
Fundum þeirra lauk með
morði.
Sum sakamál eru þess eðlis að fólk á erfiðara
með að skilja þau en önnur. Sérstakan ugg vekur
það í brjóstum fólks þegar hrottafengnir glæpir
eru framdir án sýnilegrar eða skiljanlegrar
ástæðu. Fátt finnst íbúum friðsamra samfélaga
meira uggvekjandi en þegar einhver ræðst að fólki
sem er honum nær ókunnugt og vinnur því mein.
Slíkur skuggalegur atburður gerðist einmitt í
Kópavogi í septemberbyrjun árið 1988 þegar ungur
maður, rétt rúmlega tvítugur, réðst að konu á lík-
um aldri sem hann hafði fylgt heim af skemmti-
stað fyrr um kvöldið og vann henni bana án þess
að nokkur haldbær ástæða væri fyrir því. Virðist
sem sturlun eða æði hafi runnið á manninn sem
þó átti enga forsögu um geðræn veikindi né óreglu
af því tagi sem oft nær að trufla dómgreind
manna.
Að bóna flugvél
Það sem gerðist var að í byrjun september þetta
haust fór morðinginn ásamt vinum sínum og fé-
lögum út á Reykjavíkurflugvöll á föstudagskvöldi
þar sem þeir félagar fengust við að bóna flugvél
sem þeir áttu í félagi. Við þessa iðju drukku þeir
talsvert magn af bjór sem þá var nokkurt nýnæmi
en á þessum tíma var enn ólöglegt að flytja sterk-
an bjór inn í landið. Þeir bónuðu fram til miðnætt-
is en fóru þá heim og höfðu fataskipti og héldu á
vit næturlífsins. Eftir viðkomu á vinsælum stöð-
um í miðbæ Reykjavíkur eins og Gauki á Stöng,
Fógetanum og Hótel Borg lá leið þeirra félaga á
Hótel ísland við Ármúla. Morðinginn yfirgaf þann
skemmtistað um klukkan þrjú um nóttina og gekk
áleiðis að skemmtistaðnum Hollywood sem þá var
enn starfræktur við Ármúla. Fyrir utan
Hollywood hitti hann tvær konur sem hann þekkti
ekki og varð að samkomulagi að þau tækju saman
leigubíl sem hann bauðst til þess að borga.
Þau létu leigubílinn aka sér að heimili annarrar
konunnar í Kópavogi og þar yfirgaf vinkona henn-
ar þau en karlmaðurinn og konan urðu eftir í íbúð
konunnar. Hún eldaði eggjabrauð handa gesti sín-
um og einhverjar samræður munu hafa átt sér
stað og bróðir hennar leit inn en konan bjó i inn-
réttuðum bílskúr sem var áfastur við heimili fjöl-
skyldu hennar.
Rann á hann æði
Þegar þau höfðu snætt eggjabrauðið lögðust þau
í rúm konunnar og hún fór að mestu úr fötunum
og þau höfðu samfarir sem var ekki lokið þegar
konan ýtti manninum frá sér og vildi hætta svo
nánum samskiptum. Við þessa höfnun rann
skyndilega sturlun eða æði á manninn. Réðst
hann að konunni og tók um háls hennar aftan frá
og reyndi að kyrkja hana og missti hún fljótlega
meðvitund. Karlmaðurinn barði hana með kreppt-
um hnefa í andlitið en náði síðan í hníf sem hann
fann í eldhúsinu og stakk hana þrisvar í hjarta-
stað og gekk hnífurinn á hol við þriðju stunguna.
Maðurinn gerði sér nú ljóst hvað hann hafði
framið alvarlegan verknað og reyndi kjökrandi að
f kyrrlátu úthverfi í austurbæ Kópavogs myrti ungur maður í september 1988 konu sem hann þekkti ekkert.
vinna sjálfum sér meirt fyrst með því að skera sig
á úlnliðinn án þess að hitta á slagæð en síðan
reyndi hann að hengja sig í sturtuhengi með raf-
magnssnúru sem hann fann en það bar ekki árang-
ur.
Maðurinn klæddi sig og þvoði sér og yfirgaf
staðinn og gekk út að miðbæ Kópavogs þar sem
hann stöðvaði leigubíl og lét hann aka sér út á
Reykjavíkurflugvöll. Þar ráfaði hann um í hálf-
gerðu sinnuleysi um hríð en varð æ betur ljóst
hvernig komið var fyrir honum. í morgunsárið tók
hann síðan aftur leigubíl frá afgreiðslu Flugleiða
og lét aka sér á fund lögreglunnar í Kópavogi þar
sem hann skýrði henni frá atvikum.
Þegar lögreglan kom á staðinn lá konan í rúmi
sinu og var sæng breidd yfir höfuð henni. Hún var
látin en enn heit viðkomu. Rétt við hlið rúmsins
var barnarúm og þar lá sofandi barn, sjö ára son-
ur hinnar látnu. í krufningarskýrslum segir um
banamein:
„Konan lést af völdum innri blæðingar sem hún
hlaut af stungusárinu sem gekk í gegnum hægra
forhólf hjartans. Hún var með áverkamerki á hálsi
sem gætu stafað af því að eggjárni hafi verið
brugðið fjórum sinnum grunnt yfir framanverðan
háls hennar eða einhver hvass hlutur rispað hör-
undið.“
Hvers vegna?
Segja má að rannsókn máls þessa hafi ekki ver-
ið sérlega flókin þar sem fyrir lá játning morðingj-
ans, lýsing á atvikum og framburður vitna sem
studdu sögu hans í öllum atriðum fyrir utan það
sem gerðist eftir að morðinginn og fórnarlambið
voru orðin tvö ein.
Vinkona konunnar sem varð þeim samferða
heim í leigubílnum taldi að konan hefði talað um
að vaka ekki lengi þar sem fyrir dyrum stæði af-
mæli sonar hennar. Hún taldi hvorugt þeirra hafa
verið áberandi ölvað þegar hún skildi við þau og
henni fannst morðinginn bjóða af sér góðan
þokka. Hún sá þau ekki sýna hvort öðru blíðuhót
af neinu tagi þann tíma sem hún staldraði við
áður en hún hélt til síns heima.
Töluverð vinna var lögð í að rannsaka geðheil-
brigði morðingjans með tilliti til sakhæfis hans.
Það varð niðurstaða geðlækna og sálfræðings að
hann hefði „i verknaðarandránni verið haldinn
slíkum hugaræsingi og dómgreindarskerðingu að
um psycotiskt ástand hafi verið að ræða sem fram-
kallast hafi skyndilega í tengslum við áður raktar
kringumstæður og atburðarás samfara eiturverk-
unum áfengisins. Hann gerir sér óskýra grein fyr-
ir atburðarásinni og er sjálfur bæði óttasleginn og
mjög undrandi á því hvernig hún þróaðist og kann
engar viðhlítandi skýringar á því.“
Morðinginn átti mjög gott samstarf við þá sem
rannsökuðu hann og prófin leiddu i ljós að hann
væri talsvert meira en meðalgreindur, heflaður í
framkomu og byði af sér góðan þokka og fram að
þessum atburði hafði félagsleg aðlögun hans verið
hnökralítil og hann hafði aldrei komist i kast við
lögin áður.
í umsögn sálfræðings er honum svo lýst:
„í reynd er hann sjálfsgagnrýninn og viðkvæm-
ur og finnst gjarnan að að sér sé vegið. Hann hef-
ur líka sterka réttlætiskennd gagnvart sér og öðr-
um. Hann hefur sterka kynhvöt og þörf fyrir að
blandast inn í eitthvað sem er spennandi en nokk-
urrar truflunar gætir í samskiptamunstri við
aðra. Hann er nokkuð í eigin hugarheimi og skynj-
ar oft hluta í stað heildar, t.d. hluta af manneskju
í stað allrar persónunnar. Tilfinningar eru ekki
nægilega vel rótfestar sem gerir að verkum að
hömlur geta verið veikar. I stuttu máli má segja að
hann hafi svokölluð „borderline" persónuleikaein-
kenni sem við óheppilegar kringumstæður geta
þróast út í tímabundna „micropsykosu" þar sem
eðlileg raunveruleikatengsl og hömlur bresta um
stundarsakir og það er að mínu mati það sem
gerðist á óheillastundinni."
Sálfræðingur og geðlæknir voru á einu máli um
að morðinginn myndi verða fyrir skaða af lang-
vinnri fangelsisvist og myndi geðheilsa hans og fé-
lagslegur og andlegur þroskaferill hans biða tjón
af.
Þrátt fyrir góðar fyrirbænir sérfræðinga og við-
varanir um skaða af fangelsisvist dæmdi héraðs-
dómur hann til að sitja í fangelsi i 14 ár til að
gjalda fyrir augnablikssturlun sem kostaði unga
konu lífið i Kópavogi. Hæstiréttur staðfesti dóm-
inn. -PÁÁ