Dagblaðið Vísir - DV - 30.11.2002, Blaðsíða 44

48
Helqarblað DV LAUGARDAGUR 30. NÓVEMBER 2002
1. desember og aðventan:
Til að undirbúa
móttöku Frelsarans
Heiminum er ekki ásköpuð trú til hryðjuverka og hernaðar
heldur til uppbyqginqar og eininqar
íKristi til kærleiksríkra verka.
(Róm. 13.12. Jh. 17.21. 2. Kor. 5.19.)
Heimsbyggð þyrmdi allri yfir
ellefta dag september.
Hryðjuverka hófst þá styrjöld
heimur því sem gísl nú er.
Vitfirringin, vegsummerkin
voða-myrkan gerðu dag.
Finnum ljós með afl og anda
upp að lýsa samfélag.
* * *
Allra mesta sögð er sagan
sem og skráð um Jesú Krist.
Lausnarann og ljósið heimsins,
lífið stærst - í hjörtun rist.
Líkt og ein er hirðis hjörðin
heildin ein er leiötogans.
Ein er heilög almenn kirkjan
eingöngu í nafni hans.
Elska Guðs er öll í Kristi,
Ó, - það vitrist heiminum:
Iðrun, trúin, endurfæðing,
allt þrennt gefið syndurum.
Elskaðu þinn óvin jafnan,
ofsækjendum fyrir bið.
Fjandskapinn þá folna sérðu,
friður heimsins blasir við.
Andinn kom á hvítasunnu,
kirkju vora eina gaf.
Sáð var og til samkirkjunnar,
sem er frumrót kirkju af.
Stofnhátíð á stefnumarkið,
stefnum þvi í sömu átt.
Látum andann leiða’ oss saman,
lausnin kemur á þann hátt.
Fimmtiu og fjögur árin
fékk þúsöldin til viðbótar.
Ein þá heildin - kristin kirkja
klofin fyrst í sundur var.
Aldir liðu oft í villu,
um vorn Guð menn deildu hart.
Pétur Sigurgeirsson
Ofbeldi og yfirgangur,
útlit heimsins gerði svart.
Heimsstyrjalda hálf leið öldin
helju næst fór jarðlíf þá.
Stríðum tveimur loks var lokið,
lífstrú jókst þá Drottin á.
Félagsandinn fékk þá byrinn,
fáir hefðu trúað því.
Alheims tengdust - tvö þau urðu -
trúarsambönd kirkju í.
Lúterskt hófst þaö Heimssambandið
hálf nær öld sú liðna var.
Síðan kom Ráð Alkirkjunnar
eru lúterskir og þar.
Vilja Guðs með vandann leysum
vantar ei þá daglegt brauð.
Jöfnum kjörin - jarðar gæðin.
Jesús! Hans er öll vor nauð.
Lútersk - kaþólsk - kirkju nefndin,
Kriststrú ræddi’ af lííi’ og sál.
Áratugi þrjá var þingaö,
þá var deilan útrætt mál.
Öll var nefndin eitt í trúnni
og þá forlát gagnkvæmt var.
Þetta staðfest stund úr degi.
Stór var lausnin komin þar.
Kirkju siðir sundri eigi,
síður erfi-kenningar.
Yfirskyggi auðvaldshyggjan
ekki kristið hugarfar.
Aleinn stofninn eitt tré hefur,
eitt í honum greinarnar,
svo er Kristur kirkjustofninn,
koma þaðan deildirnar.
Þúsund ára klofin kirkja,
koma skil nær öld er hálf.
Alkirkjan sé allra deilda,
aðild næst, er viljum sjálf.
Stefnum áfram staðfóst saman,
stöðva ekkert svar Guðs má.
Samstillt vér i átökunum,
öllu máli skiptir þá.
* * *
Allra mesta sögð er sagan,
sú án enda lifað fær.
Vér ei skiijum eilífðina,
en í trú hver þangað nær.
Guð í Kristi sig við sætti,
sjálfan heiminn - oss í trú.
Guðs til eigum aðeins skrefið.
Ó - þaö tökum hér og nú.
(Allra mesta sögð er sagan er þýðing á
heiti bókar eftir Fulton Orstler, The Greatest
Story Ever Told.)
Pétur Sigurgeirsson
Opna
galleríið opið
Laugardaginn 30. nóvember mun
Opna galleríið vera á laugavegi 24,
þar sem áður var verslunin NN
Boutique. Opna galleríið hefur ver-
ið starfrækt einu sinni í mánuði
siðan í apríl og nú síðast á Lauga-
vegi 32 þar sem um 20 myndlistar-
menn sýndu. Það hefur áunnið sér
fastan sess í menningarlífi mið-
borgarinnar, en aðstandendur hafa
fundið því ólík tóm húsnæöi við
Laugaveginn hverju sinni. Opna
galleríið er nýstárleg leið til að
miðla samtímamyndlist og mætti
líkja við gjörning eða uppákomu,
því það er ófyrirsjáanlegt og bygg-
ir á nánu sambandi listamanns og
áhorfanda.
Myndlistarmenn mæta, hver
sem vill, á sýningardag og setja
upp verk sin milli 13 og 14, eða
mæta á opnunartíma ef um gjörn-
ing er að ræða. Þeir sýna sér að
kostnaðarlausu. Húsið er opnað
fyrir almenning kl. 14, lokar kl. 18
þegar verkin eru tekin niður og
eru sýnendur yfirleitt á svæðinu
til skrafs og upplýsinga fyrir þá
sem langar að skoða ferska mynd-
list og gæða sér á léttum veiting-
um.