Dagblaðið Vísir - DV - 17.05.2003, Blaðsíða 42

-42
Helqarblctð I>V LAUCARDAOUR IV. MAÍ 2003
Ekki með
sítt skegg
í gæruúlpu
Hallgrímur Oskorsson, verkfræðinqur og
ráðgjafi, steiq óvænt fram ísviðsljósið
þegar lag hans, Segðu mér allt, var valið
sem framlag íslands íEurovision-
söngvakeppninni. Hallqrímur spjallaði við
DV áður en hann hélt afstað til Riga með
fríðu föruneyti.
Það eru sennilega rösklega 1000 ár síðan íslenskir
víkingar gerðu strandhögg í héruðum við innanvert
Eystrasalt og voru hagvanir í Garðaríki eins og þeir
kölluðu Rússland og mörkuðu spor sín í borgir sem
þeir kölluðu Kænugarð og fleiri staði sem síðan hafa
risið til vegs og virðingar.
Á morgun flýgur stór hópur íslendinga til Riga í
Lettlandi í fótspor víkinganna og er meö svipuð áform
á prjónunum og þeir, því helst vilja þeir gera nokkurs
konar strandhögg.
í Riga fer söngvakeppni evrópskra sjónvarpsstöðva
fram eftir rétta viku. Framlag íslands er lagið Segðu
mér allt eða Open your heart eftir Hallgrím Óskars-
son í flutningi Birgittu Haukdal. Þaö má áreiðanlega
halda því fram að íslendingar hafi ekki áður sent
keppanda sem nýtur eins útbreiddra vinsælda meðal
þjóðarinnar eins og nú.
Þótt margt sé skrafaö um Eurovision-söngvakeppn-
ina má fullyrða að öll þjóðin setjist saman fyrir fram-
an sjónvarpið og horfi. Götur Reykjavíkur tæmast svo
rækilega af umferð þetta kvöld að það þarf að fletta
upp á jólunum til að finna hliðstæðu og Eurovision-
partí eru orðin ómissandi þáttur á skemmtanaalman-
aki hvers heimilis.
Föruneyti lagsins
Hallgrímur Óskarsson, höfundur lagsins, er ekki
tónlistarmaður að atvinnu heldur verkfræðingur og
ráögjafi. Hann settist niður með blaðamanni DV í
fundarsal við Suðurlandsbraut og við byrjuðum á að
fara yfir það hverjir fara til Riga fyrir íslands hönd.
Það er í fyrsta lagi aðalstjaman, Birgitta Haukdal
sem syngur. Síðan er það Jóhann Bachmann trommu-
leikari og unnusti Birgittu. Vignir Snær Vigfússon
leikur á gítar og Herbert Viðarsson leikur á bassa.
Margrét Eir og Regína Ósk syngja bakraddir. Þeim til
fulltingis er Svavar Örn sem stundum hefur haft
starfsheitiö tískulögga en hann mun sjá um hár og
fóröun. Þorvaldur Bjami Þorvaldsson tónlistarmaður
útsetti lagið og verður hljóðmeistari en Selma Bjöms-
dóttir stjómar framkomu hópsins á sviði. Frá Ríkis-
sjónvarpinu fara Jónatan Garöarsson sem er formað-
ur og leiðtogi sendinefndarinnar, Gísli Marteinn
Baldursson sem verður kynnir og Logi Bergmann
sem flytur fréttir af keppninni. Allur hljóðfæraleikur
Hallgrímur Óskarsson. höfundur Eurovision-lagsins, er verkfræðingur, ráðgjafi og Ijóðskáld. Hann segir að
sköpunargáfan nýtist á mörgum sviðum.
verður reyndar af bandi þegar lagið veröur flutt en
söngur og bakraddir verða „live“ eins og það er kall-
að.
Hallgrímur segir að það sé talsvert kostnaðarsamt
að senda leiðangurinn til Riga en segist í raun ekki
vera aö leggja mikið undir því hann hefur haldið
kostnaðinum innan þess ramma sem Ríkisútvarpið
setur fulltrúa sínum í þessari keppni.
„Við erum fulltrúar lands og þjóðar og mér skilst
að kostnaði sé haldið i lágmarki miðað við framlag
margra annarra þjóða en þetta verður allt í lagi. Ég
geri í raun samning við RÚV um framkvæmd þessa
verkefnis og þeir leggja fram ákveðna upphæð,“ segir
Hallgrímur.
„Það þarf ákveðna útsjónarsemi til þess að geta
gert þetta innan rammans."
Ómálefnaleg umræða
- í kjölfar undankeppninnar varð hávær umræða
um að lagiö væri í raun stolið og líktist tilteknu lagi
með listamanninum Richard Marx meira en hægt
væri að sætta sig við. Þessi umræða náði því flugi að
Hallgrímur ákvað að senda lagið til sérstakrar nefnd-
ar á vegum sambands sjónvarpsstöðva í Evrópu sem
tekur afstöðu í vafamálum af þessu tagi. Sú nefnd
taldi lögin ekki vera of lík og lagði þannig blessun
sína yfir verkefnið ef svo má segja.
Það er áreiðanlega sanngjamt að skilgreina sam-
band þjóðarinnar við keppanda sinn í þessari keppni
sem ástar-haturssamband og mætti rökstyðja það í
löngu máli án þess að það verði gert hér. Fann Hall-
grímur það ekki glöggt í umræðunni um það hvort
lagið væri stolið eða ekki?
„Við höfum ekki gert neinar breytingar á lagasmíð-
inni sjálfri þótt útsetningin verði svolítið breytt frá
því sem áður var. Ég virði auðvitaö þær skoðanir sem
hver og einn vill hafa á þessu lagi. Mér fannst umræð-
an vera svolítið ómálefnaleg á köflum. Það voru allir
til í að ræða þetta mál í eina viku en þegar niðurstað-
an kom frá EBU þá sýndu menn lítinn áhuga á að
fjalla um hana.
Margir þeirra sem héldu þessari umræðu á lofti
eiga ákveðinna hagsmuna að gæta sjálfir í þessum
efnum. Margir sem eru tónlistarmenn að atvinnu
hafa hnýtt því í mig að ég eigi ekki að vera að skipta
mér af þessu. Mér fmnst það í rauninni sjálfsagt en
þá þarf líka að taka fram í reglunum að keppnin sé
aðeins fyrir atvinnumenn í tónlist," segir Hallgrímur
og virðist frekar rólegur yfir þessu öllu saman.
Sjálfmenntaður Akureyringur
Hann er áhugamaður i tónlist og er nánast sjálf-
menntaður á gítar og píanó og segist semja jöfnum
höndum á bæði hljóðfærin. Hann ólst upp á Akureyri
og er næstelstur fimm systkina sem öll fást viö tónlist
með einum eða öðrum hætti sér til skemmtunar eða
afþreyingar.
Hallgrímur segist hafa farið einu sinni á stutt gít-
amámskeiö og lét það nægja en grúskaði sjálfur í tón-
list og tónfræði. Það gerði honum kleift að nema tón-
fræði við Tónlistarskólann á Akureyri þegar hann
vantaði nokkra punkta til að Ijúka stúdentsprófi frá
Menntaskólanum þar. Það stutta námskeið segir hann
að hafi reynst sér vel og skilaði honum í raun á
fimmta stig í tónfræði vegna sjálfsnámsins.
„Ég hef alltaf unað mér við tónlist og hef fiktað við
að semja frá því ég eignaöist mitt fyrsta hljóðfæri. Ég
Þetta er sýnishorn af Ijóölist Hallgrims en þetta Ijóö er
aö flnna á diskinum Hugurinn heima sem kom út 1996
og er tileinkaö móöur Hallgríms, Gunnhildi Jóhannes-
dóttur.
Móðurást
HALLGRÍMUR ÓSKARSSON
Ég lœöist um og lífiö heilsar mér.
Ég legg mitt traust á þig í heimi hér.
Ef þreytan bugar mig
og þungar draumfarir
sá frœjum frostgolunnar
í fylgsni hugarheimsins.
Þá heyrast orðin þín
og hjálpin bíöur mín.
Svo blítt þú sefar mig,
ég syng um þig.
Þú fóstrar mig.
Þú leggur hönd á lítið barnatár
og leiöir mig um öll mín œskuár.
Þó blási mótvindar
og megnar spurningar
þjóti um lendur mínar
og lami hugsjónirnar.
Þú opnar hjarta þitt
þaö hefur þrautir stytt.
Aldrei ég þarf aö þjást
ef móðurást
heldur um mig.
veigra mér nú viö að segja að ég kunni eitthvað á pí-
anó þótt ég semji stundum á þaö.
Afi minn í fóðurætt var Alfreð Þórðarson, tónskáld
og tónlistarmaður í Vestmannaeyjum. í minni móður-
ætt hefur verið nokkuð um listarfólk, m.a. skáldið
góða frá Hrauni í Öxnadal. Ásta systir lauk námi í
flðluleik, Gunnar bróðir minn er slagverksleikari og
Fanney systir mín, sem býr í Ameríku, hefur lært
söng og Jóna Birna, sem býr á Akureyri, hefur sung-
ið mikið og fiktað við málaralist með mjög góðum ár-
angri að mínu mati.“
Ljóðagerð og raungreinar
Hallgrímur segist vera þakklátur fyrir að hafa alist
upp á Akureyri þar sem hann segir að hafi verið gott
að alast upp. Hann segir að námið í Menntaskólanum
hafi glætt mjög áhuga hans á kveðskap og ljóðlist þótt
hann hafl verið á raungreinabraut.
„Ég var svo heppinn að njóta kennslu Gísla Jóns-
sonar síðasta árið sem hann kenndi viö MA og þaö
var ótrúleg upplifun að vera hjá honum í tímum. Jón
Már Héðinsson, nýr rektor MA, kenndi mér síðan það